ئهڤرۆ نيوز:
وهلاتيهكێ تاخێ شندوخا د نامهيهكێ دا كو بۆ ئهڤرۆنيوز هنارتيه دياركر يه ، كو دوهى ل دهمژمێر 2 نيڤرۆ وهره كارهبا نيشتيمانى ل تاخێ وان هاتيه برين و پتر ژ 24 دهمژمێره هێشتا كارهبا نيشتيمانى ب تاخێ وان نههاتيه دان.
پشتى هاتنا وهرزێ زڤستانێ ، خواست ل سهر بكارئينانا دهمژمێرێن كارهبێ زێده بووينه و بوويه ئهگهر پێدانا دهمژمێرێن كارهبا نيشتيمانى كێم ببن.
ئەڤرۆ نیوز:
ئهڤرو پشتى نیڤرو 10-12-2018 فهرهاد ئهمین ئهتروشى پارێزگهرێ دهوكێ پێشوازیا زیاد رهئوف نوینهرێ حكومهتا ههرێما كوردستانێ ل پولونیا كر.
دههڤدیتنهكێدا بهحسێ رهوشا ئاواره وپهنابهران ل سنورێ پارێزگهها دهوكێ وئهو هاریكاریێن بو وان دهێنه پێشكێشكرن هاته كرن.
دتهوهرهكێ دى بهحسێ ههول وبزاڤێن نوینهراتیا حكومهتا كوردستانێ ل وهلاتێ پولونیا ژبو پهیداكرنا هاریكاریێن مروڤایهتى بو ئاواره وپهنابهران ب گشتى هاته كرن .
پارێزگهرێ دهوكێ خوشحالیا خو ب سهرهدانێ دیاركر وسوپاسیا نوینهرتیا حكومهتا كوردستانێ كر كو شیاینه پهیوهندیێن بهردهوام دگهل وهلاتێ پولونیا ئاڤاكهن ورهوشا وێ ژمارا زور یا ئاواره وپهنابهران ل پارێزگهها دهوكێ بو دهستههلاتدارێن پولونیا بهرچاڤكهن وبهرپرسێن وى وهلاتى رازیكهن كو ئهڤرو وهزیرا گهشهپێدانا مروڤایهتى یا وى وهلاتى سهرهدانا كهمپێن ئاوارهیان ل دهوكێ كریه وژنێزیك هایدارى كێم وكاسى وپێدڤیێن وان بوینه.
ژلایێ خوڤه نوینهرێ حكومهتا كوردستانێ تهكهز كر كو ژمارا ئاواره وپهنابهران ل پارێزگهها دهوكێ یا زوره وفشارهكا مهزن ئێخستیه سهر ههموو خزمهتكارى لهورا ئهم وهكو نوینهراتیا حكومهتا كوردستانێ ل پولونیا دێ بهردهوام بزاڤا كهین كو حكومهتا پولونیا هاریكاریا ئاواره وپهنابهران وخهلكێ خوجهێ پارێزگههێ بكهت.
ههژى گوتنێ یه ل شهڤا 9-10/12/2018 خانم (بیێتا كێمپ) وهزیرا گهشهپێدانا مروڤایهتى یا وهلاتێ پولونیا وشاندێ پێرا ونوینهرێ حكومهتا كوردستانێ سهرا ههرێما كوردستانێ دایه وئهڤرو شاندێ ناڤبرى سهرا كهمپا خانكێ یا ئاوارهیێن شنگالێ وجهێن دى دایه وژنێزیك هایدارى رهوشا وان بویه.
ئەڤرۆ نیوز:
ئهڤرو سپێدێ 10-12-2018بهرێز فهرهاد ئهمین ئهتروشى پارێزگهرێ دهوكێ پێشوازیا (دومینیك ماس) كونسلێ وهلاتێ فرهنسا ل ههرێما كوردستانێ كر.
دههڤدیتنهكێدا بهحسێ پهیوهندیێن دوو قولى دناڤبهرا ههرێما كوردستانێ وهلاتێ فرهنسا وئهو هاریكاریێن حكومهتا فرهنسا پێشَكێشى ههرێما كوردستانێ دكهت دبیاڤى كاروبارێن مروڤایهتى وسیاسى ولهشكرى دا نهخاسمه ئهو هاریكاریێن بو ئاواره وپهنابهران دهێنه پێشكێشكرن هاته كرن.
دتهوهرهكێ دى دا بهحسێ رهوشا چاندنێ وهاتنا رێژێن باش یێن بارانان وكارتێكرنا وان بارانان ل سهر كهرتێ چاندنێ بوزێدهكرنا بهرههمێ كشتوكالى هاته كرن.
