NO IORG
Twitter

373

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 2ى گۆلانا 2019ێ بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 گرام زێرێ (ع) 18 38500
1 گرام زێرێ  (ع) 21 44500
1 گرام زێرێ  (ع) 22 46500
1 گرام زيڤ 3000

1182

ئه‌ڤرۆ نيوز:

رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا ئه‌ينى رێکەفتی 3ى گۆلانا 2019ێ دهێته‌ پێشبينكرن ئه‌سمان دێ هه‌تا راده‌كى ئه‌ور بيت و ل ده‌ڤه‌رێن چيايى دێ باران باريت و ب شه‌ڤ ئه‌و باران بارين دێ زێده‌تر لێ هێت.

پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته‌ پشبينيكرن ئه‌سمان هه‌تا راده‌كى ئه‌ور بيت و ل ده‌ڤه‌رێن چيايى دێ باران باريت و ب شه‌ڤ ئه‌و باران بارين دێ زێده‌تر لێ هێت.

پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 15کم دا و ماوێ دیتنێ ژی دێ د ناڤبه‌را 9 بۆ 10کم دا بیت، پلێن گەرمێ ژی دێ د ناڤبەرا 16 بۆ 26 پلان دا بن.

479

ئەڤرۆ نیوز:
پشتی ستێرا ئەرژەنتینی و یانا بەرشەلۆنا لیونێل میسی ل شەڤا بوری شیای سەرکێشیا یانا خوە بکەت بوو سەرکەفتنێ ل سەر لیڤەرپول ب سێ گولان بێ بەرامبەر کو دوێ یاریێ دا ئەو ستێرا ئەرژەنتینی شیای دو گولان توماربکەت پشتی یاریێ بۆ دەزگەھێن راگەھاندنێ دیارکر ئەوان د یاریا ئێکێ دا پێنگاڤەکا باش ھاڤێت ھەکە ئەو شیابان گولەکا دی توماربکەن دا رەوش گەلەک باشتر بیت بوو یاریا دوێ لێ ھەر چەوا بیت ئەو شیان ئەنجامەکێ گەلەک باش توماربکەن .
ناڤبری ئاماژە ب وێ چەندێ ژی کر ھێشتا ئەنجامێ یاریێ ئێکلانەبوویە ژبەرکو ھەڤرکا ئەوان تیمەکا گەلەک ب ھێزی و شیانێن مەزن ھەنە لەورا پێدڤی یە ئەو یاریا دوێ ژی ب ھەمان ئاست بکەن و رێزگرتنەکا مەزن لێ بگرن.
زێدەتر میسی دیارکر ل یاریا شەڤا بوری دا ئەوان یاری باش کر ھەر چەندە تیما لیڤەرپول دەستپێکێ پتر مەترسی ئێخستە سەر گولا ئەوان لێ ئەو بوو تومارکرنا گولان د سەرکەفتی بوون و تایبەت ل نیڤا دوێ ئەو شیان ئاستەکێ باشتر پێشکێش بکەن.

ئه‌ڤرۆ نيوز:

بڕيارا ئه‌مريكا بۆ سزادانا زێده‌تر يا ئيرانێ نه‌هاته‌ درێژكرن و ئه‌و هه‌شت وه‌لاتێن هه‌تا نها بۆ كرينا په‌ترۆلا ئيرانێ هاتينه‌ لێبۆرين ژى ژ ئه‌ڤرۆ رۆژا پێنجشه‌مبى و پێڤه‌ ناهێنه‌ لێبۆرين و بڕيار دێ ژ وان ژى گريت.

