ئەڤرۆ نیوز، بارزان مزووری:
رێڤەبەرا ناحیا ئەلقوش دیار کر کو د دەمێ پێنج سالێن بوری دا ٧ ھزار کەس ل ناحیا ئەلقوش یێن بوینە پەنابەر ب رێکێن قاچاغ کوچکریە بۆ دەرڤەی وەلاتی.
لارا یوسف، رێڤەبەرا ناحیا ئەلقوش بۆ ئەڤرۆ نیوز گوت: نھا یێ کار دکەین کو سەر ژمێریا ناحیا ئەلقوش بکەین ب کومەلگەە و گوندێن ب سەرڤە ژبەرکو دوماھیک سەرژمێر ل سالا ٢٠١٦ ھات بو ئەنجام دان ،بەلێ بەری ھاتنا داعش ژمارا ئاکنجیێن ڤێ ناحیێ گەھشتبوو ٦٢ ھزار کەسان، بەلێ د نھا دا ل دووڤ پێزانینێن رۆژانە بو مە دھێن پتری ٧ ھزار کەسان کوچکریە بو دەرڤەی وەلاتی و د دژیانا پەنابەریێ دا دژین.
ناڤھاتی خویاکر کو ناحیا ئەلقوش ٨٣ گوندا دگەل سێ کومەلگەە پێک دھێت ئاکنجیێن وان ٨٠% ئێزدیا پێک دھێت ،١٠% مەسیحیا پێک دھێت ،٨% موسلمانێن نەتەوە عەرەب پێک دھێت،٢% ژ موسلمانێن کورد پێک دھێت بەلێ دناڤ سەنتەرێ ناحیێ ئاکنجیێن وێ ھەموو مەسیحی نە.
نيشاندان