ئه‌ڤرۆنيوز:
ئه‌ندامه‌كێ فراكسيۆنا پارتى ديموكراتى كوردستان ل په‌رله‌مانێ عيراقێ راگه‌هاند، پشتى په‌سه‌ندكرنا بودجا عيراقێ وخه‌رجكرنا پارێ فه‌رمانبه‌رێن هه‌رێما كوردستانێ، مووچه دێ بێ پاشكه‌فت هێته به‌لاڤكرن”.
ناسر هه‌ركى، ئه‌ندامێ په‌رله‌مانێ عيراقێ ژ فراكسيۆنا پارتى زێده‌تر دداخۆيانيه‌كا رۆژنامه‌ڤانى دا گۆت” ئه‌و بريارێن ب مه‌ره‌ما زێده‌كرنا مووچێ فه‌رمانبه‌ران دهێنه ده‌ركرن، دێ هه‌رێما كوردستانێ ژى ڤه‌گرن”.
ئه‌ڤرۆنيوز:
په‌يڤدارێ پارتى ديموكراتى كوردستان به‌رسڤا شيره‌تكاره‌كێ سه‌رۆ كۆمارا عيراقێ دده‌ت كو ل كه‌نالێ العراقيه داخۆيانيه‌ك دابوو.
مه‌حموود محه‌مه‌د، په‌يڤدارێ پارتى ديموكراتى كوردستان دبه‌رسڤا ئه‌مير كينانى، شيره‌تكارێ سه‌رۆك كۆمارا عيراقێ، به‌لاڤكر” ئاخڤتنێن ئه‌مير كينانى شيره‌تكارێ سه‌رۆك كۆمارا عيراقێ ل دۆر باره‌تێ سه‌رۆك كۆمار وبارزانى ل گه‌ل ته‌له‌ڤزيۆنا العراقيه جهێ حێبه‌تيێ نه، دبيت ئه‌و كه‌سه هه‌ر ژ ده‌مێ بوويه شيره‌تكار، بزاڤا شووشتنا مێشكێ وى هاتبيته كرن”.
په‌يڤدارێ پارتى گۆت ژى”دبه‌رسڤا ئاخڤتنێن وى يێن نه‌راست دبێژين، هه‌كه ئيرانێ حه‌ز لێ نه‌با ونه‌ڤيابا، نه تو نوكه شيره‌تكارێ سه‌رۆك كۆمارى باى ونه ئه‌وێ نوكه بوويه سه‌رۆك كۆمار، نه دبو سه‌رۆك كۆمار”.
لەوەڵامی قسە ناڕاستەکانیشیدا دەڵێین، ئەگەر ئێران حەزی لێ نەبا و نەیویستبا نە بەڕێزت ئێستا ڕاوێژکاری سەرۆک کۆمار دەبووی و نە ئەوەی ئێستا بووەتە سەرۆک کۆمار، دەبوو بە سەرۆک کۆمار.
مەحموود محەمەد
گوتەبێژی پارتی دیموکراتی کوردستان
٩ـی ٢ـی ٢٠١٩
ئه‌ڤرۆنيوز:
په‌يڤدارێ فه‌رمى يێ ئێكه‌تى نيشتمانى كوردستان راگه‌هاند، ره‌وشا ساخله‌مى يا هيرۆ ئيبراهيم ئه‌حمه‌د ئه‌نداما مه‌كته‌با سياسى يا ئێكه‌تيێ يا باش نينه.
سه‌عدى ئه‌حمه‌د پيره، ئه‌ندامێ مه‌كته‌با سياسى يا ئێكه‌تيێ وپه‌يڤدارێ فه‌رمى يێ ئێكه‌تيێ دكونفرانسه‌كێ رۆژنامه‌ڤانى دا پشتى ب دووماهى هاتنا كۆمبوونا مه‌كته‌با سياسى يا ئێكه‌تيێ، دبه‌رسڤا پرسياره‌كێ دا ل دۆر ئه‌گه‌رێ پشكدارى نه‌كرنا هيرۆ ئيبراهيم ئه‌حمه‌د دكۆمبوونێن مه‌كته‌با سياسى يا ئێكه‌تيێ دا، گۆت” ساخله‌ميا هيرۆ خانێ يا باش ننيه له‌وما نوكه پشكداريێ دكۆمبوونان دا ناكه‌ت”.
ئه‌ڤرۆ نیوز، نه‌وزاد هلۆرى:
ئەڤرۆ نیوز:
پشتی بەری دەمەکێ کێم یانا ریال مەدرید شیا دێربیا مەدرید د بەرژوەندیا خوە دا ب دووماھیی بینت دەمێ ب سەرکەفتی ل سەر ھەڤرکا خوە یانا ئەتلەتیکو مەدرید ب سێ گولان بەرامبەر گولەکێ و پێشڤە چوویە رێزا دوێ ب ٤٥ خالان و کابتنێ یانا مەلەکی سێرجیو راموس د داخویانیەکێ دا بوو کەنالێ بین سپورت پشتی یاری دیاکر ئەو ھەژی سەرکەفتنێ بوون دڤێ یاریێ دا و ھەموو یاریزان ل گوپیتکا ئاستێ خوە دا بوون .