رۆژا 22ى نيسانا 2019ێ وه‌لاتێن ئێكگرتى يێن ئه‌مريكا داخواز ژ وان وه‌لاتان كر يێن په‌ترۆلا ئيرانێ دكرن كو ده‌ست ژ هاورده‌كرن و كرينا په‌ترۆلا ئيرانێ هه‌لگرن و ژ 2ى گۆلانا 2019ێ و پێڤه‌ هه‌ر وه‌لاته‌كێ پێگريێ ب وێ بڕيارێ نه‌كه‌ت دێ هێته‌ سزادان. ئه‌و پێنگاڤا واشنتۆن ژى د وێ چارچۆڤێ دتۆندتركرنا سزايێن سه‌ر ئيرانێ يه‌ كو ب چه‌ند قووناغايه‌، پشتى ڤه‌كێشانا خوه‌ ژ رێكه‌فتنا ئه‌تۆمى.

ژ ئه‌ڤرۆ و پێڤه‌ ئه‌و ده‌ستووريا دايه‌ هه‌شت وه‌لاتێن جيهانێ كو پتريا وان ل كيشوه‌رێ ئاسيا نه‌ و د ماوێ شه‌ش هه‌يڤان دا ب دووماهى هات و نابيت زێده‌تر مامه‌لێ بۆ كرينا په‌ترۆلێ ل گه‌ل ئيرانێ بكه‌ن.

ب گۆره‌ى پێزانين و راپۆرتێن رۆژنامه‌ڤانى، جۆن بۆلتۆن، شيره‌تكارێ ئاسايشا نه‌ته‌وه‌ى و رێك بێرى وه‌زيرێ وزا ئه‌مريكا رۆله‌كێ سه‌ره‌كى د رازيكرنا دۆنالد تره‌مپ سه‌رۆكێ ئه‌مريكا دا هه‌تى كو نها ده‌مێ وێ چه‌ندێ يه‌ ب ئێكجارى هنارتنا په‌ترۆلا ئيرانێ بۆ ژ دره‌ڤه‌ بهێته‌ راگرتن.

ئەڤرۆ نيوز:‏

ئەندامەکێ سەرکرداتیا پارتی دیموکراتی کوردستان راگەھاند : پرسا پێکنەئینانا ‏حوکمەتێ ئێکەتی دڤێت بێخنە لایێ پارتی دیموکراتی کوردستان ، ژلایێ ھژمارێ ڤە پارتی ‏دشێت حوکمەتێ پێکبینیت ،ئەو ئەزموونا بەریا نوکە مە ل رەفتارێن ئێکەتی ھەی ئەو گەف و ‏ھەرەشەیێن وان یێن پێشتر بۆ ئالۆزیێ و بۆ دووئیدارەیێ ،بۆ پشکداریکرنا ئێکەتی پارتی ‏دڤێت کوردستان ژلایێ جڤاکی و ئەمنی ڤە دێ ئارامتر بیت بۆ خزمەتکرنا تەخ و چینێن ‏کوردستانێ ،پێکنەھاتنا حوکمەتێ ئەگەرێ سەرەکی ئێکەتی نیشتیمانی کوردستانێ و دڤێت ‏پارتی بێخیت بن وی بارێ گران پارتی چەندین سەرەدانکرن بۆ لایێ ئێکەتی نیشتیمانی ‏کوردستان و زێدەتر ژ مافێ خوەیێ ھەلبژارتنا داخوازیا دکەن و دکرن مەبەستا وان ژی ‏شەراکەتا راستەقینە نینە وان دڤێت لسەر پشکا حوکمەتا کوردستانێ حوکمەتەکێ بوخوە ‏ببەن و دروستکەن ،بەرسڤدانا ئەندامەکێ ئێکەتی باوەرناکەم پارتی بەرسڤا وی بدەت ‏ژبەرکو ئەو ئەندامێ ئێکەتی یێ بێکار بۆی ل بەغدا وەک پەرلەمانتار دڤێت خوە ب ڤان ‏داخویانیا مەزنبکەت دا ئێکەتی پوستەکێ بدەتێ ژبەرکو بۆیە مودێل .‏