پارێزگهرێ دهوكێ خوشحالیا خو ب سهرهدانێ دیاركر وسوپاسیا وهلاتێ فرهنسا كر ههمبهر ئهو هاریكاریێن بو ههرێما كوردستانێ پێشكێش دكهت وخواست كو فرهنسا یا بهردهواهمبیت ل سهرهنارتنا وان هاریكاریا.
ژلایێ خوڤه كونسلێ فرهنسا خوشحالیا خو دیاركر ههمبهر ههبونا پهیوهندیێن خورت دناڤبهرا فرهنسا وههرێما كوردستانێ وتهكهزكر كو وهلاتێ فرهنسا دێ بهردهوام هاریكاریا حكومهتا ههرێما كوردستانێ وئاواره وپهنابهران كهت.
ئەڤرۆ نیۆز، قائید میرۆ:
ئەندامەکێ شاندێ دانوستانکارێ پارتی ئاشکراکر، ڤێ حەفتیێ دێ شاندێ پارتی سەرەدانا لایەنێن سیاسی کەت ب مەرەما دەست پێکرنا دانوستاندنان ل دۆر پێک ئینانا کابینا حوکمەتێ و ھەر سێ سەرۆکاتیێن ھەرێما کوردستانێ.
دکتۆر فەرسەت سوفی، ئەندامێ شاندێ دانوستانکاری پارتی بۆ ئەڤرۆ نیۆز دیار کر کو بڕیارە ڤێ حەفتیێ شاندێ بلندێ پارتی دیموکراتی کوردستان کۆمببیت و پشتی کۆمبوونێ ژی دێ شاندێ پارتی سەرەدانا لایەنێن سیاسی کەت ب مەرەما پێک ئینانا کابینا حوکمەتا ھەرێما کوردستانێ و پرسا دەستەیا سەرۆکاتیێن ھەرێما کوردستانێ.
دکتۆر فرسەت سۆفی ئاماژە دا وێ چەندێ ژی کو ھێشتا دیار نینە دێ ل دەستپێکێ سەرەدانا وان بۆ بزاڤا گۆڕان یان ئێکەتیێ بیت، بەلێ وان ل بەرە ھەر ڤێ حەفتیێ دەست ب سەرەدانێن خوە بکەن ب مەرەما دانوستاندنێ.
ئەڤرۆ نیوز، رێوار مزیری:
ئەندامەکا سکرتاریەتا ئێکەتیا ئافرەتێن کوردستانێ بۆ ئەڤرۆ نیوز دیار کر کو 66 سالیا دامەزراندنا ئێکەتیا ئافرەتێن کوردستانێ دێ ل رۆژا 11/12/2018ێ ب چەندین چالاکیان ل سەرانسەری ھەرێما کوردستانێ ھێتە ساخکرن.
شەیما مستەفا، ئەنداما سکرتاریەتا ئێکەتیا ئافرەتێن کوردستانێ ئاشکرا کر کو ئەو ب ھەلکەفتا 66 سالیا دامەزراندنا ئێکەتیا ئافرەتێن کوردستانێ پیرۆزباھیێ ل ھەموو ئافرەتێن ھەرێما کوردستانێ دکەت و گۆت: “ب ڤێ ھەلکەفتێ دێ چەندین چالاکیێن جوراوجور ل ھەموو باژێر و باژارۆکێن ھەرێما کوردستانێ ھێنە ئەنجامدان و ل ھندەک ئەنجومەنان دێ پیرۆزباھی ژی ھەبن”.
ناڤھاتیێ ئاماژە دا وێ چەندێ کو ئێکەتیا ئافرەتان ب درێژاھیا ژیێ خوە خزمەت بوو یەکسانیا دناڤبەرا ژن و زەلامان دا و پاراستنا مافێن ژنێ کریە و گۆت: “ب ھەلکەفتا 66 سالیا دامەزراندنا ئێکەتیا ئافرەتێن کوردستانێ دێ کۆنفرانسەکێ تایبەت ب دارێتنا بەرنامەکی بۆ کارێ داھاتی یێ رێکخراوێ و کێشا ئافرەتێ ل کوردستانێ ل ژێر دروشمێ (نەمانا ئاستەنگان و دابینکرنا دەلیڤا مسۆگەرکرنا پشکداریا کارا یا ئافرەتانە) ل رۆژا 11/12/2018ێ ل دەمژمێر 3:00 پشتی نیڤرۆ ل ھۆلا زانکۆیا لبنانی فەرەنسی ل ھەولێرێ ھێتە گێڕان و د ھەمان رۆژ دا دێ چەندین وورک شۆپ ل دۆر بابەتێن قانوونی و جڤاکی و رەوشەنبیریا گشتی و کارگێری و ب رێڤەبرنا ئابووری ل ھەولێرێ ھێنە ئەنجامدان و چەندین فلم ژی دێ ھێنە نیشادان”.
