ئه‌ڤرۆ نیوز، ب. ئازاد نسری:
نڤیسینگه‌ها راگه‌هاندنا بانكا رافیده‌ین ئه‌ڤرۆ 26/12/2018 د به‌یاننامه‌كێ دا راگه‌هاند، كو دێ دو پێشینا ده‌ته فه‌رمانبه‌ران، ئێك یا پێنج ملیۆن دیناری و یا دی 10 ملیۆن دینارن.
بانكا رافیده‌ین ئاماژه ب وێ چه‌ندێ ژی كریه كو ئه‌ڤ پێشینا نوو دێ بۆ وان فه‌رمانبه‌ران هێته دان یێن كو به‌ری نوكه مامه‌لا بانكی بۆ وه‌رگرتنا مووچێ خوه ڤه‌كر ب رێیا بانكێ و كارتا ئه‌لكترۆنی یا وێ ” هژمارا بانكی ل بانكا رافیده‌ین” هه‌بیت.
بانكێ دیاركریه كو ب رێیا كورته نامه‌كا مۆبایلێ ئه‌و كه‌سه دێ هێته ئاگه‌هداركرن یێ كو پێشینه بۆ ده‌ركه‌فتی و پشتی ته‌مامكرنا رێكارێن قانوونی، پاره دێ چیته سه‌ر هژمارا بانكی یا وی فه‌رمانبه‌ری و ئه‌ڤ پێشینه‌یه ژ فه‌رمانبه‌رێن پارێزگه‌هێ، عیراقێ و ده‌ڤه‌رێن كوردستانی یێن ده‌رڤه‌ی ئیدارا هه‌رێما كوردستانێ دگریت.
نووترين نووچه
- سەرۆك بارزانی و نێچیرڤان بارزانی و مەسرور بارزانی سەرەخوەشیێ ل قوربانیێن ئاگرێ توركیا دكەن
- نێچیرڤان بارزانی دوپاتیێ ل پێشڤەبرنا پەیوەندییان ل گەل هۆلەندا دكەت
- سەرۆكێ حوكمەتا هەرێمێ ل گەل چەندین سەركردە و بەرپرسێن وەلاتێن جیهانێ ل داڤۆسێ كۆم دبیت
- شاندێ هەولێرێ و بەغدایێ دوپاتیێ ل چارەسەركرنا كێشەیا مووچەیێ فەرمانبەرێن هەرێمێ دكەن
- هەلوەشاندنا بڕیارێن ڕژێما بەعسا ژناڤچووی پێنگاڤەكا گرنگ و پێدڤی بوو
- سەرۆک بارزانی داخواز کر کو ئاستەنگێن د ناڤبەرا مە و هەسەدێ دا نەهێلین
- سەرۆك بارزانی دوپاتیێ ل ئێكڕێزییا كوردان ل سووریێ دكەت
- قونسلێ ئیتالیا بۆ نێچیرڤان بارزانی: گرنگییێ ب پەیوەندیێن خوە ل گەل هەرێما كوردستانێ د دەین
- ئارمانجا مە پێشئێخستنا ژێرخانەیا ئابوورییا هەرێما كوردستانێ یە
- دیدار و كۆمبوونێن سەرۆكێ حوكمەتا هەرێما كوردستانێ ل داڤۆس
سهرهكى نوچێن گرنگ
پەرلەمانتارەکێ پارتی: بزاڤ یێن دھێنەکرن سێ مووچێن ئەڤ سالە ببنە چەک
ئەڤرۆ نیوز، قائید میرۆ:
پەرلەمانتارەکێ پارتی دیموکراتی کوردستان ئاشکرا کر کو ھەموو بزاف یێن دھێنەکرن دگەل وەزارەتا دارایی و ئابووری بگەھنە ئەنجامەکی بۆ وێ چەندێ سێ مووچێن ئەڤ سالە ببنە چەک و ل سەر فەرمانبەران بھێنە بەلاڤکرن.
