ئەڤرۆ نیوز:
ڤاسیلی نیبینزیا نوونەرێ روسیا ل نەتەوێن یەکگرتی دیار کر کو دەم یێ هاتی هێزێن ئیرانێ و تورکیا ژ ئاخا سوورێ دەرکەڤن، چونکو هەتا هێزێن وان وەلاتان ل سووریێ بن رەوشا سووریا ئارام نابیت.
ناڤهاتی ئەو یەک ژی دیار کر کو نها ئەم کار بۆ چارەکرنا قەیرانا سووریێ دکەین و بێگومان هەتا هێزێن سەر ب ئیرانێ و تورکیا ل سووریا بن رەوشا وی وەلاتی ژی ئارام نابیت و دەرکەفتنا هێزێن وان هەر دو وەلاتان بۆ ئارامیا سووریا پێنگاڤەکا گرنگە.
ئەڤرۆ نیوز:
سەرۆک کۆمارێ فرەنسا ئیمانوێل ماکرۆن رۆژا ٢٤ نیسانێ وەکو رۆژا کۆمکوژیا ئەرمەنیان ب دەستێ ئیمپراتوریا ئۆسمانیان قەبوول کر و ب فەرمی ئەو یەک ئیمزاکر و پاشی ژی د رۆژناما فەرمی یا فرەنسا دا بەلاڤبوو.
پشتی ڤێ یەکێ وەزیرێ دەرڤە یێ تورکیا ژی دیار کر کو ماکرۆن د دەمێ پرۆپگاندا هەلبژارتنان دا سۆز دابوو ئەرمەنیان دێ کارەکێ وەسا کەت و یا ماکرۆنی کری ب تەمامی ل دژی قانوونێن فرەنسایە و ئەم ب توندی ڤێ یەکێ رەت دکەین.
ئەڤرۆ نیوز:
مایک پۆمپیۆ وەزیرێ دەرڤە یێ ئەمریکا راگەهاند کو هەکە تورکیا سیستەمێ مۆشەکی یێ (س٤٠٠) ژ تورکیا بکڕیت وی دەمی دێ ئەندامەتیا تورکیا د ناڤ رێزێن ناتۆیێ دا کەڤیتە مەترسیێ، چونکو تورکیا هەتا نها وەلاتەکی ئەندامێ ناتۆیە و دڤێت ل گۆر ئەندامەتیا ناتۆ بزاڤان بکەت.
ناڤهاتی ئەو یەک ژی دیار کر هەکە تورکیا ل سەر کڕینا سیستەمێ مۆشەکی یێ روسیا د رژد بیت دێ ب توندی تورکیا سزا دەین.
ئەڤرۆ نیوز:
سیاسەتمەدارێ رۆژئاڤایێ کوردستانێ شاهین ئەحمەد دیار کر کو ناکۆکیێن ئەمریکا ل گەل تورکیا رۆژ ب رۆژێ بەرفرەهتر لێ دهێن و ل ئالیێ دی نها ئەمریکا خوە بۆ شەرەکێ ل دژی ئیرانێ ژی بەرهەڤ دکەت، ژ بەر هندێ ئەمریکا دێ هەرێما دژەفڕین ل رۆژهەلاتێ فراتێ راگەهینیت.
ناڤهاتی راگەهاند کو ئەمریکا ناهێلیت هێزێن سەر ب ئیرانێ بکەڤنە رۆژهەلاتێ فراتێ و بێگومان دێ رێگری ل ئۆپەراسیۆنەکا سەربازی یا تورکیا ژی هێتە کرن.
ئەڤرۆ نیوز:
بەرەڤانێ یانا بەرشەلۆنا جیراد پیکی دلخوشحالیا خوە بەرامبەر سەرکەفتنا شەڤا بوری دیارکر ئەوا تێدا شیان سەرکەفتنەکا گرنگ ل سەر یانا مانچێستەر یوناید توماربکەن ب گولەکێ بێ بەرامبەر ژ چارچوڤێ یاریێن ئێکێ ژ قوناغا ھەشتێ ژ قارەمانیا چامپیونیز لیگا ئورۆپا زێدەتر ئەوی یاریزانی بوو رۆژناما مارکا دیارکر سەرکەفتن ل سەر یانەکا وەکو مانچێستەر یوناید و ل یاریگەھا ئولترافورد نە یا ب سانەھی یە و دبینت سەرکەفتنەکا گەلەک باش و مەزن بوو ئەڤێ سەرکەفتنێ رێکا ئەوان خوشتر لێکر بوو یاریا بھێت بشێن ب شێوەکێ ئارامتر و باشتر یاریێ بکەن.
ناڤبری ئاماژە ب وێ چەندێ ژی کر ل نیڤا ئێکێ پشتی تومارکرنا گولێ مان یوناید فشارێن مەزن ئێخستنە سەر گولا ئەوان لێ ئەو یاریزانێن بەرشەلۆنا زانی چەوا سەرەدەری ل گەل یاریێ بکەن تایبەت ھێلا بەرەڤانیا تیمێ د باشترین رەوشا خوە دا بوو .
