ئه‌ڤرۆنيوز:
به‌رى نيڤرۆيا ئه‌ڤرۆ دوشه‌مبى 29/10/2018 فه‌رمانبه‌ره‌كێ سه‌رۆكاتيا باژێرڤانيا رواندز ب ب ده‌بانجێ دووماهى ب ژيانا خوه ئينا.
ل دووڤ كوردستان تى ڤى، پشتى روودانێ ته‌رمى وى فه‌رمانبه‌رى هاته هنارتن بۆ نه‌خوه‌شخانا گشتى يا رواندز وهه‌تا نوكه پۆليسان چو رۆهنكرن ل دۆر ئه‌گه‌رێ خوه‌كوشتنا وى فه‌رمانبه‌رى نه‌داينه.
ئه‌ڤرۆ نيوز:
ئه‌ندامه‌كێ سه‌ركرداتيا ئێكه‌تى نشتيمانى كوردستان راگه‌هاند كو ئه‌و وه‌كو هێزا دويێ ل كوردستانێ داخوازا هه‌ردو پۆستێن سه‌رۆكاتيا په‌رله‌مانى و جێگرێ سه‌رۆك وه‌زيران دكه‌ن.
فه‌ريد ئه‌سه‌رد، ئه‌ندامێ سه‌ركرداتيا ئێكه‌تيا نشتيمانى كوردستان بۆ دوارۆژ گۆت: “ئه‌و دخوازين د پێكئينانا حوكمه‌تا نوو يا عيراقێ دا وه‌كو هێزا دويێ سه‌ره‌ده‌رى ل گه‌ل مه بهێته كرن”.
ئاشكه‌را ژى كريه كو وه‌كو ده‌ستكه‌فتێ هه‌لبژارتنان مافێ ئێكه‌تى نشتيمانى كوردستانێ هه‌ر ئێك ژ پۆستێن سه‌رۆكاتيا په‌رله‌مانى و جێگرێ سه‌رۆكێ جڤاتا وه‌زيران پێ بهێته دان، “ئه‌ڤ پرسه ژى دێ ب دانوستاندنا ناڤبه‌را هه‌ردو لايان هێنه چاره‌كرن”.
ئه‌سه‌رد راگه‌هاند كو پارتى ئاشكرا كريه كو ئه‌وان شانده‌ك بۆ دانوستاندنا لايه‌نێن سياسى پێك ئينايه و گۆت: “مه ژى پێ باشه ئه‌و شاند سه‌ره‌دانا لايه‌نێن سياسى بكه‌ت”.
دا زانين ژى كو ل ده‌سپێكێ دێ كار بۆ پێكئينانا په‌رله‌مانى هێته كرن و پاشان ژى بۆ كابينا وه‌زارى و گۆت: “دانا په‌رله‌مانى دێ بيته رێخۆشكه‌ر بۆ دانانا كابينا نوو يا حوكمه‌تێ”.
ئه‌ڤرۆ نيوز:
سه‌رۆكا پارتيا ديموكراتا مه‌سيحى يا ئه‌لمانيا دێ ده‌ست ژ كار كێشيت و ژێده‌ره‌ك ژى ژڤانێ ده‌ست ژ كاركێشانێ ئاشكه‌را دكه‌ت.
ژێده‌ره‌كى ژ ناڤا پارتيا ديموكراتا مه‌سيحى بۆ فرانس پرێس ئاشكه‌را كريه كو ئه‌نجێلا مێركل د هه‌يڤا كانوونا ئێكێ 12 يا ئه‌ڤ ساله دا، دێ ده‌ست ژ كار كێشيت.
ئه‌وى ژێده‌رى ئاماژه ب وێ چه‌ندێ ژى كريه كو پارتيا وان دێ كۆنگره‌يى ل كانوونا ئێكێ گرێده‌ت و ئه‌نگێلا مێركل خوه بۆ سه‌رۆكاتيا وێ پارتيێ به‌ربژار ناكه‌ت.
