ئه‌ڤرۆ نیوز:
یاسین مه‌حمود په‌یڤدارێ ئێكه‌تیا وه‌به‌رهێنانا كوردستانێ دیاركر زێده‌تر ژ سێ هزار و 200 به‌لێنده‌ر و كومپانیا ژبه‌ر قه‌یرانا داراییا سه‌ر ب هه‌رێمێ دا هاتی، بێ كار مایى نه‌.
سه‌باره‌ت بێكاربوونا كارمه‌ندێن كومپانیێن ئه‌هلى، یاسین مه‌حمود گۆت” ل ده‌ستپێكا ئه‌ڤ ساله‌ 380 هزار كارمه‌ندان ل كومپانیان كار دكر، به‌لێ ژبه‌ر قه‌یرانا دارایى، نێزیكى 300 هزار كارمه‌ند ژ كارێ هاتینه‌ دوورخستن “.
نوكه‌ پرۆژه‌ قانوونا بودجێ سالا 2015 یێ عیراقێ یێ ل په‌رله‌مانى، ب په‌سه‌ندكرنا ڤى بودجه‌ى، تا راده‌كێ دێ بزاڤا بازرگانى و ده‌لڤێن كاركرنێ په‌یدا بن.
ژێده‌ر: تورا میدیا خه‌لك

ئه‌ڤرۆ نیۆز:
ئه‌حمه‌د خدر جێگرێ رێڤه‌به‌رێ لقێ هه‌ولێر یێ به‌نكا ناوه‌ندیا هه‌رێما كوردستانێ راگه‌هاند كو ل هه‌یڤا بهێت وه‌ره‌ هه‌تا په‌سه‌ندكرنا بودجێ 2015، به‌غدا دێ هه‌یڤانه‌ ترلیونه‌ك و 200 ملیار دیناران بۆ كوردستانێ هنێریت.
ئه‌حمه‌د خدر گۆت” ب هاتنا ڤى پاره‌ى، دێ پرۆسا به‌لاڤكرنا موچه‌ى ب ساناهیتر لێ هێت، وه‌كو سه‌رۆكێ حكومه‌تا هه‌رێمێ راگه‌هاندى، ره‌نگه‌ هه‌تا هه‌یڤا شوباتا سالا بهێت دووماهى ب كێشا پاشكه‌تنا موچه‌ى بهێت.

ئه‌ڤرۆ نیوز:
وه‌زیرێ بارزگانى و پیشه‌سازى یێ حوكمه‌تا هه‌رێما كوردستانێ داخوازێ ژ بازرگان و وه‌به‌رهێنه‌ران دكه‌ت كو كار بۆ دروستكرنا هێلێن ئاسنى د ناڤبه‌را وه‌لاتێن توركیا و ئیرانێ و باژێرێن ناڤخویێن كوردستانێ بكه‌ت.
سامال سه‌ردار وه‌زیرێ بارزگانى و پیشه‌سازى یێ حوكمه‌تا هه‌رێما كوردستان د كونگره‌كێ رۆژنامه‌ڤانى دا گۆت: پلانا مه‌ ئه‌وه‌ ل گه‌ل دروستكرنا باژێرێن پیشه‌سازیێین هه‌ولێر و دهۆك و سلێمانێ، مه‌ پێشنیازكریه‌ بۆ ئه‌نجومه‌نێ ئابووریێ حكومه‌تا هه‌رێمێ كو داخوازێ ژ بارزگان و سه‌رمایه‌داران بكه‌ت كو دبیاڤێ هێلا شه‌مه‌نده‌فرێ دا سه‌رمایه‌گوزاریێ بكه‌ن.
سامال سه‌ردار دیاركر ئه‌گه‌ر هێلا شه‌مه‌نده‌فرا دناڤبه‌را توركیا و ئیران و باژێرێن كوردستانێ ب دووماهى بهێت، گرنگیا خوه‌ بۆ وه‌لاتى و بازرگانان هه‌یه‌ ژبه‌ر كو كرێیا ڤه‌گوهاستنا گه‌ل و په‌لان ل سه‌ر بازرگانان دێ ئه‌رزانتر كه‌ڤیت و دێ كه‌ل و په‌ل ل سه‌ر وه‌لاتیان ژى ئه‌رزان بن.