ئه‌ڤرۆنيوز:
ده‌زگه‌هێن راگه‌هاندنێ يێن توركى ئاشكراكر كو ئه‌مريكا 150 بارهلگرێن مه‌زن يێن چه‌كى وته‌قه‌مه‌نيێ وتانك وزريپۆش وترومبێلێن له‌شكرى هنارتنه ده‌ڤه‌را منبح وهه‌موو ئه‌و چه‌كه راده‌ستى يه‌په‌كێ كرن.
راگه‌هاندنا توركى، ل دووڤ مالپه‌رێ كوردستان تى ڤى، به‌لاڤكر ژى ئه‌و چه‌ك ب رێيا عيراقێ هاتينه ڤه‌گوهاستن بۆ قامشلى وژ وێرێ به‌ر ب منبج هاتينه هنارتن.
ئه‌ڤرۆنيوز:
شيره‌تكاره‌كێ وه‌زاره‌تا ناڤخوه‌يا عيراقێ راگه‌هاند، زێده‌بوونا لڤينێن داعشێ ل چه‌ندين ده‌ڤه‌رێن كه‌ركووكێ وگوندێن ده‌وربه‌ر نيشانا زيندووييا داعشێ دياردكه‌ن وحوكمه‌تا عيراقێ ژى ب فه‌رمى چو ئۆپه‌راسيۆنه‌ك ئه‌نجام نه‌دايه بۆ وێ چه‌ندێ لڤينێن داعشێ بهێنه راگرتن.
وى راويژكارى زێده‌تر دداخۆيانيه‌كا رۆژنامه‌ڤانى دا گۆت”هه‌ماهه‌نگيا هێزێن عيراقى ل كه‌ركووكێ گه‌له‌ك يا لاوازه ونه‌شێن ب تنێ باژێرێ كه‌ركووكێ بپارێزن، له‌وما پێدڤيه هێزه‌كا هه‌ڤپشك ومه‌زن بۆ كه‌ركووكێ بهێته دروستكرن”.
گۆت ژى”پێزانين وده‌نگوباس يێن گه‌هشتينه مه كو تيرۆرستێن داعشێ ل به‌ره چالاكيان ل كه‌ركووكێ ئه‌نجام بده‌ن ومه ژى هێزێن خوه ل كه‌ركووكێ يێن ئاگه‌هدار كرين”.
دياركر” داعشێ ل ده‌ڤه‌رێن دووبز وباشوورێ كه‌ركووكێ وده‌ڤه‌را عروبه هنده‌ك شانێن نڤستى يێن هه‌ين”.
ئه‌ڤرۆنيوز:
ريڤه‌به‌ريا گشتى يا ساخله‌ميا پارێزگه‌ها دهۆكێ بۆ ئه‌ڤرۆنيوز دياركر كو تنێ 12 بريندار دروودانا ئه‌ڤرۆ يا ياريگه‌ها دهۆكێ دا هه‌بوون كو چار ژوان پۆليس بوون وبرينێن وان دسڤك بوون.
حه‌مزه ره‌زيكى، به‌ربرسێ راگه‌هاندنێ ل رێڤه‌به‌ريا گشتى يا ساخله‌ميا پارێزگه‌ها دهۆكێ بۆ ئه‌ڤرۆ نيوز گۆت”تنێ دو بريندار هاتينه ڤه‌گوهاستن بۆ نه‌خوه‌شخانا ته‌نگاڤيان كو ره‌وشا وان ژى يا باشه وپشتى چاره‌سه‌ركرنا وان دێ هێنه ده‌رخستن ژ نه‌خوه‌شخانێ”.
