ئه‌ڤرۆ، قائید میرۆ:

پەرلەمانتارەکێ کورد ل پەرلەمانێ عیراقێ ئاماژە دا، ھەموو فڕاکسیۆنێن کوردستانی ل بەغدا ل ‏سەر پرسێن نەتەوی و نیشتیمانی درژدن و ئێک ھەلویست ھەیە ، بڕیارە ل گەل عادل ‏عەبدولمەھدی لدۆر پرسێن ھەلاویستی د ناڤبەرا ھەرێم و بەغدا کۆمببین، چونکە مە بمەرج دەنگ ‏ب کابینا نوویا عیراقێ دایە.‏

دکتۆر محەمەد شاکر، پەرلەمانتارێ پارتی ل پەرلەمانێ عیراقێ بۆ رۆژناما ئەڤرۆ گۆت: ھەرچەندە ‏ئەم وەک کورد ل بەغدا پەرتبووینە و ھەر ئێک جودا چووینە ناڤا پەرلەمان و حوکمەتا نوویار ‏عیراقێ، بەلێ خۆش بەختانە ھەموو فڕاکسیۆنێن کوردستانی یێن پەرلەمانێ عیراقێ سەرەڕای ‏بۆچوونێن جودا ھەڤڕاینە لسەر پرسێن نەتەوەیی و نیشتیمانی یێن پەیوەندی بھەرێما کوردستانێ ‏ڤە ھەی، لەوڕا حەفتیا بۆری جێگرێ سەرۆکێ پەرلەمانی گەل ھەموو فڕاکسیۆنێن کوردستانی ‏کۆمبو تێدا ب ھویری بەحسێ کومەکا بابەتێن گرنگ و پەیوەندی ب ھەرێما کوردستانێ ڤە ھەی ‏ھاتەکرن ژوانا بابەتێ ڤەگەڕاندنا پڕۆژە قانوونا بودجێ گشتیێ عیراقێ بۆ حوکمەتێ، ھەموو ‏کۆتلەیێن کوردی ئێک دەنگن ھەمبەر ئەڤێ غەدرا د پڕۆژە قانوونا بودجەی دا ھەمبەر ھەرێما ‏کوردستانێ ھاتیەکرن، چونکە پشکا ھەرێما کوردستانێ دڤێت 17%ێ بیت نەک وەکی ھاتیە ‏دیارکرن 12%ێ بیت، ئەف ئێک ھەلویستیا کوردان ل بەغدا گرنگە بۆڤێ قۆناغێ و دناڤا ھۆلا ‏پەرلەمانی ژی مە ھەموویا پێکڤە نەڕازیبوونا خوە ئاشکراکر و ئەف بودجەیە نیکمە یێ رازیبوونێ ‏نینە و پێدڤی ب راستڤەکرنێ ھەنە.‏

ل دۆرداخوازیێن کوردان دناڤا حوکمەتا نوویا عیراقێ ئەڤی پەرلەمانتارێ پارتی گۆ: مە ب مەرجەکی ‏دەنگ ب کابینا عادل عەبدولمەھدی دایە ل ھەیڤا بۆری ئەوژی راستڤەکرنا کارناما حوکمەتێ یە و ‏پێدڤیە داخوازیێن مەژی وەک ھەرێما کوردستانێ بھێنە بجھئینان، دناڤا کارناما حوکمەتا نوودا، ‏لەوڕاژی بڕیارە ئەف مەرجێن مە بھێنە جێھگیرکرن و بچنە ناڤا کارناما کابینا نوودا، بێی بەرچاف ‏گرتنا داخوازیێن کوردان ب چو شێوەیەکی پشتەڤانیا حوکمەتا نوکەیا عیراقێ ناکەین و دێ دژی ‏حوکمەتێ راوەستین، چونکە دەنگدانامە بۆ کابینێ دناڤا پەرلەمانی دا گرێدایی داخوازیێن مەیە و ‏حوکمەتێ ب حوکمەتا خوە نوزانین ھەگەر کارنامێ دا داخوازی بەرچاف نەھێنە وەرگرتن.‏

ئه‌ڤرۆنيوز:

ژڤانێ به‌لاڤكرنا پارێ كارمه‌ندێن سه‌ر سه‌ندووقێن ده‌نگدانێ هاته‌ دياركرن كو ل رۆژا  هه‌لبژارتنێن په‌رله‌مانێ عيراقێ ل 12/5/2018 كار بۆ كۆمسيۆنا بلند يا هه‌لبژارتنان ل عيراقێ كربوو.

مالپه‌رێ (عين العراق نيوز) ل سه‌ر زارێ ژێده‌ره‌كى به‌لاڤكر كو گيروبوونا خه‌رجكرنا پارێ كارمه‌ندێن رۆژا هه‌لبژارتنێن په‌رله‌مانێ عيراقێ ل دووڤ برياره‌كا حه‌يده‌ر عه‌بادى سه‌رۆك وه‌زيرێن عيراقێ يێ وى ده‌مى بوو كو كارێ هه‌موو كارمه‌ند ورێڤه‌به‌رێن كۆمسيۆنێ راگرتبوو.

به‌لاڤكر ژى” برياره‌ ل ڤێ هه‌فتيێ پارێ كارمه‌ندان بهێته‌ به‌لاڤكرن كو هژمارا وان 250 هزار كارمه‌ندن ل سه‌رانسه‌رى عيراقێ”.

