زاخۆ، عەلی حاجی :

ھێزێن پێشمەرگەیێ نێزیکی قەزا زاخۆ دەست ب سەر فروکەیەکا بێ فروکەڤان یا تێن تی کری دا دگریت و ئەو فروکە ژلایێ تیمێن ئەندازیاری ێن ھێزێن پێشمەرگەیێ کوردستانێ ڤە ھاتە ژناڤبرن.

د ڤی چارچوڤەی دا رائید جەمال سیاری ، ئەندازیارێ تەقەمەنیا ل فەرماندەیا دھۆک یا ھێزێن پێشمەرگەیێ بۆ رۆژناما ئەڤرۆ گۆت: پشتی ئەم ھاتیە ئاگەھدار کرن ل سەر کەفتنا فروکەیەکا بێ فروکەڤان یا تێن تی کری ل دووری ئێک کێلو مەتر ژ سەنتەرێ ناحیا رزگاری ل زاخۆ ، ئەم وەک تیما ئەندازەی ل جھێ دەست نیشان کری ئامادە بووین کو دیاربو ئەو فروکە ب دەستی ھاتیە دروست کرن و ئەو فروکە یا تێن تی کری بوو دیسان دو کامیرێن چاڤدێریێ ژی پێڤە گرێدای بوون ل ناڤ کامیرەیان ژی زێدەتری چەندین ساجمە ھەبون و ل گورەی زانیاریان ژی ئەو فروکە ژلایێ ھێزێن پەکەکێ ھاتبوو رەوانە کرن.

ناڤھاتی زێدەتر گۆت: کەفتنا وێ فروکەیێ ژبەر ھەبوونا سیستەمەکێ تایبەت یێ کەفتنا فروکان یا ھێزێن تورکی و ئەو فروکە دووری کێلومەترەکێ یا سەنتەرێ ناحیا رزگاری کەڤت بوو ھژمارەیا ل سەر فروکێ ژمارە ٣٩ بو و ب شێوەیەکێ ئەندازەی ھات بو دروست کرن ، لەورا ئەم ھەمی خەلکێ زاخۆ و دەوروبەرا ئاگەھدار دکەین ھەر دەما فروکەیەکا ب وی رەنگی دبینن نێزیک نەبن ژبەر کو پشتی بورینا دو روژان پاتریا وێ فروکەیێ دێ ژناڤ چیت ژبەر کو وەکو مە پێزانین ل سەر ھەین بەری نوکە ژی ھاولاتیەکێ ناحیا دەرکارێ ژبەر فروکەیەکا ب ڤی رەنگی ھاتبوو شەھید کرن.

ئه‌ڤرۆ نيوز:

ئاخفتنكه‌رێ ب ناڤێ ئێكه‌تيێ راگه‌هاند كو مه‌كته‌با سياسى يا ئێكه‌تى نشتيمانى كوردستان ل سه‌ر پرسا پێكئينانا حوكمه‌تێ و دووماهى لێكتێگه‌هشتن ل گه‌ل پارتى ديموكراتى كوردستان كۆم بيت.

سه‌عدى ئه‌حمه‌د پيره‌، ئاخفتنكه‌رێ ب ناڤێ مه‌كته‌با سياسى يا ئێكه‌تيێ گۆت: “مه‌كته‌با سياسى يا ئێكه‌تيێ ل ده‌مژمێر 11:00ى سپێده‌هيا ئه‌ڤرۆ رۆژا شه‌مبى ل باژێرێ سلێمانيێ، ب سه‌رپه‌رشتيا كوسره‌ت ره‌سۆل عه‌لى، جێگرێ ئێكێ يێ سكرتێرێ گشتى يێ ئێكه‌تيێ بۆ دانوستاندنێ ل سه‌ر پرسا پێكئينانا كابينا نوو يا حوكمه‌تا هه‌رێما كوردستانێ و دووماهى لێكتێگه‌هشتن ل گه‌ل پارتى ديموكراتى كوردستان كۆم بيت.

