ئه‌ڤرۆ نيوز:
په‌یڤدارێ وه‌زاره‌تا كاره‌با حوكمه‌تا هه‌رێما كوردستانێ دیار كر، وێستگه‌هێ به‌رهه‌مئینانا كاره‌بێ ب هه‌لمێ ل قه‌زا خه‌بات تمام بوویه‌، و 300 میگاواتێن دى یێن كاره‌با نشتیمانى دێ زێده‌بن و دبێژیت: هه‌یڤا بۆرى ژى مه‌ 300 میگاوات زێده‌كربوون، لێ ژ به‌ركو سةقا گه‌له‌ك ساربوو و خواست ل سه‌ر كاره‌بێ یا زێده‌بوو، له‌و وه‌لاتیا هه‌ست پێ نه‌دكر، لێ ل هه‌یڤا بهێت، دانا كاره‌با نشتیمانى بۆ وه‌لاتیان ب رێژه‌كا به‌رچاڤ دێ زێده‌بیت.

ئەڤرۆ، سالار دۆسکی:

ماوێ چەند رۆژە قنینێ غازێ ل پارێزگەھا ھەولێرێ گەھشتیە ١٧ ھزار دیناران، بەرپرسێن بەلاڤەکرنا غازێ ل دھۆکێ ژی خەلکی پشت راست دکەن کو پارێزگەھا دھۆکێ غاز گران نابیت.

محەمەد سالح حەسەن سلێمان، خودانێ کارگەھا مزگین یا بەلاڤەکرنا غازێ، بۆ ئەڤرۆ دیارکر کو غازا دھۆکێ و ھەولێرێ پەیوەندی ل گەل ئێک دو ھەیە ئێک ژێدەرن، لێ مەترسی ل سەر گرانبوونا بھایێ بتلێ غازێ ل پارێزگەھا دھۆکێ نینە، گۆت: غاز ل دھۆک گران نابیت چنکو ژێدەرێ غازا مە ژ سلێمانیێ دھێت، ھەر مەترسیەکا پەیدا ژی بیت ل سەر کێمبوونا غازێ مە وەک کۆمپانیا غازا مزگین یەدەکێ خوە ھەیە و غازێ کێم نابیت و گران نابیت.

خودانێ کۆمپانیا غازا مزگین ئەو ژی گۆت: ھەکە غاز ل ھەولێرێ ب ١٠ ھزار دیناران بیت دڤێت ل دھۆک ب ١٢ ھزار دیناران با، چنکو ئەم ھەر دو ئێک ژێدەرین و دڤێت ھزرا ڤەگوھاستنێ ژی بھێتەکرن ژ سلێمانیێ بۆ دھۆک، لێ دمینت ل سەر وژدانێ و بەلاڤەکرنا غازێ ھەولێرێ و دھۆکێ جوداھی ھەیە، ئاشکراکر کو بتلێ غازێ ل پارێزگەھا ھەولێرێ ھەتا ١٧ ھزار دیناران چوویە.

مەحمود سەعدی زێباری، خودانێ کارگەھا ئاسیا یا داگرتنا قنینێن غازێ ل دھۆکێ بۆ ئەڤرۆ گۆت: ماوێ چەند رۆژا غازا دھۆکێ گیربوو ئەو ژی ژ بەرھاتنا بەفرێ بوویە، لێ نوکە چ کێشە دروست نەبووینە و بەردەوام غازا د گەھیتە پارێزگەھێ، رێڤەبەریا بەلاڤەکرنا بەرھەمێن گازێ ل سەر ھەموو کارگەھا بەلاڤە دکەت، بلا خەلکێ مە یێ پشت راستبیت غاز گران نابیت.

وەیسی عەبدوللا یونس، بەرپرسێ پشکا غازێ ل پارێزگەھا دھۆکێ، گۆتنێن خودانێ کارگەھا ئاسیا پشست راستکرن بۆ ئەڤرۆ گۆت: ھەر پارێزگەھەکا ھەرێما کوردستانێ بەھرا خوە یا دیارکری یا غازێ ھەیە و چ کێشە بۆ غازا دھۆکێ دروست نەبووینە یا بەردەوامە و خەلکێ خوە پشست راست دکەین کو غاز گران نابیت، گران بوونا غازێ ل ھەولێرێ ژ بەر ھاتنا بەفرێ بوویە و ئاسێ بوونا ترۆمبێلان.

ھێشتا گۆت: رۆژانە حەفت تانکەرێن غازێ دگەھنە باژێرێ دھۆکێ و ل سەر ٢٧ کارگەھێن داگرتنا قنینان دھێنە بەلاڤە کرن.

کاروان محەمەد مستەفا، خودانێ کارگەھا gonl یا دانانا سیستەمێن تورێن غازێ ب شێوەکێ ناڤەندی بۆ ئاڤاھیان، بۆچوونەکا دی ھەبوو ل سەر گران بوونا بھایێ غازێ بۆ ئەڤرۆ گۆت: ژێدەرێن غازا ھەرێما کوردستانێ دوونە (قادر کەرم، کور گورسک) ھەر دو ژێدەر کێم بووینە، چنکو غازا ھەرێمێ ب رێکا ئیرانێ دچیتە وەلاتێن (ئیرانێ،پاکستانێ، ئەزریبجان، روسیا، کازاخستان) نوکە ١٣٠ ترۆمبێل ھاتینە ژ ئیرانێ بۆ داگرتنا غازێ و ڤەگوھاستنێ بۆ ئەڤان وەلاتان، دبینم ئەڤە ھوکارێ گران بوونا غازێ یە و مەترسی ل سەر بەردەوام بوونا قەیرانێ ھەیە و نەبتنێ ھەولێرێ بەلکو دێ ھەموو ھەرێما کوردستانێ ڤەگریت.

ھێشتا گۆت: پێشبینی دھێـتەکرن کو تەنێ غازێ بگەھیتە ٧٠٠ ھزار دیناران، بتنێ ئەڤە ھەرێما کوردستانێ یە لێ باشور و ناڤەراستا عیراقێ ھەر وەک خوویە و گران نەبوویە.

ئەو ژی ئاشکرا کر کو پارێزگەھا سلێمانیێ رۆژانە پێدڤی ب ٢٥ تانکەرێن غازێ ھەیە و ھەولێرێ ٢٠ و پارێزگەھا دھۆکێ ١٥ و ئەڤ ھەژمارە وەرزێن سالێ دھێتە گوھوین، چنکو وەرزێ زڤستانێ خەلکی پتر پێدڤی ب غازێ ھەیە بۆ گەرمکرنا مرۆڤ و مالێ دھێتە بکارئینان.