ئه‌ڤرۆ نیوز:
بکوژێن تاوانا شڤێدی ل کومەلگەها دومیز ژلایێ پولیسێن نەهێلانا گونەهباریا هاتنە دەستەسەرکرن
نووترين نووچه
- ب بەرهەڤبوونا نێچیرڤان بارزانی بەلگەفلمێ محسن دزەیی هاتە نیشا دان
- ڤەكرنا پاركا پێشمەرگە ل وەلاتەكێ داڕێژەرێ سیاسەتا دەرڤەیا ئێكەتییا ئۆرۆپا گرنگییا خوە هەیە
- ل دووڤ راسپاردەیا مەسرور بارزانی، 25 گەنجێن كورد ژ لیبیا دێ هێنە زڤڕاندن
- د. فوئاد حسێن: ل نێزیك هەولێر و بەغدا دێ گەهنە رێككەفتنێ
- حوكمەتا ئیراقێ وێرەكی نینە تاوانبارێن هێرشێن ل سەر كوردستانێ دیار بكەت
- وەزارەتا كۆچ و كۆچبەرێن ئیراقێ بزاڤێ دكەت كەمپ ببنە كۆمەلگەهێن ئاكنجیبوونێ بۆ ئاوارەیان
- ئیلهام ئهحمهد: دەستێوەردانێن دەرەکی دێ رەوشا سووریێ ئالۆزتر لێ کەن
- چارەسەركرنا كێشەیان ل ئیراقێ خزمەتا پاراستنا ئارامییا وەلاتی دكەت
- سەرۆكێ هەرێما كوردستانێ و شاندەكێ توركی دوپاتیێ ل بەرفرەهكرنا هاریكارییا هەڤپشك دكەن
- مەسرور بارزانی و محەمەد ئەلحەسسان دوپاتی ل دابینكرنا ماف و شایستەیێن دارایی یێن خەلكێ كوردستان كر
سهرهكى نوچێن گرنگ
به‌حسێ ئه‌گه‌رێن بهێزییا په‌یوه‌ندیێن خوه ل گه‌ل سه‌رۆك بارزانی دكه‌ت
ئه‌ڤرۆ نیوز:عه‌زیز هه‌ورامی
محه‌مه‌دی حاجی مه‌حمود، ئاشكرا دكه‌ت كانێ بۆچی په‌یوه‌ندیێن وی ل گه‌ل سه‌رۆك بارزانی ب هێزن و بۆ ئه‌ڤرۆ نیوز گۆت” هه‌ر سه‌ركرده‌یه‌ك كار بۆ سه‌رخه‌بوونێ بكه‌ت، ئه‌ز ژ وی سه‌ركردێ نێزیكم، نێزیكیا من بۆ سه‌رۆك بارزانی بۆ وێ یه‌كێ دزڤریت كو سه‌رۆك بارزانی هه‌موو خه‌باتا خوه بۆ سه‌رخوه‌بوونا كوردستانێ ته‌رخان كریه.
پێنج هزار پارچێن چه‌كى هاتنه ژناڤبرن
ئه‌ڤرۆنيوز:
وه‌زاره‌تا ناڤخوه ل هه‌رێما كوردستانێ پێنج هزار پارچێن چه‌كى ژناڤبرن وبرياره سوباهى ژى پێنج هزار چه‌كێ جۆراوجۆرێ دى ژى بهێته ژناڤبرن.
پشتى وه‌زاره‌تا ناڤخوه ل هه‌رێما كوردستانێ بريارا رامالينا چه‌كى ل هه‌رێما كوردستانێ ده‌ركرى ودحه‌فت خالێن وێ بريارێ ئاماژه بۆ وێ چه‌ندێ هاته كرن كو بۆ نه‌هێلانا دياردا چه‌كداريێ، ب تايبه‌تى چه‌كێ گران وناڤه‌ند وهێلانا وان چه‌كان تنێ دده‌ستێ هێزێن چه‌كدارێن حوكمه‌تا هه‌رێمێ، ئه‌و چه‌كێن بێ مۆله‌ت كو ژلايێ وه‌لاتيان ڤه دهێنه هه‌لگرتن، دێ ده‌ست ب سه‌ردا هێته گرتن وپێرابوونێن قانوونى هێنه وه‌رگرتن.