پشتى بۆرينا شه‌ش هه‌يڤان ل سه‌ر هه‌لبژارتنێن په‌رله‌مانێ عيراقێ، ژئه‌گه‌رێ راگرتنا كارێ ئه‌ندامێن جڤاتا كۆمسياران وراوه‌ستاندنا هه‌موو كارێن كارگێرى وته‌كنيكى، پارێ كارمه‌ندێن سه‌ر سندووقێن ده‌نگدانێ نه‌هاتبوو دان.

ژلايه‌كێ دى ڤه‌ به‌رپرسه‌كێ كۆمسيۆنا بلند يا هه‌لبژارتنان ل عيراقێ دياركر كو هه‌ر كارمه‌نده‌كێ سه‌ر سندووقێن ده‌نگدانێ دێ 300 هزار ديناران وه‌رگريت وبۆ رێڤه‌به‌رێن ويستگه‌هان ژى دێ گۆژمێ 250 هزار دينارا بۆ هێنه‌ خه‌رجكرن.

ئه‌ڤرۆنیوز:

مالپه‌رێ ئۆفیسا پشكینه‌رێ گشتى یێ وه‌زاره‌تا ناڤخوه‌یا عیراقێ ربه‌لاڤكر كو 7200 باوه‌رنامێن خواندنێ یێن سه‌خته‌ یێن ئه‌فسه‌ر وكارمه‌ندێن وه‌زاره‌تێ هاتینه‌ ئاشكراكرن پشتى په‌یوه‌ندى ب لایه‌نێن زانستى یێن فه‌رمى یێن په‌یوه‌ندیدار ب ده‌ركرنا وان باوه‌رنامان ڤه‌ هاتیه‌ كرن.

ئه‌و سه‌خته‌كاریا مه‌زن هاتیه‌ ئاشكراكرن پشتى كو پشكا كێشێن ده‌ستپاكیێ یێ ب سه‌ر رێڤه‌به‌ریا ڤه‌كۆلینێن قانوونى ل ئۆفیسا پشكینه‌رێ گشتى ب كارێ ڤه‌كۆلینێ دراستیا ده‌ركرنا وان باوه‌رنامێن خواندنێ یێن ئه‌فسه‌ر وكارمه‌ندێن وه‌زاره‌تێ هاتیه‌ ئه‌نجامدان.

دیاركر ژ سالا 2011 هه‌تا هه‌یڤا 10 یا سالا 2018  ڤه‌كۆلین د 127 هزار و317 باوه‌رنامێن خواندنێ یێن وه‌زاره‌تا ناڤخوه‌ هاتینه‌ كرن ودئه‌نجامدا 7200 باوه‌رنامێن سه‌خته‌ هاتینه‌ ئاشكراكرن ونوكه‌ ڤه‌كۆلین یا د 103 هزار و140 باوه‌رنامێن دى دا دهێته‌ كرن.

ئاماژه‌ كر ژى  كو ئۆفیسا پشكینه‌رێ گشتیێ وه‌زاره‌تا ناڤخوه‌ خودانێن وان باوه‌رنامێن سه‌خته‌ هنارتینه‌ ڤه‌كۆلینێ ب مه‌ره‌ما وه‌رگرتنا پێرابوونێن قانوونى ل هه‌مبه‌ر وان.

ئه‌ڤرۆنیوز:

ئه‌ندامه‌كێ په‌رله‌مانێ عیراقێ ژ فراكسیۆنا پارتى دیموكراتى كوردستان راگه‌هاند، پارتى دێ سه‌رۆكاتیا دو لژنێن په‌رله‌مانێ عیراقێ كه‌ت ودخوازیت سه‌رۆكاتیا لژنه‌كا سیادى ژى وه‌رگریت، ئه‌وژى لژنا په‌ترۆلێ وغازێ یه‌.

دانا شه‌هید جه‌زا، ئه‌ندامێ په‌رله‌مانێ عیراقێ ژ فراكسیۆنا پارتى دداخۆیانیه‌كا رۆژنامه‌ڤانى دا گۆت” دیاركرنا سه‌رۆكایه‌تیێن لژنێن به‌رده‌وام یێن په‌رله‌مانێ عیراقێ دێ ل دووڤ ئه‌نجامین هه‌لبژارتنان وهژمارا كورسیان بیت”.

گۆت ژى”ئه‌وا هه‌تا نوكه‌ بۆ كوردان ئێكلابووى، سه‌رۆكاتیا چار لژنایه‌، ئه‌وژى سه‌رۆكاتیا دو لژنێن سیادى ودو لژنێن خزمه‌تگوزارى، ئه‌وژى دێ ل دووڤ رێككه‌فتنا سیاسى دناڤبه‌را لایه‌نان دا بیت”.

دیاركر” ژبه‌ركو پارتى دیموكراتى كوردستانێ خودانا پتریا كورسیێن په‌رله‌مانێ عیراقێ یه‌ دناڤ فراكسیۆنێن كوردستانى دا، دێ پارتى سه‌رۆكاتیا دو لژنان ل په‌رله‌مانێ عیراقێ كه‌ت، ئه‌وژى لژنه‌كا سیادى ولژنه‌كا خزمه‌تگوزارى”.

ئاماژه‌ كر ژى كو پارتى دێ بزاڤێ كه‌ت سه‌رۆكاتیا لژنا په‌ترۆلێ وغازێ وه‌ربگریت وه‌كو لژنه‌كا سیادى ، هه‌روه‌سا سه‌رۆكاتیا لژنا ده‌ستپاكیێ وه‌كو لژنه‌كا خزمه‌تگوزارى”.