ل دووماھیێ ناڤبری دیارکر پێدڤی یە ل سەر ئەوان ل یاریا حەفتیا بھێت ب ھشیاری یاریێ بکەن ژبەرکو مانچێستەر نە جھێ باوەریێ یە ژبەرکو ئەوا ل گەل پاریس سانجێرمان کری نە کارەکێ ب سانەھی بوو لەورا ل سەر ئەوان پێدڤی یە ئەو رێکێ نە دانە مان یوناید ئەوا سیناریویا ل گەل پاریس رویدای ل گەل ئەوان ژی بکەن.
ئەڤرۆ نیوز، بارزان مزووری:
غەزوان ئیلیاس رێکخەرێ پرۆژی وەلاتێ ئەمریکا بۆ پێکھاتێن دەشتا نەینەوا بۆ ئەڤرۆ نیوز دیار کر ل دووڤ پلانا ھاتیە دارێتن بۆ گەھاندنا پرۆژێن خزمەتگوزاری و ھاریکاریێ ب رێکا بەرنامێ ھاریکاریێن راستەوخوە یێن وەلاتێ ئەمریکا بۆ پێکھاتێن عێراقێ دژین شەش موالیدێن ژ جورێ مەزن گەھاندە گوندێن دەشتا مووسل چار ژ وان موالیدا بۆ گوندێن مەسیحیان و دو ژ وان بۆ گوندێن ئێزدیان بۆ وان گوندێن لبن دەستھەلاتداریا ھێزێن پێشمەرگەی دا.
ناڤھاتی ئەو یەک ژی دیار کر ئێک ژ پرۆژێن خزمەتگوزاری د قوناغا ئێکێ دا دێ گوندێ خەتارێ کو ئاکنجیێن وێ کوردێن ئێزدی نە ئەو گوند دھێتە نووژەنکرن دگەل دابینکرنا پێدڤیێن ژیانێ بۆ وەلاتیێن گوندی.
ناڤھاتی دیار ژی کر ئارمانج ژ ڤی پرۆژەی ئەوە کو پرۆژێن خزمەتگوزاری بۆ ھەموو وان پێکھاتێن دژین یێن دەشتا نەینەوا بگەھینین بێی جوداھی.
ئەڤرۆ نیوز:
ھێرشبەرێ بەلجیکی و یانا مانچێستەر یوناید لوکاکو د داخویانیەکا رۆژنامەڤانی دا پشتی یاریا شەڤا بوری دیارکر دێ یا ب زیحمەت بیت بوو تومارکرنا ریمونتادا ل سەر بەرشەلۆنا ل یاریا بھێت .
زێدەتر ئەوی یاریزانێ بەلجیکی دیارکر بوو مارکا ئیسپانی ب ھیڤی نە بشێن سەرکەفتنێ توماربکەن و دێ ھەموو بزاڤا کەن بوو تومارکرنا سەرکەفتنێ لێ ئەوا ل یاریا پاریس ئەنجامدای دبیت ل ڤێ یاریێ بوو ئەوان ب زەحمەتر بیت ژبەرکو کرنا شێوازێ بەرشەلۆنا ب زەحمەترە ژ یێ پاریس و دێ توشی زەحمەتەکا مەزن بن ھەتا بشێن خوە ژ رێیا بەرشەلۆنا قورتال بکەن چونکو یانا بەرشەلۆنا شارەزایەکا باش ھەیە دڤان جورە یاریان دا و یاریزانێن ئەوێ خودانا شارەزایەکا باشە لێ ھەکە ئەو ل ئاستێ یاریا شەڤا بوری بن ئەو یێ ب ئومێدە دێ شێن پلێتا دەربازبوونێ ب دەستخوڤە بینن ل حەفتیا بھێت
ئەڤرۆ نیوز، بارزان مزووری:
لوقمان سلێمان بەرپرسێ نڤیسینگەھا پەرستگەھا لالش بۆ ئەڤرۆ نیوز گوت دیار کر ئەو زەیتون ل ھەیڤا ١٢ یا سالا بوری ھاتبوون چنین و ھاتبوونە ھەلگرتن ل پەرستگەھا لالش دناڤ کوگەھەکا تایبەت دا دناڤ گینیان دا دھێنە پاراستن. خزمەتکار ل ھەموو دەڤەرێن ئێزدیان دھێن ئەوان زەیتون پاقژ دکەن ب ئاڤا گەرم ل دووڤ دا جھەک ھاتیە دروست کرن ئەو زەیتون تێدا دھێنە کومکرن، بۆ ماوێ ١٠ رۆژا دێ رێوروسمێن دروستکرنا زەیتی بەردەوام بن نێزیک ٢٥٠ ژن و زەلاما بەشدار بن، دڤێ رێورەسمێ دا چێنابیت چ ئامیر بھێنە بکارئینان بۆ درۆست کرنا زەیتی بتنێ ب شێوەیەکێ کەڤنار ئەڤ زەیتە دھێت دروست کرن.
ناڤھاتی خویاکر کو بتنێ زەیتونێن پەرستگەھێ دھێنە دروست کرن ئەڤسال رێژا بەرھەمێ زەیتونا زێدەتری سالا بوری یە ژ بەر کو سالا بوری رێژا زەیتونا یا کێم بوو ژبەر کێمیا بارانێ گەلەک دارێن وان ھشک ببوون.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 11ى نيسانا 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.200 دينار |
| 100 يۆرۆيێ ئه‌ورۆپى | 135.500 دينار |
| 100 ليرێ توركى | 21.800 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
نيشاندان