ئه‌ڤرۆ نێوز:
ژێده‌ره‌كێ ئاگه‌هدارل باژێرێ مووسل كو نه‌ڤیا ناڤێ خوه ئاشكرا بكه‌ت تایبه‌ت بۆ ئه‌ڤرۆ نیۆز راگه‌هاند، چه‌كدارێن تیرۆرستێن داعشێ ل ناڤه‌ندا باژێرێ مووسل پارێزه‌را ب ناڤێ (مه‌نائیل حازم ئه‌حمه‌د) سێداره‌دان، پشتى كوشتنا پارێزه‌را ناڤبرى ته‌رمێ وێ ل نه‌خوشخانا داد یا مووسلێ هاته دیتن.
هه‌روه‌سا ژێده‌رێ ئاگه‌هدار دووپاتكر، چه‌كدارێن تیرۆرى یێن ده‌وله‌تا ئیسلامى داعشى ده‌ست ب كوشتن و گرتنا هه‌ر كه‌سه‌كێ خودان شیان و خوادن باوه‌رنامێن بلند كو گوهداریا فه‌رمانێن وانا نه‌كه‌ن كریه و ئه‌ڤ كارێ وان بوویه دیارده‌كا نه‌ڤه‌شارتى ل هه‌مبه‌رى خه‌لكێ مووسل دهێته ئه‌نجامدان.
هه‌ژى گۆتنێ یه كو به‌رى دو رۆژان هه‌مان چه‌كدارێن داعشێ ب كارێ كوشتنا به‌ربژارا به‌رێ یا فراكسیۆنا هه‌ڤپه‌یمانیا مووسل بۆ چاكسازیێ ل بقه‌زا ته‌له‌عفه‌رێ كوشتن و ته‌رمێ هاڤێتنه دناڤا بیرا ئاڤێ دا.
نووترين نووچه
- سەرۆك بارزانی و مەزلۆم عەبدی دوپاتیێ ل ئێكڕێزی و ئێكگرتنا كوردان دكەن
- نوونەرا حوكمەتا هەرێمێ ل واشنتۆن دێ پشكداریێ د رێوڕەسمێ دەستبكاربوونا ترەمپی دا كەت
- ئاسۆ كەریم: سەرۆك بارزانی فاكتەرێ سەرەكیێ ئێكبوونا گەلێ كوردە
- سەرۆكێ هەرێمێ و شاندەكێ ئەمریكا دوپاتیێ ل چارەسەركرنا كێشەیێن هەولێرێ و بەغدایێ ب گۆرەی دستووری دكەن
- سەرۆكاتییا هەرێما كوردستانێ پێشوازی ل ئاگربەستا غەزە كر
- سەرۆك بارزانی جەژنا قەولتاسی ل كاكەییان پیرۆز دكەت
- ئەمریكا دەستخوەشیێ ل سەرۆك بارزانی دكەت بۆ هنارتنا نوونەرێ خوە یێ تایبەت بۆ سووریێ
- شاندێ دانوستاندكارێ پارتی ل گەل بەرەیێ گەل كۆمبوو
- پێدڤییە بەغدا شایستەیێن دارایی یێن هەرێما كوردستانێ بهنێریت
- مەسرور بارزانی و فالح فەیاز دوپاتی ل گرنگییا هەماهەنگییا ئەمنی د ناڤبەرا هەرێمێ و ئیراقێ دا كر
سهرهكى نوچێن گرنگ
وه‌زاره‌تا ساخله‌میا هه‌رێما كوردستانێ سوبه‌هى ده‌واما فه‌رمى یه
ئه‌ڤرۆ نیۆز:
وه‌زاره‌تا ساخله‌میێ ل حوكمه‌تا هه‌رێما كوردستانێ راگه‌هاند، سوبه‌هى ده‌واما فه‌رمیه ل هه‌موو داموده‌زگه‌هێن ساخله‌میێ ل هه‌رێما كوردستانێ.هه‌لكه‌وت حمه ره‌شید ل سه‌ر تۆڕا جڤاكى یا فێسبوكى به‌لاڤكریه، كو سوبه‌هى 11\10 بێهنڤه‌دان نینه و ده‌وام ب شێوه‌كى فه‌رمى ل هه‌موو داموده‌زگه‌هێن ساخله‌میا هه‌رێما كوردستانێ دێ هه‌بیت.
