ئەڤرۆ نیوز:
وەزارەتا خواندنا بلند و ڤەکۆلینێن زانستی یا حوکمەتا هەرێما کوردستانێ نڤیسارەک ل دۆر خواندنا ماستەرێ بۆ زانکۆیا نەورۆز هنارت کو ئیمزایا دکتور یوسف گۆران وەزیرێ خواندنا بلند ل سەرە تێدا هاتیە ئاماژە ب نڤیسارا هژمارە (ع٥٥/۲) ل ۱۲/۱/۲۰۱۹ سەبارەت ب ڤەکرنا خواندنا بلند (ماستەر) ل زانکۆیا هەوە، ب هەوەیێن بەرێز رادگەهینین ژبەر کو زانکۆیا هەوە ل دووڤ رێزبەندیا نیشتیمانی یا زانکۆیێن هەرێما کوردستانێ ل سالا ۲۰۱۸ ل گرۆپێ B یێ زانکۆیێن تایبەت بۆ، ژبەر ڤێ چەندێ رازەمەندیێ ل سەر ڤەکرنا خواندنا بلند/ ماستەر ل زانکۆیا هەوە دکەین ب مەرجەکی رێککەفتننامەکا هەڤپشک دناڤبەرا زانکۆیا هەوە و ل گەل زانکۆیەکا حکومی کو وێ زانکۆیێ پشکێن وەکو یێن هەوە لێ هەبن ئەنجام بدەن ب مەرەما ڤەکرنا خواندنا بلند ماستەر ل زانکۆیا هەوە.
د هەمان نڤیسار دا هاتیە مەرجە ل هەر پشکەکا زانکۆیا نەورۆز کو داخوازا ڤەکرنا ماستەرێ بکەن دو خۆلێن دەرچوویێن بەکالۆریۆس ل وێ پشکێ هەبن و ستاڤێ وانەگۆتنێ یێ پێدڤی ژی هەبیت ل دووڤ رێنمایان، سەبارەت پرۆسا پێشکێشکرنێ و مەرج و رێنمایێن پێشکێشکرنێ و پلانا خواندنێ پێدڤیە چاڤەرێ بکەن هەتا رێنمایێن وو بۆ خواندنا بلند ماستەر ل زانکۆیێن هەرێمێ دهێنە دەرکرن و پشتی ڤێ چەندێ دێ هەوە ل سەر ڤی بابەتی ئاگەهدار کەین.

ئەڤرۆ نیوز:

سەندیکا پارێزەرێن کوردستانێ ئاگەهداریەک ل دۆر خوە بەربژارکرنا پارێزەران بۆ کۆنگرێ داهاتی یێ سەندیکایێ بەلاڤکر.
سەندیکا پارێزەرێن کوردستانێ د هژمارا خوە یا تۆرا جڤاکی یا فەیسبووکی دا ڕاگەهاند کو ئاگەهداریا هەموو پارێزەران دکەت، ئەوێن بەرنامێ خوە بەربژارکرنێ و پلانا هاتنا دناڤ هەلبژارتنان دە هەی بۆ کۆنگرێ داهاتی یێ پارێزەران، ب چو رەنگەکی بەری هاتنا دەمێ قانوونی و پەسەندکرنا لیست و بەربژاران ژ لایێ جڤاتا سەندیکا پارێزەران ڤە، بانگەشا خوە بەربژارکرنێ و بەرنامێ هەلبژارتنان نەکەن.

سەندیکا ناڤهاتی ئاماژە دایە وێ چەندێ ژی کو هەتا 28ێ ڤێ هەیڤێ ب بڕیارا جڤاتا سەندیکایێ ناڤێن لیست و بەربژاران دێ پێشکێشی جڤاتا سەندیکایێ هێنەکرن و پشتی ووردبین بۆ دهێتەکرن دێ هێنە پەسەندکرن و لوی دەمی دێ دەمەکێ قانوونی یێ دیارکری بۆ بانگەشەیا کۆنگرەی هێتە دانان کو ژڤانە ل هەیڤا ئادارێ بهێتە گێڕان ژبەر ڤێ چەندێ پێدڤیە هەموو لایەک پێگیریێ ب ڤان رێنمایان بکەن.