سه‌عدى پيره‌ گۆتژى: “د كۆمبوونێ دا، دێ دانوستاندن ل سه‌ر پێنگاڤێن نوو و دووماهى لێكتێگه‌هشتن ده‌رباره‌ى پێكئينانا حوكمه‌تێ و پرسێن په‌يوه‌نديدار ب به‌غدا و كه‌ركووك، هه‌ڤده‌م كۆمبوون يا گرێدايه‌ ب ئاماده‌كاريێن ئێكه‌تيێ بۆ كۆمبوونا هه‌ڤپشكا ناڤبه‌را پارتى و ئێكه‌تى كو بڕياره‌ ل ڤان نێزيكان بهێته‌ ئه‌نجام دان كو به‌رى 18ى هه‌يڤێ يه‌”.

5ى شوباتا 2019ێ مه‌كته‌با سياسى يا پارتى ديموكراتى كوردستان و ئێكه‌تى نشتيمانى كوردستان ل هه‌ولێر ل سه‌ر پێكئينانا كابينا نوو يا حوكمه‌تێ و پرسا كه‌ركووك و به‌غدا گه‌هشتنه‌ رێكه‌فتنێ و هه‌تا 17ى ڤێ هه‌يڤێ پێدڤيه‌ رێكه‌فتنا وان بهێته‌ ئيمزاكرن.

بڕياره‌ پشتى ئيمزاكرنا رێكه‌فتنێ ل 18ى شوباتا 2019ێ په‌رله‌مانێ كوردستانێ كۆم ببيت و ده‌سته‌يا سه‌رۆكاتيا په‌رله‌مانى هه‌لبژێرن و پاشان ژى به‌ربژاره‌ك بۆ كابينا نوو يا حوكمه‌تا هه‌رێمێ هێته‌ ده‌ست نيشانكرن.

ئەڤرۆ نیوز، بارزان مزووری:‏

ل شەڤا بوری دەمژمێر 7:15 دەقیقە رێکەفتی 8ی شوباتێ 2019ێ ل سەر رێیا ‏سەرەکیا شێخان بۆ بەردەرەش د ناڤبەرا کومەلگەھا چرە بۆ گوندێ مەلا بروان ل ‏نێزیک بەنزینخانا شان ترۆمبێلەکێ خوە ل کەسەکی دا و گیانێ خو ژ دەست دا.‏

دلشاد محەمەد، راگەاھندنکار ژ پشکا ھاتنوچوونا شێخان بۆ ئەڤرۆ نیوز گۆت: ‏‏”روودانەک د ناڤبەرا ترومبێلەکا بارھەلگر پیکاب ژ جورێ نیسان و ترومبێلەک تویوتا ‏کرۆلا ژ جورێ بیکاچۆ روودا کەسەکێ د ناڤا ئێک ژ وان ترۆمبیێلێن تووشی روودانێ ‏بوویی د ناڤ ترۆمبێلێ دھێتە دەر ھەولددەت دەربازی رێ ببیت ژ نیشکەکێ ڤە ‏ترۆمبێلەکا ژ جورێ تویوتا کرۆلا ژ جورێ بیکاچۆ لێ ددەت و گیانێ خوە ژ دەست ‏دا، تەرمێ وی ژی بۆ نوشداریا داد ل دھۆکێ ھاتە رەەوانەکرن”.‏

زێدەتر گۆت: “شوفێرێ خودانێ ترۆمبێلا بیکاچۆ یا ل وی کەسی دایی ژ لایێ ‏پۆلیسێن کومەلگەھا چرەیی ڤە ھاتە دەستەسەکرن ڤەکۆلین ل گەل یا بەردەوامە”.‏

ئاماژە ب وێ چەندێ ژی کر کو ئەو کەسێ گیانێ خو ژ دەست دای ناڤێ وی”سەید ‏وەعدولا”یە و ئاکنجیێ قەزا بەردەرەشە.‏