نووترين نووچه
- سەرۆك بارزانی: هەكە ئەم ب خوە نەبین كەس مە ناپارێزیت
- د دژوارترین قووناغان دا مام جەلال دەنگێ تێكگەهشتن و پێكڤەكاركرنێ بوو
- سەرۆكێ حوكمەتا هەرێمێ و بالیۆزێ كرواتیایێ ب هێزكرنا پەیوەندییان گەنگەشەكر
- سیروان بارزانی: مووچەیێ پێشمەرگەی ناگەهیتە نیڤا مووچەیێ لەشكەرێ ئیراقێ
- ئیراق ئەگەرێ بجهنەئینانا سیستەمێ ئاسیكۆدایە
- سەرۆك بارزانی: هێزا پێشمەرگەیێ كوردستانێ هەر دێ مینیت و هەرێمێ پارێزت
- سەرۆك بارزانی و خەمیس خەنجەر دوپاتیێ ل هەماهەنگییا د ناڤبەرا هێز و ئالییێن سیاسی دا دكەن
- سەرۆك بارزانی: پێدڤییە ب دەستووری هەموو ئاریشە بهێنە چارەسەركرن
- هێزا ئیراقێ د لۆژیكا دەولەت و دەستووری دایە
- نێچیرڤان بارزانی سوپاسییا چینێ كر بۆ ڤەكرنا پشكا كوردی ل زانكۆیا پەكینێ
سهرهكى نوچێن گرنگ
هاتیه نووكرن…گه‌نجه‌ك ب سه‌رژێكرى هاته دیتن
ئه‌ڤرۆنیوز، ره‌زوان رۆژبه‌یانى:
ل رێكه‌فتێ 18/9/2014 گه‌نجه‌كێ گوندێ كه‌ونه‌باك سه‌ر ب قه‌زا به‌رده‌ره‌ش بنافێ جیهاد شه‌هاب نورى ژ مال ده‌ردكه‌ڤیت و دیار نامینت ئه‌ڤرۆ ل رێكه‌فتێ 27/12/2014 ته‌رمێ وى ب كوشتى دهێته دیتن.
عه‌قید زێدان زه‌كه‌ریا رێڤه‌به‌رێ پولیسێن قه‌زا به‌رده‌ره‌ش بۆ ئه‌ڤرۆ نیوزگوت ل رێكه‌فتێ 18/12/2014 وه‌لاتى جیهاد شه‌هاب نورى ژ دایك بووى 1997 ژ مال ده‌ردكه‌ڤیت و دیار نامینیت به‌لێ كه‌س و كارێن وى ل رێكه‌فتێ 20/12/2014 سكالا ل نه‌هێلانا گونه‌هباریان تۆمار دكه‌ن ژبه‌ر هندێ ب فه‌رمى پۆلیس ل رێكه‌فتێ 20/12/2014 وه‌ك رۆژا دیار نه‌مانا وى دهێته هژماركرن و گوت: ئه‌ڤرۆ ل رێكه‌فتێ 27/12/2014ل ده‌م ژمێر (1:30) ژ لایێ ده‌زگه‌هێ ئاسایشێ ڤه هاتینه ئاگه‌هداركرن كو ته‌رمێ گه‌نجه‌كى ل پشت گرێن به‌رده‌ره‌ش هاتیه دیتن مه‌ژى مه‌فره‌زه‌ێن خوه بۆ وى جهى هه‌نارتن دیار بوو كو ته‌رمێ وى گه‌نجى ب ناڤێ جیهاد شه‌هاب نورى یه و یێ هاتیه سه‌ر ژێكرن به‌لێ ب ته‌مامى سه‌رێ وى ژ لاشێ نه‌هاتیه ڤه‌كرن و ئاسه‌وارێن پێنج هه‌تا شه‌ش چه‌قویان ب لاشێ وى ڤه دیاره كو ل سنگێ وى وده‌ستێ وى سه‌ر و حه‌فكا وى كه‌تیه مه‌ژى ته‌رمێ وى ره‌وانه‌ى نۆشداریا داد ل ئاكرێ كر و هه‌تا نوكه ئه‌گه‌رێ كوشتنا وى نه‌هاتیه زانین و ڤه‌كۆلین ژى به‌رده‌وامه.
