ئەڤرۆ نیوز:
ھێرشبەرێ بەری نوکە یێ یانا ریال مەدرید و یاریزانێ ھەلبژارتیێ یوگسلاڤیا یێ بەرێ پرێدرێک میاتوڤیتچ دیارکر یا ب زەحمەتە یانا ریال مەدرید بوو وەرزێ ئەڤ سالە ناسناڤێ لالیگا ب دەستخوڤە بینت سەرەرای چیوازی دناڤبەرا خوە بەرشەلۆنا كرينه شه‌ش خال .

زێدەتر ناڤبری دیارکر ژی دخوازیت ئەڤ ئاخفتنێن وی ب شاشی ب دەرکەڤن لێ ئەڤە راستی یە و پێدڤی یە ژ راستیێ نە رەڤین ئەرک بەر ب زەحمەت بوونێ ڤە چوویە و چونكو بەرشەلۆنا ل وەرزێ ئەڤ سالە د رەوشەکا باش دا بوریت و یا ب زەحمەتە ل ھەموو یاریێن بھێت ریال سەرکەفتنێ توماربکەت.

ھەژی گوتنێ یە پرێدرێک دناڤبەرا سالێن ١٩٩٦ ھەتا ١٩٩٩ یاری بوو یانا ریال مەدرید کربوو د ماوێ سێ سالان دا ٩٠ یاری ل گەل ریال مەدرید کربوون و شیابوو ٣٠ گولان ل گەل وێ یانێ توماربکەت

ئەڤرۆ نیوز:
راھێنەرێ پانا پاریس سانجێرمان یا فرەنسی توماس توخێل ل سەر نەخشەیێ کرنا یاریێ بەرامبەر یانا مانچێستەر یوناید خوە جە بوو ئەوا بریارە ئەڤ شەڤە ژ چارچوڤێ یاریێن قوناغا ١٦ ژ قارەمانیا چامپیونیز لیگا ئورۆپا بھێتەکرن.
رۆژناما لیکیپ یا فرەنسی ئاشکراکریە توخێل بوو یاریا ئەڤ شەڤە ب شێوەیەکێ نوو دێ یاری کەت و ب نەخشەیێ ٤-٢-٣-١ یاری کەت ل گەل گوھورینا ئێک یاریزانی ئەوژی وەکو سوپرایزە بوو ھەموو پشتەڤان و جەماوەرێ وێ یانێ.
ھەردیسان وێ رۆژنامێ ئاشکراکریە ژی راھێنەرێ پاریس بوو یاریا ئەڤ شەڤە ل ھێلا بەرەڤانیێ دێ پشت بەستنێ ل سەر ھەر ئێک ژ تیاگو سێلڤا و برسنێل کیمبیمبی کەت و ل لایێ راستێ تیلو کیریر و لایێ چەپێ بوو ڤێ یاری دێ پشت بەستنێ ل سەر یاریزانەکی کەت بەری نوکە ب رێژەیەکا ھەرە کێم یاری ل گەل یانێ کریە دخۆلا ئورۆپی و خولا فرەنسا دا ئەوژی لیڤین کورزاوا .
ل ھێلا ناڤینا پشتی وەکو ئیرتکاز مارکینیوس و ئەلوسگ و مارکو ڤیراتی وەکو یاریزانەکێ چوکەر ل بەر سینگێ ئەوان و ل پشت ھێرشبەرا ل دی خیا و لایی چەپی و راستا ھێلا ناڤین دێ پشت بەستنێ ل سەر ھەر ئێک ژ دانی ئەلڤێس و دراکسلر کەت و ل ھێلا ھێرشبەرێ مپاپی .
ھەژی گوتنێ یە بوو یاریا ئەڤ شەڤە سێ باشترین یاریزانێن یانا پاریس سانجێرمان نەشێن پشکداری ل گەل یانێ بکەن ژبەر ھنگافتنێ ئەوژی ھەر ئێک ژ ستێرا یانێ یێ بەرازیلی نیمار و ھێرشبەرێ یانێ کاڤانی و توماس موبییە ژبەر ھنگافتنێ .

