ئه‌ڤرۆ نيوز:

ده‌سته‌يا گشتى يا ده‌ستپاكيا هه‌رێما كوردستانێ راگه‌هاند كو بۆ پركرنا ميلاكێ خوه‌ يێ دێ ده‌رچوويێن سالا 2013 يێن زانكۆ و په‌يمانگه‌هان دامه‌زرينيت.

به‌رى ئه‌ڤرۆ نيوز به‌لاڤكربوو كو ده‌سته‌يا گشتى يا ده‌ستپاكيێ ل هه‌رێما كوردستانێ پێدڤى ب فه‌رمانبه‌رايه‌ و بۆ ڤێ مه‌ره‌مێ دێ فه‌رمانبه‌رێن ده‌رچوويێن زانكۆ و په‌يمانگه‌هان دامه‌زرينيت ل دۆر مه‌رجان كو چه‌ند پشكه‌كێن تايبه‌ت ده‌ستنيشان كربوون.

ئه‌ڤرۆ ده‌سته‌يا ناڤبرى د راگه‌هاندنه‌كێ دا به‌لاڤ كر كو ئه‌و يا رژده‌ ل سه‌ر دامه‌زراندنا وان فه‌رمانبه‌ران، به‌لێ ئه‌و كه‌سێن دێ دامه‌زرينن، پێدڤيه‌ خه‌لكێ سنورێ پارێزگه‌ها هه‌ولێر بن، ب به‌هانه‌يا وێ چه‌ندێ كو پێدڤيا وان يا كارى ل وى سنورێ ده‌ستنياشنكرى يه‌.

ئه‌ڤه‌ ژى ده‌قێ رۆهنكرنا وايه‌:

رونكردنەوەیەك لەبارەی دامەزراندن لەدەستەی دەسپاكی هەرێمی كوردستان

دەستەی دەسپاكی هەرێمی كوردستان بۆ پركردنەوەی میلاكەكانی ساڵی 2013 دەرچوانی زانكۆ و پەیمانگاكان دادەمەزرێنێت، بەڵام ئەم دامەزراندنە تەنها پارێزگای هەولێر دەگرێتەوە چونكە ئەو فەرمانبەرانە پێویستن بۆ دیوانی دەستەكە.

بۆ ئاگاداری زیاتری سەرجەم هاوڵاتیان . لەگەڵ ڕێزدا

ھەولێر، قائید میرۆ:

جێگرێ سەرۆکێ رێکخراوا سەلامەتی و رەوشەنبیریا ھاتن و چوونێ راگەھاند ل نەە ھەیڤێن بۆری یێن ئەڤ سالە روودانێن ھاتن و چوونێ ھەڤبەری ل گەل سالا بۆری زۆر زێدە کریە.

یوسف بازیانی جێگرێ سەرۆکێ رێکخراوا سەلامەتی و رەوشەنبیریا ھاتن و چوونێ بۆ رۆژناما ئەڤرۆ دیارکر کو ل نەە ھەیڤێن بۆری یێن ئەڤ سالە نێزیکی ٧٥٠ کەسان ب ئەگەرێ بۆیەرێن ھاتن و چوونێ گیانێ خوە ژ دەست دایە و پتر ژ ھەشت ھزاران ژی بریندار بووینە و بووینە کێم ئەندام و ب ملیۆنان دیناران زیانێن ماددی گەھشتینێ.

 گۆت ژی ئەگەرێ زۆربوونا بۆیەرێن ھاتن و چوونێ ژ بۆ نەبوونا ھشیاریا ھاتن و چوونێ ڤەدگەڕیت، چونکو نوکە ل وەلاتێن پێشکەفتی بزاڤێن نەھێلانا بۆیەرێن ھاتن و چوونێ دھێنە کرن، ئەڤە ژی ب رێیا تێگەھاندنا تاکێن ناڤا جڤاکی و ب تایبەتی شوفێران، کو چاوا شەھرەزابن ب قانوونێن ھاتن وچوونێ و رێنمایێن د ڤی بیاڤی دا دھێنە دەرکرن، ھەتا بزانن چاوا رێک و پرا بکار بینن، نوکە شەڕەکێ بەردەوام یێ رێک و پرا ھەیە و پێدڤیە بەڕەڤانیێ ژ خوە بکەین.