تێرۆرێ60%كارتێكرن ل كێمكرنا گه‌شت و گوزارێ كریه
تێرۆرێ60%كارتێكرن ل سه‌ر كێمكرنا گه‌شت و گوزارێ كریه
ئه‌ڤرۆ نیوز، ناجی به‌ده‌ل:
عوبه‌یدولا داوود ریڤه‌به‌رێ گشتیێ گه‌شت و گوزارێ ل پارێزگه‌ها دهۆكێ بو ئه‌ڤرۆ نیوز راگه‌هاند:پشتی هاتنا داعشێ زێده‌باری كارتێكرنا وێ ل هه‌مو بیان، كارتێكرن ل گه‌شتوزارێ هاتیه كرن و بوویه ئه‌گه‌رێ كێم بوون و نه‌هێلانا گه‌شت و گوزارێ ل ده‌ڤه‌رێ.
ناڤبری ئه‌و چه‌نده ژی دا زانین كو ته‌ڤایا كه‌رتێن ئاڤه‌دانكرنێ و پێشڤه‌برنا ژیانێ ب ئاوایه‌كێ راسته‌وخو كارتێكرن لێ هاتیه كرن، و دهێته چاڤه‌رێكرن ئه‌ڤ ئاریشه ب دووماهى بهێت و تشته‌كێ ده‌مكی یه و ره‌وش وه‌ك جاران ب ده‌مه‌كێ كورت ڤه‌گه‌ریته‌ڤه .
رێڤه‌به‌رێ گشتیێ گه‌شت و گوزارا دهۆكێ ئه‌و ئێكه ژی دیاركر كو ل سالا 2014 رێژا گه‌شتیارا كو ژ پارچه‌یێن دیێن عیراقێ دهاتن بو پارێزگه‌ها دهۆكێ زێده‌تر ژ 60% كێمكریه و كاریگه‌ریه‌كا نه‌رێنی هه‌بویه ل سه‌ر داهاتی و ژیانا ئه‌و كه‌سێن د وی بیاڤی دا كار دكه‌ن، مینا پێشوازیكرن و خزمه‌تكرنا گوزاریی ل پارێزگه‌هێ .
ناڤبری ئه‌و چه‌نده ژی دیاركر چ جهێن گه‌شتیاریی یێن حكومه‌تا هه‌رێما كوردستانێ نه كه‌فتبوونه بن ده‌ستێ تیرۆریستان .
ئه‌ڤرۆ نيوز گيرۆبوونا رزگاركرنا شنگال به‌لاڤ دكه‌ت
ئه‌ڤرۆ نيوز، نيوار محه‌مه‌د سه‌ليم:
سۆپاسالارێ له‌شكرێ كوردستانێ راگه‌هاند كو ئه‌ڤرۆ ژى شه‌ر ل ناڤا شنگال يێ به‌رده‌وامه و ب ره‌نگێ كولان كولان يێ دهێته كرن و ئه‌گه‌رێن زوو رزگارنه‌كرنا شنگال ژى ئاشكه‌را دكه‌ت.
فه‌ريف جه‌مال ئێمينكى، سۆپاسالارێ له‌شكرێ كوردستانێ، بۆ ئه‌ڤرۆ نيوز گۆت: “شه‌ر يێ به‌رده‌وامى ب قه‌ناسان و هنده‌ك جاران بزاڤێ دكه‌ن هێرشێ بكه‌نه سه‌ر پێشمه‌رگه‌يى، به‌لێ هه‌موو هێرشێن وان تێك دشكێنين”.
زێده‌تر گۆت: “هه‌موو هێزێن پێشمه‌رگه‌يى ژ يه‌كا 70 و 80 و وه‌زاره‌تا پێشمه‌رگه‌يى و زيره‌ڤانى د شه‌رێ ئازادايا شنگال دا د پشكدارن ژ لايێ هه‌رێما كوردستانێ ڤه”.
دا زانين كو هه‌تا نوكه تاخێ قه‌نديل و به‌رۆژ ل گه‌ل جهێن ستراتيژى يێن شنگال كو گرێ معاويه و شۆرا رۆمانيا و گرێ تانكى ئه‌ڤێ پشتا به‌ربه‌رۆژ يێن د ده‌ستێ پێشمه‌رگه‌يى دا و گۆت: “هه‌ر جهه‌كێ بلند بيت ژ لايێ چيايى ڤه نوكه د ده‌ستێ پێشمه‌رگه‌يى دايه، به‌لێ رێژا وێ ب سه‌دێ نه‌شێين بێژين”.
