ئەڤرۆ نیۆز، قائید میرۆ:

ئەڤرۆ ئێڤاری دێ دەرگەھێ خوە بەربژێرکرنێ بۆ پۆستێ سەرۆک کۆمارێ عێراقێ ھێتە ڤەکرن و ئێکەم بەربژێرێ کورد بفەرمی بەربژێرکرنا خوە ئاشکراکر.

بەیار دۆسکی، پەرلەمانتارێ پارتی لپەرلەمانێ عێراقیچ بۆ ئەڤرۆ نیۆز دیارکر” ئەڤرۆ ئێڤاری دەرگەھێ خوە بەربژێرکرنێ ژلایێ پەرلەمانێ عێراقێ دێ ھێتە ڤەکرن بۆ تۆمارکرنا ناڤێن بەربژێران و بڕیارە رۆژا 25ی ھەیڤێ پەرلەمان پڕۆسا دەنگدانێ بۆ ھەلبژارتنا سەرۆکێ نویێ کۆمارا عێراقێ ئەنجامبدەت.

ئەڤی پەرلەمانتارێ پارتی گۆت” ھێشتا چو بەربژێرەکێ دیاری نینە ژلایێ کوردانڤە، بەلێ لایەنێن دی یێن عێراقی بەربژێر نابن بۆ پۆستێ سەرۆک کۆماری لەوانەیە چەند بەربژێرەکێن کورد ھەبن، بەلێ بڕیارە ھەردوو مەکتەبێن سیاسیێن پارتی و ئێکەتی لسەر ئێک بەربژێر بگەھنە رێکەفتنێ.
بەیار دۆسکی ئاماژە بڤێ چەندێ کر” پۆستێ سەرۆک کۆمارێ عێراقێ بۆ کوردان ئێکلابویە و ژبلی کوردان چو کەسەکی دی نابیتە سەرۆک کۆمارێ عێراقێ.

تێتەزانین ھەتا تنێ سەردار عەبدولا پەرلەمانتارێ بەرێ یێ عێراقێ خوە ئاشکراکریە بەربژێرە بۆ پۆستێ سەرۆک کۆمارێ عێراقێ و بڕیارە چەندین بەربژێرێن دی ھەبن.

ئەڤرۆ نیوز:‏

کاندیدەکێ سەرۆک وەزیریا عیراقێ خوە ژ ھەڤرکیێ ڤەکێشا.‏

ھادی عامری کاندیدێ سەرۆک وەزیریێ و سەرۆکێ لیستا فەتح خوە ژ ھەڤرکیێن سەرۆک ‏وەزیریێ ڤەکێشا.‏

ھادی عامری ئەڤ نووچە ئەڤرۆ د کۆنگرەکێ رۆژنامەڤانی دا پشت راست کر و دا زانین کو ‏ب ئاھەگیا عەلی سیستانی مەزنە مەرجەعێ شیعان ل عیراقێ ئەڤ بڕیارە دایە.‏

دا زانین ژی کو ئەو دێ ل گەل لایەنێن کوردی روونن دا کو پێکڤە کەسەکی بۆ سەرۆک ‏وەزیریا عیراقێ دەست نیشان بکەن.‏

ل عیراقێ ب رەنگەکێ بەرچاڤ کەسەکێ شیعی بۆ سەرۆک وەزیریێ و یێ کورد بۆ سەرۆک ‏کۆماریێ و یێ سونی ژی بۆ سەرۆکێ جڤاتا نوونەران دھێنە ھەلبژارتن.‏

ئەڤرۆ نیوز، سالار دۆسکی:

ئەندامەکا پەرلەمانێ عیراقێ ژ فراکسیۆنا پارتی دیموکراتی کوردستان ئاشکراکر کو بۆ رونشتنا تایبەت یا پەرلەمانێ عیراقێ ب پوستێ سەرۆک کوماری ڤە دێ پارتی بەربژێرەکێ بھێز ھەبیت.

د. ڤیان ئاکرەیی، ئەنداما پەرلەمانێ عیراقێ بۆ ئەڤرۆ نیۆز گۆت: پوستێ سەرۆک کوماری یا عیراقێ بەر ب کوردان دکەڤیت، بەر ب پارتی دیموکراتی کوردستان دکەڤیت بۆ 25-9-2018 پارتی دێ بەربژێرەکێ بھێز بۆ وەرگرتنا ڤی پوستی ھەبیت.

ل دۆر دروست بوونا رێکەفتنەکێ دناڤبەرا پارتی و ئێکەتی دا ل سەر وەرگرتنا ڤی پوستی، ناڤبریێ گۆت: ھەتا نوکە نەشێم ڤێ ئاحفتنێ بێژم و مافێ پارتی یە ڤی پوستی وەربگریت، رۆژا ھەلبژارتنا سەرۆک کوماری و ھەر دو جێگرێن وی پارتی دیموکراتی کوردستان دێ بەربژێرەکێ ھەرە بھێز ھەبیت بۆ وەرگرتنا وی پوستی

ل سەر دروست بوونا فراکسیوونەکا کوردستانی ژی ل بەغدا، د.ڤیان ێەبری گۆت: ل سەر کێێن نەتەوەیی وەک ئەندامێن پەرلەمانێ عیراقێ کورد دێ ئێک دەست بین ب ئانەھیا خودێ، یا دی ژی دێ مینت ل سەر رێکەفتنێن سیاسی دناڤبەرا فراکسیۆنان دا.

ئه‌ڤرۆ نيوز

چەکدارێن داعش ل سنورێ باژێرێ گولالە یێ سەر ب دەڤەرا خانەقین گۆندێ قایە کونترۆل کر. ‏فەرماندەکێ پێشمەگەیی ژی دیار دکەت کو سێ کەسێن خەلکێ گۆندی ب گرانی د بریندارن و دو ‏کەس ژی دبریندارن.‏

فەرماندارێ فەوجا ئێک یا لیوا 3 پەیادە یا ھێزێن پێشمەرگەیی ئەحمەد مستەفا بۆ رووداو ‏راگەھاند کو دەمژمێر 22:30‌ چەکدارێن داعش کو ھەژمارا وان 40 کەس بوون، ھێرش کرە سەر ‏گوندێ قایە کو روونشتڤانێن گوندی عەرەبێن شیعەنە و گوند کۆنترۆل کریە.‏

چەکدارێن داعش د ڤێ ھێرشا خوە دا، سێ مال و دو ئوتۆمۆبیل سوتینە و روونشتڤانێن گۆندی ژی ژ ‏ترسا ڤێ چەندێ دا ئاوارە بووینە.‏

ئەحمەد مستەفا دیار کر ژی کو داعش ب ھاون و بی کەی سی و ئارپیچیان ھێرش کریە سەر گوندی. ‏

روونشتڤانێن گوندی نێزیکی 40 خولەکان ل ھەمبەر وان شەر کریە، بەلێ داعش گوند کۆنترۆل ‏کریە، ژ بەر روو ب رووبوونان سێ کەس ب گرانی بریندار بووینە، ھەروەسا دو کەس ژی د بەرزەنە ‏کو گومان دھێتە کرن ھاتبنە کوشتن.‏