زانا مەلا خالد، پەرلەمانتارێ فڕاکسیۆنا پارتی ل پەرلەمانێ کوردستانێ بۆ ئەڤرۆ نیوز دیار کر کو پارتی دیموکراتی کوردستان ب رێیا وەزارەتا دارایی و ئابووری یا کار دکەت ئەو سێ مووچێن ئەڤ سالە دمینن بھێنە ئێکلاکرن، کو د سالا نوو دا دێ ب چو شێوە لسەر فەرمانبەرێن ھەرێما کوردستانێ ھێنە بەلاڤکرن و گۆت: “وەلاتیان پشتڕاست دکەین بەلاڤکرنا مووچەی وەک بەرێ دێ ھەر 30 رۆژان جارەکێ ھێتە بەلاڤکرن و ئاریشە نابن”.
ناڤھاتی ئاماژە دا وێ چەندێ کو پارتی یا بزاڤەکادی ژی دکەت کو ھەر سێ مووچێن مایی ببنە چەکێ بانکی و ل سەر فەرمانبەران بھێنە بەلاڤکرن، بەلێ بۆ پێشنیارا دویێ و چێکرنا چەکا ھێشتا ئەو نەگەھشتینە چو ئەنجامان و ب تنێ بزاف د بەردەوام ن.
هێزێن ئه‌مريكا ژ سوريا دێ بۆ عيراقێ و هه‌رێمێ هێنه ڤه‌كێشان
ئه‌ڤرۆ نيوز:
ئه‌ڤرۆ رۆژا چارشه‌مبى 26ى كانوونا ئێكێ 2018 ژێده‌ره‌كێ له‌شكرى يێ عيراقى راگه‌هاند: “حوكمه‌تا عيراقێ گه‌هشتنه ئه‌وێ باوه‌ريێ كو ئه‌و خوه‌ڤه‌كێشانا هێزێن ئه‌مريكى ژ سوريا دێ به‌ر ب عيراقێ بيت”.
ب گۆره‌ى راپۆرته‌كا رۆژناما عه‌ره‌بى، ژێده‌ره‌كێ له‌شكرى گۆتيه كو لايه‌نێ عيراقێ د چه‌ند رۆژێن بۆرى دا كۆمه‌كا نيشان و ئاماژه‌يان بۆ ده‌ركه‌فتينه كو حوكمه‌تا عيراقێ گه‌هشتيه وێ باوه‌ريێ كو دێ ڤه‌كێشانا هێزێن ئه‌مريكى ل سوريا ب ئاراستێ خه‌لكێ عيراقێ دا بيت.
ژێده‌ره‌كى ژ وه‌زاره‌تا به‌ره‌ڤانيا عيراقێ كو نه‌ڤيايه ناڤێ خوه ئاشكه‌را بكه‌ت گۆت: “هه‌موو نيشان وێ چه‌ندێ ديار دكه‌ن كو ئه‌و هێزێن ئه‌مريكا دێ به‌ر ب دو بنكێن له‌شكرى يێن عيراقێ هێنه ڤه‌كێشانا، ئێك ل هه‌رێما كوردستانێ و دو ژى ل بنگه‌هێ عه‌ين ئه‌سه‌د ل باژێرێ به‌غدا ل نێزيك سنورێ عيراقێ و سوريا بيت ل رۆژئاڤايێ وه‌لاتى”.
ئه‌وى ژێده‌رى ئاماژه ب وێ چه‌ندێ ژى كريه كو ئه‌و خه‌ملاندنا وان ل سه‌ر دو بنه‌مايان هاتيه كرن؛ پشتى دۆنالد تره‌مپ سه‌رۆكێ ئه‌مريكا بڕيارا ڤه‌كێشانا هێزێن خوه ژ سوريا داى و گۆت: “يا ئێكێ به‌لاڤبوونا هێزێن ئه‌مريكايه ل ده‌ڤه‌رێن بيابانێن ناڤبه‌را هه‌ردو وه‌لاتان، بێ كو چو هه‌ماهه‌نگيه‌كێ ل گه‌ل عيراقێ بكه‌ن، ل بنگه‌هێ عه‌ين ئه‌سه‌د ده‌رچن و هاتنوچوون و نيشاندانێن له‌شكرى ل وى سنورى ئه‌نجام ده‌ن”.