فه‌ريف جه‌مال ئێمينكى ل دۆر ئه‌گه‌رێ گيرۆبوونا رزگاركرنا شنگال گۆت: “تى ئێن تى گه‌له‌ك يا هه‌يى و ئه‌و ب خوه ژى به‌ره‌ڤانيه‌كا مه‌زن دكه‌ين چونكو رێيه‌كا ستراتيژى يه، ل سه‌ر رێيا سوريا و تله‌عفه‌ر و مووسل دايه، ديسا ل ده‌سپێكێ ژى د پلانا پێشمه‌رگه‌يى دا نه‌بوو بچنه ناڤ شنگال، به‌لێ بێ نه‌خشه‌كێ دارشتى چوون”.
سۆپاسالارێ له‌شكرێ كوردستانێ گۆتژى: “شنگال به‌رنامه‌كێ ته‌مام دڤێت، هه‌تا بهێته كۆنترۆلكرن، به‌لێ يا گرنگ ئه‌و بوو، هنده‌ك جهێن ستراتيژى يێن هاتينه گرتن، دێ رێخۆشكه‌ر بن بۆ رزگاركرنا شنگالێ”.
بكوژێ شوفێرێ ته‌كسيێ ل دهۆكێ ئه‌فسه‌ره‌ك بوو
ئه‌ڤرۆ نيوز، چه‌كدار ئه‌ترووشى:
ژێده‌ره‌كى ژ رێڤه‌به‌ريا نه‌هێلانا گۆنه‌هباريان ل دهۆكێ راگه‌هاند كو پشتى به‌رى چه‌ند هه‌يڤان كه‌سه‌كى شۆفێره‌كێ ته‌كسيێ كوشتى و ترۆمبێلا وى ره‌ڤاندى، نوكه ئه‌و كه‌س هاتيه ده‌سته‌سه‌ركرن و چه‌ندين تاوانێن دژى ل سه‌ر ده‌رچووينه.
ئه‌ڤى ژێده‌رى بۆ ئه‌ڤرۆ نيوز گۆت: “پشتى به‌رى چه‌ند هه‌يڤه‌كان شوفێره‌كێ ته‌كسيێ ل دهۆكێ هاتيه كوشتن و ترۆمبێلا وى هاتيه دزين و پاشان هاتيه فرۆتن، چه‌ندين كه‌س ژى ل سه‌ر ڤێ كه‌يسێ هاتنه ده‌سته‌سه‌ركرن و پشتى چه‌ندين ڤه‌كۆلينێن هوور شيان بكوژێ شۆفێرێ ته‌كسيێ ده‌شتى مه‌رعان ده‌سته‌سه‌ربكه‌ن كو ئه‌و ژى ئه‌فسه‌ره‌كێ ب پلا جيدارێ ئێكێ يه د ناڤ له‌شكرێ عيراقێ دا”.
زێده‌تر گۆت: “ئه‌ڤى كه‌سێ ب ناڤێ (ج.هـ) ژ بلى كو دانپێدان ب ئه‌ڤێ كه‌يسێ كريه، دانپێدان ب چه‌ندين تاوانێن دى ژى كريه كو هه‌ر ژ لايێ وى ڤه هاتينه ئه‌نجام دان”.
دا زانين ژى كو ئه‌ڤه ئێك ژ وان تاوانباران بوويه يێن هێزێن وان گه‌له‌ك زه‌حمه‌ت ب گرتنا وى ڤه برى ژ به‌ر ئه‌ركێ وى يێ له‌شكرى.
هێزێن هه‌ڤپه‌يمانان هژماره‌كا مووشه‌كێن داعش ژ ناڤبرن
ئه‌ڤرۆ نيوز:
هێزێن هه‌ڤپه‌يمانان دژى داعش راگه‌هاند كو ژ ئه‌نجامێ هێرشێن ئه‌سمانى بۆ سه‌ر پێگه‌هێن داعش، ئه‌وان هژماره‌كا مووشه‌كێن وان ل پارێزگه‌ها ئه‌نبار ژ ناڤبرن.
ئه‌ڤ ژناڤبرنا مووشه‌كان ژ ئه‌نجامێ هژماره‌كا هێرشێن ئه‌سمانى يێن نوو يێن هێزێن هه‌ڤپه‌يمانان هات ئه‌وا وه‌لاتێن ئێكگرتى سه‌ركرداتيا وێ دكه‌ت ل سه‌ر باره‌گايێن رێكخستيا داعش ل عيراق و سوريا.
