پشتيوان سادق: پاشكه‌فتێ مووچه‌ى نامينيت

04/12/2018 12:01

1548

ئه‌ڤرۆ نيوز:

پشتيوان سادق، وه‌زيرێ په‌روه‌ردێ و وه‌زيرێ ئه‌وقاف و كاروبارێن ئاينى ب وه‌كاله‌ت د چارچۆڤێ ده‌رچوونا قوتابيێن په‌يمانگه‌ها كوردستان دا راگه‌هاند كو ژ ئه‌گه‌رێ زێده‌بوونا هنارتنا وى پارێ ژ به‌غدا دهێت ژ ئه‌گه‌رێ هنارتنا په‌ترۆلا كه‌ركووكێ ب رێيا هه‌رێما كوردستانێ، پاشكه‌فت ل سه‌ر مووچێ فه‌رمانبه‌ران نامينيت.

زێده‌تر گۆت: “د ده‌مه‌كێ نێزيك دا ئه‌و پاشكه‌فت نامينيت، چونكو نها كار ژبۆ وێ چه‌ندێ دهێته‌ كرن كو رێژا هنارتنا په‌ترۆلا كه‌ركووك ب رێيا هه‌رێما كوردستانێ بهێته‌ زێده‌كرن و روونشتنێن چڕ ژى ب ڤێ مه‌ره‌مێ د ناڤبه‌را عيراقێ و وه‌زاره‌تا دارايى دا دهێنه‌ ئه‌نجام دان، هه‌تا كو ئه‌و پارێ ژ به‌غدا دهێت بهێته‌ زێده‌كرن، هه‌ر ژ به‌ر هندێ ژى سه‌د ژ سه‌دێ پاشكه‌فت نامينيت”.

دا زانين ژى كو پێكئينانا حوكمه‌تا نوو دێ كه‌ڤيته‌ پشتى سه‌رێ سالێ و بۆ ڤێ مه‌ره‌مێ ژى پارتى ديموكراتى كوردستان شانده‌ك پێك ئينايه‌ و دێ سه‌ره‌دانا لايه‌نێن سياسى كه‌ت.

پێشانگەھا دھۆک یا پرتووکان یا شەشێ ل دھۆکێ ھاتە ڤەکرن

04/12/2018 11:34

150

ئەڤرۆ نیوز، ئەیاد بەرواری:

ل ژێر چاڤدێریا (فەرھاد ئەمین ئەترووشی) پارێزگارێ دھۆکێ رێڤەبەریا راگەھاندن و چاپ و بەلاڤکرنێ ل دھۆکێ پێشانگەھا دھۆک یا پرتووکان یا شەشێ ئەڤرۆ رۆژا 4/12/2018ێ ل دەمژێر 11:00 سپێدێ ل ھۆلا کۆنفرانسان ل زانکۆیا دھۆک ڤەکر و ھەتا رۆژا 10/12/2018ێ ژ دەمژێر 9:00 سپێدێ ھەتا 6:00 ئێڤاری دێ ل ھەمان جە یا بەردەوام بیت.

بورھان یەحیا، پەیڤدارێ رێڤەبەریا راگەھاندن و چاپ و بەلاڤکرنێ ل دھۆکێ بۆ ئەڤرۆ نیوز دیار کر کو پتری 25 دەزگەھێن چاپ و بەلاڤکرنێ د ڤێ پێشانگەھێ دا د پشکدارن و گۆت: “ئەڤ پێشانگەھە دێ بۆ دەمێ حەفت رۆژان یا بەردەوام بیت و نێزیکی 15 ھزار ناڤونیشانێن پرتووکان ب ھەموو زمانان دێ تێداھێنە نیشادان و داشکاندن ژ 10% ھەتا 50% بۆ کرینا پرتووکان دێ ھەبیت”.

ب وێنە: نھا دو ترۆمبێلان لێکدا

04/12/2018 11:28

520

ئەڤرۆ نیوز، بارزان مزووری:

بەرپرسێ رێکخستنا ناڤ باژێری ل قەزا شێخان بۆ ئەڤرۆ نیوز دیار کر کو روودانەکا ھاتنوچوونێ ئەڤرۆ رۆژا سێشه‌مبى رێكه‌فتى 4ى كانوونا ئێكێ 2018 د ناڤبەرا دو ترۆمبێلان دا ل دووریانا کۆمەلگەھا چرەی یا سەر ب قەزا شێخان ڤە روودا.

