ئه‌ڤرۆ نيوز:
ئه‌ڤرۆ هێزه‌كا تايبه‌ت ژ پێشمه‌رگێ كوردستانێ ژ هه‌ولێرا پايته‌خت ب رێكه‌فت و به‌ر ب كۆبانێ ڤه چوو و ل هه‌موو جهان پێشوازيه‌كا گه‌رم لێ هاته كرن.
ديمه‌نێن ڤێ ڤيديۆيێ ژى ژ په‌يجێ گه‌نجه‌كى ب ناڤێ شڤان هرۆرى ل سه‌ر تۆرا جڤاكيا فه‌يسبۆكێ هاتيه وه‌رگرتن.
ھەولێر، قائید میرۆ:
ئەمریک دێ دو بنگەھێن سەربازی لھەرێما کوردستانێ چێکەت و بۆڤێ مەرەمێ دەمەکێ نێزیک دێ دەست پاقژکرنا فڕۆکەخانا ناحیا ھەریر ھێتەکرن و نوکە یێ کار بۆ چۆلکرناڤێ دکەن، ھەروەسا پێشبینی تێتەکرن بنگەھەکێ دی یێ سەربازی ل ناحیا بامەڕنێ بھێتە ڤەکرن.
ژێدەرەکێ ئاگەھدار بۆ رۆژناما ئەڤرۆ دیارکر، دەمەکێ نێزیک دێ دەست چێکرنا بنگەھەکێ سەربازیێ ئەمریکی لھەرێما کوردستانێ ھێتەکرن و گۆت” بڕیارە دەمەکێ زۆرێ نێزیک بنگەھەکێ سەربازیێ ئەمریکی ژلایێ سوپایێ ئەمریکا ل سنورێ پارێزگەھا ھەولێرێ بھێتە ئاڤاکرن و ئەف بنگەھە دێ بۆ فڕینا فڕۆکەیێن ئەمریکا و ھەڤپەیمانبیت، ئەوژی بۆ لێدانا چەکدارێن داعش دێ ھێتە بکارئینان، کو دێ ل دەشتا ھەریرێ بیت و بەری سەرھەلدانێ ژی فڕۆکەخانا سەربازیا رژێما بەعسیان بوویە،کۆمپانیایەکا تورکی یا کارێ چێکرنا جووتسایدێ ھەولێر_ ئاکرێ دکەت، فڕۆکەخانە وەکی کەمپێ حەواندنێ بۆ خوە بکار د ئینا، بەلێ ھاتیە ئاگەھدارکرن دەمەکێ نێزیک بھێتە چۆلکرن و دێ دەست ب دانانا بنگەھێ سەربازیێ ئەمریکی ھێتەکرن، چونکی دەمێ پرۆسا ئازادکرنا عێراقێ ژی سەربازێن ئەمریکی ئەف بنگەھەکێ بۆ خوە بکار تینا و جھەکێ گونجایە بۆ رێڤەچوونا مەشقێن سەربازی و دانانا فڕۆکەیان”.
ئەڤی ژێدەری کونەڤیا ناڤێ وی بھێتە بەلافکرن ئەویەکژی خویاکر، ئەگەرێن زۆر ھەنە بنگەھەکێ دیێ سەربازی ل ناحیا بامەڕنێ یا سەر ب پارێزگەھا دھۆکێ بھێتە ڤەکرن، چونکو ئێک ژ ئاریشەیێن وەشاندنا گورزێن سەربازی ل بنگەھێن داعش دیریا فڕۆکەخانەیێن سەربازیە و بەری نوکەژی فەرماندەیێن سوپایێ ئەمریکا ئەف چەندە ب وەزارەت و حوکمەتا ھەرێمێ راگەھاندبوو، کو وان جھەکێ نێزیک نینە بۆ گەھاندنا فڕۆکە و پێدڤیێن سەربازی بۆ ھەرێما کوردستانێ و ھەردو لایەن رێکەفتینە لسەر ڤەکرنا بنگەھێن سەربازی”.