گۆتژى: “چاڤدێريا هندێ هاتيه كرن كو ئاماده‌كاريا ڤه‌كرنا بنگه‌هه‌كێ له‌شكرى ل هه‌رێما كوردستانێ بكه‌ن كو ببيته نووترين بنگه‌هێ له‌كشرى يێ هێزێن ئه‌مريكا ل ناڤ ئاخا عيراقێ، ئاماده‌كارى ژى ب وى ره‌نگى كو دبيت بۆ پێشوازى كرنێ بيت ل يه‌كه‌يه‌كا له‌شكرى يا تژى چه‌ك و ته‌قه‌مه‌نى و روويه‌كێ به‌رفره‌هـ يێ ئه‌ردى بۆ هاتيه ته‌رخانكرن”.
هه‌ر ڤێ رۆژنامێ ئاماژه ب وێ چه‌ندێ ژى كريه كو هه‌تا نوكه چو لايه‌نه‌كێ فه‌رمى ژ هه‌رێما كوردستانێ و عيراقێ و ئه‌مريكا ب فه‌رمى ئه‌ڤ پێزانينه پشت راست نه‌كرينه.
بێ وه‌رگرتنا رازیبوونێ، دەستکاریا گۆره‌كێ شوونوارى دهێتە کرن
ئه‌ڤرۆ نیوز، عەلی حاجی
شینواێ زەمبیل فروشی ئێک ژ شینوارێن دێرینێ سەر ب ناحیا باتیڤا ڤە دهێتە هژمارتن و هەتا نوکە هاتیە پاراستن بەلێ بێ ئاگەهداریا رێڤەبەریا شینوارێن زاخۆ خێرخازەک رابوویە ب نیژەنکرنا وی شینواری ۰
ل دور ڤی بابەتی هاولاتیەکێ ناحیا باتیڤا ب ناڤێ نزار مەجید بو ئەڤرۆ نیوز گوت: ئەڤە تاوانەکا مەزنە ددەرحەقێ ڤی شینواری دا نزانم چاوا بێ ئاگەهداریا شینواران رێک ب ڤی کەسی هاتیە دان ب ڤی کاری رابیت مادەم ئەڤ کارە بێ رێڤەبەریا شینواران هاتیە ئەنجام دان جهێ قەبول کرنێ نینە و پێتڤی یە ئەو کەسێن ب ڤی کارێ نویژەنکرنێ رابوین بهێنە سزادان و دەستگیر کرن .
ل دور ڤی بابەتی ژێده‌ره‌كێ ژ رێڤەبەریا شینواران ل زاخۆ بۆ روژناما ئەڤرو گوت : ئەڤ کارە بێ رێڤەبەریامە هاتیە ئەنجام دان ئەگەر خێرخازەک ب ڤی کاری رابویە بڤێت ڤی جهی نویژەن بکەت پێتڤی یە مە ئاگەهدار بکەت و لدویڤ رێنماێن رێڤەبەریا مە نیژەن بکەت بەلێ جهێ داخێ یە گەلەک کار بێ رێڤەبەریا مە دهێنە ئەنجام دان .
ل دویماهیێ رێڤەبەریا شینواران ل زاخۆ دیاركر: سوباهی دێ دویڤ چوونا ڤی بابەتی کەین و نابیت ئەڤ کارە بێ مە بهێتە ئەنجام دان، چونکی ل گورێ زەمبیل فروشی وەکی هێمایەکێ لێ هاتیە بو خەلکێ ناحیا باتیڤا .
تلسقوف : پێشمه‌رگه پشكدارى یادا حه‌زره‌تێ مه‌سیح بوون
ئه‌ڤرۆ نیۆز ،ره‌مه‌زان هه‌رنى:
هێزێن پێشمه‌رگه‌ى ل میحوه‌رێ تلسقوف پشكدارى رێوره‌سمێن جه‌ژنا ژ دایك بوونا حه‌زره‌تێ مه‌سیح بوون ل كه‌ل مه‌سیحیێن ده‌ڤه‌رێ و مه‌سیحى ژى په‌سنا رولێ پێشمه‌رگه‌ى دكه‌ن ل ده‌ڤه‌رێ.
ئه‌میره ستو هاولاتیه‌كا مه‌سیحیه ل ده‌شتا موسڵ بۆ ئه‌ڤرۆ نیۆز گوت : ژ به‌ر تیرورێ چه‌ند سال بۆ ئه‌م ئاواره‌یێ باژێرێن هه‌رێما كوردستانێ ببووین نوكه ئه‌م زڤرینه‌ڤه سه‌ر جه و مالێن خوه، ئه‌و جهێن دكه‌ڤن سنورێ هێزێن پێشمه‌رگه‌ى گه‌له‌ك د ئارامن ، پێشمه‌رگه پارێزه‌رێ ده‌ڤه‌رێن مه‌بوویه گه‌له‌ك شه‌هید و بریندار پێخه‌مه‌ت پاراستنا مه‌داینه نوكه ئه‌م زڤرینه‌ڤه و گه‌له‌ك ئارامیه .