ئه‌وان 15 هێرشێن ئه‌سمانى ل رۆژا ئه‌ينى ل سه‌ر باره‌گايێن رێكخستيا داعش ل نێزێك سكرێ مووسل و قائيم و بێجى و كه‌ركووك و تله‌عفه‌ر و شنگال ل عيراقێ كرينه ب گۆره‌يى راپۆرتا هێزێن هه‌ڤپه‌يمانان.
ئاشكه‌را ژى كريه كو ئه‌و هێرشێن وان بووينه ئه‌گه‌رێ ژناڤبرنا هژماره‌كا مووشه‌كان ل ئه‌سه‌د و ترۆمبێل و يه‌كه‌يێن ته‌كتيكى و باره‌گايێن چه‌كدارێن داعش.
جۆن مه‌كين دێ هێته هه‌رێمێ
ئه‌ڤرۆ نيوز:
بڕياره ئه‌ڤرۆ 27\12\2014 پشى نيڤرۆ جۆن مه‌كين بگه‌هيته فرۆكخانا نێڤده‌وله‌تى يا هه‌ولێر و ژ لايێ به‌رپرسێن هه‌رێما كوردستانێ ڤه بهێته پێشوازيكرن.
جۆن مه‌كين، سيناتۆرێ ب ناڤێ و ده‌نگێ كۆماريايێن ئه‌مريكا، رۆژا ئه‌ينى 26\12\2014 گه‌هشته به‌غدا و ل گه‌ل سه‌ليم جبورى سه‌رۆكێ جڤاتا نوونه‌رێن عيراقێ و هنده‌ك هوزێن سونى يێن پارێزگه‌ها ديالا و ئه‌نبار و نه‌ينه‌وار و سه‌لاحه‌دين و كه‌ركووك و ده‌وروبه‌رێن به‌غدا كۆم بوو.
دهێته پێشبينيكرن د سه‌ردانا خوه دا بۆ هه‌رێما كوردستانێ چاڤ ب هه‌ر ئێك ژ مه‌سعود بارزانى سه‌رۆكێ هه‌رێما كوردستانێ و نێچيرڤان بارزانى سه‌رۆكێ حوكمه‌تا هه‌رێما كوردستانێ بكه‌ڤيت.
گۆمان دهێته كرن داعش گازا كيماوى هاڤێتبيته پێشمه‌رگه‌يى
ئه‌ڤرۆ نيوز، نيوار محه‌مه‌د سه‌ليم:
سوپاسالارێ له‌شكرێ كوردستانێ راگه‌هاند كو شڤێدى ژ ئه‌نجامێ په‌قاندنا تيرۆمبێله‌كا مينرێژكرى، هنده‌ك ژ پێشمه‌رگان تووشى ره‌نگه ژه‌هراويكرنێ بووينه كو گۆمان دهێته كرن گازا كيمياوى د ناڤ وێ ترۆمبێلێ دا هه‌بيت.
فه‌ريق جه‌مال ئێمينكى، سۆپاسالارێ له‌شكرێ كوردستانێ د داخۆيانيه‌كێ دا بۆ ئه‌ڤرۆ نيوز گۆت: “شڤێدى ده‌مژمێر 10ى شه‌ڤ ل ده‌ڤه‌را حه‌ردان، ترۆمبێله‌كا مينرێژكرى كو ژ لايێ تله‌عفه‌ر هاتبوو بزاڤێن خوه ته‌قاندنێ كرن ب هێزێن پێشمه‌رگه‌يى ڤه، د ئه‌نجامێ وێ دا پێشمه‌رگه‌يى ئه‌و ترۆمبێل ته‌قاند به‌رى ب گه‌هيته وان”.
زێده‌تر گۆت: “پشتى ئه‌و ترۆمبێل ته‌قاندى، ل ده‌سپێكێ هێزێن پێشمه‌رگه‌يى تووشى ره‌نگه ژه‌هراويبوونه‌كێ ببوون، به‌لێ نوكه ره‌وشا وان يا باشه”.
ئاشكه‌را ژى كر كو ئه‌وان تيمه‌كێ نوشدارى هنارتيه دا بزانن كا ئايا داعش گازا كيماوى بكارئينايه يان ژى نه و گۆت: “به‌لێ ده‌ما ترۆمبێل ژى د ته‌قن ل ده‌سپێكێ وه‌كو گازه‌كێ ده‌ردكه‌ڤيت ژ به‌ر كو ئه‌و ب خوه ب پانزينێ كار دكه‌ت و كارتێكرنا مادێ TNT و توز و هه‌موو پێكڤه دبنه ئه‌گه‌ر”.