ئه‌ڤرۆ نیۆز:
ئه‌ڤرۆ سه‌رۆكێ هه‌رێما كوردستانێ مه‌سعود بارزانى ل گه‌ل جه‌نه‌رال لوید ئۆستن فه‌رماندێ فه‌رمانده‌یا له‌شكرێ ئه‌مریكى و شاندێ ل گه‌ل دا كومبوو.
ل ده‌ستپێكا هه‌ڤدیتنێ دا جه‌نه‌رالێ ئه‌مریكى لوید ئۆستن پیرۆزباهیا سه‌رۆك بارزانى ب هه‌لكه‌فتا سه‌ركه‌فتنێن مه‌زن یێن پێشمه‌رگه‌ى ب سه‌رۆكاتیا بارزانى ل به‌رۆكێن شه‌رێ دژى داعشێ كرن، هه‌ڤده‌م هه‌ڤخه‌میا خوه بۆ خێزانێن شه‌هیدێن پێشمه‌رگه‌ى یێن گیانێ خوه كرینه قوربان ده‌ربڕى.
جه‌نه‌رال ئۆستن هه‌روه‌سا گۆت: هێزێن پێشمه‌رگه‌ى ل دورهێلى شیان ئه‌فسانه‌یا داعشێ بشكێنن، هێزا وانا كریه هێزكا شكه‌ستى و نه‌شیان خوه ل مه‌یدانێن شه‌رى بگرن، سه‌ركه‌فتنێن پێشمه‌رگه‌ى ل ره‌بیعه و زومار هێزا داعشێ به‌ربه‌لاڤكرن و هه‌موو وڕه‌یا وان ژده‌ستدان.
فه‌رماندێ فه‌رمانده‌یا ئه‌مریكى به‌رهه‌ڤیا هێزا وه‌لاتێ خوه بۆ پشته‌ڤانیا پێشمه‌رگه‌ى و هاریكاریا شپته‌ڤانیا ئه‌سمانى بۆ هه‌ر جهه‌كێ پێشمه‌رگه‌ى بڤێت هێرشێ بكه‌نه سه‌ر و پێشڤه‌چوونێ لێ بكه‌ن دیاركر.
ژ ئالیه‌كێ دیڤه جه‌نه‌رال ئۆستن سۆپاسیا سه‌رۆك بارزانى كر، سه‌باره‌ت هاریكاریا له‌شكرى یا بۆ باژێرێ كوبانێ هنارتى.
هه‌روه‌سا سه‌رۆكێ هه‌رێما كوردستانێ مه‌سعود بارزانى بخێرهاتنا جه‌نه‌رال ئۆستن و شاندێ ل گه‌ل دا كر، و سوپاسیێن خوه ئاراسته‌ى ئه‌مریكا و هه‌ڤپه‌یمانیا نێڤده‌ولى بۆ پشته‌ڤانیا له‌شكرى كرن، سه‌باره‌ت به‌رۆكێن شه‌رى و ره‌وشا پێشمه‌رگه‌ى.
سه‌رۆك بارزانى گۆت: داعش هێزا به‌رهنگاربوونێ ژ ده‌ستدایه، نها ئیردا ملله‌تێ كوردستانێ و هێزا پێشمه‌رگه‌ى ب هێزتره ژ هه‌موو ده‌مێن دى بۆ پاراستنا كوردستانێ و پاشڤه برنا تیرۆرستێن داعشێ، هه‌ڤده‌م خوه‌شحالیا خوه ده‌ربڕى ب خوه‌راگریا شه‌رڤانێن كوبانێ، و سوپاسیا هێزێن ئه‌مریكى بۆ هاریكاریا له‌شكرى یا كاریكه‌ر ل كوبانێ ده‌ربڕى.
