ئه‌ڤرۆ نيوز:
بەری دەمەکی ل گوندێ بێسرێ گەنجەکێ ۲۷ سالی خوه خەندقاند، پولیس ل جهێ روودانێ ئامادبوون و پەرێن ڤەکولینێ هاتنە ڤەکرن و هاته ڤەگوھاستن بو پزیشکی داد ل دھوکێ.
گه‌نجه‌كى خوه خه‌ندقاند
نووترين نووچه
- پێدڤییە مووچەیێ وەلاتییان نەبیتە پشكەك ژ ململانێیا سیاسی
- سوپاسنامەیەك ژ مەكتەبا سیاسی یا پارتی دیموكراتی كوردستان
- هشیار زێباری بۆچوونا سیاسی یا پارتی ل دۆر گوهۆڕینان بەرچاڤكر
- دخوازین هەتا حەفتییا بهێت بگەهینە رێككەفتنێ ل گەل بەغدا
- نڤیسینەكا پارێزگارێ كەركووكێ دابیتە ئەگەر کو چەندین دەڤەرێن كوردستانی ب حەویجە ڤە بهێنە گرێدان
- ئێكگرتنا هێزێن پێشمەرگەی گەهشتە قووناغا دووماهیێ
- هۆزێن ل دێرازۆرێ و رەققە داخوازا سیستەمەک نە ناڤەندی بۆ سووریێ دکەن
- هەرێمێ پێگیریێن خوە بجهئیناینە و دڤێت بەغدا مووچەی بهنێریت
- پێشكەفتنەكا گرنگ ل دۆسێیا هنارتنا پەترۆلا هەرێما كوردستانێ ب دەستڤەهاتیە
- بەرهەڤی بۆ هەلبژارتنا دەستەیا سەرۆكاتییا پەرلەمانێ كوردستانێ دهێنە كرن
سهرهكى نوچێن گرنگ
سه‌رۆك بارزانى په‌يامه‌كێ به‌لاڤ دكه‌ت
ئه‌ڤرۆ نيوز:
سه‌رۆك مه‌سعود بارزانى ئه‌ڤرۆ پێنجشه‌مبى 5/12/2019 ل دۆر شه‌هيدكرنا سێ پێشمه‌رگه‌يان د هێرشه‌كا تيرۆرستێن داعشێ دا ل نێزيك خانه‌قين، په‌يامه‌ك به‌لاڤكر.
سه‌رۆك بارزانى د په‌ياما خوه‌دا گۆت” ل شه‌ڤا بۆرى، ژ ئه‌گه‌رێ هێرشا تيرۆرستان ل سه‌ر پێشمه‌رگه‌ى ل ده‌وروبه‌رێن خانه‌قينێ، مخابن 3 پێشمه‌رگه شه‌هيد بوون، سه‌ره‌خوه‌شيا خوه ئاراسته‌ى كه‌سوكارێن شه‌هيدان دكه‌ين و هێڤيا سلامه‌تيا بله‌ز بۆ برينداران دخوازين”.
سه‌رۆك بارزانى گۆت ژى” هێرشێن ڤێ دووماهيێ يێن تيرۆرستان دياردكه‌ن كو تيرۆرستان يا خوه رێكخستى و گه‌فه‌كا جدى نه بۆ سه‌قامگيريا هه‌موو ده‌ڤه‌رێ”.
نوونه‌رێ هه‌رێمێ ل به‌غدا داخوازيه‌كێ ئاراسته‌ى فراكسيۆنێن كوردى دكه‌ت
ئه‌ڤرۆ نيوز:
سه‌رۆكێ نوونه‌راتيا حوكمه‌تا هه‌رێما كوردستانێ ل به‌غدا فارس عيسا راگه‌هاند، ئه‌ڤرۆ پێنجشه‌مبى 5/12/2019 ب فه‌رمى رێككه‌فتنا هه‌ولێرێ وبه‌غدا ل سه‌ر بودجێ گشتيێ عيراقێ بۆ سالا 2020 هاته ئه‌نجامدان.
فارس عيسا گۆت” ب گۆره‌ى وێ رێككه‌فتنێ، هه‌رێما كوردستانێ رۆژانه دێ 250 هزار به‌رميلێن په‌ترۆلێ راده‌ستى كۆمپانيا بازاركرنا په‌ترۆلێ عيراقێ (سۆمۆ) كه‌ت و شێوازێ دانا قه‌ران ژى هاتيه دياركرن”.
سه‌رۆكێ نوونه‌راتيا حوكمه‌تا هه‌رێما كوردستانێ ل به‌غدا ب پێدڤى زانى فراكسيۆنێن كوردى ل په‌رله‌مانێ عيراقێ ب ئێكده‌نگ بزاڤا په‌سه‌ندكرنا پرۆژێ قانوونا بودجا گشتى يا عيراقێ بۆ سالا 2020 بكه‌ن.
