ئەڤرۆ نیوز، رێوار مزیری:
رێڤەبەریا گشتی یا رەوشەنبیری و ھونەری ل دھۆکێ ب مەرەما ھشیارکرنا گەنجان ژ ب کارئینانا ماددێن ھۆشبەر دێ ل رۆژا ٥/١٢/٢٠١٨ێ ل دەمژێر ١٠:٠٠ سپێدێ بەحسێ مەترسیا بکارئینانا ماددێن ناڤھاتی ل ناڤەندا قوتابیان ل زانکۆیا دھۆک کەت.
ئەمیر عەلی، جێگرێ رێڤەبەرێ گشتی یێ رەوشەنبیری و ھونەری ل دھۆکێ بۆ ئەڤرۆ نیوز دیار کر ئەو وەکو رێڤەبەریا گشتی یا رەوشەنبیری و ھونەری ل دھۆکێ ب ئەرکێ خوە دزانن کو ھشیاریەکێ ل دەف گەنجان پەیدا بکەن بۆ وێ چەندێ خوە ژ ب کارئینانا ماددێن ھۆشبەر دوور بکەن، چونکی نوکە ب کارئینانان ڤان ماددەن ھەتا رادەکی بوویە دیاردە د ناڤ جڤاکی دا و گۆت: “د ڤێ چالاکیێ دا دێ گەنجەک بەحسێ سەربورا خوە ل گەل بکارئینانا ماددێن ھۆشبەر کەت کو نوکە وی گەنجی ب کارئینانا وان ماددان ھێلایە، د ھەمان دەم دا مامۆستایەک ژی دێ ب رێیا پێشکێشکرنا سمینارەکێ بەحسێ مەترسیا ب کارئینانا ماددێن ھۆشبەر کەت”.
نووترين نووچه
- سەرۆك بارزانی پەیامەكا هەڤخەمیێ ئاراستەی كاردینال لویس ساكۆی كر
- 2200 چەكدارێن پەكەكێ دێ چنە د ناڤ لەشكرێ ئیراقێ دا
- بەرپرسێ لقێ 15: قەبوول ناكەین خانەقین ب زۆری بهێتە ئەرەبكرن
- سەرۆك بارزانی و قونسلێ ئەلمانیایێ دوپاتیێ ل سەر هەبوونا هەماهەنگییەكا بهێز د وارێن جودا جودا دا كرن
- نێچیرڤان بارزانی سەرەخوەشیێ ل بنەمالا شاهانە یا نەرویجێ دكەت
- مەسرور بارزانی هەڤخەمییا خوە بۆ وەغەرا شاهێ نەرویج دیاركر
- مەحموود محەمەد: ل نێزیك پارتی و ئێكەتی دێ كۆمبن
- ل دۆر پرسا سۆتەمەنیێ چاڤەڕێی بڕیارا سەرۆكوەزیرێن ئیراقێ نە
- پشتەڤانیێ ل مافێن پێكهاتەیان و خواندنا كوردی ل سووریێ دكەین
- فەرهاد ئەترووشی: 20 سالە جڤاتا نوونەرێن ئیراقێ نەشیایە یاسایا نەفت و غازێ دەربێخیت
سهرهكى نوچێن گرنگ
ئيرانێ داخوازيهك ژ سهرۆك بارزانى ههيه
ئەڤرۆ نیوز:
نوونەرێ حوکمەتا ھەرێما کوردستانێ ل ئیرانێ ئەڤرۆ رۆژا دوشەمبی دیارکر کو کۆمارا ئیسلامیا ئیرانێ دخوازیت پۆستێ سەرۆکاتیا ھەرێما کوردستانێ بھێتە کارا کرن و کەساتیەکێ کارێزمایێ مینا مەسعود بارزانی وی پۆستی وەربگریت.
نازم دەباغ، نوونەرێ حوکمەتا ھەرێما کوردستانێ ل ئیرانێ بۆ دەنگێ ئەمریکا گۆت: “کۆمارا ئیسلامیا ئیرانێ دخوازیت کو پۆستێ سەرۆکێ ھەرێمێ بھێتە کاراکرن ل گەل ھەبوونا کەساتێن کارایێن مینا برایێ مەسعود بارزانی و خودێ ژێ رازی مام جەلال تالەبانی و کەسانێن سیاسیێن دن”.
