ئه‌ڤرۆنيوز:
نوونه‌رێ حوكمه‌تا هه‌رێما كوردستانێ ل ئێكه‌تيا ئه‌ورۆپى دلاوه‌ر ئاژگه‌يى راگه‌هاند، برياره ئه‌ڤ شه‌ڤه جێگرێ سه‌رۆك وه‌زيرێن به‌لجيكا ووه‌زيرێ دارايى يێ به‌لجيكا وكۆميسياريا بلند يا ئيكه‌تيا ئه‌ورۆپى بۆ هاريكاريێن مرۆڤايه‌تى ل گه‌ل شانده‌كێ به‌لجيكى وئێكه‌تيا ئه‌ورۆپى بگه‌هنه هه‌رێما كوردستانێ ول گه‌ل سه‌ركردايه‌تيا سياسى يا هه‌رێما كوردستانێ كۆمببن.
ئه‌ڤرۆنيوز:
پشتى چه‌ندين كۆمبوونان پارتى وگۆران رێككه‌فتن ل سه‌ر كارنامه وپشكا بزاڤا گۆران د حوكمه‌تا نوو يا هه‌رێما كوردستانێ دا.
دوێ رێككه‌فتنا سياسى دناڤبه‌را پارتى وگۆران ئه‌وا ئه‌ڤرۆ دوشه‌مبى 18/2/2019 ل پيرمام
هاتيه ئيمزاكرن، هه‌ردو لايه‌ن رێككه‌فتن ل سه‌ر وێ چه‌ندێ كو بزاڤا گۆران هه‌ڤپشكا راسته‌قينه بيت دحوكمرانيێ دا وپۆستێ جێگرێ سه‌رۆكێ هه‌رێما كوردستانێ كو دێ ب گۆران هێته دان ده‌ستهه‌لات بۆ بهێنه دان ودده‌مێ سێ هه‌يڤان دا پاشكه‌فتێ مووچێ فه‌رمانبه‌ران نه‌مينيت وده‌سته‌يه‌ك ژ حوكمه‌تێ وپه‌رله‌مانى بهێته دروستكرن بۆ چاره‌كرنا كێشێن هه‌ولێرێ وبه‌غدا وئێك ده‌نگيا لايه‌نێن سياسى ل ده‌ڤه‌رێن كوردستانى يێن ده‌رڤه‌ى ئيدارا هه‌رێمێ وپرسا چاكسازيێ.
ب گۆره‌ى وێ رێككه‌فتنێ، ل دووڤ كوردستان تى ڤى، بزاڤا گۆران دێ 18% پۆستێن حوكمه‌تا هه‌رێما كوردستانێ وه‌رگريت، وه‌كو جێگرێ سه‌رۆكێ هه‌رێما كوردستانێ ووه‌زاره‌تێن دارايى، كاروبارێن جڤاكى، ئاڤه‌دانكرن وسێ نوونه‌رايه‌تى ل په‌يوه‌نديێن ده‌رڤه وئه‌ميندارێ گشتى يێ وه‌زاره‌تا پێشمه‌رگه‌ى، وهاريكارێ سه‌رۆكێ حوكمه‌تا هه‌رێمێ بۆ چاكسازيێ وچه‌ند شيره‌تكار ورێڤه‌به‌رێن گشتى ژى.
ئەڤرۆ نیوز:
سەرۆکێ شۆرەشا ئیسلامی یا ئیرانێ عەلی خامنەیی ئەڤرۆ راگەهاند کو وەلاتێن ئورۆپا د بابەتێ بەرنامێ ئەتۆمی یێ ئیرانێ و هەروەسا سەپاندنا سزایێن ئابووری ژ ئالیێ ئەمریکا ڤە فێل ل ئیرانێ کرینە و گۆت: (ئورۆپی دبێژن ئەم گرێدایی رێککەفتنا ئەتۆمی نە، لێ ل گەل ئەمریکا ژی بەرەیەکێ ل دژی مە ئاڤا دکەن و وەلاتێ مە سزا ددەن، ئەو یەک ب چو رەنگەکێ ناهێتە قەبوول کرن و دڤێت ئەم خوە ژ ئورۆپا دوور کەین).
ئەڤرۆ نیوز، عەلی حاجی :
د نڤیسارەکا فەرمی یا قایمقامیا زاخۆ دا ل رێکەڤتی ٢٣/١/٢٠١٩ ھاتیە دەرکرن و بۆ ھەموو دەزگایێن میری ل زاخۆ ھاتیە رەوانە کرن ، ئێدی نابیت ب چو رەنگان فەرمانبەر ل دەمێ دەوامێ دا یاریا پوبجی بکەت و بەروڤاژی دێ پێرابوونێن قانوونی ھێنە وەرگرتن.