وه‌زيرێ پێشه‌سازى دێ ئاماده‌يى روونشتنا بهێت يا په‌رله‌مانى بيت
ئه‌ڤرۆ نيوز، نيوار محه‌مه‌د سه‌ليم:
بڕياره رۆژا سێشه‌مبى 10ى كانوونا ئێكێ 2019 په‌رله‌مانێ كوردستانێ كۆم ببيت و د وێ كۆمبوونێ دا خواندنا دويێ بۆ پێشنيازا قانوونا ريكلامێ بازرگانى بكه‌ت.
ب گۆره‌ى پێزانينێن ل به‌ر ده‌ست بڕياره ده‌مژمێر 11:00ى سپێده‌هيا رۆژا سێشه‌مبى 10ى كانوونا ئێكێ 2019 په‌رله‌مانێ كوردستانێ كۆم ببيت و كۆمبوونا په‌رله‌مانى دێ يا تايبه‌ت بيت ب خواندنا دويێ بۆ پرۆژێ قانوونا ريكلاما بازرگانى.
بڕياره د روونشتنا رۆژا سێشه‌مبى يا بهێت يا په‌رله‌مانێ كوردستانێ دا، وه‌زيرێ پێشه‌سازى و بازرگانى يێ حوكمه‌تا هه‌رێما كوردستانێ ژى پشكدار بيت.
شەش کەس دێ خوە بۆ پۆستێ سەرۆک وەزیرێن عیراقێ کاندید کەن
ئەڤرۆ نیوز ، زنار تۆڤی:
شەش سەرکردە و کەساتیێن عێراقێ دێ خوە بۆ پۆستێ سەرۆک وەزیرێن عێراقێ کاندید کەن.
ل دووڤ نووچەیێن راگەهاندنا عێراقی، حزب و لایەنێن سیاسی یێن عێراقێ بەردەوام ل سەر کۆمبوونێن خوە ژ بۆ دەستنیشانکرنا کەسەکێ بۆ وەرگرتنا پۆستێ سەرۆک وەزیرێن ڤی وەلاتی، هەروەسا بەحسێ شەش کەسان دکەن بۆ کاندید کرنا پۆستێ سەرۆک وەزیران، کو پێکهاتینە ژ:
– ئیبراهیم بەحر ئەلعلوم، کاندیدێ میلیشیاتێن بەدر و رەوتێ حیکمە.
– فەریق روکن عەبدولوەهاب ساعدی، کاندیدێ ئەیاد عەللاوی و ئوسامە نوجێفی.
– عەدنان زەرفی، کاندیدێ هەڤپەیمانیا نەسر، کو حەیدەر عەبادی سەرۆکاتیا وێ دکەت
– عەلی شوکری، کاندیدێ بەرهەم سالحی
– قوسەی سوهێل، کاندیدێ هەڤپەیمانیا دەولەتا قانوونێ، کو نوری مالکی سەرۆکاتیا وێ دکەت.
– فالح فەیاز، کاندیدێ کوتلا عەتا
دەست ژکار کێشانا عەبدولمەهدی ل سەر داخوازا لێڤەگەرێ بلند یێ شیعێن عێراقێ بوو، پشتی کو خوە نیشاندانان پرانیا باژێرێن شیعا ڤەگرتین، هەروەسا خوە نیشاندان ل رۆژا 2-10-2019 ل بەغدا و زۆربەیا باژێرێن عێراقێ ل دژی گەندەلیێ و نەبوونا خزمەتگوزاریان ، دەست پێ کرینە.
هه‌رێم و به‌غدا ل سه‌ر مووچه‌ى رێكه‌فتن
ئه‌ڤرۆ نيوز، نيوار محه‌مه‌د سه‌ليم:
وه‌زيرێ دارايى و ئابوورى يێ حوكمه‌تا هه‌رێما كوردستانێ راگه‌هاند كو هه‌رێم و به‌غدا ل دۆر پرسێن په‌ترۆل، قه‌ر و بوودجێ گه‌هشتنه رێكه‌فتنێ.
ئاوات شێخ جه‌ناب، د كۆنگره‌كێ رۆژنامه‌ڤانى دا ل گه‌ل شاندێ هه‌رێمێ بۆ به‌غدا گۆت: “شياين رێكه‌فتنێ ل سه‌ر په‌ترۆلێ بكه‌ين و رۆژان 250 هزار به‌رميلێن په‌ترۆلێ راده‌ستى سۆمۆ بكه‌ين. هه‌روه‌سا شياين ده‌رباره‌ى قه‌ران بگه‌هينه لێك تێگه‌هشتنه‌كێ”.
