ئەڤرۆ نیوز، مەحمود نھێلی:

بەرپرسێ ھوبا دارستان و پاوانی ل دێرەلۆکێ بۆ ئەڤرۆ نیوز دیار کر ئەو شیاینە د ھەیاما چەند رۆژێن بوری دا زێدەتر ژ ٥٠٠ دونەمێن دارستانێ پاقژ بکەن و دارێن د ناڤ دا ب کەزێخن.

زێدەتر عەلی خەموو گۆت: ئەو بەردەوامن ل سەر پاراستن و پاقژکرنا دارستانێ و ھەروەسا پاراستنا ژینگەھێ و د ڤان چەند رۆژێن بوری دا ئەوان پرۆژەیەک دەسپێکریە ل سەر کەزاختنا داروبارێن دارستانێ ل سنورێ ناحیا دێرەلۆک بتایبەتی ژی ل گوندێ گوھەرزێ.

ناڤھاتی ئاشکرا کر ١٤ کرێکاران ب گرێبەست دگەل دا کار کریە و بۆ ماوێ ٢٦ رۆژان کار کریە و ئەو شیانە د ڤان رۆژان دا ٥١١ دونەمێن دارستانێ ھەر ژ دێرەلۆکێ ھەتا دگەھیتە گوندێ گوھەرزێ پاقژ بکەن و ب کەزێخن.

دیار ژی کر، کو ئەوان بتنێ کار د دارستانا سروشتی دا کریە و ب وێ یەکێ بشێن ژینگەھا دەڤەرێ ب پارێزن و رێک و دارستانا و دەڤەرێ رێک و پێک بکەن.

ئەڤرۆ نیوز، عەزیز ھەورامی:

رێڤەبەرێ ساخلەمیا پێنجوین دیارکر ئەڤرۆکە سپێدێ دو کەس گەھاندینە نەخوشخانێ کو ئێک ژ وان گیانێ خوە ژ دەستدابوو و یێ دی ب گرانی برینداربوو.

زێدەتر موسعب ئەبو قاسم بۆ ئەڤرۆ نیوز گۆت: پشتی چارەسەریا وی کەسێ بریندار ھاتیە کرن نوکە تەندروستیا وی یا جێگیرە، ئەگەرێ ڤێ روودانێ ژی ھەردو کەس شوفێرێن ئیرانی نە ل دەروازەیا باشماخ د ترومبێلا بارھەلگر دا شڤێدی نڤستبوون ژ نشکەکێ ڤە تووشی غازا ترومبێلا خوە دبن و ئیچک ژ وان گیانێ خوە ژ دەستدەت.

ئەڤرۆ نیوز ، عەلی حاجی :

ل روژا ئەینیێ ١١/١/٢٠١٨ سێ روودانێن هاتنوچوونێ ل سنوورێ باژێرێ زاخۆ پەیدابوون و د ئەنجام دا هەشت کەس برینداربوون و برینا ئێک ژ وان یا گرانە.
کومیسەر بەشیر یوسڤ ژ راگەھاندنا ھاتنوچوونا قەزا زاخۆ بۆ ئەڤرۆ نیوز گوت : ل روژا ئەینیێ دا سێ روودانێن هاتنوچوونێ ل زاخۆ پەیدابوون و د ئەنجام دا هەشت کەس برینداربوون و گۆت: “داخوازێ ژشوفێران دکەین لەزاتیێ ب کارنەئینن بتایبەتی ل وەزرێ زڤستانێ دا چونکی گەلەک جاران جادە ژکار دکەڤن و ئاڤ ل سەر جادان کوم ڤە دبیت ب تایبەتی ل دەمێ باران بارینێ و بەفر بارینێ دا”.