ئه‌ڤرۆ نیۆز:
ل سه‌ر تۆڕێن پشته‌ڤانیا چه‌كدارێن داعشێ دكه‌ن، ده‌نگوباسێ كوشتنا به‌رپرسه‌كێ هه‌والكگیریا داعشێ ل به‌عاج هاته راگه‌هاند، به‌لێ ل گۆر ژێده‌رو پێزانێن راست و دورست كو ئه‌ڤرۆ نیۆز دڤچوونا وانا كرین ئه‌و به‌رسێ ب ناڤێ (ئه‌بو ئیسرا) كو سه‌ركرده‌كێ هه‌والگیریا داعشێ یه ل شه‌رێ زممار هاتیه كوشتن.
ئه‌ڤرۆ نیۆز، عدنان رێكانى:
ژێده‌ره‌كێ ژ ناڤه‌ندا باژێرێ مووسل كو نه‌ڤیا ناڤێ خوه ئاشكرا بكه‌ت بۆ ئه‌ڤرۆ نیۆز راگه‌هاند، پشتى وان شكه‌ستنێن ب سه‌رێ چه‌كدارێن داعشێ دا هاتین، ل ناڤه‌ندا باژێرێ مووسل و ئالیێ باشور و رۆژئاڤایا مووسل جاره‌كا دى ده‌ست ب دانانا دیواێن كونكریتى كرینه، ژترسا هێرشێن پێشمه‌رگه‌ى ل سه‌ر پارێزگه‌ها نه‌ینه‌وا.
ژێده‌رى هه‌روه‌سا خوه‌یاكر، چه‌كدارێن داعشێ ب رێیا ترۆمبێلێن بارهلگر و ترۆمبێلێن راكرن و دانانا قالبێن كونكریتى یێن باژێرڤانیا مووسل ده‌ست ب ڤه‌گوهاستن و دانانا دیوارێن كونكریتى ل جادێن سه‌ره‌كى و ده‌ڤه‌را به‌عاج و گیاره و حه‌زه‌ر و نه‌مرود كرن، زێده‌بارى دانانا ره‌بیا و خالێن چاڤدێریێ ل نێزیكێ وان ساترێن شه‌رى داناینه بۆ هندێ به‌رهنگارى هێرشێن پێشمه‌رگه‌ى ببن.
هه‌ژى گوتنێ یه چه‌كدارێن داعشێ ده‌مێ باژێرێ مووسل كونترۆل كرین ئه‌و دیوارێن كونكریتى هه‌موو راكربوون و سۆز دا بوو خه‌لكێ باژێرێ مووسل ئه‌و دیوارێن كونكریتى ل باژێرێ مووسل ب ئێكجارى نه‌مینن و ئه‌و نه‌بینن.
ئه‌ڤرۆ نیۆز:
نڤیسینگه‌ها سه‌رۆك وه‌زیرێن عیراقا فیدرال راگه‌هاند، جڤاتا وه‌زیرێن عیراقێ بودجا سالا 2014 و 2015 و میكانیزما بله‌ز په‌سه‌ندكرنا وانا گه‌نگه‌شه‌كرن، هه‌روه‌سا دیاركر بۆچوونێن رژد ل سه‌ر په‌سه‌ندكرنا بودجا سالا 2014 ب زوورتین ده‌م بهێته ئه‌نجامدان هه‌نه.
رافد ئه‌لجبورى په‌یڤدارێ ب ناڤێ نڤیسینگه‌ها سه‌رۆك وه‌زیران حه‌یده‌ر عه‌بادى دداخوه‌یانیه‌كێ دا گۆت: جڤاتا وه‌زیران بودجا سالێن 2014 و 2015 و میكانیزما بله‌ز په‌سه‌ندكرنا وان گه‌نگه‌شه‌كرن، هه‌ڤده‌م ئاماژه‌دا، دڤێت بله‌ز ئه‌و كار بهێته ئه‌نجامدان ژ ئالیێ جڤاتا نوونه‌رێن عیراقا فیدرال ڤه، زێده‌بارى جڤاتا وه‌زیران بڕیارا دامه‌زراندنا لیژنه‌كا بلند بۆ ب دووماهى ئینانا ره‌شنڤیسا په‌یره‌وێ ناڤخویێ جڤاتا وه‌زیران كو د روونشتنا بهێت ده‌نگدان ل سه‌ر بهێته كرن.