ئەڤرۆ نیوز:
یانا یوڤانتوس یا ئیتالی یا بەردەوامە ل سەر ئینانا ستێرێن بەرنیاس ل سەر ئاستێ ئورۆپا و ب فەرمی وێ یانێ ھەڤبەستا ستێرەکا یانا ئەرسینال یا ئنگلیزی بوو ھاڤینا بھێت راگەھاند.
یانا یوڤانتوس ل سەر مالپەرێ خوە یێ فەرمی راگەھاند ئەو گەھشتی نە رێککەفتنێ ل گەل ستێرا وێلزی و یانا ئەرسینال یا ئنگلیزی ئارون رەمزی ھەر ژ ھاڤینا بھێت ھەتا ٢٠٢٣ ئەو یاریزان دێ درێسێ یانا یوڤانتوس پارێزیت .
ھەژی گوتنێ یە رەمزی ئەوێ ل سالا ٢٠٠٨ ژ یانا کاردیف ستی بەر ب یانا ئەرسینال ڤە چوی و پاش بوو سێ سالان ب شێوەیێ خواستن بوو یانێن نوتینگھام و کاردیف ستی یاری کری و سالا ٢٠١١ ڤەگەریا ئەرسینال و ھەتا نوکە ل گەل وێ یانێ یێ بەردەوام و نوکە دھێتە ھژمارتن ئێک ژ بەرنیاسترین یاریزانێن ھێلا ناڤینا خۆلا ئنگلتەرا و ل ماوێ ٩ سالێن بوری ل گەل یانا ئەرسینال ٣٦١ یاری ئەنجامداینە و شیا ٦٢ گولان بوو یانا لەندەنی توماربکەت و ٦٤ گول ژی بوو ھەڤالێن خوە بەرھەڤکرینە .

ئەڤرۆ نیوز:
چاڤەرێ دھێـتەکرن سوباھی یانا ریال مەدرید یاریا خوە یا ئێکێ ژ قوناغا ١٦ یا قارەمانیا چامپیونیز لیگا ئورۆپا بکەت دەمێ دبیتە مێڤانداریا یانا ئەیاکس ئەمستردام یا ھولەندی .
راھێنەرێ یانا ریال مەدرید سولاری سەبارەت پاراستنا ناسناڤێ چارێ ل دیڤ ئێک د دیدارەکێ دا ل گەل مالپەرێ ئێکەتیا ئورۆپا دیارکر بوو یانا ریال مەدرید چ تشت ب زەحمەت نین و ناڤ و مێژویا وێ یانێ تێرا وێ چەندێ ھەیە بشێت بوو وەرزێ چارێ ل دیڤ ئێک ناسناڤێ چامپیونیز لیگ ب دەستخوڤە بینت و ئەو ھەموو شانازی ب خوە دبن ئەو ل یانەکا وەکو ریال مەدرید کاردکەن .
زێدەتر ناڤبری دیارکر ل سەر ئەوان پێدڤی یە ئەو ل سەر کاروانێ سەرکەفتنێن ڤێ یانێ د بەردەوام بن و چاڤێ ئەوان ل پێشکەفتنا ڤێ یانێ بەت .
ل دووماھیێ سەبارەت یاریا سوباھی ناڤبری دیارکر ئەوان بوو یاریا شەڤەکا دی پێدڤی ب سەرکەفتنێ یە داکو ل سەر کاروانێ خوە بوو پاراستنا ناسناڤێ چارێ ل دیڤ ئێک بەردەوام بن و ڤێ یاری نابینت یا ب سانەھی یە بەروڤاژی ئەو یانا ب گەھیتە قوناغا ١٦ ئەوێ چەندێ د گەھینت یانەکا ب ھێزە و پێدڤی یە رێزگرتنەکا مەزن ل تیما بەرامبەر خوە بگرین.