مه‌رعان مه‌رعان ئه‌ندامێ فه‌رمانده‌یا سپیلك ل میحوه‌رێ تلسقوف بۆ ئه‌ڤرۆ نیۆز گوت : ب درێژاهیا شه‌رێ داعش و حه‌شدا شه‌عبى پێشمه‌رگه‌ى بێ جوداهى به‌ره‌ڤانى ل هه‌مو پێكهاته و ئاینا كریه ، نمونه ژى ل ده‌شتا مووسل تایبه‌ت ل میحوه‌رێ تلسقوف شه‌ڤ روژ مه كرینه ئێك پێخه‌مه‌ت پاراستنا سه‌ر و مالێ هاولاتیێن ده‌ڤه‌رێ ب هه‌مو پێكهاته‌یان ڤه ، هه‌موو هاولاتیێن ده‌ڤه‌رێ ل بن كونترولا پێشمه‌رگه‌ى گه‌له‌ك د ئارامن مه‌سیحیا ب ئارامى جه‌ژن و رێو ره‌سمێن خویێن ئاینى ئه‌نجامدده‌ن .
ب وێنه و ڤيديۆ: سه‌يرانێن قوتابيان د ناڤ به‌فرێ دا
پەرلەمانێ عیراقێ یاسایا خانەنشینیا پەرلەمانتارێن بێ خزمەت رەتکر
ئەڤرۆ نیۆز، ئەمیر ئەترووشی:
دادگەھا بلند یا عیراقا فیدرال یاسا پەرلەمانێ عیراقێ کو ل خولا بوری ھاتبوو پەسەندکرن ھندەک خالێن وێ لادان، پشتی حکومەتا فیدرال تانە ل یاسا پەرلەمانێ عیراقێ دای، بریارا دادگەھا فیدرال دەرکەت ب پەسەندکرنا یاسایێ و لادانا ژمارەکا خالان د وێ قانوونێ دا.
د ڤی چارچوڤەی دا د. دیار تەیب، ئەندامێ فراکسیونا پارتی ل جڤاتا نوونەرێن عیراقێ، بۆ ئەڤرۆ نیۆز دیار کر، خالا ھەرە باس لێ دھێتە کرن و ببوو جھێ باسکرنێ ل ناف خەلکی و راگەھاندنێ دا، خالا ژمارە ١٣ بوو، کو گرێدای خانەنشینکرنا پەرلەمانتارا بوو و ئەڤە ژی ژ دەرڤەی یاسا خانەنشینا ئێکگرتی یا فیدرال بوو، ژ بەر کو د خالەکێ دا ھندەک ئیمتیاز دابوونە پەرلەمانتاری، ئەو ژی نە ل بەرچاڤ وەرگرتنا ژیێ خانەنشینێ کو ٥٠ سالن، واتە ئەگەر ژیێ وی نەگەھشت بیتن ژی ھەر دێ ھێتە خانەنشینکرن، پشتی پارەکی ددەتە سندوقا خانەنشینیێ و خالا ھەبونا خزمەتا کێمتر ژ ١٥ سالی بۆ خانەنشینیێ. ئەڤ خالە ھاتە لادان و دێ خانەنشینا پەرلەمانتارا ل دووڤ یاسا خانەنشینا عیراقێ بیت.
ھەروەسا دیار کر کو ئەڤ خالە ب تایبەتی سەرۆکێ پەرلەمانی داخوازا لادانا وێ کر بوو ب ناڤێ پەرلەمانی و ئەڤ یاسایە یا تایبەتە ب پەرلەمانێ عیراقێ ڤە و ژ پەرلەمانێ کوردستانێ ناگریت.