سامى جه‌لال، رێڤه‌به‌رێ گشتيێ ديوانا وه‌زاره‌تا ناڤخوه ل هه‌رێما كوردستانێ راگه‌هاند” ئه‌ڤرۆ مه نێزيكى پێنج هزار پارچێن چه‌كى ژناڤبرن وئه‌و چه‌كێن دێ ده‌ست ب سه‌ردا هێته گرتن ژى دێ هێنه كۆمكرن وژلايێ لژنه‌كا تايبه‌تمه‌ند ڤه هێنه جه‌ردكرن وژناڤبرن”.
گۆت ژى” ئه‌و چه‌كێن هاتينه ژناڤبرن هه‌موو جۆرێن چه‌كى تێدابوون وپتريا وان ده‌مانجه وكلاشينكۆف وچه‌كێ نێچيرێ بوو”.
گۆت ژى”لژنه يێن هاتينه پێكئينان وپۆليس وئاسايش دێ جهان ده‌ستنيشان كه‌ن بۆ رامالينا چه‌كان”.
سەرۆكێ دەمكی یێ پەرلەمانی دێ ل گەل فراكسیۆنێن پەرلەمانێ كوردستانێ كۆم بیت
ئەڤرۆنيوز ، زنار تۆڤی:
بریارە ل رۆژا پێنجشەمبی 14 شواتا 2019 سەرۆكێ دەمكی یێ پەرلەمانێ كوردستانێ ل گەل سەرۆكێن فراكسیۆنێن پەرلەمانێ كوردستانێ كۆم بیت.
رێڤنگ هرۆری، سەرۆكێ دەمكی یێ پەرلەمانێ كوردستانێ بۆ ئەڤرۆ نیوز دیار كر: پشتی پارتی دیموكراتی كوردستان و ئێكەتیا نیشتیمانی كوردستان بریار دای كو ل 18 شواتا 2019 كۆمبوونا پەرلەمانێ كوردستانێ بهێتە ئەنجامدان، ژ هنگێ وەرە ب رەنگەكێ بەردەوام كۆمبوون دهێنە كرن، هەروەسا مە ژی ل پەرلەمانێ كوردستانێ سەرەدانا هەموو فراكسیۆنێن پەرلەمانی كریە، ژ پێخەمەت ئەم ئالیەتا كۆمبوونا رۆژا دوشەمبیا بهێت بۆ هەلبژارتنا دەستەیا سەرۆكاتیا پەرلەمانێ كوردستانێ رێكبێخین، هەروەسا ل ڤان رۆژێن بهێن ژی دێ كۆمبوونێن مە د بەردوام بن.
زێدەتر گۆت: ل رۆژا پێنجشەمبی 14/2/2019 ئەز وەكو سەرۆكێ دەمكی یێ پەرلەمانێ كوردستانێ دێ ل گەل هەموو فراكسیۆنێن پەرلەمانێ كوردستانێ كۆم بم، داكو ئالیەتا كاری بۆ هەموویان یا رۆهن بیت ژبۆ كۆمبوونا رۆژا دوشەمبیا بهێت، چونكی ل 18 شواتێ دێ كۆمبوونا پەرلەمانی هێتە ئەنجامدان و پارتی یا رژدە ل سەر ئەنجامدانا ڤێ كۆمبوونێ، هەروەسا هەتا نوكە چو ئالیەكی نەگۆتیە ئەم پشكداریێ تێدا ناكەین، دیسا هەموو فراكسیۆنێن پەرلەمانێ كوردستانێ د هەڤرانە كو ئەڤ كۆمبوونە بهێتە كرن، د ڤێ كۆمبوونێ دا دێ دەستەیا سەرۆكاتیا پەرلەمانێ كوردستانێ هێتە هەلبژارتن، كو سەرۆكێ پەرلەمانی دێ ئێكەتی بیت و دیسا جێگرێ ئێكێ یێ سەرۆكێ پەرلەمانێ كوردستانێ ژ فراكسیۆنا پارتی دێ هێمن هەورامی بیت، هەروەسا ئەو سێ ئەندامێن هەتا نوكە ل پەرلەمانێ بەرهەڤ نەبووین، كو مافێ ئەندامەتیێ ژێ هاتیە وەگرتن و ل جهێ وان دێ سێ كه‌سێن دى وه‌كو په‌رله‌مانتار سويندا قانوونی خوينن كو ناڤێن وان بۆ پەرلەمانی هاتینە، ددووڤدا كۆمبوونا ئێكێ دێ ب دووماهی هێت.