ل دووماھیێ شەیمایێ خویا کر کو ئەو دخوازیت ژ نوکە وێڤە ئافرەت ب ھێزا خوە بھێتە د گۆرەپانێ دا و پشکداریێ د رێڤەبرنا کاروبارێن وەلاتی دا بکەت و ئافرەت یا ھشیار بیت ژ ھەموو لایەکی ڤە و کار بکەت بۆ پاراستنا مافێن خوە.
ئەڤرۆ نیوز، سالار دۆسکی:
ب ئیمزا یوسف گوڕان وەزیرێ خواندنا بلند ل حوکمەتا ھەرێما کوردستانێ پشکا پەروەردا ئاینی ل ئێڤاران ل زانکۆیا دھۆک ل دھۆک و ئاکرێ ھاتە دایخستن و پتر ژ 80 قوتابیان ھاتنە دورخستن ژ خواندنێ.
د. رەمزیا حەمزە حەسەن، سەرۆکا پشکا پەروەردا ئاینی ل زانکۆیا دھۆکێ بۆ ئەڤرۆ نیوز گۆت: “ماوێ دو سالانە پشکا پەروەردا ئاینی ئێڤاران ل زانکۆیا دھۆکێ ھاتبوو ڤەکرن، ل دووڤ چەندین مەرجان و ھەر قوتابیەکی بەرامبەر ملیۆنەک و 500 ھزار دیناران دخواند و پێدڤی بوو تێکرایا نمرا ژ 60ێ کێمتر نەبیت، قوتابیێن مە گەھشتبوونە قووناغا دویێ، 31 قوتابی ل دھۆکێ بوون و 50 قوتابی ل ئاکرێ، ب مخابنی ڤە ب بڕیارەکا وەزیرێ خواندنا بلند دەرگەھێ خواندنا ئێڤاران ھاتە داخستن”.
زێدەتر گۆت: “مە چەندین بزاڤ کرن، بەلێ سەر نەگرتن، دەنگۆ ھەیە سالا داھاتی کولیژەکا ئەھلی بۆ ئەڤان قوتابیان ل زانکۆیا جیھان بھێتە ڤەکرن”.
سەرۆکا پشکا پەروەردا ئاینی ئەو ژی گۆت: “ئەڤە ھاتە داخستن ژ بەر ھزرا توندرەویێ و وەزیری راگەھاند بوو نە ژ بەر ڤێ چەندێ یە، بەلێ ب بۆچوونا من ژ بەر پەیوەندی و بەرژەوەندیێن کەسوکی پشکا مە ل ئێڤاران ھاتە داخستن وەک ھاریکاری بۆ کولیژا ئەھلی یا زانکۆیا جیھان کو ل ھەولێرێ ھەیە و سالا بھێت دێ ل دھۆکێ ژی ھەبیت”.
نەڤەشارت ژی کو جھێ زارۆیێن وان ل دھۆکێ بچنە ھەولێرێ ھزرەکا سەلەفی یا توندرەو بینن، ل دھۆکێ ھزرەکا جوان و پاقژ نیشا دابوو و دبوونە خودان باوەرنامە و گەلەک دەرچوویێن شەشێ ھەبوون، ل چو جھان نەدھاتنە وەرگرتن ب رێیا ڤێ پشکێ بەردەوامی دا خواندنا خوە.
ئهڤرۆ نيوز:
سهرۆك وهزيرێن عيراقێ يێ بهرێ، حهيدهر عهبادى، راگههاند كو ئيرانێ دهست د لادانا وى دا ههبوو ژبۆ خولهكا نوو يا كابينا حوكمهتێ ژ ئهگهرێ ههڤركيان ل گهل ئيرانێ.
عهبادى د داخۆيانيهكێ دا بۆ كهنالێ “شهرقيه” گۆت: “ههڤركيێن داهاتى ل عيراقێ و ئيرانێ سهقايهك بهرههڤ كربوو بۆ ئهگهرێ دوورخستنا من ژ دهستهلاتێ. ههڤركيێن ناڤخۆ يێن ئيرانێ كارڤهدان ل سهر من كر”.
د دهربارهى هاريكاريێن ئيرانێ بۆ عيراقێ د شهرێ ل دژى داعش دا، عهبادى گۆت: “رۆلێ لايهنێ ئيرانێ د شهرێ عهسابان ل دژى رێكخراوا داعش، مهشق ب لهشكرێ مه كربوو ژ بهر كو وان شارهزايهكا باش ههبوو د ڤى وارى دا، هاريكاريا لهشكرى ژى بۆ مه دكر، بهلێ من ژێ دكرى، ههر وهكو ژ جههكێ دژى دكرى”.