مێركل ل سالا 1954ێ ژ دايك بوويه و ل سالا 1998ێ وه‌كو سه‌رۆكا وێ پارتيێ هاتيه هه‌لبژارتن و ل سالا 2005ێ هه‌تا نوكه شيره‌تكارا ئه‌لمانيا يه.
ئه‌ڤرۆ نيوز:
هێزێن پۆليسێن سلێمانيێ كه‌سه‌ك ده‌سته‌سه‌ركر كو ب وێ چه‌ندێ يێ تۆمه‌تباره، ب تۆمه‌تا ئه‌ڤينيێ ده‌ستدرێژيا سكسى كريه سه‌ر كچه‌كێ و تۆمار كريه و گه‌فێن به‌لاڤكرنا ڤيديۆيێ ژى ل كچێ كرينه.
سه‌ركه‌فت ئه‌حمه‌د، رێڤه‌به‌رێ راگه‌هاندن و په‌يوه‌نديێن پۆليسان ل پارێزگه‌ها سلێمانيێ بۆ رووداو راگه‌هاند: “شه‌ڤا بۆرى هێزێن پۆليسان ل كازينۆيه‌كا تاخێ سه‌رچنار ل سلێمانيێ كه‌سه‌ك ده‌سته‌سه‌ركر كو ب به‌هانه‌يا ئه‌ڤينيێ ده‌ستدرێژيا سكسى كريه سه‌ر كچه‌كێ و ب ڤيديۆيێ ريكورد كريه”.
رێڤه‌به‌رێ راگه‌هاندن و په‌يوه‌نديان ل پارێزگه‌ها سلێمانيێ ئاماژه ب وێ چه‌ندێ ژى كريه كو ده‌سته‌سه‌ركرنا وى تۆمه‌تبارى پشتى وێ چه‌ندێ هات كو رۆژا 25ى چريا ئێكێ كچه‌كا 32 سالى ب ناڤێ (ن) سه‌ره‌دانا ئێك ژ بنگه‌هێن پۆليسێن سه‌رچنار كريه و سكالا تۆماركريه ل دژى وى كورى، سكالا ژى ل سه‌ر وێ چه‌ندێ بوو: “ئه‌وى ده‌ستدرێژيا سكسى كريه سه‌ر”.
سه‌ركه‌فت ئه‌حمه‌د دا زانين كو ئه‌و يێ تۆمه‌تباره پشتى گه‌فێن به‌لاڤكرنا ڤيديۆيێ كرين و بۆ وێ مه‌به‌ستێ ژى كۆژمێ “سێ هزار و 800 دۆلار ژى ژێ وه‌رگرتينه و پاشان داخوازا پارێن زێده‌تر ژێ كريه”.
ئه‌و تۆمه‌تبارێ ده‌سته‌سه‌ركرى دژيێ 27 ساليێ دايه و نوكه ب بڕيارا دادوه‌رى و ب گۆره‌يى ماددێ 393 ل قانوونا سزايێن عيراقێ هاتيه راگرتن، سه‌ركه‌فت ته‌كست ل سه‌ر وێ چه‌ندێ ژى كر كو هه‌كه ئه‌ڤ تاوانه ل سه‌ر ئاشكه‌را بوو ب كێمى دێ 15 سالان حوكم بيت.
ئه‌ڤرۆ نيوز:
سپيده‌هيا ئه‌ڤرۆ رۆژا دوشه‌مبى فرۆكه‌كا ئه‌نده‌نوسى ب 189 سه‌رنشين ڤه ل نێزيك جاكارتا كه‌فته ناڤ ده‌ريايێ و گه‌ريان ل دووڤ سه‌رنشينان و پارچێن فرۆكێ يێ به‌رده‌وامه.
وه‌زاره‌تا ڤه‌گوهاستنا ئه‌ندونسيا راگه‌هاند كو ده‌مژمێر 6:20 ده‌قيقه‌يا سپێده‌هيا ئه‌ڤرۆ رۆژا دوشه‌مبى فرۆكه‌كا جورێ Boeing 737 MAX 8 سەر ب هێلا ئاسمانی يا لیۆن ئایه‌ر، فرۆكخانا جاكارتا ب جهـ هێلا و پشتى 13 ده‌قيقان ل ده‌مژمێر 6:33 ده‌قيقه كه‌فته ناڤ ده‌ريا سه‌ر ب دورگێن پانگكال پينانگ.