نەقیب سەگڤان ئەنوەر، بەرپرسێ رێکخستنا ناڤ باژێری ل قەزا شێخان دیار کر کو ئەڤ روودانا ھاتنوچوونێ د ناڤبەرا دو ترۆمبێلان دابوو ژ جۆرێن (پێک ئاپ ئه‌دميرال) و (تویوتا كامرى تایبەت) ل دووریانا کۆمەلگەھا چرەی یا سەر ب قەزا شێخان ڤە، د ئەنجام دا کەسەک بریندار بوو و بۆ نەخۆشخانا شێخان ھاتە رەوانەکرن.

ژ لايه‌كێ دى ڤه‌ دلشاد محه‌مه‌د ژ راگه‌هاندنا قه‌زا شێخان ئاشكه‌را كر كو بريندارێن ڤێ روودانێ پێنج كه‌سن، نه‌ كه‌سه‌ك ب تنێ يه‌.

٤٠ رۆژە کارەبا نشتیمانی ژ پێنج گۆندێن ئەلقوش ھاتیە بڕین

04/12/2018 10:48

104

ئەڤرۆ نیوز، بارزان مزووری:
پتری ٤٠ رۆژانە کارەبا نشتیمانی ژ گۆندێن (بابیر، جەگانە، موشەرەفێ، داکا بچیک و یا مەزن) یێن سەر ب ناحیا ئەلقوش ڤە ھاتیە بڕین و ب تنێ ب شەڤ کارەبت نشتیمانی پێ دھێتەدان.
مشیر ماجد، ئێک ژ وەلاتیێن گۆندێ بابیرێ بۆ رۆژناما ئەڤرۆ دیار کر کو ھێشتا دنیا تاری کارەبا نشتیمانی دچیت و ھەتا دەمژمێر ٥:٠٠ مەغرەب کارەب ب وان ناھێتەدان و گۆت: “پتریا خەلکێ ڤان گۆندان فەرمانبەرو قوتابی نە و سپێدەھیان زوو ژ خەو رادبن ژوورێن وان د تاری نە، راستە گۆندێن مە سەر ب ئیدارا مووسل ڤەنە، بەلێ ئەم ژ حوکمەتا عیراقێ بێ ھیڤی بووینە و ئەم ھەرێمێ ب خودانێن خوە دزانین پێدڤیە ئیدارا شێخان کاربکەت کو ئاریشا نەبوونا کارەبێ بۆ مە چارەسەر بکەت”.
شێخ فەخری، ئێک ژ چالاکڤانێن ئێزدی ل گوندێ بابیرێ بۆ ئەڤرۆ نیۆز دیار کر کو ئەو ژ ئیدارا پارێزگەھا نەینەوا بێ ھیڤی بووینە و پێدڤیە ئیدارا ھەرێما کوردستانێ ڤێ ئاریشێ چارەسەر بکەت ، چونکی ئەو خوە ب کوردستانی دزانن.
لارا زار، رێڤەبەرا ناحیا ئەلقوش بۆ ئەڤرۆ نیوز ئاشکرا کر کو ئەو گوندێن نێزیک سەنگەرێن پێشمەرگەی ئەو کارەبا بۆ وان دھێتە دان ب شەڤ ژ لایێ ھێزێن پێشمەرگەی ڤە یە و گۆت: “ئەم نوکە بزاڤان دکەین کارەبا موەلیدان بۆ دەمێ چەند دەمژمێران بۆ ڤان گۆندان دابین کەین”.

فره‌نسا بڕيارا بلندكرنا باجێ ل سه‌ر سۆته‌مه‌نيێ راگرت

04/12/2018 10:44

ئه‌ڤرۆ نيوز:

سه‌رۆك وه‌زيرێن فره‌نسا، بڕيارا راگرتنا زێده‌كرنا باجێ ل سه‌ر بهايێ سۆته‌مه‌نيێ دا، ژ ئه‌نجامێ وان نه‌رازيبوونێن ل رۆژانێن دووماهيێ ل پاريس يا پايته‌ختێ فره‌نسا روودايى.