بەربژارێ پارتی بۆ جێگرێ سەرۆکێ پەرلەمانی ئێکلا بوویە
ئەڤرۆ نیۆز، قائید میرۆ:
بڕیارە رۆژا ١٨ی شوباتێ کۆمبوونا پەرلەمانێ کوردستانێ بھێتە ئەنجامدان و پەرلەمانتارەکا پارتی ژی ئاشکرا کر، پۆستێ جێگرێ سەرۆکێ پەرلەمانی بۆ ھێمن ھەورامی ئێکلا بوویە و سەرۆکێ پەرلەمانی ژی دێ بۆ ئێکەتیێ بیت.
سەوسەن گەردی، پەرلەمانتارا فراکسیۆنا پارتی ل پەرلەمانێ کوردستانێ بۆ ئەڤرۆ نیۆز دیار کر” کۆمبوونا پەرلەمانی رۆژا ١٨ی شواتێ دێ د دەمێ خوە دا ھێتە ئەنجامدان و ھەموو بەرھەڤی ژی ھاتینە کرن بۆ رێڤەچوونا کۆمبوونێ، بڕیارە سبەی رۆژا چوارشەمبی فڕاکسیۆنا پارتی کۆمبوونەکێ ل دۆر رێڤەچوونا کۆمبوونا پەرلەمانی ئەنجام بدەت و چاوانیا سەرخستنا کۆمبوونا ١٨ی شوباتێ بھێتە بەحسکرن.
پەرلەمانتارا پارتی ئاشکرا کر” پۆستێ سەرۆکی پەرلەمانێ کوردستانێ بۆ ئێکەتیێ یە و ھەر ئێک ل بێگەرد تالەبانی و رێواس فایەق بەربژارێن ئێکەتیێ نە بۆ وەرگرتنا ئەڤی پۆستی.
سەوسەن گەردی دبێژیت” سەرۆکێ پەرلەمانی دو جێگر دێ ھەبن و جێگرەک دێ بۆ پێکھاتا بیت و جێگرێ ئێکێ ژی بۆ پارتی دیموکراتی کوردستانە، کو بەربژارێ پارتی بۆ وەرگرتنا جێگرێ سەرۆکێ پەرلەمانی ھەڤال ھێمن ھەورامیە و ئەڤ چەندە ئێکلا بوویە.
پارێزگه‌رێ دهۆكێ و به‌رپرسا رێكخراوا (WFP) گه‌نگه‌شا ئه‌لكترۆنیكرنا پلێتا ئاهێن خوارنێ كر
ئەڤرۆ نیوز:
فه‌رهاد ئه‌مین ئه‌ترووشى پارێزگه‌رێ دهوكێ ئەڤرۆ پێشوازیا خانم (سالى هیدوك) به‌رپرسا رێكخراوا(WFP) ل عیراقێ و شاندێ دگه‌لدا كر.
د هه‌ڤدیتنه‌كێ دا ب ئاماده‌بوونا ئیسماعیل محەمەد ئەحمەد هاریكارێ پارێزگه‌رى بو كاروبارێن مروڤایه‌تى به‌حسێ بریارا حكومه‌تا عیراقا فیدرال ژبو ئه‌لكترونیكرنا پلێتا ئاهێن خارنێ هاته كرن.
