ئەڤرۆ نیوز، نەوزاد ھلۆری:
لژێر چاڤدێریا قایمقامێ ئامێدیێ، ب بەرھەڤبوونا ھژمارەکا دام و دەزگەھێن حکومی، پێشانگەھەکا شێوەکاری و کارێن دەستی ژلایێ قوتابیێن ئامادەیا ئالا ل شێلادزێ ھاتە ڤەکرن و تێدا پتری ھزار تابلو و کارێن دەستی یێن جودا ھاتنە نیشاندان.
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سهرهكى Twitter
وەزارەتا کارەبێ: بەری نەوروزێ دێ ١٥ دەمژمێران کارەبێ دەینە خەلکێ
ئەڤرۆ نیوز:
بریارە ل ناڤەراستا ھەیڤا ئادارێ گوھۆرین کەڤتە خشتێ دانا کارەبا نشتیمانی و دەمژمێرێن وێ ژی بھێنە زێدەکرن.
ئومێد ئەحمەد رێڤەبەرێ کونترولا کارەبا ھەرێما کوردستانێ دیارکر گوھۆرین دێ د خشتێ کارەبا نشتیمانی دا پەیدابن و دەمژمێرێن کارەبێ دێ ھێنە زێدەکرن بۆ وەلاتیان و ئەڤ گوھۆرینە ژی دێ ل ناڤبەراستا ھەیڤا ئادارێ ھەتا دوماھیا وێ بەردەوام بن و دێ بۆ ماوێ ١٥ دەمژمێران کارەبا نشتیمانی ھەبیت.
ناڤھاتی دیارکر نوکە ژ بەر خواستا زێدە یا وەلاتیان ل سەر کارەبا نشتیمانی د شیان دا نینە دەمژمێرێن کارەبێ زێدەتر بدەینە وەلاتیان لەورا ل ناڤەراستا ھەیڤا ئادارێ خواست ل سەر کارەبێ دێ کێم بیت و دێ شێن دەمژمێران زێدەکەین.
نوکە شیانێن وەزارەتا کارەبا ھەرێما کوردستانێ تنێ ٣٠٠٠ مێگاواتێن کارەبێ یە و ل وەرزێ زڤستانێ ژی داخوایا وەلاتیان ل سەر کارەبێ د گەھیتە ٦٠٠٠ مێگاواتان لەورا تنێ دشێن ١٠ دەمژمێران رۆژانە ب دەنە خەلکی.
حەفتیا بھێت مووچێ ڤان جھا دێ ھێتە بەلاڤ کرن
ئەڤرۆ نیوز:
وەزارەتا دارایی یا حوکمەتا ھەرێما کوردستانێ راگەھاند ئەو دێ ل حەفتیا بھێت دەست ب بەلاڤکرنا مووچێ ھەیڤا ١٢ یێ سالا ٢٠١٨ کەن و بریارە بەری نەوروزێ ھەموو وەزارەت مووچێن خوە وەرگرن.
دیوانا وەزارەتا دارایی ئەو چەندە ژی راگەھاند ل حەفتیا بھێت ل رۆژا سێشەمبی ٥-٣-٢٠١٩ دێ دەست ب بەلاڤکرنا مووچێن ھەیڤا ١٢ یێن سالا ٢٠١٨ کەن، لێ ژ بەرکو ئەو رۆژە بھێنڤەدانا فەرمی یە ئەگەر وەزارەتێ بریارەک دەرکر کو وێ رۆژێ مووچا بەلاڤکەن بەروڤاژی ئەگەر نە دێ ل رۆژا چارشەمبی ٦-٣-٢٠١٩ دێ مووچە ھێنە بەلاڤ کرن ل سەر فەرمانبەران.
دیوانا دارایی ئەو چەندە ژی دیارکر ل دەسپێکێ وەزارەتا پێشمەرگەی و لیوایێن سەر ب وێ ڤە دێ مووچێن خوە وەرگرن و ھەر د ھەمان حەفتیا بھێن دێ وەزارەتا پەروەردێ ژی مووچێ خوە یێ ھەیڤا ١٢ وەرگرن، بریارە بەری جەژنا نەوروزێ ھەموو فەرمانبەرێن ھەرێمێ مووچێن خوە وەرگرن.
به‌رشه‌لونا ب سێ گۆلا ریال مه‌درید ژ جاما ئیسپانیا ده‌ركر
ئه‌ڤرۆنیوز:
به‌رى ده‌مه‌كێ كێم یاریا هاتنێ ژ قۆناغا نیڤ دووماهیێ یا جاما شاهێ ئیسپانیا دناڤبه‌را ریال مه‌درید ومێهڤانا وێ به‌رشه‌لونا ب ئه‌نجامێ 3-0 بۆ به‌رشه‌لونا ب دووماهى هاتى.
