ئەڤرۆ نیۆز، قائید میرۆ

رێکخراوەکا تایبەت ب فەرمانبەرێن گرێبەست ھاتیە دامەزراندن و سەرۆکێ رێکخراوێ ژی ديارکر، دێ کار بۆ ب دەستڤەئینانا مافێن فەرمانبەرێن گرێبەست ھێتەکرن و گوت ژی، حوکمەت یا خەمسارە ھەمبەر فەرمانبەرێن گرێبەست .

جەلال بەرزنجی، سەرۆکێ رێکخراوا فەرمانبەرێن گرێبەست بۆ ئەڤرۆ نیۆز دیارکر” مەرەم ژ دامەزراندنا رێکخراوا فەرمانبەرێن گرێبەست تنێ وەرگرتنا مافێن وانە، چونکە ب ھزاران فەرمانبەر ل کەرتێ گشتی و تایبەت ل ھەرێما کوردستانێ يێن هه‌ين و چو مافەک نینە وەکی فەرمانبەرەکێ ھەمیشەیی ھەی، فەرمانبەرێن گرێبەست مافێ مۆلەتێ و مۆلەتا دایکایەتی و داخوازکرنا چوگه‌له‌ك مافێن دى نینە، ھەتا ل گه‌له‌ك فەرمانگەھێن حوکمەتێ کارێ زێدەتر ب فەرمانبەرێن گرێبەست دھێتەکرن، چونکە فەرمانبەر ژی نەچارن داکو موچێ وان نەھێتە بڕین کارێ زێدە دکەن”.

سەرۆکێ رێکخراوا فەرمانبەرێن گرێبەست ل ھەرێما کوردستانێ دبێژیت” بڕیار بوو ھەر فەرمانبەرەکێ گرێبەست سێ سال ب سەر گرێبەستا وی دەرباز ببن بھێتە دامەزراندن، بەلێ فەرمانبەر يێ ھەی ئەڤە ١٣ سالە گرێبەستە و نەھاتیە دامەزراندن، دەمێ دووماھیێ ب گرێبەستا خوە بینیت چو ماف ژی نامینن و خزمەت بۆ ناھێتە ھژمارتن، نوکە گەف ل سەر پاشەڕۆژا ھژمارەکا مه‌زن يا فەرمانبەرێن گرێبەست پەیدابوویە، چونکە نەبووینە فه‌رمانبه‌رێن به‌رده‌وام و ژيێ وان ژی یێ بەر ب بلندبوونێ دچیت و هه‌كه‌ رەوش ب ڤی شێوەی بیت ونەھێنە دامەزراندن ل دووڤ ژيێ وان و ب گۆرەی قانوونێ مەرجێن دامەزراندن ژێ ناگرن”.

جەلال بەرزنجی ئاماژەکر” چو ئامارێن دروست ل دۆر ھژمارا فەرمانبەرێن گرێبەست نینە، بەلێ  ب ھزاران فەرمانبەر يێن هه‌ين گرێبەستن و ھەتا نوکە ١٣٠٠ فەرمانبەران خوە ل رێکخراوا مه‌ يا تۆمارکرى، مە فۆڕمەک يا هه‌ى و ھەموو فەرمانبەرێن گرێبەست دشێن وێ فۆڕمێ تژی بکەن و ببنە ئەندام، دەمێ ئەندامبوونێ، دێ مافێن وان ھێنە پاراستن و کار بۆ ب دەستڤەئینانا مافێن وان ھێتەکرن”.

ئەڤرۆ نیۆز، قائید میرۆ

گەنجەک ژ ئەنجامێ یاریا پۆبجی ئه‌ڤرۆ ئه‌ينيێ 23/11/2018 ل ناحیا وەرتێ یا سەر ب قەزا رەواندز ڤه‌ ھاتە کوشتن و پۆلیسان ژی ئاشکراکر، ئەو گەنجێ ھاتیە کوشتن خەلکێ ناحیا پیرمامە و ب سەرەدان ھاتیە ناحیا وەرتێ.

رائید (سەعدون ھاودیانی) پەیڤدارێ پۆلیسێن قه‌زا سۆران بۆ ئەڤرۆ نیۆز دیارکر” ئەڤرۆ ژلایێ پۆلیسێن رواندز ڤه‌ ھاتینە ئاگەھدارکرن ل دۆر کوشتنا گەنجەکی ب ناڤێ (ئاسۆ ئازاد) يێ ٢٢ سالی، کو ئاکنجیێ گوندێ گەلیاوە ل ناحیا پیرمام و بمەرەما گەشتوگوزارێ ل گەل چار ھەڤالێن خوه‌ دوھی رۆژا پێنجشەمبی سەرەدانا ناحیا وەرتێ کریە”.

پەیڤدارێ پۆلیسێن سۆران ئاشکراکر” مەغرەبیا ئەڤرۆ بەری بڕیارا ڤەگەڕیانێ بدەن دیارە دناڤ خانیەکی دا بووینە ل ناحیا وەرتێ، گەنجه‌كى ژوان داخواز ژ ھەڤالەکێ خوە کریە ب چەکێ جفتێ وه‌كو یاریا پۆبجی شەڕی بکەت ووێنێن وی بھێنەگرتن، بەلێ يێ ئاگەھدار نەبوو كو  گولە يا وى چه‌كى دا هه‌ى و د ئەنجامدا گولەیەک ب ھەڤالێ وی کەفتیە و گیانێ خوە ژ دەستدایە”.

گۆت ژی” ھەر چار گەنج ژلایێ ھێزێن پۆلیسان ڤە ھاتینە دەستەسەرکرن و ڤەکۆلین ل دۆر روویدانێ يا به‌رده‌وامه‌”.

ئه‌ڤرۆنيوز:

شيره‌تكارێ جڤاتا ئاسايشا هه‌رێما كوردستانێ مه‌سرور بارزانى ل دۆر كۆمبوونێن ئه‌ڤرۆ ودوهى يێن سه‌رۆك بارزانى وشاندێ دگه‌لدا ل گه‌ل به‌رپرسێن بلند يێن عيراقى ل به‌غدا راگه‌هاند، دانوستاندنێن به‌رهه‌مدار يێن دهێنه‌ ئه‌نجامدان ل دۆر چاره‌كرنا كێشان وئسيسته‌ماتيكرنا په‌يوه‌نديان دناڤبه‌را هه‌رێما كوردستانێ وحوكمه‌تا فيدارل دا.

مه‌سرور بارزانى دبه‌رپه‌رێ خوه‌ دا ل سه‌ر تۆرا جڤاكى يا تويته‌رى به‌لاڤكر” ئه‌ز يێ گه‌شبينم كو سه‌ركردايه‌تيا نوو يا عيراقێ دێ سه‌ركه‌فتنا هه‌ڤپشك وباجا زيانان بۆ گه‌لێ مه‌ وده‌ڤه‌رێ ل به‌رچاڤ وه‌رگرن”