ئەڤرۆ نیوز:

یانا ریال مەدرید یا ئسپانی یا بزاڤێن ئیمزاکرنا ھەڤبەستەکا دی ل ڤەگوھاستنێن زڤستانێ دکەت پێخەمەت ب ھێزئێخستنا ھێلا ھێرشبەریێ ئەوا ئاریشەیێن مەزن لێ ھەی.

رادیویا ئوندا مەدرید یا ئسپانی ئاشکراکریە کو یانا ریال مەدرید یا بزاڤێن ئیمزاکرنا ھەڤبەستا یاریزانێ پولەندی کریزیستوف بیاتیک ھێرشبەرێ جنوا یا ئیتالی دکەت ل مێرکاتویا زڤستانێ.
زێدەتر ھەمان ژێدەر ئاماژەکریە کو ئەف یاریزانێ پولەندی بەربژارەکێ بھێزە دڤێ ھەیڤێ دا بھێتە ڤەگوھاستن بو یاریگەھا سانتیاگو بێرنابیو، تایبەت پشتی ڤەخواندن ل سەر ئاستێ وی یێ ھونەری و ھێزا لەشی ل ماوێ بوری ھاتیە کرن.

ھەروەسا پێزانین دیار دکەن کو کو یانا ریال مەدرید ل دەستپێکێ ئەف یاریزانە ب ھەڤبەستەکا بەروەخت دڤێت و دویڤدا ھەڤبەستا وی ب فەرمی بھێتە ئیمزاکرن.

کریزیستوف بیاتیک ھێرشبەرێ جنوا ل ڤی وەرزی دخولا ئیتالیا دا ھەتا نوکە ١٣ گول یێن تومارکرین و ب دوەم باشترین ھێرشبەرێ خولا ئیتالیا پشتی کریستیانو رونالدو یێ پرتوگالی و یانا یوڤانتوس دھێت ئەوێ ١٤ گول ھەین.

ئەڤرۆ نیوز:

مەرجێ ڤەگەریانا راھێنەرێ پرتوگالی جوزێ مورینھو دوبارە بو وەرگرتنا ئەرکێ راھێنەریا یانا ریال مەدرید یا ئسپانی ل ڤێ ھەیڤێ ئاشکرابوو.
دەنگوباسێن دوبارە کارکرنا مورینھوی ل یانا ریال مەدرید د بەلاڤەبونێ دانە تایبەت پشتی ئەنجامێن خراب یێن راھێنەر سانتیاگو سولاری دخولا ئسپانیا دا و جوداھی دناڤبەرا وێ و بەرشەلونە سەرکێشا سەرێ لیستا خولێ گەھشتینە ١٠ خالان.
یانا ریال مەدرید ژ نەشکەکێ ڤە ل دەستپێکا ڤێ حەفتیێ توشی خوسارەتیێ بوو ل ھەمبەر ریال سوسیداد ب دو گولان بێ بەرامبەر و ل پێنچشەمبیا بوری دگەل ڤیاریال ب دو گولان وەکھەڤبوی و ڤێ چەندێ فشار ل سەر سولاری دورستکرینە.
فرانسیسک ئەگویلار روژنامەڤانێ وەرزشی یێ روژناما موندو دیبورتیڤو دیارکریە کو مورینھو یێ بەرھەڤە ئەرکێ راھێنەریا ریال دڤێ ھەیڤێ دا وەربگریت ب مەرجەکی ھەڤبەستا یاریزانەکێ ھێلا بەرەڤانیێ و ئێکێ ھێلا ھێرشبەریێ ئیمزا بکەن.
ھەر دڤی چارچوڤەی دا لویس فیلیپی ڤییرا سەروکێ یانا بنفیکا یا پرتوگالی دوپاتکریە وی مورینھو دڤیت و ب ھەر بھایەکێ بیت و پارە نابیت ئاریشە ب تنێ مورینھو بێژیت یێ رازیمە کاربکەم.

ئەڤرۆ نیوز:

چاڤەرێ دھێتە کرن یانا بەرشەلونە یاریزانێ خوە ب ھەمان شێوەیێ ئەدریان رابیوو ژلایێ پاریس سان جێرمان یا فرەنسی سزادەن.

مونیر حەداد درێسێ یانا بەرشەلونە دوبارە ل بەر خوە ناکەت ھەکە پێدڤیەکا ژ نەچاری نەبیت، پشتی ڤی ھێرشبەرێ مەغربی کارگێریا یانا کاتالونی ئاگەھدارکری کو ئەو مەرجێن نووکرنا ھەڤبەستێ رەت دکەت و یێ رژدە رێزێن یانێ ل ھاڤینا بھێت بێ بەرامبەر بجە بھێلیت.

زێدەتر ژێدەرێن نێزیک یانێ وەسا دەنە دیارکرن کو نەداخوازکرنا ڤی یاریزانی ل روژا شەمبیا بوری ل یاریا دژی یانا خیتاڤی ژلایێ ئارنستو فالڤێردی وەکو سزایێ ئێکێ بوو و کارگێریا یانێ راھێنەر ئاگەھدارکریە ک پشتبەستنێ ل سەر نەکەت و راھێنەری ژی ئەڤ چەندە بو مونیری ئاشکراکریە وەکو سزایەکی بو نوو نەکرنا ھەڤبەستێ و دێ دەلیڤێ ب یاریزانێن دی دەت.