ل دۆر رۆلێ ئهمريكا ژى د ڤى وارى دا عهبادى گۆت: “سهرۆكێ بهرێ باراك ئۆباما گۆت كو ئهو نهيێ گهرمه د پشكداريا شهرێ دژى داعش دا، ب بههانهيا وێ چهندێ بوو كو ئهو هاتيه سهر دهستهلاتێ دا كو لهشكرێ ئهمريكا ژ عيراقێ ڤهكێشيت”.
سهرۆك وهزيرێن بهرێ يێ عيراقێ ئاماژه ب وێ چهندێ ژى كر كو ئهمريكا هاريكاريا وان يا لهشكرى كر د دهمهكى دا كو وان شيانێن كرينا چهكى نهبوون ب وێ لهزاتيێ.
دهربارهى كهفتنا باژێرێ رومادى، ناڤهندا پارێزگهها ئهنبار د دهستێ چهكدارێن داعش دا ل سهر دهمێ وهرگرتنا دهستهلاتێ دا، عهبادى گۆت: “دهستهك ههبوو كو دڤيا ئهو باژێر بكهڤيته د دهستێ داعش دا، ئهوێ دێ د پرتووكا خوه يا ل سهر بيرهوهريێن خوه ل پاشهرۆژێ بهلاڤ كهم”.
ئهڤرۆ نیوز:
نێچیرڤان بارزانی سهرۆك وهزیرێن ههرێما كوردستانێ ئهڤرۆ پێشوازی ل جۆن وێلكس بالیۆزێ بریتانیا ل عیراقێ و شاندێ ل گهل دا كر كو ژ لۆرد فرانسیس مۆد و مارتن وار قونسلێ گشتی یێ بریتانیا ل ههرێما كوردستانێ پێكهاتبوو.
د دیدارهكێ دا جۆن وێلكس بهحسێ دووماهی پێشهاتێن سیاسی و ئێمناهیا دهڤهرێ و پهیوهندیێن ههولێر و بهغدا كر و دوپاتی ل بهردهوامیا پشتهڤانیا حوكمهتا بریتانیا بۆ ههرێما كورستانێ و دیالۆگا ههولێر و بهغدا كر، ههروهسا چاكسازیێن ههرێما كوردستانێ بلند ههلسهنگاندن كو دهمهكه د وارێن جودا دا دهست پێ كریه.
ژ لایێ خوه ڤه نێچیرڤان بارزانی سوپاسیا پشتهڤانی و هاریكاریێن بریتانیا د رۆژێن دژوار دا بۆ ههرێما كوردستانێ كر و كۆرتیهك ل دۆر پرۆگرامێ بوری یێ حوكمهتا ههرێمێ و پرۆسا چاكسازیێ ل دهمودهزگههێن حوكمهتێ بهرچاڤكر و دوپاتی ل بهردهوامیا چاكسازیان و زێدهكرنا ژێدهرێن داهاتی ل كهرتێ گشتی و تایبهت كر.
ئهڤرۆ نيوز:
رێڤهبهريا گشتى يا سهقاناسى و بيڤهلهرزێ ل ههرێما كوردستانێ راگههاند كو ل سهنتهرێ پارێزگهها دهۆكێ مهزنترين رێژا جوداهيا باران بارينێ تۆمار كريه كو دبيته 314.4ملم.
د بهلاڤۆكهكێ دا كو پشكا ئامارێ ل رێڤهبهريا گشتى يا سهقاناسى و بيڤهلهرزێ ل ههرێما كوردستانێ بهلاڤكريه و دانهك ب دهست ئهڤرۆ نيوز كهفتيه تێدا جوداهيا باران بارينێ ل پارێزگههێن ههرێما كوردستانێ بهرچاڤ كريه.
د ڤێ بهلاڤۆكێ دا، دايه زانين كو ههتا ئهڤرۆ ل پارێزگهها دهۆكێ 370.3ملم بارانێ بارينه و سالا بۆرى ههتا ڤى دهمى 55ملم بارى بوون و ب ڤێ چهندێ ژى جوداهيا ئهڤ ساله ل گهل سالا بۆرى 314.9ملم بارانێ نه.
ههر ب گۆرهى ڤێ بهلاڤوكێ پارێزگهها ههلهبچه ل رێزا دويێ دهێت كو ب جوداهيا 271.2ملم، سلێمانى ل رێزا سيێ دهێت ب 263.4ملم بارانێ و پاشان ژى ههولێر ب 223ملم و ل دووماهيێ ژى پارێزگهها كهركووكێ ب 187.7ملم بارانێ.
نيشاندان