به‌رپرسا رێكخراوا(WFP) دیاركر كو دگه‌ل لایه‌نێن په‌یوه‌ندیدار ل عیراقێ كومبوینه بو ئه‌لكترونیكرنا پلێتا ئاهێن خارنێ و وه‌كو سه‌ربور پلێتێن ئه‌لكترونى بو چه‌ند خێزانه‌كا كو ناڤێن وان ل ده‌ف بریكارێن ئاهێن خارنێ بوون ل تاخه‌كێ باژێرێ به‌غدا هاتینه دورستكرن ، هه‌روه‌سا دیاركر كو بریاره ئه‌ڤ پروژه سوبه‌هى 13-2-2019 ل پارێزگه‌ها دهوكێ ژى بهێته ئه‌نجامدان و ئه‌ڤ كاره دێ شه‌ش هه‌یڤا به‌رده‌وام كه‌ت وخواست كو سازیێن په‌یوه‌ندیدار یێن پارێزگه‌هێ هه‌ڤكار وهاریكاربن دگه‌ل تیمێن وان بو سه‌رخستا پروژه‌ى.
ژلایێ خوڤه پارێزگه‌رێ دهوكێ خوشحالیا خو ب سه‌ره‌دانێ دیاركر وگرنگیا پروژێ ئه‌لكترونیكرنا پلێتا ئاهێن خارنێ به‌رچاڤكر وبه‌رهه‌ڤیا پارێزگه‌هێ نیشان دا بو هه‌ر هاریكارى وهه‌ڤكاریه‌كێ .
په‌رله‌مان: هه‌موو ئاماده‌كارى يێن بۆ كۆمبوونا 18ى شوباتێ هاتينه كرن
ئه‌ڤرۆ نيوز:
سه‌رۆكێ ده‌مى يێ په‌رله‌مانێ كوردستانێ دياركر كو ئاماده‌كاريێن سه‌رۆكاتيا ده‌مى يا په‌رله‌مانى بۆ كۆمبوونا 18ى هه‌يڤێ ده‌ست پێ كرينه و هه‌تا وى ده‌مى هه‌موو ئاماده‌كارى دێ ته‌مام بن.
رێڤينگ هرۆرى، سه‌رۆكێ ده‌مى يێ په‌رله‌مانێ كوردستانێ، بۆ مالپه‌رێ فه‌رمى يێ پارتى ديموكراتى كوردستان راگه‌هاند كو وه‌كو سه‌رۆكاتيا ده‌مى يا په‌رله‌مانى ده‌ست ب ئاماده‌كاريا ئيدارى و پرۆتۆكۆلى هاتيه كرن بۆ كۆمبوونا 18ى شوباتێ ب مه‌ره‌ما دياركرنا ده‌سته‌يا نوو يا سه‌رۆكاتيا په‌رله‌مانێ كوردستانێ، ژبلى وێ ژى ده‌ست ب سه‌ره‌دانا هه‌موو فراكسيۆنان كريه بۆ وێ چه‌ندێ ئاگه‌هدار بن كو رۆژا 18ى ڤێ هه‌يڤێ په‌رله‌مان دێ كۆم بيت.
رێڤينگ هرۆرى گۆتژى: “هه‌موو ئه‌ندامێن په‌رله‌مانى دێ ب نامه و د رێيا راگه‌هاندنێ دا بۆ كۆمبوونا په‌رله‌مانى هێنه ئاگه‌هداركرن و گۆت: “نها چاڤه‌رێ لايه‌نان دكه‌ين دا كو به‌رى كۆمبوونێ ناڤێن كانديدان بۆ مه ره‌وانه بكه‌ن”.
قانوونا بۆدجا عیراقێ بەرھەمێ سەردانا سەرۆک بارزانى بوو
ئەڤرۆ نیوز، سالار دۆسکی:
وەسفیا شێخو، ئەنداما پەرلەمانێ عیراقێ ژ فراکسیۆنا پارتی دیموکراتی کوردستان، ل سەر بەلاڤبوونا پرۆژە قانوونا بودجا عیراقێ ل رۆژناما (الوقائع) یا عیراقی سوپاسیێن خوە ئاراستەی سەرۆک بارزانی کرن، بۆ ئەڤرۆ نیۆز گۆت: ھەر ژ دەسپێکا رونشتنێن پەرلەمانی پشتەڤان بوویە و ھەر دەم کارکرینە ل گەل کوتلێن پەرلەمانی ھەفکاربن، سەردانا سەرۆکی بۆ بەغدا و ھەڤدیتنێن وی ل گەل سەرۆک وەزیرێن عیراقێ و پەرلەمانی کاریگەریەکا ئێکسەر ل سەر بریاردانێ ل سەر قانوونا بۆدجێ ھەبوویە.