ل دووڤ مادێ ژمارە ١٣ ژ یاسایا پەرلەمانێ عیراقێ ئەوا ل سالا ٢٠١٨ دەرچووی کو ئێک ژ وان خالان یا گرێدایە ب خانەنشینکرن پەرلەمانتاران ڤە و دادگەھا بلندا عیراقا فیدرال ژی بریارا نە یاساییکرنا چەند برگێن وێ قانوونێ دایە و ئەڤ قانوونە ژ ٢٩ خالان پێک دھات و پشتی ڤێ راستڤەکرنێ ٥ خال ھاتنە لادان و ٢٤ خال ھتنە رەتکرن و ل دووماھیا خۆلا بەری نھا یا پەرلەمانێ عیراقێ ھاتبوو پەسەندکرن و حۆکمەتا عیراقێ یا عەبادی سەرۆکاتی دکر تانە ل ٢٥ مادەیان دابوو.
ب وێنە: رێورەسمێن پیرۆزکرنا جەژنا حەزرەتا مەسیح ل زاخۆ
ھاتنوچوونا دھۆکێ: پلانا تەکسیێن تاک و جۆت ب زەحمەت بھێتە بجھئینان
ئەڤرۆ نیوز، ئەمیر ئەترووشی:
پەیڤدارێ رێڤەبەریا ھاتنوچوونا پارێزگەھا دھۆکێ راگەھاند، ئەو پلانا دھێتە دانان بۆ ھندێ تەکسی ب کت و جۆت کاربکەن، ئانکو ھەر رۆژەکێ یێن ژمارە کت و رۆژەکێ یێن ژمارە جۆت کاربکەن، گەلەک یا ب زەحمەتە بھێتە بجھئینان.
موقەدمێ مافپەروەر ئازاد تاھا، پەیڤدارێ رێڤەبەریا ھاتنوچوونا پارێزگەھا دھۆکێ بۆ ئەڤرۆ نیوز دیار کر، ئەڤ بریارە ل سەر شۆفێران دێ گەلەک یا دژوار بیت، چونکو گەلەک شۆفێر ھەنە ب تنێ کارێ شۆفێریا تەکسیێ دکەن و بۆ وان دەست نادەت رۆژەکێ کاربکەن و رۆژەکێ کارنەکەن و گۆت: “ئەگەر دڤێت ژینگەھێ ب پارێزن، پێدڤیە ل شوونا ڤێ بریاری کار ب ترۆمبێلێن پاس و ترام بھێتە کرن، چونکی نوکە گەلەک تەکسی ھەنە قوتابیان دئینن و د بەن و ھەکە ئەڤ بریارە بھێتە بجھئینان، دێ چاوا ئەڤ تەکسیە کارێ خوە کەن “.
محەمەد تاھر بریفکانی رێڤەبەرێ فەرمانگەھا ژینگەھا دھۆکێ بۆ ئەڤرۆ نیوز دیار کر، ژ بەر زێدەبوونا ترۆمبێلان د ناڤ باژێری دا، رۆژ بۆ رۆژێ ژینگەە پیستر لێ دھێت، لەوما پێدڤیە پلانەک بۆ ھاتنوچوونا ترۆمبێلان و ئینانا وان ژ سنووران بھێتە دانان و ئەو ترۆمبێلێن ب کرێ ژی کاردکەن کێمتر لێ بھێن، چونکو ئەو بەردەوان ھاتنوچوونێ دکەن و گۆت: “سالانە رێژەیەکا مەزن یا ترۆمبێلان ل باژێرێ دھۆکێ زێدە دبیت، ئەڤە ژی کارتێکرنەکا خراب ل سەر ژینگەھا دھۆکێ دکەت، چونکو دەمێ پانزین دھێتە سوتن کەرەستێن کێمیایی ژێ دەردکەڤن”.
سەلاح جەھوەر، رێڤەبەرێ گشتیێ ڤەگۆھاستنێ و ھێلا ئاسنی ل وەزارەتا ڤەگوھاستن و گەھاندنێ بەری نھا بۆ رۆژناما ئەڤرۆ دیار کر بوو، ئەڤە ماوێ سالەکێ یە ئەو کار د چێکرنا پرۆژەیەکی دا دکەن و نھا ب دووماھی ھاتیە، ناڤێ پرۆژەی (تەکسی تەلەفۆنە)، بەلێ ژ ئەگەرێ وێ یەکێ ژمارا تەکسیان ل ھەرێمێ گەلەک یا زێدەیە، ژ بەر ھندێ کۆمپانی نەشێت ھەموو تەکسیان وەربگریت و دێ کارکرنا وان بیتە تاک و جۆت، بۆ ھندێ پتریا تەکسیان ژ ڤی پرۆژەی مفاداربن.