جڤاتا نوونه‌ران ئه‌ڤرۆ دێ ده‌نگى ل سه‌ر وه‌زيرێن مايێن يێن كابينا عه‌بدولمه‌هدى ده‌ت

04/12/2018 10:30

ئه‌ڤرۆ نيوز:

سه‌رۆكاتيا جڤاتا نوونه‌رێن عيراقێ راگه‌هاند كو ئه‌ڤرۆ رۆژا سێشه‌مبى و ل دانێ نيڤرۆ دێ ده‌نگدان ل سه‌ر ته‌مامكرنا كابينا عادل عه‌بدولمه‌هدى هێته‌ دان.

ب گۆره‌يى به‌رنامێ كارێ جڤاتا نوونه‌ران دێ به‌رچاڤكرنا بابه‌تێ دانوستاندنێ بيت ل دۆر پێكئينانا لژنه‌كێ د ده‌ربارێ به‌رهه‌ڤكرنا لژنه‌كێ بۆ دووڤچوونا به‌لاڤكرنا وزێ و ده‌نگدان ل سه‌ر پێكئينانا حوكمه‌تێ.

روونشتنا جڤاتا نوونه‌ران بڕياره‌ ئه‌ڤرۆ ل ده‌مژمێر 12:00ى نيڤرۆ بهێته‌ ئه‌نجام دان.

هندرين له‌زگين دۆسكى، ئه‌ندامێ فراكسيۆنا پارتى ديموكراتى كوردستان ل جڤاتا نوونه‌رێن عيراقێ، د داخۆيانيه‌كێ دا بۆ ئه‌ڤرۆ نيوز گۆت: “ناڤێن وه‌زيران يێن هاتينه‌ پێشكێشكرن و ئه‌ندامێن جڤاتا نوونه‌ران ئه‌ڤرۆ دێ ده‌نگى ل سه‌ر وان به‌ربژاران ده‌ن”.

زێده‌تر گۆت: “ب تنێ ئێك وه‌زير ژ وان كورده‌ و ئێك ژى كرستيانه‌، ژ به‌ر هندێ ژى هێشتا مه‌ وه‌كو پارتى بڕياره‌ ل سه‌ر ده‌نگدان يان ره‌تكرن نه‌دايه‌”.

ئه‌ندامێ فراكسيۆنا پارتى ديموكراتى كوردستان ل جڤاتا نوونه‌رێن عيراقێ ئاماژه‌ ب وێ چه‌ندێ ژى كرى كو دێ نها كۆمبوونه‌كێ ئه‌نجام ده‌ن و تێدا بڕيارا دووماهى ل سه‌ر ده‌نگدان يان ده‌نگ نه‌دان ده‌ن.

بڕياره‌ جڤاتا نوونه‌ران ده‌نگدانێ ل سه‌ر وه‌زاره‌تێن به‌ره‌ڤانى، ناڤخۆ، ره‌وشه‌نبيرى، په‌روه‌رده‌، داد، پلاندانان، خواندنا بلند و كۆچبه‌ران بده‌ت.

ب گۆره‌يى ئه‌و پێزانينێن ل به‌ر ده‌ست عه‌بدولمه‌هدى دێ هه‌ر ئێك ژ فالح فه‌ياز وه‌كو وه‌زيرێ ناڤخۆ و فه‌يسه‌ل فه‌نه‌ر جه‌ربا وه‌زيرێ به‌ره‌ڤانيێ و دادوه‌ر دارا نوره‌دين وه‌زيرێ داد و سه‌با تائى وه‌زاره‌تا په‌روه‌ردێ و قوسه‌ى سه‌هيل وه‌زيرێ خواندنا بلند و ڤه‌كۆلينێن زانستى و عه‌بدولئه‌مير حه‌مدانى وه‌زيرێ ره‌وشه‌نبيرى و نورى دلێمى وه‌زيرێ پلاندانانێ و هه‌نا كوركيس وه‌زيرا كوچ و كۆچبه‌ران.