عەلی عەونی ئەندامێ سەرکرداتیا پارتی دیموکراتی کوردستان و بەرپرسێ لقێ 10 ل ‏سۆران بۆ روژناما ئەڤرۆ گوت : ل ئاست مروڤێن نەزان فەرە مروڤ بێدەنگبیت ب نەزانینێ ئەڤ ‏لێدوانە دایە دڤێت ب ڤان داخویانیا لناڤ ئێکەتی فشارەکێ دروستبکەن ئێکەتی ژی ئێخستە ‏ناڤ پرسێ دا داکو مەزن ببیت حسابەک بۆ بھێتە کرن ژبەرکو پشتی کارێ وی یێ ‏پەرلەمانتاریێ ل بەغدا دووماھیک ھاتی بێ کار مایە ھێشتا تێنەگەھشیتەکا چەوا و کەنگی ‏حوکمەت دھێتە پێکئینان و چۆ دەمدا لیستا ئێکێ جھێ خوە دەت لیستا دووێ ل ھەلبژارتنا ، ‏ژبەرکو ئەو ئەندامێ ئێکەتی دبێژیت پشتی پارتی دەمێ قانوونی دوماھیک ھاتی نەشیا ‏حوکمەتێ پێکبینیت فەرە ئێکەتی بھێت حوکمەتێ پێکبینیت بھێتە راسپاردن و ھەتا نوکە ژی ‏ھێشتا پارتی نەھاتیە راسپاردن چۆنکو ئێکەتی ئەگەرە ، ھەتا نوکە ئێکەتی نەشیایە ‏کەسەکێ بۆ سەرۆکێ پەرلەمانی دەستنیشانبکەن و ببیتە سەرۆکێ وی پەرلەمانی کو سەرۆکێ ‏حوکمەتێ راسپێریت بۆ پێکئینانا حوکمەتێ ، ھێشتا نەشیانە سەرۆکێ پەرلەمانی ‏دەستنیشانکەن نافخوەدا لەوا ئەگەرێ گیربۆنا پێکنەئینانا حوکمەتێ ئێکەتی نیشتیمانی ‏کوردستانە نەک پارتی دەمەک درێژە پارتی چاڤەرێ ئێکەتی داکو حوکمەتێ پێکبینیت.‏

ئەڤرۆ:‏
ناڤەندا راگەھاندنا جڤاتا نوونەرێن عیراقێ راگەھاند، ئەڤرۆ جڤاتا نوونەران ‏دێ کۆم بیت و 13 پرۆژە قانوون و بریار د کارناما کۆمبوونێ دانە.‏
پرۆژە قانوونێن ڤەگەڕاندنا پارێ دەولەتێ، قانوونا کۆمپانیان، ھاتنوچوون و ‏کارگێریا دارایی و چەندین پرۆژێن دی دێ ھێنە گەنگەشە کرن.‏
ھەروەسا دەنگدان ل سەر ھەلوەشاندنا جڤاتا پارێزگەھا نەینەوا دێ ھێتە دان و ‏دەنگدان ل سەر تەمامکرنا کابینا وەزاری د کارناما کۆمبوونێ دا نینە.‏

100

ئەڤرۆ نیوز:
پشتی ل دەستپێکا وەرزێ ئەڤ سالە ھەڤبەستا وی ل گەل یانا چێلسی ھاتیە ھەلوەشاندن و ل وەرزێ ئەڤ سالە ھەموو پوستێ راھێنەریا چ یانا نە وەرگرتی و بوو وەرزێ بھێت دبیت پوستێ یانەکا مەزن ل ئیتالیا وەربگریت پشتی چەندین داخوازی گەھشتینە بەر دەستێ ئەوی.
مالپەری کاتشیو مێرکانو یێ ئیتالی ئاشکراکریە کونتی ھەتا نوکە چارەنڤیسێ خوە ئێکلا نەکریە ھەر چەندە سێ بەرنیاسترین یانێن ئورۆپی داخوازی ژ ئەوی کریە بوو وەرگرتنا پوستێ راھێنەریا یانێن ئەوان ئەوژی ژ یانێن روما و ئەی سی میلان یێن ئیتالی و پاریس سانجێرمان یا فرەنسی لێ ھێشتا ئەوی بریارا دووماھیێ ل سەر چ ژ ئەوان یانان نەدایە.
ئەوێ رۆژنامێ ئاشکراکریە ژی دبیت ئەو ب ڤەگەریتە یانا خوە یا بەری نوکە یوڤانتوس کو د ھزرا کونتی دا ئێک ژ ھەلبژارتنێن سەرەکی بوو وەرگرتنا پوستێ راھێنەرەتیا یانێ ل وەرزێ بھێت یانا یوڤانتوس ھەکە ل گەل وێ یانێ رێککەفت ئەو دێ ھەلبژارتنا ئەوی یا ئێکێ بیت ھەکە نە گەھشتە رێککەفتنێ وی دەمی دێ ئێک ژ یانێن پاریس یان روما یان میلان ھەلبژێریت لێ ل دیڤ گوتنا وی مالپەری ئەو چ یانا وەرناگریت ھەکە ئەو پشکداری قارەمانیا چامپیونیز لیگ نەبیت.