بازیانی گۆت ژی ھەڤبەرکرن ل گەل سالا بۆری رێژا بۆیەرێن ھاتن و چوونێ ئەڤ سالە زۆر زێدەکریە و کێم نەبوویە، پشتی دو ھەیڤێن دی دێ بۆ مە دەرکەڤیت چەند زێدەبوویە و جھێ پرسیارێ یە، ئەگەرەکێ دی یێ زێدەبوونا ڤان بۆیەران گەنجن لەوڕا پێدڤیە گەنج پتر پێگیریێ ب رێنمایێن ھاتن وچوونێ بکەن.

ئامێدیێ، مەحمود نھێلی

رێڤەبەرێ پەروەردا قەزا ئامێدیێ بۆ رۆژناما ئەڤرۆ دیار کر کو تەڤایا قوتابخێن دەڤەرا ئامێدیێ ژ دەربەدەران ھاتنە ڤالاکرن و نھا دەوما فەرمی ل سەر سەرجەم قوتابخانا ھاتە کرن.

ناسر محەمەد سەعید رێڤەبەرێ پەروەردا قەزا ئامێدیێ دیار کر پشتی گەلەک بزاڤان ژ پێخەمەت بەردەوامیدان ب پرۆسا خواندنێ ل دەڤەرێ و ھەروەسا چارەکرنا ئاریشا جھێ ئاکنجیبوونا دەربەدەران نھا تەڤایا قوتابخانێن سنوورێ پەروەردا ئامێدیێ ھاتنە چولکرن.

رێڤەبەرێ پەروەردا قەزا ئامێدیێ دیار کر ژی ل دەڤەرا ئامێدیێ دورێن ١٠٠ قوتابخانە پر بوون ژ دەربەدەران و گۆت “ل سنوورێ پەروەردا ئامێدیێ ١٦٠ قوتابخانە ھەنە ژ وانا ٩٩ دەربەدەر تێدا ھاتبوونە ئاکنجیکرن”

ئه‌ڤرۆ، بارزان سلێمان مزوورى:
قائیمقامێ قه‌زا به‌رده‌ره‌ش ، سردار یه‌حیا بۆ ئه‌ڤرۆ نیۆز دیار كر، پشتى جه‌نابێ سه‌رۆك بارزانى بریاردایى كو ده‌رگه‌هێ سنورى ئیبراهیم خه‌لیل بۆ ئاواره‌یێن كوبانێ بهێته‌ ڤه‌كرن ، ئه‌ڤرو 14/10 كاروانه‌كێ ئاواره‌یێن كوبانێ كو پێك هات بون 7 هزار سه‌رۆك خێزانان گه‌هشتنه‌ كه‌مپا گه‌وێلان ل وێرێ هاتنه‌ ئاكنجى كرن و هه‌مى پێدڤیێن ژیانا وان ڤه‌ گرێدایى بۆ هاتن دابین كرن.
ناڤبرى دیار كر كو كه‌مپا گه‌وێلان هاته‌ داخستن جهێ ڤه‌ حه‌واندنا ئاواره‌یان نه‌مایه‌ چونكى ژماره‌یا په‌نابه‌رێن نوكه‌ لێ ئاكنجى ژمارا وان گه‌هشته‌ 10 هزارو پێنج سه‌د كه‌سا ل وانا حه‌فت هزار كه‌س ئاواره‌یێن كوبانێ نه‌ یێن دن ژى كوردێن حه‌زه‌كه‌و قامیشلونه‌ ئه‌ڤه‌ پتر ژ ساله‌كێ یه‌ ئه‌ڤه‌ لێ ئاكنجینه‌ ،
ناڤبرى دیار كر كو نوكه‌ كار ل سه‌ر كه‌مپه‌كێ دهێته‌ كرن ل گوندێ كانیلان ل سه‌ر سیسته‌مه‌كێ سه‌رده‌میانه‌ 40% كار ل سه‌ر هاتیه‌ كرن 3000 خێزان دێ ل تێدا ئاكنجى بن ، به‌س حه‌تا نوكه‌ دیار نه‌بویه‌ كا ئه‌ڤ كه‌مپه‌ بۆ كیش ئاواره‌یانه‌ هاتیه‌ دانان ده‌مێ كار ل سه‌ر دوماهى بێت حه‌تا پارێزگه‌هێ دهوك بریارێ ل سه‌ر ده‌ت ل ده‌ڤ مه‌ نه‌ئاریشه‌ بۆ كى بیت هه‌ر كه‌سى بهێته‌ تێدا ئه‌م دێ پێشوازیه‌كا گه‌رم لێ كه‌ین .