رێڤەبەرێ کاروبارێن ئێزدیان ل دھۆکێ: ھزار قوتابی ژ بەر ڤەنەکرنا قوتابخانەکێ ژ خواندنێ ھاتنە بێ بەھرکرن

04/12/2018 10:20

ئەڤرۆ نیوز، لەزگین جوقی:
رێڤەبەرێ کاروبارێن ئێزدیان ل پارێزگەھا دھۆکێ دیار کر کو قوتابیێن ئاوارێن شنگالێ یێن ژ خواندنێ ھاتینە بێ بەھرکرن قەستا رێڤەبەریا کاروبارێن ئێزدیان ل دھۆکێ کرن داکو ئەو دەنگێ وان بگەھینە لایەنێن شۆلەژێ ل ھەرێما کوردستانێ و بەغدا بۆ وێ چەندێ ئاریشا وان قوتابیان بھێتە چارەکرن.
عیدان شیخ کالۆ، رێڤەبەرێ کاروبارێن ئێزدیان بۆ ئەڤرۆ نیوز دیار کر کو ئەو وەکو رێڤەبەریا کاروبارین ئێزدیان دێ دەنگی ڤان قوتابیان بلندکەن بۆ پەروەردێ داکو چارەسەریەک ل ئاریشا وان بھێتە کرن، ھەموو ژی قوتابیێن قوتابخانا تەئاخی نە ل پۆلا دووزازدێ زانستی و گۆت: “ئەڤ سالە بۆ چارەنڤیسێ ڤان قوتابیان گەلەک یا گرنگە، ھەتا نوکە دەرگەھێ قوتابخانان ب زمانێ عەرەبی بۆ ڤان قوتابیان نەھاتیە ڤەکرن و ھەموو ژی قوتابیێن ئاوارێن شنگالێ نە نەشێن بچنە پارێزگەھا نەینەوا”.
ناڤھاتی ئاماژە دا وێ چەندێ کو نوونەرێن ڤان قوتابیێن ئاوارێن شنگالێ قەستا رێڤەبەریا کاروبارێن ئێزدیان ل دھۆکێ کریە و گۆت: “ئەم دێ بزاڤان کەین دەنگێ وان بگەھیتە لایەنێن پەیوەندیدار بۆ دیتنا چارەسەریەکێ، چونکی ئەڤ قوتابیە نەشێن قەستا پارێزگەھا نەینەوا بکەن ژ بەر رەوشا ئەمنی”.

داعش كه‌ساتيه‌كێ نه‌ينه‌وا گوله‌بارانكر

04/12/2018 10:14

146

ئه‌ڤرۆ نيوز:

چه‌كدارێن داعش ئێك ژ كه‌ساتيێن به‌رنياسێن عه‌شيره‌تان ل پارێزگه‌ها نه‌ينه‌وا گوله‌بارانكر.

ب گۆره‌يى ژێده‌رێن ئه‌منى، چه‌كدارێن داعش جلكێن له‌شكرى ل به‌ر خوه‌ كربوون و شڤێدى چووينه‌ گوندێ عه‌مرينێ ل ناحيا حه‌مام عه‌ليل باشوورێ مووسل.

ئاماژه‌ ب وێ چه‌ندێ ژى كر كو چه‌كدار چووينه‌ سه‌ر مالا شێخ راغب عه‌بدولمه‌هدى به‌درانى ئێك ژ كه‌ساتيێن عه‌شيره‌تا بوو به‌دران، پاشان دايه‌ به‌ر گوله‌يان ل ژ ده‌رڤه‌يى مال و د جهـ دا گيانێ خوه‌ ژ ده‌ست دايه‌.