به‌رى نوكه ئاخفتنكه‌رێ ب ناڤێ حوكمه‌تا هه‌رێما كوردستانێ سه‌فين دزه‌ى راگه‌هاندبوو كو ژ به‌ر بهێنڤه‌دانێن جه‌ژنێ ده‌واما فه‌رمى هه‌تا رۆژا ئێكشه‌مبى 12\10 نابيت، به‌لێ ئه‌ڤرۆ وه‌زيرێ ساخله‌ميێ راگه‌هاند كو ئه‌و دێ سوبه‌هى ده‌واما فه‌رمى كه‌ن.
كه‌مپا ماملیان دێ 3 هزار خێزانێن ئاواره ل ئاكرێ بخوه‌ڤه گریت
ئه‌ڤرۆ،بارزان مزوورى:
قائیمقامێ قه‌زا ئاكرێ ، جه‌هوه‌ر عه‌لى عه‌زیز تایبه‌ت بۆ ئه‌ڤرۆ نیۆز گۆت: نوكه كار ل سه ر چێكرنا كه‌مپه‌كێ ل قه‌زا ئاكرێ بۆ 3 هزار كوچبه‌رێن ل به‌ر داعش قه‌ستا ده‌ڤه‌رێ كرى ب شێوازه‌كێ مودێرن دهێته كرن، كو سێ هزار خیڤه‌تان پێك دهێت هه‌ر خیڤه‌تگه‌هه‌كێ لینانگه‌ه و ده‌ست شوو تێدا هه‌نه.
ناڤبرى دیار كر كو ب كوژمێ 14 ملیار و 549 ملیون دیناران دهێته چێكرن د ده‌مێ 40 روژان دێ كار ل سه‌ر به‌رده‌وام بیت و دیسان 4 بیرێن ئاڤێ و هه‌شت عمبارێن ئاڤێ تێدانه دگه‌ل تورا كاره‌بێ و چێكرنا جاده‌یێن نافخو یێن كه‌مپێ ، ئه‌ڤ كه‌مپه بناڤێ كه‌مپا ماملیان هاتیه ب ناڤ كرن .
داعشى شه‌رێ ئاڤێ ل دیالا دكه‌ن و ناحیا عه‌باره دخوازن سه‌رهلدانان بكه‌ن
ئه‌ڤرۆ نیۆز:
خه‌لكێ ناحیا عه‌باره كو ب دووراتیا 20 كیلومه‌تران ل رۆژهه‌لاتا به‌عقوبه‌یه خواست هه‌موو خه‌لكێ وێ ناحیێ ب سه‌رهلدانان دژى داعشێ رابن بتایبه‌تى پشتى ده‌وله‌تا ئیسلامى داعشێ شه‌رێ راگرتنا ئاڤێ ل گه‌ل خه‌لكێ وان ده‌ڤه‌ران دكه‌ت، چونكى بنگه‌هێن گرتن و به‌ردانا ئاڤێ دده‌ستێن داعشى یان دایه.
سه‌رۆكێ جڤاتا ناحیا عه‌باره و په‌یڤدارێ ب ناڤێ هۆزێن به‌نى ته‌میم ل پارێزگه‌ها دیالا (عه‌دنان غه‌زبان) بۆ ئاژانسا شه‌فه‌ق نیۆز گۆت: رێكخستنا تیرۆرى داعشێ شه‌ره‌كێ رێكخستى دژى خه‌لكێ دیالا ب گرتنا ئاڤا ل سه‌ر ده‌ڤه‌رێن وان دكه‌ت، و هنده‌ك ده‌ڤه‌رێن دى ب ئاڤێ هاتینه خه‌ندقاندن پشتى ئه‌و ئاڤ هاتیه په‌نگاندن و پاشكه‌فتى ب مه‌ره‌ما راگرتنا پێشڤه‌چوونا هێزێن ئێمناهیێ و له‌شكرێ عیراقێ و كونترۆل كرنا وان ده‌ڤه‌ران ب ئاڤێ.
زێده‌بارى وێ چه‌ندێ گۆت: رێكخستنا داعش ل گۆڕ پێزانیان ب كارێ قوتركرنا ئاڤا رووبارێ خورسان رابوویه كو پڕانیا خه‌لكێ پارێزگه‌ها دیالا ب ئاڤا وى رووبارى كارێن خوه ئه‌نجامدده‌ن، ئه‌ڤه ژى په‌یاما روودانا كاره‌ساته‌كا مه‌زن رادگه‌هینیت.