ئه‌ڤرۆ نیوز، سالار دۆسكى:
په‌یڤدارێ ده‌زگه‌هێ مین هه‌ولێرێ دیاركر كو ئه‌ڤرۆ سێشه‌مبى چار كارمه‌ندێن ده‌زگه‌هێ مین ل ناحیا زومار شه‌هیدبوون كو مژوولى راكرن و پووچكرنا مینان بوون.
ئاكو عه‌زیز په‌یڤدارێ ده‌زگه‌هێ مین هه‌رێما كوردستانێ دپه‌یچێ خوه‌یێ تایبه‌ت فێسبووكى دا دیاركریه كو ژ ئه‌نجامێ پشكداریكرنا تیمێن ده‌زگه‌هێ مین مل ب ملێ هێزێن پێشمه‌رگێ كوردستانێ ڤه ل به‌رۆكێن شه‌رى، دژى تیرۆرستێن داعش، د پرۆسا پووچكرنا مین و ته‌قه‌مه‌نیان دا، ته‌قینه‌ك چاندنى ب تیمه‌كێ رێڤه‌به‌ریا گشتى یا كارۆبارێن مینان دهۆكێ ل ده‌ڤه‌را زومارپه‌قى چه‌ندین شه‌هیدد و بریندار پشست خوه هێلان.
ئاكۆ ئاشكراكر ژى كو كه‌سانێن شه‌هید بووین بناڤێ(وه‌لید ئه‌حمه‌د خالد ، هاریكاریێ رێڤه‌به‌رێ بۆ كارۆبارێن ته‌كنیكى، مه‌رعان ئه‌حمه‌د، رێڤه‌به‌رێ چالاكیان، فه‌رهاد زوبێر عه‌لى كارمه‌ندێ پووچكرنا ته‌قه‌مه‌نیان، به‌هجت محه‌مه‌د یاسین، شوفێر) دیسا (نزار عه‌لى، رێگر الشافى)كارمه‌ندێ راكرنا مینان وبرینداربوون.
دگه‌ل شه‌هیدبوون و برینداربوونا ئه‌ڤا كارمه‌ندێن راكرنا مین و ته‌قه‌مه‌نیان، په‌یڤدارێ ده‌زگه‌هێ مین هه‌رێما كوردستانێ دووپاتكرن كو دێ دگه‌ل هێزێن پێشمه‌رگێ كوردستانێ ل به‌رۆكێن شه‌رى به‌رده‌وام بن بۆ پاقژكرنا مین و ته‌قه‌مه‌نیان .
ئه‌ڤرۆ نیۆز:
سه‌رۆك وه‌زیرێن توركى ئه‌حمه‌د داود ئوگلو گۆت: به‌لا هنده‌ك چاڤه‌رێ نه‌بن كو وه‌لاتێ وى هێزێن خوه ره‌وانه‌یى كوبانێ بكه‌ت، دوپاتكر بتنێ به‌رهنگاریا سورى و هێزێن پێشمه‌رگه‌ێن كوردێن عیراقێ شیانێن قورتالكرنا باژێرێ كوبانێ ژ ده‌ستێن چه‌كدارێن داعشێ هه‌یه.
داود ئوگلوى هه‌روه‌سا گۆت: فرۆكێن ئه‌مریكى بۆ ده‌مێ چه‌ند حه‌فتیانه دربێن خوه دادوه‌شیننه چه‌كدارێن داعشێ نێزیكى كوبانێ، به‌لێ دربێن ئه‌سمانى بتنێ به‌س نینه بۆ راگرتنا هێرشێن داعشێ.
سه‌رۆك وه‌زیرێن توركى د هه‌ڤدیتنه‌كێ دا ل گه‌ل (BBC) دا ئاشكراكر، پێدڤیه كارێ هێرشه‌كا په‌یاده بۆ قورتالكرنا كوبانێ بهێته ئه‌نجامدان، به‌لێ داود ئوگلوى دیاركر، به‌لێ توركیا و هه‌ڤپه‌یمانێن رۆژئاڤا بكارێ وێ هێرشا په‌یاده رانابن.