زێدەتر گۆت: “ئیرانێ بۆ چارەکرنا پرسیێن گرێدايی ھەرێما کوردستانێ شاندێن خوە ھەنە دا کو ھەموو ئەو جوداکاریێن ھەیی بھێنە چارەکرن”.
پارێزگەھا دھۆکێ ئامادەکاریان بۆ دووبارەنەبوونا لەھیان دکەت
ئەڤرۆ نیوز، ئەمیر ئەترووشی:
رێڤەبەرێ سەخبێری و پاراستنا رێک و پرا ل پارێزگەھا دھۆکێ راگەھاند کو د چەند سالێن بۆری دا گەلەک زیان ژ ئەگەرێ بارانێن زۆر ب وەلاتیێن دھۆکێ کەفتیە و ئەڤ سالە ژی باران زوو بارینە و ب رێژەیێن مەزن دھێن، لەوما وان بەرھەڤی کرینە بۆ دووبارەنەبوونا زیانێن لەھیان.
دێوالی حەمێ بریندار، رێڤەبەرێ سەخبێری و پاراستنا رێک و پرا ل پارێزگەھا دھۆکێ، بۆ ئەڤرۆ نیوز دیار کر کو وان بەرھەڤی و ئامادەکاریێن باش بۆ وەرزێ زڤستانا ئەڤ سالە کرینە بۆ ھندێ ئەو زیانێن ل چەند سالێن بۆری ژ ئەنجامێ پەیدابوونا لەھیان ب وەلاتیان کەفتین دوووبار نەبنەڤە و گۆت: “زێدەباری ھندێ ژی مە حەفت تیمێن تەنگاڤیان پێکئیناینە کو ل دەمێ داخستنا رێێن سەرەکی ب بەفرێ و بارانێ خەلکی ب پارێزن و نەھێلن چو رێ بھێنە داخستن”.
ئیسماعیل مستەفا، بەرپرسێ راگەھاندنا سەرۆکاتیا باژێرڤانیا دھۆکێ بۆ ئەڤرۆ نیوز دیار کر ل دوو جھێن رووبارێ ھشکەرۆ یێ دھۆکێ ئاریشە ھەنە کو ل وان جھێن مەترسیا پەنگینا ئاڤێ ھەیە و ئەو ھەر دو جە دبنە ئەگەر مەترسیێن پەیدابوونا لەھیان پەیدا ببن، لەوما مە دوو پرۆژە ل وان جھان بجھئیناینە، چونکو ئاستێ ئاڤێ ل وان ھەر دو جھان یێ نزمە و ئەڤ ھەر دو پرۆژە دبنە ئەگەر کو مەترسیێن دووبارەبوونا لەھیان کێمتر لێ بھێن.
ناڤھاتی ئاماژە دا وێ چەندێ کو ئێک ژ وان پرۆژەیان نێزیکی ٤٠٠ مەترانە ب درێژی و ٤ مەترا یێ بلندە و دیورەکێ پالپشت ھاتیە چێکرن و ل نێزیکی یانا دھۆک یا وەرزشی ژی پرۆژەیەکێ بچووک ل سەر ھشکەرۆی ھاتیە بجھئینان و ئەڤ ھەردوو پرۆژە ب کۆژمێ ٢٥٠ ملیۆن دیناران ھاتینە بجھئینان
كۆمبوونا جڤاتا سهركرداتيا پارتى ديموكراتى كوردستان دهسپێكر
ئهڤرۆ نيوز:
كۆمبوونا جڤاتا سهركرداتيا پارتى ديموكراتى كوردستان ب سهرۆكاتيا سهرۆك بارزانى و ئامادهبوونا پتريا ئهندامێن جڤاتا سهركرداتيا پارتى دهسپێكر.