پشتى ديارنه‌مانا فرۆكێ ژماره‌كا زۆر يا تيمێن فرۆكه‌ڤانيێ ره‌وانه‌يى جهێ روودانێ كرن ل وێ ده‌ڤه‌رێ و فرۆكه كه‌فتيه خوار، پشكه‌ك ژ پارچێن فرۆكێ هاتينه ديتن.
ل 2013ێ فرۆكه‌كا ژ جۆرێ بۆينگ 737 ل ده‌مێ روونشتن ل دوورگا سه‌ر ب بالى ب 108 سه‌رنشين ڤه تێك شكه‌ست بوو.
ل 2014ێ ژى فرۆكه‌كا سه‌ر ب هێلا فرۆكه‌ڤانيا ئايه‌ر ئاسيا كو ژ سورابيێ د چوو سه‌نگافۆرا، كه‌فته ناڤ ده‌ريايێ و 162 كه‌س تێدا بوون، هه‌ر هه‌موو سه‌رنشينان ژى گيانێ خوه ژ ده‌ست دا.
ئەڤرۆ نیوز، نەوزاد ھلۆری:
بەشەک ژ جوتیارێن دێرەلووکێ و شێلادزێ نەگەھشتن برنجێ خوە بدورین، و د ئەنجام دا باران و لەھی ب سەردا ھاتن، و ئەڤێ یەکێ زیان ب برنجێ وان گەھاندن.
ئەمین محەمەد ئێکە ژ جوتیارێن دێرەلووکێ و زەڤیا برنجێ خوە ل گوندێ ھاریکێ ھێشتا نەدوریە بو ئەڤرۆ نیوز گۆت: (ئەز ل دەوامێ بووم و بریار بوو بزڤرم ڤە پاشان زەڤیا خوەیا برنجی ب دوریم ، بەلێ نەگەھشتم و باران ب سەردا ھات، و ئەڤ یەک بویە سەدەم کو زیان ب برنجێ من بکەڤیت و ھەموو زەربویە و لەھی و بارانان زیانێن زور گەھاندینێ).
زێدەتر گۆت: (نابیت برنج ل دەمێ خوە گیرو ببیت، بەلێ مە ھزرکر کو ئەڤ سال ژی وەکو سالا بوری دێ باران گیرو بن ژبەرکو پارسا ل ڤی دەمی چوو باران نەباری بوو).
تاھر عەبدوللا ئەو ژی وەلاتیەکێ شێلادزێ یەو ب ھەمان شێوە برنجێ وی ژی کەفتیە بەر پێلا لەھی و بارانان بو ئەڤرۆ نیوز گۆت: (نێزیکێ 10 زەڤیێن برنجی ل گوندێ دێویکێ و لاتکا ھەتانوکە نەھاتینەدورین و ئەگەر ژی دزڤریت بو بارینا باران و درۆستبوونا لەھیان، و ئەڤێ یەکێ زیانێن زور گەھاندینە برنجی، ھەتا کو بۆ دەما چەند روژان روژ دەرنەکەڤیت ئەو برنج ھشک نابیت کو بدورین، و خوە ئەگەر ھشک ژی ببیت وەکو بەرێ لێ ناھێت چونکی ژ ئەنجامێ بارانێ برنج زەربویە و کارتێکرن لسەر بەرھەمێ وێ ھاتیەکرن).