ل ھەرێما کوردستانێ زێدەتر ژ ٨٠ ھزار تەکسیان ھەنە و ھەرێما کوردستانێ ب تنێ پێدڤی ب ٣٠ ھزار تەکسیان ھەیە و ٥٠ ھزار تەکسی ب زێدەھی ل کوردستانێ نە و نھا زێدەتر ژ ٩٢ ھزار ترۆمبێلێن کرێ ل کوردستانێ ھەنە.
ب تنێ خێزانەکا مەسیحی د ناڤ سەنتەرێ ناحیا شێلادزێ دا دژیت
ئەڤرۆ نیوز, ئێقبال عومەر:
ب تنێ خێزانەکا مەسیحی د ناڤ سەنتەرێ ناحیا شێلادزێ یا سەر ب قەزا ئامێدیێ ڤە دژیت، ئەڤە د دەمەکی دایە کو ب دەھان ھزار خێزانێن موسلمان د ناڤ ناحیا ناڤھاتی دا ھەنە و ئەڤرۆ مۆسلمانێن ڤێ ناحیێ ب مەرەما پیرۆزباھیا جەژنا حەزرەتا مەسیح سەرەدانا وێ خێزانا مەسیحی دکرن.
خوشابە قەشو ھورمز، خەلکێ گوندێ ھیشێ یێ سەر ب عەشیرەتا رێکان ڤە یە ل سنوورێ ناحیا شێلادزێ بۆ ئەڤرۆ نیوز دیار کر کو ل سالا 1930 ل گوندێ ھیش ژدایکبوویە و نھا ئاکنجیێ ناحیا شێلادزێ یە و گوت: ل سالا 1976 حوکمەتا بەعسا ژناڤچوویا عیراقێ ئەم بزوری ژ سەر گوندێن مە راکرین و برینە دەشتا نەینەوا و ل تلکێفێ ئاکنجیکرین کو پێک ھاتا گوندیێن مە ب دەھان خێزان بوون, پاشان من و چەند گوندیێن من مە مالێن خوە ڤەگوھاستە شێلادزێ ژ بەر کو ئەز نەشیام ل دەشتێ ژیانا خوە ببمە سەری، چونکو ئەم فێری سرۆشتێ وێ دەڤەرێ نەببوین, پشتێ چەند سالان ھندەک ژوان خێزانێن مەسیحی چوونە ژ دەرڤەی وەلاتی و ھندەک ژی چوونە ناڤەراستا عیراقێ، بەلێ ئەز نەشیام تەرکا سروشتێ ڤێ دەڤەرێ و ڤان مروڤێن موسلمان بکەم لەوما ئەڤە سەرێ چەندین سالانە ئەم دناڤ موسلمانێن ڤێ دەڤەرێ دژین وو ھەتا نوکە خەلکێ ڤێ دەڤەرێ چو نەخۆشی نەگەھاندینە مە”.
ناڤھاتی خویا کر کو ھەمی جەژن و خوەشی و نەخوەشیان ئەو ل گەل موسلمانان پشکدار دبن و ھەروەسا موسلمانێن ڤێ دەڤەرێ ژی دگەل وان دپشکدارن و چو جوداھیەکێ ئەو دناڤبەرا خوە و موسلمانان دا نابینین.
ژ لایێ خوەڤە مبارەک سەدیق، کو ب مەرەما جەژن پیرۆزکرنێ سەرەدانا ڤێ مالا مەسیحی کربوو بۆ ئەڤرۆ نیوز گوت: “یا دیارە ل دەڤەرا مە ئەڤ پێکڤە ژیانە ھەر ژ کەڤن دا یا ھەی و ئەو مەسیحیێن د ناڤ مە دا چو جاران ھەست ب ھندێ نەکریە کو جوداھیەکا دناڤ بەرا مەدا یا ھەی، بەلکو ھەمی دەمان مە پێکڤە رێورەسمێن خوە یێن گێراین چ یێن ئایینی بن یان ھەر بیرەوەری و ھەلکەفتەک بیت”.
نيشاندان
WP Facebook Auto Publish Powered By : XYZScripts.com