ل دور ڤێ چەندێ خەلات عوسمان، ژ قایمقامیا زاخۆ بۆ ئەڤرۆ نیوز گۆت : ئەڤ بریارە ژ بەر وێ یەکێ ھاتیە دەر کرن ژبەر کو گەلەک وەلاتیان گلە و گازندە ل سەر وێ چەندێ کرن ل دەما دەواما فەرمی دا فەرمانبەر خوە ب یاریا پوبجی ڤە مژوول دکەن و ب دروستی مامەلەیێن وان ناھێتە ب رێڤە برن ، لەورا ل رێکەفتی ٢٣/١/٢٠١٩ ئەڤ بریارە ژلایێ قایمقامێ زاخۆ ڤە ھاتیە دەرکرن و بۆ ھەموو رێڤەبەرێن زاخۆ ھاتیە رەوانە کرن.
ناڤھاتی ئەو چەندە ژی گۆت: ھەر فەرمانبەرەکێ پێگیر نەبیت ب ڤێ بریارێ ل گورەی قانوونا سزادانا فەرمانبەرا دێ سەرەدەریێ دگەل دا ھێتە کرن و دێ پێرابون بەرامبەر وی فەرمانبەری ھێنە وەرگرتن .
ئەڤرۆ نیوز:
بەری دەمەکێ هەلبژارتنا دەستەیا سەرۆکاتیا پەرلەمانێ کوردستانێ برێڤە چوو و ل گۆر رێککەفتنا کو بەری نها هاتبوو کرن پۆستێ جێگرێ دویێ یێ پەرلەمانێ کوردستانێ بۆ پێکهاتا تورکمان بوو و مونا قەهوەچی ب ٦٠ دەنگان وەکو جێگرا دویێ هاتە هەلبژارتن، پێکهاتێن تورکمان وەسا رێککەفتینە کو هەر دو سالان ئێک کەس ڤی پۆستی برێڤە ببەت و هەتا دو سالان دێ مونا قەهوەچی جێگرا دویێ یا سەرۆکێ پەرلەمانێ کوردستانێ بیت.
ئەڤرۆ نیوز:
هەلبژارتنا دەستەیا سەرۆکاتیا پەرلەمانێ کوردستانێ برێڤە چوو و بەری دەمەکێ هێمن هەورامی بەربژارێ پارتی دیموکراتی کوردستان شیا ٦٨ دەنگان بدەستڤە بینیت و بوو جێگرێ ئێکێ یێ سەرۆکێ پەرلەمانێ کوردستانێ.
هەروەسا بەربژارێ نەوەێ نوێ کاوە عەبدولقادر ژی ٨ دەنگ بدەستڤە ئینان و ب ڤی رەنگی هێمن هەورامی ب فەرمی بوو جێگرێ ئێکێ یێ سەرۆکێ پەرلەمانێ کوردستانێ.
ئەڤرۆ نیوز:
بەری دەمەکێ ڤالا فەرید بەربژارا پارتی دیموکراتی کوردستان ب ٦٤ دەنگان بوو سەرۆکا پەرلەمانێ کوردستانێ و هەتا ئێکەتی پشکداریێ د پەرلەمانی دا بکەت دێ ڤالا فەرید سەرۆکا پەرلەمانی بیت و پشتی پشکداریا فراکسیۆنا ئێکەتیێ دێ ڤالا فەرید دەست ژ کارێ خوە بەردەت و پۆستێ سەرۆکێ پەرلەمانی دێ بۆ ئێکەتیێ بیت، هەتا وی دەمی ڤالا فەرید دێ ب شێوەیەکێ بەروەخت سەرۆکا پەرلەمانی بیت.
هەروەسا سپیان سالم بەربژارێ نەوەێ نوێ بۆ سەرۆکێ پەرلەمانێ کوردستانێ ژی ٨ دەنگ بدەستڤە ئینان.
ئەڤرۆ نیوز ، عەلی حاجی:
ل گورەی ئامارەکا رێڤەبەریا رێڤەبەریا بەرەڤانیا باژێرێ زاخۆ ، ل ماوێ دو ھەیڤ و نیڤێن بوری یێن ٢٠١٩ دا ١٢ روودانێن ئاگر بەربوونێ ل زاخۆ دروست بوینە و پرانیا وان روودانا ژی بۆ ئەگەرێ شورتێ کارەبێ ڤەگەراند.
ل دور ڤێ چەندێ رائید بێوار عەبدولعەزیز ژ راگەھاندنا بەرەڤانیا پارێزگەھا دھوکێ بۆ ئەڤرۆ نیوز گۆت: ھەر ژ دەست پێکا سەرێ سالا ٢٠١٩ ھەتا ١٥ی ھەیڤا شوباتێ ١٢ روودانێن ئاگر بەربوونێ روویدانە ل زاخۆ ، پرانیا وان روودانا ژی ل ھەیڤا ١ یا ئەڤ سالەدا ھاتینە تومار کرن و پرانیا وان ژی ژئەگەرێ شورتێ کارەبێ بویە ، ھەر دیسان ل ماوەیێ ١٥ روژێن ھەیڤا شوباتێ ژی تنێ ٥ روودانێن ئاگر بەربوونێ دروست بوینە.
ناڤھاتی ئەو چەندە ژی گۆت: ب خوەشبەختانە د ھەمی روودانێن ھاتینە تومارکرن چو روودانێن بریندار یان مرنێ نەھاتینە تومارکرن.
نيشاندان