هه‌روه‌سا عه‌دنان غه‌زبان گۆت: ئه‌ز داخوازێ ژ هه‌موو هۆزێن عه‌ره‌بێن به‌نى ته‌میم و یێن دژى دكه‌م ب سه‌رهلدان و شه‌ره‌كێ ڤه‌كرى و به‌رفره‌ه دژى داعشێ راوه‌ستن.
هنارتیێ UN بۆ توركیا: بلا كوشتارا سریبرنیتچا ل گه‌ل كوردان دوباره نه‌بیت
ئه‌ڤرۆ نیۆز:
هنارتیێ تایبه‌ت یێ نه‌ته‌وێن ئێكگرتى ل سوریا سیڤان دى میستورا ژ وه‌لاتێ توركیا خواست رێ ب كوردان بده‌ت ده‌ربازى سنۆرێ توركیا ببن بۆ هندێ رێ بۆ هاریكاریا قورتالكرنا باژێرێ كوبانێ و هێرشێن ل سه‌ر داعشێ بهێته ڤه‌كرن.
دى میستوراێ د كونگره‌كێ رۆژنامه‌ڤانى داكۆت: ئه‌م داخوازێ ژ ده‌ستهه‌لاتا توركیا دكه‌ین رێ ب هه‌موو په‌نابه‌رێن كوردان بده‌ت بچن دناڤ باژێرێن توركیا دا كو بشێن هاریكارى و به‌ره‌ڤانیێ ژ خوه بكه‌ن، هه‌روه‌سا ئه‌و چه‌نده ژى نه‌ڤه‌شارت و گۆت: هوون دزانن ل باژێرێ (سریبرینتچا) یێ یۆگسلافى یێ به‌رێ چوو هاتبوو روودان؟ ئه‌ز دترسم گوشتاره‌كا مه‌زن ل سنۆره سورى و توركیا ژى هه‌بیت.
نیۆیورك تایمز: ره‌فتارێن ئه‌ردوگان نه هه‌ژى ده‌وله‌ته‌كا ئه‌نداما قوپا ناتویه
ئه‌ڤرۆنیۆز:
رۆژناما نیۆیورك تایمز یا ئه‌مریكى به‌لاڤكریه، سه‌رۆك كۆمارێ توركى ره‌جه‌ب ته‌یب ئه‌ردۆگان ب یاریه‌كا مه‌ترسیدار رابوویه ده‌مێ شه‌رێ دژى ده‌وله‌تا ئیسلامى داعشێ ل باژێرێ كوبانێ ره‌تكرى.
رۆناما ناڤبرى هه‌روه‌سا خوه‌یاكر، ئه‌ردۆگان نیازا سه‌ركرداتیا جیهانا ئیسلامى هه‌یه، به‌لێ دده‌مه‌كێ دا كو نه‌ها ئه‌م دقه‌یرانه‌كا هه‌رێمى داینه، له‌ورا ئه‌و نه‌سه‌ركرده‌یه، هێز و تانكێن توركى ب شێوه‌كێ نه‌رێنى لپشت سنۆرى دنێرن هه‌ڤده‌م چه‌كدارێن تیرۆرست ل سوریا ب دووراتیا میله‌كى ژ باژێرێ كوبانێ و خه‌لكێ وێ د دووربون.
ل گۆڕ دیتنا رۆژنا نیۆیورك تایمز، ئه‌ڤه دبیته توومه‌ته‌ك بۆ ئه‌ردۆگان و یاریێن وى یێن سیاسى یێن نه‌ژهه‌ژى، بڤێ كریارێ وى دڤێت ب هێزێن خوه پشكداریێ دشه‌رێ دژى داعشێ دا نه‌كه‌ت، وه‌ك گڤاشتنه‌ك ل سه‌ر ئیداره‌یا ئه‌مریكا و سه‌رۆك ئۆباماى، دیسان رێ ناده‌ت چه‌كدارێن كوردان ژى بچن ل كوبانێ شه‌رێ دژى داعشێ بكه‌ن، بۆ هندێ داكو مه‌رجێن وى بهێنه بجهئینان، ئه‌و ژى ژ ناڤبرنا سه‌رۆكێ سووریا به‌شار ئه‌سه‌دى یه.
