ئەڤرۆ نیوز٬ عەلی حاجی
ئەڤرۆ سپێدێ روژا چارشەمبی ۱/۹/۲۰۱۹ پێلەکا بەفر بارینێ سنورێ دەڤەرا باتیفا و سەنتەرێ ناحیێ دا دەستپێکریە و هەتا نوکە یا بەردەوامە و رێڤەبەریا ناحیا باتیفا ژی هوشداریێ دەت .

دلشێر عەبدولستار رێڤەبەرێ ناحیا باتیفا بۆ ئەڤرۆ نیوز گوت : داخازێ ژ وەلاتیان دکەین قەستا دەڤەرێن چیایی نەکەن ژبەرکو ئەڤرو سپێدێ پێلەکا ب هێز یا بەفرێ دەست پێکری یە و رێکا هندەک گوندان هاتیە گرتن وتیمێن مە یێن رامالینێ بەردەوامن لسەر پاقژکرن و ڤەکرنا وان رێکان و کارکرن ژی هەتا نوکە بەردەوامە ژلایێ تیمێن مەڤە بتنێ دەڤەرا بیرێ رێکا وێ هاتیە گرتن و تیمێن مە دئامادەنە ل وێ دەڤەرێ بۆ ڤەکرنا رێکێ .

ناڤبری زێدەتر گوت : تیمێن هەتا دەڤەرا سەرگەلێ دچن و ئەفڤ چەندە ژی دبیتە بارگرانی ل سەر ملێت مە سەرەرای وێ چەندێ ئامیرێت مە دکێمن بتنێ ٤ ئامیرێن پێدڤی لبەر دەستن ٬ هەر دیسان هەر رێکەکا ئەڤرۆ نەهێتە ڤەکرن سوباهی دێ هێنە ڤەکرن و تیمێن مە بەردەوام ل ماوەیێ ۲٤ دەمژمێرا ل کارکرنێ دانە .

ھەولێر، قائید میرۆ:

نەتەوێن ئێکگرتی بڕیاردایە بتەمامی پشتەڤانیا کۆمسیۆنا بلندا ھەلبژارتنێن ھەرێما کوردستانێ بکەن و پەیڤدارێ کۆمسیۆنێ ژی دیارکر، بەری نوکە نەتەوێن ئێکگرتی ب تنێ وەک شاند سەرەدانا کۆمسیۆنا ھەلبژارتنان دکر، بەلێ نوکە ئەو هەڤپشکن و پێکڤە کار دکەن.

شیروان زرار، پەیڤدارێ کۆمسیۆنا بلندا ھەلبژارتنێن ھەرێما کوردستانێ بۆ ئەڤرۆ نیوز دیار کر کو نوکە وان ھەماھەنگیەکا باش دناڤبەرا کۆمسیۆن و نەتەوێن ئێکگرتی دا ھەیە ل ھەرێما کوردستانێ، چەندین کۆمبوونێن بەرفرەه بڕێڤەچووینە بۆ پێداچوونێ ب ئەڤان خالێن بەری نوکە وان ئەزموونەک ل سەر پەیداکری، بتایبەتی ل ھەلبژارتنێن پەرلەمانێ کوردستانێ دا ئەڤە ئێکەم پڕۆسا ھەلبژارتنان بۆ کۆمسیۆنا ھەرێمێ بڕێڤەببەت، بەری سالا نوو ل ھەر چار پارێزگەھێن ھەرێما کوردستانێ کۆمبوون ھاتینەکرن ژلایێ نەتەوێن ئێکگرتی دگەل ئۆفیسێن کۆمسیۆنێ، ھەموو کێماسیێن د ھەلبژارتناندا ھەی دێ پێداچوون بۆ ھێتەکرن و جڤاتا کۆمسیۆنێ دێ بڕیارێ ل سەر دەت.