سه‌رۆكێ هه‌رێمێ حه‌فت داخوازيان ژ وه‌زيرێ پێشمه‌رگه‌يى دكه‌ت
ئه‌ڤرۆ نيوز:
بارزانى نامه‌كا پشته‌ڤانيێ ئاراسته‌يى وه‌زيرێ پێشمه‌رگه‌يى دكه‌ت و داخواز دكه‌ت له‌ز د رێكخستن و دامه‌زراوه‌يكرنا هێزێن پێشمه‌رگه‌يى دا بهێته كرن و ئاماژێ ب وێ چه‌ندێ دكه‌ت كو هه‌ر هێزه‌كا ژ ده‌رڤه‌يى وه‌زاره‌تا پێشمه‌رگه‌يى نه‌يا قانوونى يه.
ژێده‌ره‌كى ژ وه‌زاره‌تا پێشمه‌رگه‌يى ل هه‌رێما كوردستانێ راگه‌هاند، مه‌سعود بارزانى، سه‌رۆكێ هه‌رێما كوردستانێ نامه‌كا حه‌فت خال ئاراسته‌يى، مسته‌فايێ سه‌يد قادر، وه‌زيرێ پێشمه‌رگه‌يى كريه و داخواز ژێ كريه پێنگاڤان ب له‌زتر ژبوو دامه‌زراويكرنا هێزێن پێشمه‌رگه‌يى ب هاڤێژيت و هێزێن 70 و 80 بێخنه سه‌ر وه‌زاره‌تا پێشمه‌رگه‌يى.
ئه‌وى ژێده‌رى ئاشكه‌را ژى كريه كو بارزانى د ناما خوه دا، داخواز كريه كو نابيت چو هێزه‌ك ژ ده‌رڤه‌يى وه‌زاره‌تا پێشمه‌رگه‌يى بمينيت،هه‌ر هێزه‌كا له‌شكرى ژى هه‌كه ژ لايێ ئيدارى و دارايى ڤه سه‌ر ب وه‌زاره‌تا پێشمه‌رگه‌يى نه‌بيت، نه‌يا قانوونى يه.
هه‌ر ب گۆره‌يى ئه‌و ژێده‌رى خاله‌كا دى يا ناما بارزانى، قه‌ده‌غه‌كرن و نه‌هێلانا حزبايه‌تيێ يه د ناڤ هێزێن پێشمه‌رگه‌يى دا و دێ د وى لايه‌نى ژى دا پشته‌ڤانيا ته‌ماما خوه بۆ وه‌زيرێ پێشمه‌رگه‌يى و پێنگاڤێن وى ديار كه‌ت.
هه‌ر ده‌رباره‌يى ناما بارزانى، مسته‌فايێ سه‌يد قادر بۆ كه‌ى ئێن ئێن گۆت: “بلێ نامه يا راسته و سه‌رۆكێ هه‌رێمێ و سه‌رۆكێ حوكمه‌تێ ژى دێ پشته‌ڤانيا ڤان پێنگاڤان كه‌ن”.
ب كوژمێ 15 ملیار دولاران دێ چه‌كى فروشیته عیراقێ
ئه‌ڤرۆ نیوز:
ل دووڤ ده‌نگوباسه‌كێ رۆژنامه‌كا ئه‌مریكى، ئه‌مریكا رازیبوویه ب كوژمێ 15 ملیار دولاران چه‌كى بفروشیته عیراقێ و دووماهى گرێبه‌ستا د ناڤبه‌را واشنتون و به‌غدا هاتیه ئیمزاكرن، ب كوژمێ سێ ملیار دولاران بوویه.
رۆژناما وول ستریت جورنال یا ئه‌مریكى ئاشكراكریه كو كو ئه‌ڤ ساله عیراقێ گه‌له‌ك گرێبه‌ستێن كرینا چه‌كى ل گه‌ل ئه‌مریكا ئیمزاكرینه و دووماهى گرێبه‌ستا كرینا چه‌كى ژ ئه‌مریكا ژ ئالیێ عیراقێ ڤه، دووماهیا حه‌فتیا چوویى بوویه، كو ب كوژمێ سێ ملیار دولاران ئه‌مریكا دێ تانك و زریپوشان فروشیته عیراقێ.
نيشاندان
WP Facebook Auto Publish Powered By : XYZScripts.com