ئەڤرۆ نیوز ، عەلی حاجی :
د بەردەوامیا سەرەدانێن لژنا تایبەت ل زاخۆ یا دەرمان و کلینیکان، دوھی روژا دوشەمبی ١٨/٢/٢٠١٩ ژئەگەرێ نەپێگیریێ ب رێنمایان شەش دەرمانخانە ھاتنە داخستن و ھوشداری ژی ب پێنج کلینیکێن نۆشداری ھاتە دان .
ل دور ڤێ چەندێ خەلات عوسمان نوونەرێ قایمقامیا زاخۆ دلژنا تایبەت دا بۆ ئەڤرۆ نیوز گوت : دبەردەوامیا لێگەریانا لژنا تایبەت دا ئەم شیاین ٦ دەرمانخانان دناڤ بازارێ زاخۆ دا بو دەمێ ٣ رۆژان دائێخین ژبەر کو ل ناڤ وان دەرمانخانەیان دا چو دەرمانساز نەبوون ، ل گورەی رێنمایان پێدڤی یە ل ناڤ ھەر دەرمانخانەیەکێ دا دەرمانسارەک ھەبیت ، ھەر دیسان ژی سوزنامەیەک ب ڤان دەرمانخانەیان ھاتە پر کرن ، بەرامبەر دووبارە بونا ڤێ سەرپێچیێ دێ خودانێ وان دەرمانخانەیان بۆ دادگەھێ ھێنە رەوانە کرن .
ناڤھاتی ئەو چەندە ژی گوت : ھەر ل ھەمان روژ دا مە سەرەدانا ٥ کلینیکێن نوژداری ل ناڤ سەنتەرێ باژێری دا کر ، دیار بو ل ناڤ وان ٥ کلینیکا دا چارەسەری بو نەخوشان ب دەستی دھاتنە نڤێسین ، ل دویڤ رێنمایان پێدڤی یە چارەسەریا نەخوشان ب کومپیوتەری بھێتە نڤیسین ، ژبەر ڤێ چەندێ بۆ دەمێ ٤٥ روژان مولەت ب ڤان کلینیکا ھاتە دان بۆ دانا سیستەمێ تایبەت ب نڤیسینا چارەسەریێ ب کومپیوتەری و ھەر دەما دڤی دەمێ دەست نیشان کری دا ڤان کلینیکا ئەڤ رێنمایە بجە نەئینان دێ پێرابوونێن قانوونی بەرامبەر وان ھێنە وەرگرتن .
نيشاندان