د ڤێ كۆمبوونێ دا يا كو ل پيرمام هاتيه ئهنجام دان، چهندين تهوهر دێ هێنه بهحسكرن و گرنگترين ژى دێ بهحس ل پێكئينانا كابينا نوو يا حوكمهتا ههرێما كوردستانێ و پهرلهمانێ كوردستانێ بيت.
ب گۆرهيى پێشبنيان، دبيت د ڤێ كۆمبوونێ دا، پارتى كانديدێن خوه بۆ پۆستێن پهرلهمانى و حوكمهتێ و وهزيران دهست نيشان بكهت.
د ههلبژارتنێن 30ى ئيلۆنێ 2018 پارتى ب 45 كورسيان ل رێزا ئێكێ هات و ئێكهتى 22 كورسيان ل رێزا دويێ هات و گۆڕان ژى ب 12 كورسيان ل رێزا سيێ هات.
پهروهردێ ژڤانێ ئهزموونێن وهرزێ ئێكێ و بهێنڤهدانا وێ راگههاند
ئهڤرۆ نيوز، نيوار محهمهد سهليم:
بهپرسێ راگههاندنێ ل رێڤهبهريا گشتى يا پهروهردا پارێزگهها دهۆكێ ژڤانێ ئهزموونێن وهرزێ ئێكێ و بهێنڤهدانا وى وهرزى ئاشكهرا كرن.
ئهحمهد عهبدولا زوبێر، بهرپرسێ راگههاندنێ ل رێڤهبهريا گشتى يا پهروهردا پارێزگهها دهۆكێ د داخۆيانيهكێ دا، بۆ ئهڤرۆ نيوز گۆت: “ئهزموونێن وهرزێ ئێكێ يێن سالا خواندنێ 2018 – 2019 دێ ل رۆژا دوشهمبى 7ى كانوونا دويێ 2019 دهست پێ كهن و رۆژا چارشهمبى 16ى كانوونا دويێ 2019 ب دووماهى هێن”.
بهرپرسێ راگههاندنێ ل رێڤهبهريا گشتى يا پهروهردا پارێزگهها دهۆكێ زێدهتر گۆت: “بهێنڤهدانا ئێكێ يا وهرزێ ئێكێ دێ ل رۆژا پێنجشهمبى 17ى كانوونا دويێ 2019 دهست پێ كهت و ههتا 23ى كانوونا دويێ 2019 يا بهردهوام بيت.
ئهحمهد عهبدولا زوبێر ئاماژه ب وێ چهندێ ژى كر كو دهواما فهرمى دێ ل رۆژا چارشهمبى 23ى كانوونا دويێ 2019 دهست پێ كهت.
قهتهر دێ خوه ژ ئوپێك ڤهكێشيت
پارتى ئهڤرۆ دێ كهسهكى بۆ سهرۆكاتيا حوكمهتا نوو دهستنيشان كهت
ئهڤرۆ نيوز، نيوار محهمهد سهليم:
بڕياره ئهڤرۆ جڤاتا سهركرداتيا پارتى ديموكراتى كوردستان ب ئامادهبوونا سهرۆك بارزانى كۆم ببيت و تێدا بهحس ل پێكئينانا كابينا نوو يا حوكمهتا ههرێمێ و بهلاڤكرنا پۆستێن بههرا خوه بكهت.
سهربهست تراوانشى، ئهندامێ جڤاتا سهكرداتيا پارتى ديموكراتى كوردستان د داخۆيانيهكێ دا بۆ ئهڤرۆ نيوز گۆت: “ئهڤرۆ كۆمبوونا جڤاتا سهركرداتيا پارتى ديموكراتى كوردستانه”.
ئهندامێ جڤاتا سهكرداتيا پارتى ديموكراتى كوردستان زێدهتر گۆت: “بهرى كۆمبوون بهێته كرن نهشێن چو پێزانينهكێ بێژين، ههتا كۆمبوون نههێته كرن، چو تشتێ زێدهتر نابێژين”.