ئەڤرۆ:
پەروین بولدان ھەڤسەرۆکا پارتیا دیموکراتی یا گەلان دو رۆژ بەری نھا داخواز ژ حوکمەتا ئاکپارتیێ کر کو بۆ راگرتنا شەری و چارەکرنا پرسا کوردی جارەکا دی دەست ب قۆناغا ئاشتیێ و چارەکرنا پرسا کوردی بھێتە کرن و گۆت: (ئاشکرایە کو ژ بەر پرسا کوردی رۆژ ب رۆژێ رەوشا ناڤخوەیی یا تورکیا خراب دبیت. دەم یێ ھاتی کو پرسا کوردی دوور ژ شەری و ب رێیێن سیاسی بھێتە چارەکرن و ژ بەر ھندێ ژی دڤێت دۆرپێچا ل سەر ئۆجەلانی ژی بھێتە راکرن و ئەم بۆ ڤێ قۆناغێ د بەرھەڤین).
ل ھەمبەر ڤێ داخۆیانیێ دوھی عومەر چەلیک پەیڤدارێ ئاکپارتیێ راگەھاند کو ئەم ل گەل تیرۆرستان دانوستاندنان ناکەین و شەرێ مە ل دژی تیرۆرێ دێ ھەتا دووماھیێ بەردەوام بیت و ئاخڤتنێن بولدانێ ژی خزمەتا تیرۆرێ و تیرۆرستان دکەن و گۆت: (ب ناڤێ قۆناغا ئاشتیێ ھندەک کەس دخوازن رەوابوونێ بدەنە تیرۆرستان و زەمینا قانوونی بۆ وان بەرھەڤ بکەن. ئەم ب توندی ڤێ یەکێ رەت دکەین، چونکو ئەزموونێن بەری نھا ژی سەلماندن کو دڤێت ب شەری تیرۆرێ ژناڤ ببەین و گەلێ مە ئەڤرۆکە ب ھەموو رەنگەکێ پشتەڤانیا مە دکەت دا تیرۆرێ ژناڤ ببەین).
ناڤبری ھەروەسا راگەھاند کو ھەکە ھەدەپە خوە ژ تیرۆرستان دوور نەکەت نەشێت د خەباتا خوە یا سیاسی دا ژی سەرکەفتی بیت و گرنگە یێن سیاسەتێ دکەن خوە ژ تیرۆری و تیرۆرستان دوور بکەن.
ئه‌ڤرۆ نيوز:
سەرۆکێ گشتی یێ PSK دیار دکەت کو تورکیا ژ بەر دو ئەگەران خوە کرە پشکەک ژ ئالۆزیێن ل سووریێ، یا ئێکێ تورکیا نەدخواست کو کورد ل دەڤەرێن خوە ببنە دەستھەلاتدار و یا دی تورکیا ھەموو بزاڤ کرن کو ھندەک ھێزێن نێزیکی خوە ل سووریێ بکەتە دەستھەلاتدار و بێگومان ئەڤ پیلانا تورکیا سەرنەگرت و نھا ژی ل ژێر ناڤێن جودا دخوازیت بەرژەوەندیێن خوە ل سووریێ بپارێزیت.
مەسعود تەک سەرۆکێ گشتی یێ پارتیا سوسیالیست یا باکورێ کوردستانێ PSK)) بۆ رۆژناما ئەڤرۆ دیار کر کو دەمێ ئالۆزی ل سووریێ دروست بوون تورکیا ھەر زوو دەستێوەردان کر، چونکو تورکیا ژ ھندێ دترسی کورد ل دەڤەرێن خوە ببنە دەستھەلاتدار، ڤێجا ئەڤ دەستھەلاتە فیدرالی بیت یان ژی ئۆتۆنۆمی یان ژی کانتۆن بن، چونکو تورکیا نەدخواست کورد ل سەر سنۆرێ وێ کیانەکێ ئاڤا بکەن و ژ بەر ھندێ ژی ھاریکاریا گرۆپێن چەکدار ل سووریێ کر و بۆ ئەگەرێ ھندێ رەوشا سووریێ ئالۆزتر ببیت و گۆت: (خالا دی تورکیا دخواست ھندەک ھێزێن نێزیکی خوە کو پتر سوننی بوون ببنە دەستھەلاتدار ل سووریێ، بێگومان ئیران، روسیا و ھەتا ئەمریکا ژی ل دژی ھندێ بوون و مە دیت کو ل دووماھیێ ژی تورکیا نەشیا سەرکەفتی بیت و پیلانێن تورکیا ل دۆر سووریێ ژناڤ چوون).