دگێمێ ئێكێ دا ریال مه‌درید ئاسته‌كا مه‌زن پێشكێشكر وچه‌ندین ده‌لیڤێن گۆلكرنێ ژده‌ست دان وباجا ڤێ چه‌ندێ ب گرانى ل گێمێ دویێ دا ده‌مێ به‌رشه‌لونا سێ جاران تۆرا وێ هه‌ژاندى ل خۆله‌كێن 50 ( لویس سوارێز) و69 (رافاییل فاران ب شاشى ل گۆلا خوه كر) و 73 (لویس سوارێز).
ب ڤى ئه‌نجامى به‌رشه‌لونا گه‌هشته یاریا دووماهیێ ژ جاما شاهێ ئیسپانیا ودێ ل گه‌ل سه‌ركه‌فتیێ یاریا دناڤبه‌را ڤالنسیا وریال بیتیس دا كه‌ت.
عادل عەبدولمەهدی:دێ ژ كوردان پتر به‌رگریێ ژ مافێن كوردستانێ كه‌م
ئه‌ڤرۆنیوز:
جێگرێ دویێ یێ سه‌رۆكێ په‌رله‌مانێ عیراقێ، به‌شیر حه‌داد د سمیناره‌كێ دا ل هه‌ولێرێ به‌حسێ هه‌لویسته‌كێ سه‌رۆك وه‌زیرێن عیراقێ عادل عه‌بدولمه‌هدى ل به‌رامبه‌ر كوردان دكه‌ت.
به‌شیر حه‌داد، جێگرێ سه‌رۆكێ په‌رله‌مانێ عیراقێ گۆت” عادل عه‌بدولمه‌هدى سه‌رۆك وه‌زیرێن عیراقێ ددیداره‌كێ دا پێ راگه‌هاند كو ئه‌و زێده‌تر ژ كوردان دێ به‌رگریێ ژ مافێن هه‌رێما كوردستانێ كه‌ت”.
حه‌داد ئاماژه كر كو عادل عه‌بدولمه‌هدى زێده‌تر ژ چار سالان ل چیایێن هه‌رێما كوردستانێ ل گه‌ل هێزێن پێشمه‌رگه‌ى دژى رژێما دكتاتۆرى یا به‌عس خه‌بات كریه، ئه‌ڤ چه‌نده ژى ب ده‌لیڤه هژمارت وب پێدڤى زانى هه‌رێما كوردستانێ بۆ به‌رژه‌وه‌ندیا خوه بزانیت”.
بەفر ل ناحیا كانى ماسێ باری
ئەڤرۆ نیوز ، زنار تۆڤی:
ئەڤرۆ چارشەمبی 27.2.2019 پێلەکا سەرمایێ ناحیا کانی ماسێ ڤەگرت و د ئەنجامدا رێژەکا بەفرێ ل ڤێ ناحیێ و دەرگەهێ سەرزێری وچەندین گوندێن ڤێ دەڤەرێ باریە.
سەربەست سەبری، رێڤەبەرێ ناحیا کانی ماسێ بۆ ئەڤرۆ نیوز دیارکر: ئەڤرۆ چارشەمبی رێژەکا دی یا بەفرێ ل سنۆرێ ناحیا کانی ماسێ ودەرگەهێ سەرزێری باریە و هەروەسا تیمێن رامالینا بەفرێ شیاینە رێیا سەرزێری ژ بەفرێ رامالن و نوکە وەلاتی دشێن ب رەنگەکێ ئاسایی هاتنوچوونێ دڤی دەرگەهی را بکەن.
پێکھاتیێ فەرمی یێ کلاسیکویا ئەڤ شەڤە
ئەڤرۆ نیوز:
ھەردو یانێن بەرشەلونە و ریال مەدرید پێکھاتیێ خوە یێ فەرمی بۆ یاریا ئەڤ شەڤە ژ یاریا پێش دووماھیا قارەمانیا کاسا شاھێ ئسپانیا راگەھاند ئەوا دێ ل یاریگەھا سانیاگو بێرنابیو ھێتە کرن.