ئه‌مریكا چار كوردین په‌یوه‌ندى ب داعشێ ڤه هه‌ى ده‌رخستن
ئه‌ڤرۆ نیۆز:
وه‌زیرێ ئێمناهیا ناڤخوه‌ى یا ئه‌مریكى چیه جونسۆن راگه‌هاند، وه‌لاتێ وى چار كوردێن ده‌سته‌سه‌ركرى كو گۆمان لێ دهێته كرن په‌یوه‌ندى ب ده‌وله‌اتا ئیسلامى داعشێ ڤه هه‌بن دده‌مێ هاتنا وان دناڤ ئاخا ئه‌مریكا دا ده‌رخستن.
هه‌ڤده‌م جونسۆن گۆت: به‌له‌گه‌یێن گۆتنێن دانه‌رێن قانوونا پارێزه‌ران ژى هه‌ڤدژن دده‌مێ ده‌سته‌سه‌ركرنێ دا، چونكى ئه‌و كه‌س ل سه‌ر سنۆرێ وه‌لاتێ مه‌كسیكێ هاتینه و دبیت ئه‌و ل گه‌ل ده‌وله‌تا ئیسلامى داعشێ دابن.
ناڤبرى هه‌روه‌سا خوه‌یاكر، ڤه‌كوله‌رێن سنۆرى ناسناما هه‌ر چار كه‌سان كو ئه‌ندامێن حزبا (PKK) نه هاتنه ئاشكراكرن.
جونسۆنى هه‌روه‌سا دیاكر، راسته حزبا كاركه‌رێن كوردستانێ شه‌رى دژى داعشێ دكه‌ن، به‌لێ هه‌ر چار كه‌س دێ ژ ئه‌مریكا هێنه ده‌رخستن.
ئه‌مریكا 9 هێرشێن ئه‌سمانى ل سه‌ر كوبانێ زێده‌كرن
ئه‌ڤرۆ نیۆز:
رۆیته‌رز / واشنتۆن: ناڤه‌ندا سه‌ركرداتیا ئه‌مریكى راگه‌هاند، ویلایه‌تێن ئێكگرتیا ئه‌مریكى نه‌ه هێرشێن ئه‌سمانى ل رۆژا پێنچشه‌مبى ل سه‌ر توندره‌وێن ده‌وله‌تا ئیسلامى ل دوروبه‌رێن باژێرێ كوبانێ ئه‌نجامدان.
دبه‌یاننامه‌كێ ناڤه‌ندا سه‌ركرداتیا ئه‌مریكى خوه‌یاكر، شه‌ش ژوان هێرشان ل سه‌ر ژێریا كوبانێ هاتینه ئه‌نجامدان و ئارمانج ژێ یه‌كه‌یه‌كا مه‌زنا سه‌رب ده‌وله‌تا ئیسلامى و دویه‌كه‌یێن بچیك و ئه‌نجامێن وان هێرشان دو بنگه‌هێن ل ژێر كونترۆلا داعشێ زێده‌بارى دو تانك و دشوكێن گران ژى هاتن ژناڤبرن.
هه‌روه‌سا وێ به‌یاننامێ گۆت: سێ هێرشێن دى ل سه‌ر باكۆرێ كوبانێ هاتن ئه‌نجامدان كو دو یه‌كه‌یێن داشعێ دناڤ بنگه‌هێن وان دا هاتنه ژناڤبرن.
ل گۆڕ پێزانیان پشتى وان هێرشێن ئه‌مریكى داعشى نه‌چار كرنه خوه ڤه‌كێشن ده‌وروبه‌رێن كوبانێ و ناڤه‌ندا باژێرێ كوبانێ چول بكه‌ن.
بى بى سى: ل كوبانێ شه‌رڤانێن كورد و له‌شكرێ ئازادێ سوریا ب هه‌ڤڕاشه‌رێ داعشێ دكه‌ن
ئه‌ڤرۆ نیۆز:
هنده‌ك ژێده‌رێن كوردان ل ناڤ باژێرێ كوبانێ بۆ تۆڕا (BBC) ل سه‌ر سنۆرێ توركیا و سوریا راگه‌هاندن، شه‌ر وپێكدانانێن دژوار ل شه‌ڤا بۆرى ل باژێرێ كوبانێ د ناڤبه‌را یه‌كه‌یێن پاراستنا گه‌ل و چه‌كدارێن تیرۆرى یا داعشێ په‌یدابوون.
