ئه‌ڤرۆ نيوز:
پوليسێن دوبه‌ى ئه‌گه‌رێ ئاگرێ شه‌ڤا سه‌رێ سالێ ل دوبه‌ى ئاشكراكرن.
فه‌رمانده‌يێ پوليسيێن دوبه‌ى راگه‌هاند: ئه‌و ئاگرێ شه‌ڤا سه‌رێ سالێ ل هوتێلا عينوان ل نێزيك تاوه‌رێ خه‌ليفه دورست بوو ژ ئه‌گه‌رێ شورته‌كێ كاره‌بێ بوو.
د وێ روودانێ دا، تيمێن ل هه‌واچوونێ ب چه‌ند سه‌عه‌تان شيان ئاگرى كونترول كه‌ن، ل گه‌ل وێ يه‌كێ ژى چه‌ند كه‌سه‌ك ب سڤكى برينداربببوون.
ئەڤرۆ نیوز، ھەژار مەعروف:
گولچیا یانا سپورتینگ ھویلفا یا ئیسپانی ئیلینا بافیل بۆ دەزگەھێن راگەھاندنا ئیسپانی دیارکری یە وێ سەیرترین کارتا سور ل جیھانێ وەرگرتی یە ئەوژی پشتی داخوازیا دادڤانێ یاریێ رەتکری چایەکێ ل گەل فەخوت ! .
رۆژناما سپورت یا کەتەلونی بەلاڤەکری یە سانتیاگو کیسادا دادڤانێ یاریا سپورتینگ ھویلفا و سانتا تریزا ژ چارچوڤێ یاریێن خۆلا پلا ئێک یا ئیسپانیا ل سەر ئاستێ کچان داخوازی ژ گولچیا یانا ھویلفا ئیلینا بافیل یا رومانی کری پشتی یاریێ پێکفە چایەکێ ڤەخون لێ یاریکەرا وێ یانێ رەتکر و بۆ دادڤانی دیارکر ھەکە چاڤێ تە ل یاریا تەبیت و تو توشی چو شاشیێن دی نەبی بۆ تە باشترە و پاش دادڤانێ یاریێ ئێکسەر کارتا سور دا یێ .
ئه‌ڤرۆ، ره‌وان نهێلى:
هه‌ياما حه‌فتيه‌كێ يه فه‌رمانبه‌ره‌كا ژن ل ئێك ژ رێڤه‌به‌ريێن دهۆكێ، ئێك مليون دولار ل گه‌ل خوه برينه و ديار نه‌مايه. هێمن سلێمان به‌رپرسێ په‌يوه‌ندى و راگه‌هاندنا پۆليسێن پارێزگه‌ها دهۆكێ بۆ ئه‌ڤرۆ دياكر : هێش پێزانينێن هوير بۆ مه ئاشكرا نه‌بوويه، به‌لێ ڤه‌كولين يا به‌رده‌وامه، ل دووڤ پێزانينێن ده‌ستپێكى، ل رێڤه‌به‌ريه‌كا دهۆكێ بۆ هه‌ياما حه‌فتيه‌كێ يه ئه‌و فه‌رمانبه‌ره‌كا ژن ديار نه‌مايه و ب ده‌هان فه‌رمانبه‌ران سكالا ل سه‌ر توماركرينه كو نێزيكى ئێك مليون دولارێن وان ل گه‌ل خوه برينه كو پێشتر فه‌رمانبه‌ر وه‌سا تێگه‌هاندينه كو دێ كارى ب وى پاره‌ى بۆ وان پێ كه‌ت، به‌لێ هێشتا راستيا ڤان پێزانينان نه‌هاتينه سه‌لماندن.
ئه‌ڤرۆ نيوز:
ئه‌ڤرۆ جڤاتا وه‌زيرێن هه‌رێمێ ب سه‌رۆكاتيا نێچيرڤان بارزانى كومبوو، د به‌ياننامه‌كێ دا جڤاتا وه‌زيران به‌لاڤكريه بۆ رونكرنا ره‌وشا هه‌رێمێ و تێگه‌هشتنا زێده‌تر، بريار هاته دان رۆژا شه‌مبيا بهێت ورك شوپه‌ك بۆ هه‌موو وه‌زاره‌تێن حكومه‌تا هه‌رێمێ بهێته سازكرن كو هه‌موو وه‌زير و بسپورێن وه‌زاره‌تێ پشكدار ببن و تێدا ب هويرى به‌حسێ ره‌وشا هه‌رێمێ بهێته كرن و پلانا حكومه‌تێ بۆ چاوانيا ده‌ربازكرنا ڤێ قوناغێ دێ هێته به‌رچاڤكرن.