ناڤبری د پشکەکا دی یا ئاخڤتنا خوە دا ئەو یەک ژی دیار کر کو ئێک ژ ئەگەرێن سەرەکی یێن قەیرانا سووریێ ژی سیستەمێ بەعسی یێ وی وەلاتی یە کو رێ نادەت خەلک ب رەنگەکێ ئازاد ل وەلاتێ خوە بژین، ژ بەر ھندێ ژی ئالۆزی و شەرێ ناڤخوەیی ل سووریێ دروست بوو، ھەتا سیستەمێ وەلاتێن رۆژھەلاتا ناڤین نەبنە دیموکراتی و ھەموو پێکھاتێن ل دەڤەرێ نەگەھنە مافێن خوە دێ ئالۆزی ل رۆژھەلاتا ناڤین بەردەوام بن و گۆت: (نھا تورکیا ل ژێر ناڤێن جودا جودا بزاڤێ دکەت کو بەرژەوەندیێن خوە ل سووریێ بپارێزیت، لێ ئەمریکا و روسیا وەکو دو وەلاتێن زلھێز یێن جیھانێ بەرژەوەندیێن خوە ل سووریێ ھەنە و رێ نادەن کو تورکیا ل گۆر دلێ خوە ل سووریێ بزاڤان بکەت، تشتێ ھەتا نھا تورکیا ل سووریێ کریە ژی ب پشتەڤانیا روسیا بوویە و ب تنێ نەشێت چو بکەت).
ل دۆر کۆمبوونا دو رۆژ بەری نھا یا ل ئستەنبولێ ژی ناڤھاتی دیار کر کو تورکیا نەشێت چو رۆلەکێ بۆ چارەکرنا قەیرانا سووریێ بگێریت وەکو من گۆتی تورکیا بخوە بوویە پشکەک ژ قەیرانێ، ل ئالیێ دی ئەمریکا، روسیا و وەلاتێن دی یێن ئورۆپا ژی بەرژەوەندیێن خوە ل سووریی ھەنە، ئەو رێ نادەن چو وەلاتەکێ دی بەرژەوەندیێن وان ل سووریێ تێک بدەت، تورکیا بێی روسیا و ئەمریکا نەشێت ل سووریێ چو تشتەکێ بکەت و گۆت: (روسیا بۆ بەرژەوەندیێن خوە ل سووریێ ھەتا نھا تورکیا بکار دئینیت و ل ئالیێ دی ئەمریکا و چەندین وەلاتێن ئورۆپی ژی چاڤدێریا رەوشا نھا یا سووریێ دکەن، ھەکە مەترسی ل سەر بەرژەوەندیێن وان دروست ببیت دێ دەستێوەردانێ کەن، مخابن ژ بەر دەستێوەردانێن دەرەکی ھەتا نھا قەیرانا سووریێ چارەسەر نەبوویە و رەوش ھەر کو دچیت ئالۆزتر لێ دھێت، ھەکە بەری نھا تورکیا ب جھێ دوژمناتیێ پشتەڤانی ل کوردێن رۆژئاڤایێ کوردستانێ کربا دا نھا پێگەھێ تورکیا ل سووریێ گەلەکێ بھێز بیت، لێ مخابن ژ بەر سیاسەتا دەولەتا تورکیا کو ل سەر بنەمایێ دژبەریا کوردان ھاتیە ئاڤاکرن ھەتا نھا ژی تورکیا نەشیایە راستیان کوردان قەبوول بکەت و ل ھەر جھەکێ دژبەریا مافێن رەوا یێن گەلێ کوردستانێ دکەت).
ئه‌ڤرۆ نيوز:
جڤاتا وەزیرێن عیراقێ پرۆژێ قانوونا بودجێ یا سلا 2009 ڕوانەی جڤاتا نوونەرێن عیراقێ کریە، پەرلەمانتارەکێ پارتی ژی دبێژیت، وەکی کورد مە گەلەک تێبینی ل سەر پرۆژێ ناڤبری ھەنە، دێ بزاڤان کەین ئەو پرۆژە بھێتە ڤەگەراندن بۆ جڤاتا وەزیران و راستڤەکرن ل سەر بھێنە کرن.