زێده‌تر گۆت: “هه‌كه به‌غدا رێكه‌فتنێ بجهـ بينيت، كێشا مووچان نامينيت. حوكمه‌ت ل دانا مووچێن فه‌رمانبه‌ران به‌رپرسياره، چونكو حوكمه‌تا هه‌رێما كوردستانێ هه‌شت مووچێن فه‌رمانبه‌ران و 12 مووچێن خانه‌نشينان يا قه‌رداره”.
وه‌زيرێ دارايى دا زانين ژى كو پێشتر بڕيارا بڕينا بوودجێ هه‌رێما كوردستانێ سياسى بوو، “بۆ بوودجێ سالا 2020ێ نها ته‌په د گۆره‌پانا جڤاتا نوونه‌ران دايه، مه وه‌كو شاندێ دانوستاندنكار يێ حوكمه‌تێ كارێن خوه ته‌مام كرن و ئه‌ركێ نوونه‌رێن كورده ل به‌غدا د ده‌مێ دانوستاندنان دا ل سه‌ر بوودجێ به‌ره‌ڤانيێ ژ مافێن خه‌لكێ كوردستانێ بكه‌ن و بچه‌سپينن”.
ئاوات شێخ جه‌ناب ئاماژه ب وێ چه‌ندێ ژى كر كو دانوستاندنێن ڤێ جارێ ل گه‌ل به‌غدا د سه‌ركه‌فتى بوون و د رێكه‌فتنێ به‌رژه‌وه‌نديێن هه‌ردولا به‌رچاڤ هاتينه وه‌رگرتن.
سێ پێشمه‌رگه شه‌هيد و دو ژى بريندار بوون
ئه‌ڤرۆ نيوز:
شڤێدى ده‌مژمێمر 09:00، چه‌كدارێن داعش هێرش كره سه‌ر هێزێن پێشمه‌رگه‌ى ل گوندێ ده‌كه يێ سه‌رچه‌م ل باشوورێ رۆژئاڤايێ خانه‌قين و د روو ب رووبوونه‌كا دژوار دا سێ پێشمه‌رگه شه‌هيد و دو ژى بريندار بوون.
ئومێد مه‌جيد، رێڤه‌به‌رێ پۆليسێن كه‌لار بۆ رووداو راگه‌هاند كو داعش هێرش كريه سه‌ر بنگه‌هه‌كێ هێزێن پێشمه‌رگه‌ى يێ ليوا سێ يا په‌ياده ل گۆندێ ده‌كه و ژ ئه‌گه‌رێ وێ چه‌ندێ سێ پێشمه‌رگه شه‌هيد و دو ژى بريندار بووينه و برينا ئێك ژ وان يا دژواره و ل نه‌خۆشخانا شه‌هيد هه‌ژار ل كه‌لار چاره‌سه‌رى بۆ دهێته كرن.
رێڤه‌به‌رێ پۆليسێن كه‌لار دا زانين ژى كو نها كاودانێن ده‌ڤه‌رێ د ئارامن و چو مه‌ترسى ل سه‌ر نينه.
د ڤێ ده‌ربارێ دا وه‌زاره‌تا پێشمه‌رگه‌ى ژى ل حوكمه‌تا هه‌رێما كوردستانێ به‌ياننامه‌ك به‌لاڤكريه و د دانه‌كێ دا يا كو ب ده‌ست ئه‌ڤرۆ نيوز كه‌فتى خه‌لكێ كوردستانێ پشت راست دكه‌ت كو دێ هه‌موو وان هێرشێن نه‌ره‌وا يێن دهێنه سه‌ر خه‌لكێ كوردستانێ بۆ تێكدانا ئارامى و ئاسايشا هه‌رێمێ تێك شكێنن و خه‌لكێ كوردستانێ د ڤى وارى دا پشت راست دكه‌ن.
هه‌ر چه‌نده د ڤێ به‌ياننامێ دا ئاماژه ب ژمارا قوربانيێن پێشمه‌رگه‌ى و تيرۆرستێن داعش ژى نه‌كريه، به‌لێ دايه زانين كو ئه‌ڤه نه‌جارا ئێكێ يه به‌رسينگێ هێرشێن ژ ڤى ره‌نگى دبن، د ده‌مه‌كى دا كو حوكمه‌تا عيراقێ سه‌ركه‌فتن يا ئێكجارى ل سه‌ر داعش راگه‌هانديه، به‌لێ د راستى دا وه‌كو چاڤدێر ته‌ماشه دكه‌ن ژنوو داعش يا سه‌ر هلدده‌ت.