هه‌مان ژێده‌ران دیاركر، شه‌روپێكدادان ل ده‌ڤه‌را پیشه‌سازیا د كه‌فیته رۆژهه‌لاتا باژێرێ كوبانێ و هه‌روه‌سا ده‌وروبه‌رێن ژێریا كوبانێ ژى، زێده‌بارى وێ چه‌ندێ خوه‌یاكرن، هژماره‌كا شه‌رڤانێن پاراستنا گه‌ل و نده‌ك یه‌كیێن له‌شكرێ ئازادێ سوریا شیان پێشڤه‌چوونه‌كا باش ل ئالیێ ژێریا باژێرێ كوبانێ بكه‌ن و پاشه‌كشێ ب چه‌كدارێن داعشێ بكه‌ن.
هه‌ڤده‌م وێ شكه‌ستنا داعشێ هێزێن هه‌ڤپه‌یمانان ب سه‌رۆكاتیا ئه‌مریكى هێرشێن ئه‌سمانى بۆ سه‌ر بنگه‌هێن داعشێ ل كوبانێ زیده‌تر ئه‌نجامدن، پشتى شه‌روپیكدادانێن دژوار دنیڤا جادێن كوبانێ دا هاتیه ئه‌نجمدان.
ده‌نكوباسێن كونترۆلكرنا چه‌كدارێن داعشێ ل سه‌ر هنده‌ك ده‌ڤه‌رێن ناڤخوه‌یا كوبانێ د ناڤبه‌را راستى و نه‌وه‌یێ دا د به‌لاڤن، نه‌خاسم شه‌رێ كوبانێ یێ ل سه‌ر سنۆرێ توركیا وه‌كى ئه‌زمونه‌كێ یه بۆ كاریگه‌ریا هه‌ڤپه‌یمانیا نێڤده‌ولى ب سه‌رۆكاتیا نه‌ته‌وه‌یێن ئێكگرتیا ئه‌مریكى دژى شه‌رێ داعشێ ل ده‌ڤه‌را رۆژهه‌لاتا ناڤین.
ئه‌مريكا ب 2300 مارينزا و كه‌ندا ب شه‌ش فرۆكان دێ شه‌رێ داعش كه‌ن
ئه‌ڤرۆ نيوز:
ژێده‌رێن سه‌ربازى يێن كوێتى راگه‌هاند كو كه‌نه‌دا دێ شه‌ش فرۆكێن جه‌نگى ژ جۆرێ CF18 ل گه‌ل فرۆكه‌كا پڕكرنا سۆته‌مه‌نيێ و دو فرۆكه ژى بۆ چاڤدێرى و ڤه‌گوهاستنا له‌شكرى هنێريته كوێت بۆ پشكداريكرن د شه‌رێ هه‌ڤپه‌يمانيا نێڤده‌وله‌تى ل دژى داعش دا.
ب گۆره‌ى ژێده‌رێن ده‌نگوباسان، فرۆكێن جه‌نگى يێن كه‌نه‌دى ل ده‌مێ گه‌هشتنا خوه بۆ كوێت دێ پشكداريێ ل گه‌ل هه‌ڤپه‌يمانيا نێڤده‌وله‌تى كه‌ت ژ بوو هێرشێن ئه‌سمانى يێن ل دژى چه‌كدارێن داعش ل سوريا و عيراقێ و بنگه‌هێ وان يێ فرينێ ژى دێ ل كوێت بيت.
ژ لايه‌كێ دى ژى ڤه رۆژناما سياسه يا كوێتى دياركر كو دو هزار و 300 له‌شكرێن هێزێن پشكداريكرنا ب له‌ز يێن مارينز ئه‌وێن ل ده‌ستپێكا ڤێ هه‌يڤێ ل كويت به‌لاڤكرين خوه ئاماده دكه‌ن بۆ هاتنا ناڤ عيراقێ دا كو رێ نه‌ده‌ن پارێزگه‌ها ئه‌نبار ب ته‌مامى بكه‌ڤيته ده‌ستێ رێكخستيا داعش.
نيشاندان
WP Facebook Auto Publish Powered By : XYZScripts.com