دانا حەمە جەزا، پەرلەمانتارێ فڕکاسیۆنا پارتی ل جڤاتا نوونەرێن عیراقێ راگەھاند، پرۆژێ بودجا سالا 2009 گەھشتیە پەرلەمانی، بەلێ ھەتا نوکە ب فەرمی نەھاتیە بەردەستێن مە پەرلەمانتاران.
حەمە جەزای ھەروەسا گۆت: تێبینا مە کوردان ل سەر پرۆژێ ناڤبری، کو رێژە و بەھرا ھەرێما کوردستانێ یا کریە (12،67%) ئەوژی یا بەرۆڤاژی رێککەفتنا دستووری یا 17% یە، یان ژی دڤێت سەرژمێری بھێتە کرن، زێدەباری وی ژی پارێزگەھێن ھەرێما کوردستانێ ب پارێزگەھێن باکوورێ عیراقێ ھاتینە ب ناڤکرن، ئەو دژی دستوورێ عیراقێ یە.
ئەڤرۆ نيوز:
رۆژناما ئەمریکی واشنتۆن پۆست د راپۆرتەکێ دا بەلاڤکریە، رۆژێن خراب ل ھێڤیا رۆژھەلاتا ناڤەراست و عیراقێ نە .
ھەر وەسا تێدا ھاتیە ئارمانجا سەرەکی د سیاسەتا ئەمریکی دا ل رۆژھەلاتا ناڤەراست، دڤێت دووپاتی ل سەر ھەبوونا ھەڤسەنگیا سیاسی یا ھەڤڕک ھەبیت، داکو بەرژوەندیێن ئەمریکی ل دەڤەرێ بھێنە پاراستن، ئاشتی ب تایبەتی ل گەل ئیسرائیل، و ھەڤڕکیا ئابۆری و لیبۆرینا ئاینی و مافێن مرۆڤی.
رۆژنانا ناڤبری ھەروەسا ئاماژەدا، کو سەرۆک باراک ئۆباما ئەو ئەجیندە داناینە ل گەل ھەبوونا ھندەک شاشیێن کوژەک، بەلێ سەرۆک دونالد ترامپی ئەو کار یێ ھەلبژارتی بێی گەنگەشێ ل گەل وەلاتێن ل دەڤەرێ بکەت، یان ھندەک داگێرانا د ھەلویستێ خودا بکەن، کو وەلاتێ سعودیێ سەرکێشێ لێ دکەت، و پشتەڤانیا تەکنیکی بو ئیسرائیل، ئەڤەژی بوویە جھێ پەیدابوونا ھندەک کارەساتان، وەک مەزنترین کارەساتا ل جیھانی و شەرێ ل وەلاتێ یەمەنێ، و کوشتنا رۆژنامەڤان جەمال خاشقچی، یێن خرابتر ژی درێدانە.
رۆژناما واشنتۆن ھەروەسا دبێژیت، پڕانیا دەڤەرێن جیھانێ نەیێن ئارام ڕکبەریا تائفەگەری یە د ناڤبەرا سوونە و شیعان دا، کو ژ عیراقی و لوبنانی و سووریا و ھەتا یەمەنێ بخوەڤە دگریت، وەلاتێ ئیرانێ وەک سەرکردەیا باسکێ شیعان خوە ل سەر دەڤەرێ زاڵ دکەت، ب ھێرشکرنا ھندەک شەڕێن ب وەکالەت، زێدەباری بەردەوامیا ل سەر بەنامێ خوەیێ چەکێ ئەتوومی، کو دڤێت بەرھنگاریا وی وەلاتێ بھێتە کرن، بەلێ نەبڕێیا پشتەڤانیا ئالیێن سوونی دژی شیعان.