ب گۆرهيى ئهو پێزانينێن ب دهست ئهڤرۆ نيوز كهفتين، بڕياره د كۆمبوونا ئهڤرۆ يا پارتى ديموكراتى كوردستان دا، ئێك ژ نێچيرڤان بارزانى جێگرێ سهرۆكێ پارتى ديموكراتى كوردستان يان مهسرۆر بارزانى، شيرهتكارێ جڤاتا ئاسايشا ههرێمێ بۆ پۆستێ سهرۆك وهزيرێن ههرێما كوردستانێ بهێته بهربژار كرن.
پارتى دێ دهست ب دانوستاندنێن پێكئينانا حوكمهتێ كهت
ئهڤرۆنيوز:
ئهندامێ پهرلهمانێ كوردستانێ ژ فراكسيۆنا پارتى ديموكراتى كوردستان، ئومێد خوشناو راگههاند، سوباهى دوشهمبى 3/12/2018 جڤاتا سهركردايهتيا پارتى دێ كۆمبيت ول رۆژا سێشهمبى 4/12/2018 شاندێ دانوستاندكارێ پارتى دێ دهست ب دانوستاندنان كهت بۆ پێكئينانا حوكمهتێ.
ئومێد خوشناو بۆ كوردستان 24 گۆت”بزاڤ دوى ئاراستهى دانه كار بهێته كرن بۆ بچووكرنا كابينا حوكمهتێ وهندهك وهزارهت بهێنه تێكهلكرن ل گهل يێن ههڤشێوێ كارێن خوه يان ژى ببن دهسته”.
گۆت ژى” پارتى دێ پێنگاڤێن خوه دهست پێكهت وبهرههڤى ب دووماهى هاتينه، هيڤيدارين بشێن ب زوويى دهستهيا سهرۆكاتيا پهرلهمانێ كوردستانێ بهێته ههلبژارتن وپرۆسا پێكئينانا كابينا حوكمهتێ دهست پێ بكهت”.
رێژا بارانا ئهڤ ساله بهرامبهر سالا چوويى
بۆ چارهكرنا نهخوهش وبريندارێن پێشمهرگه كۆمبوونهك هاته ئهنجامدان
ئهڤرۆنيوز:
لژنا كاروبارێن ساخلهميا پێشمهرگهى راگههاند، ب ئارمانجا گههاندنا خزمهتێن زيدهتر بۆ پێشمهرگهى ژروويێ ساخلهمى وچارهكرنا نهخوهش وبرينداران، ددهمێ بۆرى دا دا لژنهكا ههڤپشك دناڤبهرا وهزارهتا پێشمهرگه وسێ وهزارهتێن مهدهنى ل ههرێما كوردستانێ ب ههڤكاريا ههڤپهيمانيا نێڤدهولهتى هاتيه پێكئينان وبۆ ڤێ مهرهمێ ئێكهمين كۆمبوون هاته ئهنجامدان.
ئهڤرۆ ئێكشهمبى 2/12/2018 ل ديوانا وهزارهتا پێشمهرگه ئێكهمين كۆمبوونا لژنا ساخلهميا وهزارهتا پێشمهرگه ب بهرههڤبوونا نوونهرێ وهزارهتا ساخلهميێ ونوونهرێن هێزێن 70 و80 وب هاريكاريا ههڤپهيمانيا نێڤدهولهتى هاته ئهنجامدان.
دوێ كۆمبوونێ دا بهحس ل سهر چاوانيا بجهئينانا بهرنامه وپلانا ستراتيژى يا وهزارهتا پێشمهرگه ژ روويێ ساخلهميێ ودابينكرنا كهرهسته وپێدڤيێن نهخوهشخانا پێشمهرگه هاته كرن كو ژلايێ وهلاتێ ئهلمانيا دقۆناغا دووماهيێ دايه.
نوونهرێن ههڤپهيمانيا نێڤدهولهتى بهرههڤيا خوه دياركر بۆ هاريكاريا وهزارهتا پێشمهرگه ژروويێ بجهئينانا بهرنامه وپرۆژان وچهندين پێشنياز هاتنه بهرچاڤكرن.
نيشاندان
WP Facebook Auto Publish Powered By : XYZScripts.com