ئه‌ڤرۆ نيوز:
راگه‌هاندنا به‌ره‌ڤانيا باژێرێ ل دهۆكێ د په‌يجێ خوه يێ فێسبوكێ دا، ئاماژه ب زيانێن وێ توندوتيژيا كرينه كو هنده‌ك پشته‌ڤانان ل ياريگه‌ها دهۆك ئه‌نجام داى و ئه‌ڤه ده‌قێ رۆنكرنا وانه:
(( ئەڤرو ل دەم ژمێر 4:40 ل یانا دهوك یاوەرزشی 120 کورسیك هاتنە سوتن و شکاندن هەروەسا خودیکا ئوتومبێلا بنگەهێ نزاری یا ئاگرڤەمراندنێ ژی هاتیە شکاندن ژلایێ پشتەڤانێن یانا زاخو ڤە، بنگەهێ نزاری ل جهێ رویدانێ ئامادەبوو و ئاگر کونترول کرن)).
ئەڤرۆ نیوز:
فوتو مشیر شەریف:
نوکە یاریێن خولا ھەرێما کوردستانێ یا تەپا پێ ژ گەرا حەفتێ دھێنە کرن و ژ گرنگترین یاریێن ڤێ حەفتیێ دێربیا پارێزگەھێ یە ناڤبەرا یانا دھۆک و زاخۆ.
بەری دەسپێکرنا ڤێ یاریا دێربی ھندەک ژ پشتەڤانێن یانا زاخۆ دوبارە کارێن توندوتیژیێ ئەنجام دان و بوو ئەگەرێ تێکدانا یاریگەھا دھۆک و شکاندنا کورسیکێن یاریگەھێ دگەل شکاندنا توورا دەوروبەری یاریگەھا یانا دھۆک یا وەرزشی.
ئەڤرۆ نیوز:
دونالد ترەمپ سەروکێ ویلایەتێن ئێگرتی یێن ئەمریکا کومبوونا خوە یا فەرمی دگەل سەروکێ تورکیا رەجەب تەیب ئەردوگان رەتکر.
د ڤی دەربارەی دا سارە ساندرێز ئاخفتنکەرا کوچکا سپی یا ئەمریکا راگەھاند سەروکێ ئەمریکا دونالد ترامپ کومبوونێن خوە یێن فەرمی دگەل ھەر ئێک ژ سەروکێ تورکیا و کوریا ژێری ئەنجام نادەت، ل شوونا کومبونێ دێ ھندەگ گوتوبێژێن نە فەرمی دگەل وان ئەنجامدەت.
ئەڤە د دەمەکی دایە بریاربوو ل کومبوونا وەلاتێن G٢٠ ئەوا ل ئەرژەنتین ھاتیە ئەنجامدان سەروکێ تورکیا ئەردوگان دگەل سەروکێ ئەمریکا دونالد ترامپ کوم بیت لێ نە ئەڤ چەندە نەھاتە پێش و ل روژێن بوری ژی کومبونا خوە دگەل سەروکێ رووسیا فلادیمێر پوتین ژی ئەنجام نەدا.
ئەڤرۆ نیوز:
ئێکەتیا تەپا پێ یا ئەمریکا ژێری ب فەرمی یاریگەھا سانتیاگو بێرنابیو یا تایبەت ب یانا ریال مەدرید ڤە ھەلبژارت بۆ ئەنجامدانا یاریا چونێ ژ یا دووماھیا کاسا لێبرتادورێس دەستنیشان کر ئەوا دێ ناڤبەرا یانا ریڤەرپلێت و بوکاجونیورز دا ھێتە کرن.
ئەلیخەندرو دومینیگێز سەروکێ ئێکەتیا تەپاپێ یا ئەمریکا ژێرێ زێدەتر دیارکر ژبەر ئەو روودانێن تێکدانێ یێن پشتەڤانێن یانا ریڤەرپلێت دژی یاریزانێن یانا بوکاجونیورز ئەنجامداین ل شەمبیا بوری نەچار کرین ھزر د ئەنجامدانا ڤێ یاریێ ژ دەرڤەی وەلاتێ ئەرژەنتین ئەنجام بدەین و لەورا ل دووماھیێ یاریگەھا سانتیاگو بێرنابیو ھاتە ھەلبژارتن بۆ ئەنجامدانا ڤێ یاریێ ژبەر چەند ئەگەران ژوانا، پشتەڤانێن ئەرژەنتین دشێن ب ساناھی بەر ب وەلاتێ ئسپانیا گەشتێ بکەن دیسان ھەبوونا ھژمارەکا زوور یا پەنابەرێن ئەرژەنتینیا ل وەلاتێ ئسپانیا دێ شێن تەماشەی دیتنا ڤێ یاریا سوپەر کلاسیکو کەن.