رۆژناما ئەمریکی گۆت: سوونی یێن پارچە پارچە بووین ل سەر ئالیێ نەتەویی یێ توندڕوە، وەکی عەبدولفتاح سیسیل وەلاتێ مسرێ و جێگرێ شاھێ سعودیێ محمد بن سلمان، و ئالیێ تاگریا ئیسلاما سیاسی دکەن، وەکی وەلاتێ قەترێ و تورکیا ب سەرکرداتیا رەجەب تەیب ئەردۆگان، دڤی بیاڤی دا کارگێریا دونالد ترامپی، ئالیەک گرتن دژی ئالیێ دیتر ، ئانکو ئالیێ سعودیێ، بەلێ ھەلویستی دروست ئەوە کو ھەردو ئالیان بەر ب بجھئینانا پێنگاڤێن دیموکراتی و لیبۆرینێ پالبدەتن.
راپۆرتا واشنتۆن پۆست ھەروەسا دیارکر، یا بزحمەتە ھەڤسەنگێ بھێتە پاراستن، چونگی گەلەک جاران کارگێریا ئۆبامای ئەو شاشی کریە و دەلیڤە بتنێ بۆ داکوکیا ل سەر رێککەفتنا ئەتەموویا ب شاشی ل گەل وەلاتێ ئیرانێ کریە، و ژبەر بجھئینانا ڤێ ئارمانجێ یا دودل بوویە ل سەر بەرھنگاریا وەلاتێ ئیرانێ ل سووریا، و باوەری بخوە بوێ شاشیێ چێکرن، کو دبیت ئیرانێ پالدەن و دەستان ژ خەونا خوەیا ئیمپرالیێ بەردەت، لەورا باراک ئۆباما ھەردەم یێ دلگران بوویە ژ سعودیێ و ئیسرائیل، و ژ بزاڤێن ویێن لاواز رێککەفتنا ئوتوومی بوو، و پشتەڤانیا سعودیێ بۆ ھێرشکرنا سەر وەلاتێ یەمەنێ بوو زێدەباری رێککەفتنا فرۆشتنا سعودیێ یا چەکی ب بھایێ 100 ملیار دۆلاران بوویە، چەڤەژ وەک پەیداکرنا ھەڤسەنگیێ ل دەڤەرێ بوویە.
ل گۆڕ راپۆرتا واشنتۆن پۆست، دوناد ترامپ گەھشتە دەستھەلاتێ و حەزا وی ئەوە میراتێ باراک ئۆبامای نەھێلیت، زێدەباری وێ دونالد ترامپی رێککەفتنا ل گەل ئیرانێ تێکدا و ل 4 چریا دوێ دێ ھێشتا روودانێن دناڤبەرا ئیرانێ و ئەمریکا و ل دەڤەرێ دێ ئالۆزتربن، بیێ کو ئارمانجەکا دیار ھەبیت، ھەروەسا یا دیار نینە کا دێ رژێما تەھران ھێتە گوھۆرین ل دەمەکێ نێزیک یان نە، زێدەباری نەھێلانا کارتێکرنا وەلاتێ ئیرانێ ل سەر دەڤەرێ، ئەڤە وێ دگەھینیت ئەمریکا ل جھێ ئیسرائیل و سعودیێ دێ بەرھنگاری و شەرێ وەلاتێ ئیرانێ گەت.
ل دووماھیێ واشنتۆ پۆست گۆت: دژاتیا وەلاتێ ئیرانێ و بەرھنگاریا وێ ل وەلاتێ سووریا دێ دەستپێکەت و دبیت ل یەمەنێ، کو نەھێلانا پشتەڤانیا لەشکری دێ بیتە دێیەک بۆ پەیدابوونا دەلیڤەکا دیتر یا سیاسی ب سەرکێشیا نەتویێن ئێکگرتی، پێدڤیە ل سەر ترامپی ب زانیت سیاسەتا کاریگەر ل رۆژھەلاتا ناڤەراست، پێدڤیە سیاسەتا شەیتانیا ئیرانێ بخوە ڕانەگێشیت، پشتەڤانیا دوژمێن وی بشێوەکێ ھەڕمەکی نەبیت.
نيشاندان