شیروان زرار خویا کر کو نەتەوێن ئێکگرتی ل رێڤەبرنا ھەلبژارتنێن ٣٠ی ئەیلوولا بۆری دا دگەل وان پشکداری کریە، ئەڤە بۆ جارا ئێکەیە نەتەوێن ئێکگرتی لسەر خەت بۆ ھندێ کاری دگەل کۆمسیۆنێ بکەت، چونکی بەری نوکە نەتەوێن ئێکگرتی ب تنێ کار دگەل کۆمسیۆنا بلندا ھەلبژارتنێن عیراقێ دکر، بەلێ نوکە ئەم پێکڤە هەڤپشکین بتایبەتی پشتی سەرەدانا یان کۆبیج بۆ کۆمسیۆنا ھەلبژارتنێن کوردستانێ ھەلویستێ نەتەوێن ئێکگرتی ھاتیە گۆھڕین.

ئەڤرۆ نیوز، رێوار مزیری:

بەرپرسێ پشکا پەیوەندی و راگەهاندنێ ل رێڤەبەریا پۆلیسێن دهۆکێ دیار کر کو کچەک ئەڤ شەڤەل سەنتەرێ باژێرێ دهۆکێ هاتە کوشن.
موقەدمێ مافپەروەر هێمن سلێمان،بەرپرسێ پشکا پەیوەندی و راگەهاندنێ ل رێڤەبەریا پۆلیسێن دهۆکێ دیار کر کو ژ ئەگەرێ کیشەکا جڤاکی کچەک ل تاخێ شاخکێ ب گولەیەکا دەبانجێ هاتە بریندارکرن و هەتا گەهاندیە نەخۆشخانا تەنگاڤیا گیانێ خو ژ دەست دا.
ناڤهاتی خویا کر کو دوو تومەتبار لسەر ڤێ تاوانێ هاتینە گرتن ژلایێ پولیسێن دهوکێ ڤە و ڤەکولینێ دەستپێکریە ژلایێ نڤیسینگەها کوشتنێ یا نەهێلانا گونەهباریا

ئەڤرۆ نیوز ٬ عەلی حاجی:

ئەڤرۆ ل روژا سێ شەمبێ ۸/۱/۲۰۱۹ ل هولا باژێرڤانیا زاخۆ ب ئامادەبونا رێڤەبەرێ گشتیێ باژێرڤانیان ل پارێزگەها دهۆکێ و سەرۆکێ باژێرڤانیا زاخۆ و کەسوکارێن پێشمەرگەیان ۱۸ پارچێن ئەردی ل سەر کەسوکارێن پێشمەرگەیان هاتنە بەلاڤکرن .

نەوزاد حاجی، بەرپرسێ بەلاڤکرنا پارچێن ئەردی ل باژێرڤانیا زاخۆ بۆ ئەڤرۆ نیوز دیار کر کو ل سالێن ۲۰۱۲ – ۲۰۱۳ رەزامەندی ل سەر بەلاڤکرنا ڤان ۱۸ پارچێن ئەردی هات بوو دان بەلێ سەمیانێن ڤان خێزانان ل شەرێ دژی تیرۆرسێن داعشێ دا شەهیدببوون بەلێ وەکو رێزگرتن بۆ گیانێ وان پێشمەرگەیان ب بریارا رێڤەبەریا گشتی یا باژێرڤانیان ل پارێزگەها دهۆکێ پارچێن ئەردی ل سەر کەسوکارێن وان هاتنە بەلاڤکرن وەکو خێزانێن پێشمەرگەیان .

ناڤبری زێدەتر خویا کر هەر چەندە بەری نوکە ۱۱۳ پارچێن ئەردی ل سەر خێزانێن پێشمەرگێن ل شەرێ دژی داعش دا شەهید بووین هاتبوونە بەلاڤکرن و ۱۸ پارچێن ئەردی ئەڤرۆ هاتینە بەلاڤ کرن و گۆت:”ئەڤ پارچێن ئەردی ل تاخێ تلکەبەر ٤ ب ڤان خێزانان هاتنەدان” .