ئەڤرۆ نیوز ، ئێقبال عومەر:

سوباهی ٨/۱/۲۰۱۹ روونشتنا په‌رله‌مانێ عیراقێ دێ ل دەمژمێر ۱۱ بەری نیڤرو دێ ل سەر سێ بابەتان دانوستاندن هێنەکرن.

ئەندامەکێ په‌رله‌مانێ عیراقێ بۆ ئه‌ڤرۆنيوز كو دبەرنامێ کارێ روونشتنا سوباهی دێ دانوستاندن ل سەر سێ بابەتان هێتەکرن.

هندرین لەزگین دوسکی، ئەندامێ په‌رله‌مانێ عیراقێ ژ فراکسیونا پارتی دیموکراتی کوردستان بو ئەڤرو نیوز گوت: بابەتێ ئێکێ دروونشتنا جڤاتا نوونەرێن عیراقێ دا دێ دانوستاندن ل سەر راستڤه‌كرنا قانوونا خزمەت و خانەنشینیا سەربازی یا هژمار ۳ یا سالا ۲۰۱۰ د بیت.

یا دويێ دێ دانوستاندن ل دور راستڤه‌كرنا قانوونا خزمەت و خانەنشینکرنا هێزێن ئەمنی یێن نافخوەی یا هژمار ۱٨ یا سالا ۲۰۱۱ بیت.

یا سێ دێ یا تایبەت بیت ل دۆر بەردوامی دان ب دانوستاندنان ل سەر پروژە قانوونا بودجێ گشتی یێ بو سالا ۲۰۱۹.

هندرینى گۆت ژى، پشتی ڤان دانوستاندنان ل سەر ڤان بابەتێن هاتیە دیارکرن حەفتیا بهێت دێ روونشتن بۆ خواندنا دويێ  لسەر هێتەکرن و گۆت: ئەڤە دێ عیراقێ و کوردستانێ هەموو ئەو هێزێن سەر ب وەزارەتا بەرگریا  عیراقێ ڤە دێ ب خوەڤە گریت، هەروەسا بو ئێکەم جارە کو ناڤێ کوردستان دناڤ پروژێ بودجێ عیراقێ دا هاتیە بکار ئینان ، ژبەرکو د بەرنامێ بودجێ سالێن بۆری دا ناڤێ پارێزگەهێن باكوور تێدا دهاتە دیارکرن و بکارئینان، د بودجێ ۲۰۱۹ دا زۆر خال هەنە د بەرژەوەندیا کوردستانێ دانە لێ هێشتا دانوستاندن ل سەر دهێنەکرن.

ئه‌ڤرۆنیوز:
جێگرێ سه‌رۆكێ كۆمسیۆنا بلند یا هه‌لبژارتنان ل عیراقێ راگه‌هاند، جڤاتا وه‌زیران داخوازا دیاركرنا ژڤانه‌كی بۆ هه‌لبژارتنێن جڤاتێن پارێزگه‌هێن عیراقێ كریه‌ ول ڤێ حه‌فتیێ دێ ژڤانێ هه‌لبژارتنان هێته‌ دیاركرن.
رزگار حاجی، جێگرێ سه‌رۆكێ كۆمسیۆنا هه‌لبژارتنان ل عیراقێ گۆت” مه‌ نڤیساره‌ك ئاراسته‌ی جڤاتا وه‌زیرێن عیراقێ كربوو وتێدا مه‌ داخوازا ئه‌نجامدانا هه‌لبژارتنێن جڤاتێن پارێزگه‌هان كربوو وجڤاتا وه‌زیران ژی به‌رسڤا مه‌ دایه‌ كو ژڤانه‌كی بۆ هه‌لبژارتنان دیار بكه‌ین، ئه‌م ژی دێ ل ڤێ حه‌فتیێ كۆمبوونا خوه‌ ئه‌نجام ده‌ین بۆ دیاركرنا ژڤانه‌كی ودانانا خشته‌كی بۆ وان هه‌لبژارتنان، چونكی ئه‌م پێتڤی شه‌ش هه‌تا هه‌شت هه‌یڤانه‌، به‌لێ ب گشتی دئه‌ڤ ساله‌دا دێ هه‌لبژارتنێن جڤاتێن پارێزگه‌هان هێنه‌ ئه‌نجامدان”.