278

ئەڤرۆ نیوز:

یانا مانچێستەر یوناید بوو وەرزێ نوو یێ خولا ئنگلتەرا و قارەمانیێن ئورۆپی یا لێگەریانا گولچیەکێ نوو دکەت ل جھێ گولچیێ خوە یێ نوکە یێ ئیسپانی ئەوێ ل ڤێ دووماھیێ ئاستێ ئەوی پاشڤەزفری تایبەت پشتی ئەوان شاشیێن بەرچاڤ ئەوێن ل قارەمانیا چامپیونیز لیگ و یاریێن ڤێ دووماھیێ دخولا ئنگلتەرا دا کو ئەو گولچیی بوویە جھێ گازندەیا جەماوەرێ وەرزشی ل وێ.
رۆژناما زەسەن یا برێتانی ئاشکراکریە یانا مانچێستەر یوناید پێنچ گولچیی بەربژارکرینە بوو پێگوھورێ گولچیێ خوە یێ نوکە یێ ئیسپانی دی خیا ئەوێ دبیت ل دووماھیا ڤی وەرزی پێکھاتیێ یانێ ب رێژەیا ھەرە مەزن بجە بھێلت ئەو گولچیێن بەربژار ئەڤێن خوارێ نە.

Image result for ‫يان أوبلاك‬‎

یان ئوبلاک گولچیێ یانا ئەتلەتیکو مەدرید کو ئێک ژ بەربژاریێن ھەرە ب ھێزە ل وەرزێ بھێت یانا مانچێستەر یوناید ل جھێ دی خیا ھەڤبەستێ ل گەل ئیمزا بکەت لێ دەستڤە ئینانا ئوبلاک یا ب سانەھی نابیت بوو یانا مانچێستەر یوناید ژبەرکو ھەڤبەستا خوە ل گەل یانا خوە درێژکریە بوو پێنچ سالێن دی و ھەکە مان یوناید ب خوازیت ھەڤبەستێ ل گەل ئەوی گولچیێ سلوڤینی ئیمزا بکەت پێدڤی یە کوژمێ ١٠٠ ملیون جینێ ئیسترلینی پێشکێشی یانا ئەتلەتیکو مەدرید بکەت.

Image result for ‫تيبو كورتوا‬‎

تیتو کورتوا گولچیێ ھەلبژارتیێ بەلجیکا و یانا ریال مەدرید ئەوێ ل ھاڤینا وەرزێ بوری ژ یانا ێلسی یا ئنگلیزی ھاتیە ڤەگوھاستن بوو یانا ریال مەدرید لێ ھەتا نوکە ئەو گولچیی نەشیا بیتە جھێ رازەمەندیا جەماوەر و کارگێریا یانا ریال مەدرید تایبەت پشتی ھاتنا راھێنەرێ نوو یێ یانا ریال مەدرید دبیت جارەکا دی ئەو گولچیێ بەلجیکی ڤەگەریتە خۆلا ئنگلتەرا و ئەڤ جارە ب رێیا یانا مانچێستەر یوناید

