ئەڤرۆ نیوز:

سەروکێ یانا ھەولێر دیارکر ئەوان کێشەیێن نافبەرا یاریزانێ خوە یێ پیشەکار تیاگو ئەمەرال و راھێنەرێ یانێ نازم شاکر چارەسەر کرن.

زێدەتر عەبدولا مەجید بۆ ئەڤرۆ نیوز گۆت: ل ماوێ بوری پایەما دورخستنا یاریزانێ خوە یێ پیشەکار تیاگو ئەمەرال ل سەر داخوازا راھێنەرێ تیما تەپا پێ نازم شاکر بەلاڤ کربوو، لێ پشتی کومبوونەکا تایبەت دگەل راھێنەر و یاریزانێ نافھاتی ئەنجامدا پێخەمەت چارەسەرکرنا کێشەیێن وان لەورا ئەڤ چەندە ژی ب سەرکەفتیانە ھاتە ئەنجامدان لەورا بریار ھاتە دان دوبارە تیاگو بەردەوامیێ بدەتە کاروانێ خوە دگەل یانا ھەولێرێ د خولا عیراقێ دا ھەتا دووماھیا ڤی وەرزی.

ئەڤرۆ نیوز، هۆشەنگ تاجر:

داوود محەمەدی ئەندامێ رێکخراوا مافێ مرۆڤی یا رۆژهەلاتێ کوردستانێ بۆ ئەڤرۆ نیوز دیار کر کو دوهی کچا وەرزشڤان یا رۆژهەلاتێ کوردستانێ ئارەزو میرەکی ژ ئالیێ هێزێن ئێمناهیێ یێ ئیرانێ ڤە هاتە دەستەسەر کرن و هەتا نها ژی چارەنڤیسێ وێ دیار نینە.

ل دۆر ئەگەرێ گرتنا وێ ژی ناڤهاتی راگەهاند کو ئارەزویێ سالا بۆری پشکداریی د چالاکیەکا وەرزشی ل هەرێما کوردستانێ ل باژارێ سۆران  دا کربوو و ل گەل کچێن سۆران ئالایێ کوردستانێ بلند کربوو، ژ بەر هندێ ژی دوهی هاتیە دەستەسەرکرن و گۆت: (مالباتا وێ سەرەدانا چەندین بنگەهێن پۆلیسان و هێزێن ئێمناهیێ کرینە دا بزانن کچا وان ل کیڤە یە، لێ هەتا نها ناهێتە زانین کا ل کیژ زیندانێ دایە).