پێکھاتیێ ریال مەدرید:
گۆلپارێز: کیلور ناڤاس
ھێلا بەرگری: دانی کارڤاخال، سێرجیو راموس، رافائێل ڤاران، ریگیلون
ھێلا ناڤین: کاسیمێرز، تونی کروس، لوکا مودرێچ
ھێرشبەر: لوکاس ڤاسکێز، کەریم بنزیما، ڤینیسیوس جونیور
پێکھاتیێ بەرشەلونە:
گۆلپارێز: تێر شتیگن
ھێلا بەرگریێ: نیلسون سمیدو، جیرارد پیکێ، کلیمونت لینگلیێ، جوردی ئەلبا
ھێلا ناڤین: ئیڤان راکتیچ، بوسکێس، سێرجی روبێرتو
ھێرشبەر: مێسی، سوارێز، عسمان دێمبلێ
جێگرێ سه‌رۆكێ په‌رله‌مانێ كوردستانێ چاكسازی دناڤ په‌رله‌مانی دا راگه‌هاند
ئه‌ڤرۆنیوز:
هێمن هه‌ورامی جێگرێ ئێكێ یێ سه‌رۆكێ په‌رله‌مانێ كوردستانێ، چاكسازی دناڤ په‌رله‌مانێ كوردستانێ دا راگه‌هاند وئاماژه ب چه‌ند خالان دكه‌ت كو به‌رۆڤاژی خۆلێن بۆری یێن په‌رله‌مانی نه.
هێمن هه‌ورامی، جێگرێ سه‌رۆكێ په‌رله‌مانێ كوردستانێ دبه‌یاننامه‌كێ دا به‌لاڤكر” پشتی كو ل روونشتنا رۆژا 18 شوباتێ وه‌كو ده‌سته‌یا سه‌رۆكاتیا په‌رله‌مانێ كوردستانێ، ژلایێ پتریا په‌رله‌مانتارێن كوردستانێ باوه‌ری پێ هاته دان، ل گه‌ل سه‌رۆك وسكرتێرێ په‌رله‌مانێ كوردستانێ مه ده‌ست وه‌رگرتنا پێرابوونێن كارگێری یێن پێدڤی بۆ شه‌فافیه‌تا زێده‌تر یا كارێ په‌رله‌مانی وهه‌ر چ زێده‌تر باشتر رێكخستنا كاروبارێن كارگێری یێن په‌رله‌مانی وچه‌سپاندنا دادپه‌روه‌ریێ وشه‌فافیه‌تا زێده‌تر ونه‌هێلانا ب هه‌ده‌ردانا سامانێ گشتی ورێكخستنا خه‌رجیان”.
هه‌ورامی دیاركر ژی” وه‌كو ده‌سته‌یا سه‌رۆكاتیا نوكه یا په‌رله‌مانی، مه ژ خوه ده‌ستپێكر وئه‌و ده‌ست ڤه‌بوونا دده‌ستهه‌لاتا مه‌زاختنا دارایی وهاریكاریان كو ده‌سته‌یا سه‌رۆكاتیا په‌رله‌مانی هه‌بوو، مه نه‌هێلا ول رۆژێن بۆری ل گه‌ل هه‌موو شیره‌تكار ورێڤه‌به‌رێن دناڤ په‌رله‌مانی دا كۆمبووین وئه‌و سیاسه‌ت وشێوێ كارێ مه بۆ هاته رۆهنكرن ومه راگه‌هاند كو بلندكرنا پلێ ب میزاج ونه قانوونی ب تمامی ره‌ت دكه‌ین ویاردا واسته وواسته‌كاریێ وب هه‌رده‌ردانا بودجه ومیزاجیه‌ت دهاریكاریان وئیمتیازاتان ب تمامی ره‌ت دكه‌ین”.
خویاكر” دكۆمبوونا رۆژا 27/2/2019 ل گه‌ل هه‌موو سه‌رۆك فراكسیۆنێن په‌رله‌مانێ كوردستانێ، مه ئاگه‌هداركرن كو بێ چو جوداهیه‌كێ، بۆ كارێ په‌رله‌مانتاری پره‌نسیبێ دادپه‌روه‌ری به‌رامبه‌ر هه‌موو په‌رله‌مانتاران دێ ئه‌نجام ده‌ین ومه بۆ دیاركر كو به‌رۆڤاژی خۆلێن بۆری رێ ناده‌ین ژ بودجا گشتی هاریكاریێن بێ بنه‌ما ب هێجه‌تێن جۆراروجۆر بۆ په‌رله‌مانتاران بهێنه مه‌زاختن، رێ ناده‌ین ژ سامانێ گشتی بابه‌تێ كرینا ترومبێلان روو بده‌ت ول شووونا وێ چه‌ندێ، مه بۆ پێشنیازكر كو ب شه‌فافانه، هه‌یڤانه رێژا 2% ژ مووچێن وان بچیته دسندووقه‌كێ دا وپه‌رله‌مانێ كوردستانێ ژی ب هه‌مان رێژه هاریكار بیت د وێ سندووقێ دا بۆ حاله‌تێن ساخله‌میێ وحاله‌تێن پێدڤی، ئه‌ڤ چه‌نده ژی بۆ بنبركرنا ب هه‌ده‌ردانێ وبریارێن میزاجی”.