Image result for Jasper Cillessen

چاسپر سیلیسن گولچیێ ھولەندی و یانا بەرشەلۆنا یێ دوێ دبیت ل وەرزێ بھێت بیتە گولچیێ سەرەکی یێ یانا مانچێستەر یوناید کو ئەو گولچیی ژی ئێک ژ بەربژاریێن بەرپرسێن یانا مانچێستەر یوناید پشتی وی گولچیێ ناڤبری بەری نوکە دیارکری ئەو دخوازیت ل وەرزێ بھێت پێکھاتیێ بەرشەلۆنا ل وەرزێ بھێت ب جە بھێلت،  گولچیێ ناڤبری ل ماوێ سێ سالێن بوری دا بتنێ ٢٨ یاریان پشکداری ل گەل یانا بەرشەلۆنا کریە لێ ئەو یانە کەتەلونی ب سانەھی ناخوازیت دەستا ژ شیانێن ئەوی گولچیی ھولەندی بەردەت کو بھایێ ھەلوەشاندنا ھەڤبەستا ئەوی ٥٠ ملیون جینێ ئیسترلینی یە .

Image result for Jack Butland

جاک بوتلاند گولچیێ ئنگلیزی و یانا ستوک سیتی پشتی یانا ئەوی ل وەرزێ بوری پاشڤەزفری خۆلا پلا ئێک دخوازیت جارەکا دی ڤەگەریتە کرنا یاریێ ل خۆلا پرێمرلیگ لێ یانا ئەوی دیارکریە ھەر یانەکا حەزا ئیمزاکرنا بوتلاند ھەبیت پێدڤی یە  کوژمێ ٣٠ ملیون یورۆیا پێشکێشی یانا ئەوان بکەن.

Related image

 

دووماھیی بەربژاریێن یانا مانچێستەر یوناید گولچیێ گەنچ یێ ئیتالی و یانا میلان دوناروما  و یانا مانچێستەر بتنێ کوژمێ ٦٥ ملیون جینێ ئیسترلینی بوو ئەوی گولچیی بەرھەڤکریە بوو ھەلوەشاندنا ھەڤبەستا ئەوی.

ئەڤرۆ نیوز:

نێچیرڤان بارزانی سەرۆک وەزیرێن ھەرێما کوردستانێ دوھی د کۆنفرانسێ ساخلەمیێ و پێشانگەھا نوشداری دا گۆتارەک پێشکێشکر و راگەھاند، ئەم ھەردەم کار بۆ پێشڤەبرنا کەرتێ ساخلەمیێ دکەین.

نێچیرڤان بارزانی ئاماژە دا وێ یەکێ ژی کو پێدڤیە رەوشا ئابووری یا وەلاتیان ل بەرچاڤ بھێتە وەرگرتن و دڤێت پتر گرنگی ب خۆپاراستنێ و ھشیارا ساخلەمیێ بھێتە دان و گۆت: د ھەموو وارێن ساخلەمیێ دا ھەرێما کوردستانێ پیشکەفتنەکا بەرچاڤ ب خوە ڤە دیتیە و د گەل ھندێ ژی ئەڤە نەخواستا حکومەتێ یە و بۆ ڤێ مەرەمێ ژی پلانێن پێشکەفتی ھەنە.

سەرۆک وەزیرێن ھەرێما کوردستانێ ل دووماھیێ سوپاسیا ستاف و کارمەند و نوشدارێن کوردستانێ کر کو سەرەرای قەیرانان دەرگەھێن نەخۆشخانان نەگرتن.

141

ئەڤرۆ نیوز، نەوزاد ھلوری:

 ٣٠ قوتابیێن ئاوارە و پەنابەر ل قوتابخانا ئیسفکا یا بنەرەت ل کومەلگەھا قدش یا سەر ب ناحیا سەرسنکێ دخوونن، ب گورەی ئاخفتنێن رێڤەبەریا قوتابخانێ ھەر ٣٠ قوتابی ئێکەمێن قوتابخانێ نە.

website security
WP Facebook Auto Publish Powered By : XYZScripts.com