ئه‌ڤرۆ نيوز:
نێچيرڤان بارزانى سه‌رۆك وه‌زيرێن هه‌رێما كوردستانێ راگه‌هاند: بۆ ڤه‌ره‌ڤاندنا گومانا خه‌لكى ل سه‌ر داهات و خه‌رجيێن حكومه‌تێ و ڤه‌ره‌ڤاندنا گومانێن خه‌لكى ل سه‌ر شه‌فافيه‌تێ، حكومه‌تێ هه‌لمه‌ته‌كا به‌رفره‌هـ يا پێزانينان و دياركرنا داتايان ده‌ستپێكريه بۆ وێ يه‌كێ وه‌لاتى ب تمانى ژ پێزانينێن سه‌باره‌ت داهاتێ هه‌رێمێ و چاوانيا خه‌رجكرنا وان ب ده‌ست بكه‌ڤن.
نێچيرڤان بارزانى زێده‌تر گوت: ئه‌م ب تنێ نه، دده‌مه‌كى دا ل جهێ دونيايێ ئه‌م يێ شه‌رێ دكه‌ين، و ژ ئاليێ دارايى ڤه بۆ روى ب روى بوونا داعش چ هه‌ڤكاريه‌كا دارايى بۆ هه‌رێمێ نه‌هاتيه كرن.
ئه‌ڤرۆ نيوز:
نڤيسنگه‌ها راگه‌هاندنا سه‌رۆكايه‌تيا جڤاتا وه‌زيران د راگه‌هاندنه‌كێ دا ل سه‌ر ده‌نگوباسێ ده‌ست ب سه‌رداگرتنا 276 مليار دينارێن هه‌ڤژينا ئاشتى هه‌ورامى ژ ئاليێ لژنه‌كا تايبه‌تا سه‌رۆكايه‌تيا هه‌رێمێ هاته ده‌نگ و ئه‌و ده‌نگوباسه ب نه‌وه‌يى ده‌رێخستيه.
جڤاتا وه‌زيران ره‌ت دكه‌ت كو ئه‌و ژنه ، هه‌ڤژينا ئاشتى هه‌ورامى بيت و ئه‌و ده‌نگوباسه ب نه‌راست هژمارتيه و دياركريه چ لژنێن ڤه‌كولينێ ژ سه‌رۆكاتيا هه‌رێمێ ل دور ڤێ پرسێ نه‌هاتينه پێكئينان.
ئه‌ڤرۆ نيوز:
جڤاتا وه‌زيرێن هه‌رێما كوردستانێ د كومبوونا ئه‌ڤرۆ دا بۆ روى ب روى بوونا قه‌يرانا دارايى چه‌ند برياره‌كێن گرنگ ده‌رێخستن.
كومبوونا ئه‌ڤرۆ يا جڤاتا وه‌زيران ب سه‌رپه‌رشتيا نێچيرڤان بارزانى سه‌باره‌ت قه‌يرانا دارايى و چاوانيا دابينكرنا موچێ فه‌رمانبه‌ران ده‌ستپێكر.
د كومبوونێ دا پارێزگه‌هێن هه‌ولێر و سلێمانيێ و دهۆك و هه‌له‌بجه ژى پشكداربوون و برياره چه‌ند برياره‌كێن گرنگ بۆ روى ب روى بوونا قه‌يرانا دارايى و دابينكرنا مووچان بهێنه ده‌ركرن.
د كومبوونێ دا بريار هاته دان ئه‌نجومه‌نه‌كێ بلند بهێته پێكئينان بۆ داهاتێ هه‌رێما كوردستانێ و سه‌رپه‌رشتيا خرڤه‌كرنا داهات و خه‌رجيان بكه‌ت، حكومه‌ت ژى ب دو قوناخان روى ب روى قه‌يرانا دارايى ببيت ، برياره ژى بۆ دروستكرنا هه‌ڤسه‌نگيێ ل بازارى، بهايێ كه‌ل و په‌لان و كرێيا خانى و خزمه‌تگوزاريان بهێته كێمكرن.
ئەڤرۆ نیۆز، قائید میرۆ
لباژێڕێ مووسل چەکدارێن داعش ھەوەک بۆ دەستەسەرکرنا مامۆستایێن ئاینی دەستپێکر و ھەتا نوکە ھژمارەک مەلایێن مووسل ھاتینە دەستەسەکرن.
