ئه‌ڤرۆنیوز، سه‌باح زوهێر:
هیوا شه‌مال ئه‌حمه‌د رێڤه‌به‌رێ شینوارێن هه‌ردوو قه‌زایێن ئاكرێ و به‌رده‌ره‌ش دده‌ته دیاركرن كو ئاكرێ یا ده‌وله‌مه‌نده ب جهێن شینوارى كو ل سنورێ ئاكرێ نێزیكى 700 هێمل و جهێن شینوارى هه‌نه ژ گرنگترین هێما و جهێن شینوارى( ئه‌شكه‌فت، په‌رستگه‌ه، كه‌لهو، گورستانێن كه‌ڤنار، ناعوسك، خانى، گرێن شینوارى…)ئه‌ڤ جهێن شینوارى سالانه پێدڤى پاره‌كێ نه كو بهێنه پاراستن و نوژه‌نكرن، هه‌روه‌سا دڤێت دیروكا ناساندنا ڤان جهێن شینوارى بهێته‌كرن و ڤه‌كولینێن زانستى ل سه‌ر بهێنه‌كرن، ب ڤێ چه‌ندێ پتر مێژویا ڤان جها هێته‌دیاركرن.
سه‌باره‌ت زێده‌گاڤیێ ل سه‌ر جهێن شینوارى ناڤهاتى گۆت: گروپه‌كێ ڤه‌شارتى هه‌یه و زێده‌گاڤیێ ل سه‌ر هنده‌ك جهێن شینوارى دكه‌ن و ده‌ستكاریێ تێدا دكه‌ن، ئه‌و ژى بۆ مه‌ره‌ما هندێ كو كه‌ل و په‌له‌كێ شینوارى ده‌ستخوڤه‌بینن و بفروشن ل هه‌مبه‌ر ده‌ستڤه‌ئینانا پاره‌كێ، مه ب شێوه‌كێ فه‌رمى هه‌ماهه‌نگى دگه‌ل جهێن په‌یوه‌ندیدار كریه و نڤیساره‌ك ئاراسته‌ى وان جها كریه، كو هه‌ڤكاربن بۆ وێ ئێكێ جهێن شینوارى زێده‌گاڤى ل سه‌ر نه‌هێته‌كرن و بهێنه پاراستن، ژبه‌ركو شینوار سامانه‌كێ نیشتیمانی یه، دڤێت هه‌مو تاكه‌ك ب ملكێ گشتى یێ ملله‌تێ خوه بزانیت.
سه‌باره‌ت مه‌ترسیا باران بارینێ ل سه‌ر جهێن شینوارى هیوا شیمال رێڤه‌به‌رێ شینوارى گۆت كو ئه‌و باران بارینێ كارتێكرنه زور ل سه‌ر جهێن شینوارى كریه و به‌شه‌ك جهێن شینوارى ل (شوش و شه‌رمن) هه‌رفاندى یه، داخازا مه ئه‌وه كو ب شێوه‌كێ حكومه‌تا هه‌رێما كوردستانێ ئاوریه‌كا جدى ل قه‌زا ئاكرێ بده‌ت و خوه ل ڤان جها بكه‌ته خودان، چونكى ئه‌ڤ جهه پێدڤى بڕه پاره‌كێ نه كو بهێنه نوژه‌نكرن و پاراستن، ئه‌گه‌ر پیته پێ هاته‌دان دێ ئه‌ڤ جهێن شینوارى بنه جهێ مفا وه‌رگرتنێ و دێ گه‌شتیار پتر قه‌ستا جهێن شینوارى كه‌ن.
بارانان زیانێن مه‌زن گه‌هاندینه جهێن شوینوارى
نيشاندان