جۆتیارەکێ ھەرێمێ جۆرە باجانەکا نوو بەرھەمئینا

04/12/2018 09:54

221

ئەڤرۆ نیوز، رەمەزان ھەرنی:
جۆتیارەکێ ھەرێما کوردستانێ کو ھەلگرێ ناسناڤێ جۆتیارێ نموونەیا سالانە چەندین ڤەکۆلینان ل سەر بەرھەمێن خوارنێ یێن چاندنێ ئەنجام ددەت و دووماھی ڤەکۆلین ل سەر باجان سورەکا شێوازێ ستێر کریە و شیایە سەر کەڤیت.
شێخ جەمال کربچینەیی، جۆتیارێ نموونەیێ ھەرێما کوردستانێ بۆ ئەڤرۆ نیوز دیار کر کو بەری دو سالان توڤێ جورە باجانەکێ ل بریتانیا بۆ وی ھاتبوو پشتی چەندین ڤەکۆلین و کارکرنا ب شێوازێ ستێر ھاتە بەرھەمئینان و دیاردبیت کو ئەڤ توڤێ باجانێ ل گەل کەش و ھەوایێ ھەرێما کوردستانێ یێ دروستە و گۆت: “ئەڤ جۆرێ باجانا ستێر تام و بھێنەکا تایبەت و جودا ژ باجانکا دی یا سور ھەیە و شیانێن ھەموو جورە نەخوشیەکێ ھەنە و یاب ھێزە دو سالە کار ل سەر دکەم و شیایمە توڤەکێ باش ژێ بەرھەم بینم و ئەڤ سالە رێژەکا باش من چاندیە و پشتی دگەھیتە بەری ب دروستی دێ ل ھەرێما کوردستانێ ھەموو یێ بەلاڤکەم”.

پارێزگه‌رێ‌ دهۆكێ‌ سوپاسیا وه‌لاتێ‌ ئه‌مریكا و رێكخراوێن نێڤده‌وله‌تی دكه‌ت

04/12/2018 08:21

ئه‌ڤرۆ نیوز:
فه‌رهاد ئه‌مین ئه‌تروشی ل رۆژا 3/12/2018 پێشوازیا ستیف ڤاگین قونسلێ‌ ویلایه‌تێن ئێكگرتیێن ئه‌مریكا وشاندێ‌ دگه‌لدا كر.
دهه‌ڤدیتنه‌كێدا به‌حسێ‌ په‌یوه‌ندیێن ئه‌مریكا دگه‌ل هه‌رێما كوردستانێ‌ وره‌وشا ئاواره‌ وپه‌نابه‌ران ل سنورێ‌ پارێزگه‌ها دهوكێ‌ وئه‌و هاریكاریێن حكومه‌تا هه‌رێما كوردستانێ‌ ورێكخراوێن نیڤ ده‌وله‌تی پێشكێش دكه‌ن هاته‌ كرن.

دته‌وه‌ره‌كێ‌ دیدا به‌حسێ‌ هاریكاریێن ویلایه‌تێن ئێكگرتیێن ئه‌مریكا هاته‌ كرن كو بو ئاواره‌ وپه‌نابه‌ران ل سنورێ‌ پارێزگه‌ها دهوكێ‌ پێشكێش دكه‌ت دوارێ‌ دانا ئاهێن خارنێ‌ وئاڤه‌دانیێ‌ وئاڤ وئاڤ رویا وبو كه‌رتێن ته‌ندورستی وپه‌روه‌ردێ‌ وپاقژكرنا مینا وچه‌ندین سه‌كته‌رێن دی یێن خزمه‌تكاری ، كو ئه‌ڤه‌ هه‌موو ب رێكا چه‌ندین رێكخراوێن ئه‌مریكی ویێن نیڤ ده‌وله‌تی بو ئاوارێن قه‌زا شنگال و په‌نابه‌رێن سوری ل سنورێ‌ پارێزگه‌ها دهوكێ‌ دهێنه‌ پێشكێش كرن.

پارێزگه‌رێ‌ دهوكێ‌ خوشحالیا خو ب سه‌ره‌دانێ‌ دیاركر و سوپاسیا وه‌لاتێ‌ ئه‌مریكا ورێكخراوێن نیڤ ده‌وله‌تی كر كو هاریكاریا ئاواره‌ وپه‌نابه‌ران ل سنورێ‌ پارێزگه‌هێ‌ دكه‌ن وخواست كو ئاستێ‌ وان هاریكاریا بهێته‌ زێده‌كرن نه‌خاسمه‌ وه‌رزێ‌ زڤستانێ‌ ده‌ست پێكریه‌ وئاواره‌ وپه‌نابه‌ران پێدڤیه‌كا زور ب ئالاڤێن زڤستانێ‌ هه‌یه‌ .

نيشاندان 1...1,000 947948949 1,940...2,785 زێده‌تر

لاپه‌ر 948 ژ 2,785