غەیاس سورچی، پەیڤدارێ مەلبەندێ نەینەوا یێ ئێکەتی نیشتیمانی کوردستان ب ئەڤرۆ نیۆز راگەھاند” گروپا تیرۆرستیا داعش ل باژێڕێ مووسل ھەوەکا دەستەسەرکرنا مامۆستایێن ئاینی دەستپێکریە و ھژمارەک گۆتارخوینێن مزگەفتێن باژێڕێ مووسل ب تۆمەتا ڤێ چەندێ بەرھەڤنەبووینە خەلکی ھانبدەن بچنە ناڤا رێزێن چەکدارێن داعش دەستەسەرکرینە.
سورچی گۆتژی” گورەی زانیاریێن گەھشتینە بەردەستێ مە چوار مەلایێن بەرنیاسێن موسل بەرەف جھەکێ نەدیار ھاتینە رەڤاندن کۆ ئەڤەژی ناڤێ، وانن، شێخ فارووق عەبدولا سەبعاوی، شێخ وەلید مەنسور، شێخ عەبدولکەریم مەلا ، شێخ یونس زەنوون.
ئەڤرۆ نیوز، ئەیاد بەرواری:
ئیدارا گەرمیان بریارا ڕاگرتنا دەوامێ ل ھەموو دامودەزگەھێن حوکمەتێ بۆ دەمێ سێ رۆژان د حەفتیەکێ دا دەرکر ژ ئەگەرێ بەردەوامیا قەیرانا نەبوونا مووچێن فەرمانبەران.
پەیڤدارێ ئیدارا گەرمیان (ھەڤال ئیبراھیم)، ل دووڤ (شەفەق نیۆز) گوت” بریار ھاتە دان دو رۆژان ژ ھەفتیێ ببیتە بێھنڤەدان بۆ فەرمانبەرێن دەڤەرا گەرمیان، ب ڕێیا کێمکرنا دەمژمێرێن دەواما فەرمی کو دێ بیتە ھەتا دەمژمێر 12 نیڤرۆ کو ب ڤێ چەندێ دێ سێ رۆژان دەوام بیت و سێ رۆژان بێھنڤەدان”.
ئيدارا گه‌رميان ژ ده‌ڤه‌رێن هه‌له‌بچه و كفرى و كه‌لار و خانه‌قين و چه‌مچه‌مال پێك دهات و نوكه هه‌له‌بچه بوويه پارێزگه‌هه‌كا سه‌ربه‌خوه.
ئه‌ڤرۆ نيوز، نيوار محه‌مه‌د سه‌ليم:
وه‌زاره‌تا دارايى ئابوورى د رێيا نڤيساره‌كا فه‌رمى دا راگه‌هاند كو هه‌موو ده‌رمالێن رێڤه‌به‌رێن گشتى و خودان پلێن تايبه‌ت و رێڤه‌به‌رێن يه‌كێن ئيدارى هاتنه راگرتن.
ب گۆره‌ى ڤێ نڤيسارا فه‌رمى كو دانه‌ك بۆ ئه‌ڤرۆ نيوز ره‌وانه‌كريه هاتيه كو ب گۆره‌ى نڤيسارا فه‌رمى يا وه‌زاره‌تا دارايى يا ژماره 10 و ب پشت به‌ستن ل سه‌ر نڤيسارا وه‌زاره‌تا دارايى يا ژماره 61 ل 21\12\2015 بڕيار دا ب:
1- بڕيار دا ب روه‌ستاندنا ده‌رماله و مه‌زاختيێن هه‌موو خودان پلێن تايبه‌ت و رێڤه‌به‌رێن گشتى و خودان يه‌كێن ئيدارى “پارێزگار و جێگرێ پارێزگار و قايمقام و رێڤه‌به‌رێ ناحيێ” كو د “معموم”ن ل سه‌ر ميلاكێ وان.
2- پۆلينا ل سه‌رى دياركرى ب تنێ دێ مووچێ بنه‌ره‌ت و پلا وه‌زيفى بۆ هێته مه‌زاختن.
3- كار ب چو نڤيسار و فه‌رمانێن دى ناهێته كرن ژبلى ڤێ فه‌رمانێ.
ئاماژه ب وێ چه‌ندێ ژى كريه كو ئه‌ڤ بڕياره ژ رێكه‌فتى 1\1\2016 كه‌ڤيته وارێ بجهئينانێ.
نيشاندان