جێگرێ سه‌رۆكێ په‌رله‌مانێ كوردستانێ گۆت ژی” بۆ كاروبارێن ڤه‌گوهاستنێ وكارێ رۆژانه یێ په‌رله‌مانتاران وهاتنوچوونا باژێر وباژێركان وسه‌ره‌دانا وه‌لاتیان، مه ئاگه‌هداركرن كو چاڤه‌رێ وێ چه‌ندێ نه‌بن ژ بودجا په‌رله‌مانی ترومبێل بهێنه دابینكرن ول شوونا وێ چه‌ندێ پێشنیازه‌ك بۆ هاته كرن كو ب قیستێ هه‌یڤانه ژ مووچێن خوه، ب گرونتیا په‌رله‌مانی، ترومبێلان بۆ خوه دابین بكه‌ن”.
هێمن هه‌ورامی ل دووماهیا به‌یااناما خوه دا دیاركر” شێوازێ كارێ مه ب شه‌فافانه یێ به‌رده‌وامه بۆ وێ چه‌ندێ په‌رله‌مانه‌كێ ب هێز مه هه‌بیت وپرس وراوێژكرن ب فراكسیۆنان بۆ كاروبارێن په‌رله‌مانی وئیداره‌كرنێ نه‌هجێ مه‌یه”.
كه‌شناسی هوشداريا بلندبوونا ئاستێ ئاڤا بارانان ل سێ ده‌ڤه‌رێن پارێزگه‌ها دهۆكێ دده‌ت
ئه‌ڤرۆنیوز:
رێڤه‌به‌ریا گشتی یا كه‌شناسیێ ل هه‌رێما كوردستانێ د هوشداریه‌كێ دا كو ئه‌ڤرۆ چارشه‌مبی 27/2/2019 به‌لاڤكری دیاركر كو ئاستێ ئاڤا بارانان ل چه‌ندین ده‌ڤه‌رێن هه‌رێمێ دێ بلند بیت ژوان سێ ده‌ڤه‌ر ل پارێزگه‌ها دهۆكێ نه.
رێڤه‌به‌ریا ناڤبری ئاماژه‌كر كو پێشبینی دهێته كرن ئاستێ باران بارینێن ڤان رۆژانل سه‌نته‌رێ پارێزگه‌هان بلند ببیت دسه‌ر 30 ملم ول ده‌ڤه‌رێن چیایی بۆ دسه‌ر 60 ملم وشه‌ڤا ئه‌ینیێ ئه‌ڤ پێلا بارانێ دێ ب دووماهی هێت.
به‌لاڤكر ژی كو ئه‌و ده‌ڤه‌رێن مه‌ترسیا بلندبوونا ئاستێ زۆر یێ ئاڤێ لێ هه‌ی ده‌ڤه‌رێن، چۆمان وسۆران وقه‌لادزێ وحاجی ئۆمه‌ران ورانیا وئامێدیێ وكانی ماسێ وزاخۆ.
رۆژ شاوه‌یس: ده‌م یێ هاتی شاندێ ئێكه‌تیێ سه‌ره‌دانا مه بكه‌ت
ئه‌ڤرۆنیوز:
ئه‌ندامه‌كێ مه‌كته‌با سیاسی یا پارتی دیموكراتی كوردستان ئه‌ڤرۆ چارشه‌مبی 27/2/2019 راگه‌هاند، ده‌مێ وێ چه‌ندێ یێ هاتی شاندێ ئێكه‌تی نیشتمانی كوردستان سه‌ره‌دانا مه بكه‌ت.
رۆژ نوری شاوه‌یس، ئه‌ندامێ مه‌كته‌با سیاسی یا پارتی بۆ رۆژنامه‌ڤانان گرت” پارتی یا رژده ل سه‌ر دروستكرنا كابینا نوو یا حوكمه‌تا هه‌رێما كوردستانێ ودڤێت هه‌ر لایه‌نه‌كێ پشكدار پێگیری به‌رنامێ حوكمه‌تێ بیت.
سه‌باره‌ت دانوستاندنێن دناڤبه‌را پارتی وئێكه‌تیێ ل دۆر پێكئینانا كابینا نوو یا حوكمه‌تا هه‌رێما كوردستانێ، گۆت” مه وه‌كو پارتی دیموكراتی كوردستان چه‌ندین جاران سه‌ره‌دانا سلێمانیێ كریه بۆ لایێ ئێكه‌تیێ وبراده‌رێن گۆران ولایه‌نێن دی ونوكه ژی ده‌مێ وێ چه‌ندێ یێ هاتی شاندێ ئێكه‌تیێ سه‌ره‌دانا مه بكه‌ت”.
نيشاندان
WP Facebook Auto Publish Powered By : XYZScripts.com