وەسفیایێ خويا كر كو رۆلێ ئەندامێن پەرلەمانی یێن فراکسیۆنا پارتی ژی ناھێتە ژبیرکرن کو ب شەڤ و رۆژ کارکرینە پێخەمەت پەسەندکرنا پرۆژە قانوونا بودجێ د بەرژەوەندیا خەلکێ کوردستانێ.
ھەمان ئەنداما پەرلەمانی ئەو ژی دیارکر کو قانوونا بۆدجێ یا ئەڤ سالە رێکەفتی 24/1/2019 ھاتە پەسەندکرن/ بۆ سەرۆکاتیا کۆماری ھاتە ھنارتن و ھاتە پەسەندکرن، کو قانوون ژ (52) مادا پێک دھات نوکە بووینە (71)مادە پشتی (19) مادەل سەر پرۆژێ قانوونێ ھاتینە زێدەکرن، ئەڤرۆ رۆژا دوشەمبی 11 شواتێ پرۆژێ قانوونا ناڤبری ل رۆژناما (الوقائع) یا عیراقی یا ھەژمارە(4529) ھاتە بەلاڤەکرن ژمارە(1) یا سالا 2019بڤی رەنگی قانوونا بۆدجێ کەفتە بیاڤێ بجھئینانێ دا.
وه‌زيرێ به‌رگريا ئه‌مريكا گه‌هشته به‌غدا
ئه‌ڤرۆ نيوز:
وه‌زيرێ به‌رگريا ئه‌مريكا ب وه‌كاله‌ت ئه‌ڤرۆ رۆژا سێشه‌مبى رێكه‌فتى 12ى شوباتا 2019ێ گه‌هشته به‌غدا.
پاتريك شانامان، وه‌زيرێ به‌رگريا ئه‌مريكا ب وه‌كاله‌ت ب سه‌ره‌دانه‌كا نه‌يا فه‌رمى گه‌هشته عيراقێ، ئه‌ڤه د ده‌مه‌كى دايه كو دوهى ناڤبرى سه‌ره‌دانا كابۆل يا پايته‌ختێ ئه‌ڤغانستان كربوو.
مان و نه‌مانا هێزێن ئه‌مريكى ل عيراقێ نها گه‌رمترين بابه‌تێ جاددا سياسى يا عيراقى و دهێته پێشبينيكرن ئه‌ڤ بابه‌ته ل گه‌ل به‌رپرسێن عيراقى بهێته گه‌نگه‌شه كرن.
نه‌ته‌نياهۆ گه‌فێن دژوار ل ئيرانێ دكه‌ت
ئه‌ڤرۆ نيوز:
د به‌رسڤا گه‌فێن ئيرانێ دا، بنيامێن نه‌ته‌نياهۆ، سه‌رۆك وه‌زيرێن ئسرائيل راگه‌هاند كو هه‌كه ئيران هێرشێ بكه‌ته سه‌ر ئه‌وان، جاره‌كا دى ئه‌و رژێم سالرۆژا شوره‌شا خوه ناكه‌ته‌ڤه.
ب گۆره‌ى پێزانينێن ئاژانسا “sputniknews” داخۆيانيا سه‌رۆك وه‌زيرێن ئسرائيل پشتى گه‌فێن يه‌دولا جه‌ڤانى، به‌رپرسێ په‌يوه‌نديێن ده‌رڤه يێ گاردێن كۆمارا ئيسلامى هات كو د 40 ساليا شوره‌شا خوه دا راگه‌هاند بوو كو دێ ته‌لئه‌بيب و حه‌يفا تێك شكێنن و وه‌كو ئێك كه‌نه ئه‌رد.
نه‌ته‌نياهۆى د گرته‌يه‌كا ڤيديۆى يا تۆماركرى دا راگه‌هاند كو نه‌شێن گه‌فێن ئيرانێ ل به‌رچاڤ نه‌گرن، به‌لێ ب ڤى ره‌نگێ گه‌فان د سه‌رسام نينن و پێشتر گه‌له‌ك گوهـ ل ڤان جۆره گۆتاران بوويه.
نيشاندان
WP Facebook Auto Publish Powered By : XYZScripts.com