ئهڤرۆ نيوز:
وهزارهتا ژ دهرڤه يا عيراقێ راگههاند كو ئهو ئيدانا وان هێرشان دكهن يێن توركيا كرينه سهر وهلاتيێن شێلادزێ و كهمپا سيريێ ل پارێزگهها دهۆكێ.
وهزارهتا ژ دهرڤه يا عيراقێ راگههاندنهك ل دۆر روودانێن دوهى رۆژا شهمبى يێن شێلادزێ بهلاڤكر و راگههاند: “ئيدانا وان هێرشان دكهين كو توركيا كرينه سهر وهلاتيێن مه ل شێلادزێ و كهمپا سيريێ ل قهزا ئامێديێ يا سهر ب پارێزگهها دهۆكێ”.
ئاماژه ب وێ چهندێ ژى كريه كو فرۆكێن شهركهرێن توركيا ب نزمى ل ئهسمانێ شێلادزێ زڤرينه و بۆردۆمانا دهڤهرێ كريه و ئهڤه ژى بوويه ئهگهرێ ترسێ ل دهف وهلاتيان”.
وهزارهتا ژ دهرڤه يا عيراقێ دبێژيت: “ههڤخهميا خوه بۆ قوربانيێن وێ روودانێ دهردبڕين و وهزارهتا ژ دهرڤه دێ بالوێزێ توركيا گازى دكهت دا كو روونكرنهكێ د وێ دهربارێ دا بدهت و ژبۆ رێگريكرن ل دووبارهبوونا روودانێن وهكو وێ”.
ههر د راگههاندنێ دا هاتيه: “پاراستنا وهلاتيێن عيراقى د ستوويێ بهرپرسێن عيراقێ دايه و پێداگريێ ل سهر راگرتنا بهزاندنا سنور و سهروهريا ئاخا عيراقێ و بكارئينانا ئاخا وێ دكهن ژبۆ دهستدرێژيكرن ل سهر ئاسايشا وهلاتێن ههڤسۆ”.
نيشاندان