وه‌زاره‌تا دارايى دێ هويرده‌كاريێن رێككه‌فتنا به‌غدا و هه‌رێمێ به‌رچاڤ كه‌ت
پێشانگەهێ حەفتێ یا پرتووکێ دێ ل دهۆکێ هێتە ڤەکرن
ئەڤرۆ نیوز ، زنار تۆڤی:
وەسا بریارە پێشانگەها حەفتێ یا پەرتۆکێ ل پارێزگەها دهۆکێ بهێتە ڤەکرن و بۆ دەمێ شەش رۆژان دێ یا بەردەوام بیت.
د ڤی واری دا بورهان یەحیا پەیڤدارێ رێڤەبەریا راگەهاندن و چاپ و بەلاڤکرنێ ل پارێزگەها دهۆکێ بۆ ئەڤرۆ نیوز گۆت: وەزارەتا رەوشەنبیری و لاوان، رێڤەبەریا گشتی یا راگەهاندن و چاپ و بەلاڤکرنێ، رێڤەبەریا راگەهاندن و چاپ و بەلاڤکرنێ ل دهۆکێ دێ پێشانگەها حەفتێ یا پەرتۆکێ دێ ل دهۆکێ هێتە ڤەکرن ل رۆژا 9/12 هەتا 14/12/2019 دێ یا بەردەوام بیت، هەروەسا دێ پێشانگەهـ ل دەمژمێر 9 سپێدێ هەتە 6 مەغرەب یا بەردەوام بیت و دێ پێشانگەهـ ل سەنتەرێ قوتابیان ل زانکۆیا دهۆکێ هێتە ڤەکرن.
ناڤهاتی گۆت ژی: د ڤێ پێشانگەهێ دا دێ 12 پەرتووکخانێن دهۆکێ، کو پشکەک ژ وان پەرتۆکخانان دێ نوونەراتیا هەولێرێ و سلێمانیێ و دەرڤەی وەلاتی ژی کەن، هەروەسا دێ شەش هزار ناڤ و نیشانێن پەرتۆکان هێنە نیشادان و ئەڤ سالە هندەک پەرتۆکێن نووتر دێ پشکدار بن، دیسان پەرتوکخانێن کەرتێ تایبەت شیاینە چەندین پەرتۆکێن نوو بکەنە دناڤا بازاری دا، هەروەسا داشکاندن دێ ل سەر هەموو پەرتوکان هەبیت و داشکاندن دێ 10% هەتا 30% د هندەک پەرتووکان دا هەبیت، هەروەسا دێ پەرتۆک ب زمانێن کوردی و عەرەبی و ئنگلیزی و هندەک زمانێن دیتر ژی پشکداریێ تێدا کەن.
حوكمه‌تێ پرۆژێ قانوونه‌كا گرنگ هنارته په‌رله‌مانى
ئه‌ڤرۆ نیوز:
ئه‌ندامه‌كێ لژنا وه‌به‌رئێنان و ئاڤه‌داكرنێ ل په‌رله‌مانێ كوردستانێ راگه‌هاند، حوكمه‌تا هه‌رێما كوردستانێ پرۆژێ قانوونا وه‌به‌رئێنانێ بۆ په‌رله‌مانى هنارت.
شوان زرارى، ئه‌ندامێ لژنا وه‌به‌رئێنان و ئاڤه‌دانكرنێ ل په‌رله‌مانێ كوردستانێ گۆت” حوكمه‌تا هه‌رێمێ پرۆژێ قانوونا وه‌به‌رئێنانێ بۆ سه‌رۆكایه‌تیا په‌رله‌مانێ كوردستانێ یێ هنارتى، به‌لێ هه‌تا نوكه نه‌گه‌هشتیه ده‌ستێ ئه‌ندامێن په‌رله‌مانى”.
هه‌رێما كوردستانێ قانوونا وه‌به‌رئێنانێ یا هه‌ى و ژبه‌ر نه‌گونجاندنا وێ ل گه‌ل ره‌وشا نوكه یا هه‌رێما كوردستانێ، حوكمه‌تا هه‌رێمێ ئه‌و قانوونه راستڤه‌كریه.
پێشتر و ل ده‌مێ دانا باوه‌ریێ ب كابینا نه‌هێ یا حوكمه‌تا هه‌رێمێ، مه‌سرور بارزانى سه‌رۆكێ حوكمه‌تا هه‌رێما كوردستانێ ل هێلین گشتى یێن كابینا نه‌هێ دا، راستڤه‌كرنا قانوونا وه‌به‌رئێنانێ ئاماژه پێ هاتبوو دان و گونجاندنا وێ ل گه‌ل ره‌وشا نوكه یا هه‌رێمێ، كو د به‌رژه‌وه‌ندیا وه‌لاتیان دا دێ هێته راستڤه‌كرن.
نيشاندان
WP Facebook Auto Publish Powered By : XYZScripts.com