هه‌روه‌سا ئوگلوى خوه‌یاكر، هه‌كه هێزێن هه‌ڤپه‌یمانان نه‌ڤێت هێزێن په‌یاده یێن خوه بۆ كوبانێ ب هنێرن ئه‌و چه‌وا دێ وێ داخوازێ ژ توركیا كه‌ن.
ئه‌ڤرۆ نیۆز، عه‌دنان رێكانى:
ژێده‌ره‌كێ به‌رپرس ژ پێشمه‌رگه‌ى تایبه‌ت بۆ ئه‌ڤرۆ نیۆز ئاشكراكر، خه‌لیفێ داعشێ ئه‌بو به‌كر به‌غدادى د هێرشێن ئه‌سمانى یێن هێزێن هه‌ڤپه‌یمانان ل سه‌ر باژێرێ مووسل هاتیه بریندار كرن.
به‌رپرسێ راگه‌هاندنا لقا مووسل یا پارتى دیموكراتى كوردستان سه‌عید مه‌موزینى دداخوه‌یانیه‌كێ بۆ ئه‌ڤرۆ نیۆز گۆت: ل گۆڕ پێزانێن مه یێن د ناڤه‌ندا باژێرێ مووسل هێرشێن ئه‌سمانى یێن ل سه‌ر ده‌زگه‌هێ كندى هاتینه ئه‌نجامدان ئه‌بو به‌كر به‌غدادى دوان هێرشان دا بریندار بوویه ب مه‌ره‌ما چاه‌ركرنێ و بۆ جهه‌كێ نه‌دیار هاتیه ڤه‌گوهاشتن.
سه‌عید مه‌موزینى هه‌روه‌سا خوه‌یاكر، چه‌كدارێن داعشێ پشتى بریندار بوونا خه‌لیفێ وان تووشى بێ ئومێدیێ بووینه نه‌خاسمه شكه‌ستنێن ئێك ل دووڤ ئێك یێن مه‌یدانا شه‌رى ژى هه‌نه و یا ژ هه‌موو یان مه‌زنتر ئازدكرنا ناحیا زومار بوویه، كو ئه‌جامێ وى شه‌رى ب سه‌ده‌هان كوشتى و بریندار ژ چه‌كدارێن داعشێ هه‌بوون، یێن مایى ژى تووشى ترس ه له‌زه‌كا مه‌زن بووینه ژ دربێن پێشمه‌رگه‌هێ قاره‌مان.
ئه‌ڤرۆ نیۆز:
سه‌رۆكێ ئه‌كادیمى یا كوردى یا زمانان د. نورى تاله‌بانى دوپاتكر، په‌سه‌ندكرنا قانوونا زمانان ل هه‌رێما كوردستانێ ژ ئالیێ په‌رله‌مانێ هه‌رێمێ ڤه كاراكرنا مادێ 4 یێ دستورێ عیراقێ یه ل هه‌رێمێ ب شێوه‌كێ پراكتیتكى.
دكتور نورى هه‌روه‌سا گۆت: ل گۆڕ مادێ چار یێ دستورێ عیراقێ هه‌ردو مانێن كوردى و عه‌ره‌بى زمانێن سه‌ره‌كى یێن عیراقێ نه ل گه‌ل زمانێ دى یێن توركمانى و سریانى.
زێده‌بارى وێ نورى تاله‌بانى دیاركر، مه‌ره‌م ژ به‌رهه‌ڤكرن و په‌سه‌ندكرنا قانوونا زمانان ل هه‌رێما كوردستانێ ژ ئالیێ په‌رله‌مانێ هه‌رێمێ ڤه بتنێ كاراكرنا مادێ 4 یێ دستورێ عیراقێ یه وبجهئینانا وێ بشێوه‌كێ دورهێلى ل هه‌رێما كوردستانێ.
نيشاندان