ئه‌ڤرۆنيوز:
به‌رپرسێ راگه‌هاندن وپه‌يوه‌نديێن سه‌رۆكاتيا باژێرڤانيا دهۆكێ بۆ ئه‌ڤرۆنيوز راگه‌هاند، پشتى ئه‌م ژلايێ رێڤه‌به‌ريا كه‌شناسيێ ل دهۆكێ هاتينه ئاگه‌هداركرن ل دۆر باران بارينێ وئه‌گه‌رێ دروستبوونا له‌هيان ل ئه‌ڤرۆ ئه‌ينيێ وسوباهى شه‌مبيێ، ئاگه‌هداريا وه‌لاتيان دكه‌ين دئاماده‌باشيێ دابن ب تايبه‌تى ئه‌و مالين دكه‌ڤنه سه‌ر رووبارێ هشكه‌رۆى.
ئيسماعيل مسته‌فا، به‌رپرسێ راگه‌هاندن وپه‌يوه‌نديێن سه‌رۆكاتيا باژێرڤانيا دهۆكێ بۆ ئه‌ڤرۆنيوز گۆت ژى” سه‌رۆكاتيا باژێرڤانيا دهۆكێ نوكه دئاماده‌باشيێ دايه بۆ هه‌ر ئه‌گه‌ره‌كێ له‌هيان”.
ئه‌ڤرۆ نیوز:
بو بجهئینانا بریارێن سه‌روكێ حكومه‌تا هه‌رێما كوردسنتانێ (به‌هزاد على ئاده‌م ) جێگرێ پارێزگه‌رێ دهوكێ دگه‌ل قایمقامێن قه‌زایێن سنورێ پارێزگه‌ها دهوكێ و رێڤه‌به‌رێن گشتى یێن ساخله‌میێ و باژێرڤانیا كومبوو.
به‌راهیێ دگه‌ل رێڤه‌به‌رێ گشتى یێ ساخله‌میێ گه‌نگه‌شا چاوانیا كونترول كرن و رێكخستنا ده‌رمانخانه و كوگه‌هێن ده‌رمانا و رێكگرتنێ ل ده‌رمانێن سه‌خته هاته كرن وگوهداریا پێشنیار و بوچونێن رێڤه‌به‌ریا گشتى یا ساخله‌میا پارێزگه‌هێ كر و جێگرێ پارێزگه‌رێ دهوكێ بوچونێن جودا دیار كرن بێخه‌مه‌ت كونترول كرنا بابه‌تێ ده‌رمانا و نه‌هێلانا ده‌رمانێن سه‌خته‌و كێم كوالتى.
دیڤدا رێڤه‌به‌رێ گشتى یێ باژێرڤانیا ل پارێزگه‌ها دهوكێ به‌حسێ پێدڤى و كێم و كاسیێن باژێرڤانیێن سنورێ پارێزگه‌هێ ژ بودجێ و ئامیره‌تا كر و گه‌نگه‌شه‌كا به‌رفره‌ه ل سه‌ر چاوانیا چاره‌كرنا ڤان ئاریشه و كێماسیا هاته كرن ,
پاشێ ژرێكخستنا كارێ كارگێرى و خویه‌تى و ژمێریارى گوهداریا قایمقامێن سنورێ پارێزگه‌هێ كر و هه‌ر قایمقامه‌كى جودا به‌حسێ پێدڤى و كێم و كاسیێن خو كر و گه‌نگه‌شه و دان و ستاندن لسه‌ر هاتنه كرن بێخه‌مه‌ت باشتر كرنا خزمه‌تكرنا هاولاتیان و رێكخستنا كارێ كارگێرى ل قه‌زایێن پارێزگه‌هێ .
نيشاندان