زێده‌تر کابتنێ ریال مه‌درید دیارکر سەرکەفتنا ل یاریا ئەڤرۆ بوو پالدەرەکێ ب ھێزتر ئەو ھەڤرکیا ناسناڤێ خولێ بکەن ھەر چەندە ئەو باش دزانن یا ب سانەھی نابیت ژبەرکو ھەڤرکا ئەوان یانا بەرشەلۆنا ژی نوکە د باشترین رەوشا خوە دایە لێ ئەو دەستا ژ ھەڤرکیێ بەرنادەن ژبەرکو ھێشتا دەلیڤە و گەلەک یاری ماینە.
ئه‌ڤرۆنيوز:
به‌رى ده‌مه‌كێ كێم ياريا يانا لێڤه‌رپۆل ومێهڤانا وێ بورنموس ب ئه‌نجامێ 3-0 بۆ لێڤه‌رپۆل ب دووماهى هات وب ڤێ چه‌ندێ لێڤه‌رپۆل جاره‌كادى هاته سه‌رێ رێزبه‌ندا خۆلا ئينگليزى يا ته‌پا پێ.
هه‌رسێ گۆلێن لێڤه‌رپۆل ژلايێ ياريكه‌رێن وێ مانى وفاينالدۆم وسه‌لاح ل خۆله‌كێن 24 و34 و 48 هاتن تۆماركرن.
ب ڤى ئه‌نجامى لێڤه‌رپۆل خالێن خوه گه‌هاندنه 65 خالان ل سه‌رێ رێزبه‌ندا خۆلێ ب جوداهيا 3 خالان ژ يانا مانشسته‌ر سيتى ويانا بورنموس ب 33 خالان ل رێزا 11 دهێت.
ئه‌ڤرۆ نیوز:
سه‌رۆك مه‌سعود بارزانی ئه‌ڤرۆ 2019/2/9 ل سه‌لاحه‌دین پێشوازی ل خه‌میس خه‌نجه‌ر سه‌رۆكێ مه‌شروعێ عه‌ره‌بی و شاندێ ل گه‌ل دا كر.
د دیداره‌كێ دا ره‌وشا سیاسی یا عیراقێ و بزاڤێن ته‌مامكرنا حوكمه‌تا نوو یا عیراقێ و پشته‌ڤانیكرنا سه‌رۆك وه‌زیرێن عیراقێ و كابینا وی گه‌نگه‌شه كرن.
د پشكه‌كا دی یا دیدارێ دا، بیرورا ل دۆر ب ده‌ستڤه ئینانا سه‌قامگیریێ و دوباره ئاڤاكرنا ده‌ڤه‌رێن زیان ل شه‌رێ داعشێ ڤێكه‌فتین لهه‌ڤ گۆهاڕتن.
ئەڤرۆ نیوز:
فەرشید محەمەدی چاڤدێرێ سیاسی ل باژێرێ ئورمیێ یێ رۆژهەلاتێ کوردستانێ بۆ ئەڤرۆ نیوز دیار کر کو دوهی مەلایێ گوندێ کورانە یێ هەرێما سوما و برادوست ژ ئالیێ هێزێن ئێمناهیێ یێ ئیرانێ ڤە هاتە قوتان و پاشی ژی هاتە دەستەسەر کرن.
دۆر ئەگەرێن دەستەسەرکرنا مەلا عیسا ئازەری ژی دیار کر کو ناڤهاتی چەندین جاران رەخنە ل هەلویستێ بەرپرسێن ئیرانێ ل دۆر مافێ کوردان و زۆرداریا ل سەر کۆلبەران گرتبوون و داخواز ژ بەرپرسێن ئیرانێ کربوون وەکو برا سەرەدەریێ ل گەل کوردان بکەن، ژ بەر هندێ ژی دوهی پشتی گەلەک سڤکاتی پێ هاتە کرن مەلا عیسا ئازەری هاتە دەستەسەر کرن و هەتا نها ژی کەسوکارێن وی نزانن کا ل کیڤە یە.
ئەڤرۆ نیوز، نەوزاد ھلۆری:
پەیڤدارێ دەستەیا گەشتوگۆزار یا ھەرێما کوردستانێ دیارکر کو ئەو یێ بەرھەڤیان دکەن بۆ ڤەکرنا ھژمارەکا فیستەڤال و پێشانگەھێن تایبەت ب وەرزێ زستان و گەشتوگۆزارێ ل دەڤەرێن جوداجودایێن کوردستانێ، ئەڤە زێدەباری وێ یەکێ کو بەرھەڤی دھێنەکرن بۆ ئەنجامدانا سێیەم کەرنەڤالا خلیشاندنا ل سەر بەفرێ ل سنوورێ قەزا سۆران.
زێدەتر نادر روستایی، بۆ ئەڤرۆ نیوز گۆت: ب گورەی پلانا سالا ٢٠١٩ یا دەستەیا گەشتوگۆزارا ھەرێما کوردستانێ ب مەرەما زێدەکرنا گەشتیاران د ھەموو وەرزێن سالێ دا، ھژمارەکا چالاکیێن دێ ب رێڤەچن.
زێدەتر گۆت: رۆژا ١٠/٢/٢٠١٩ دێ کەرنەڤالەکا خلشاندنا سەر بەفرێ ل چیایێ کورەک یا سەر ب قەزا سۆران ب رێڤەچیت و تێدا ٣٠ دیدار ل گەل کومپانیێن عیراقی ھێتەکرن بۆ راکێشان و ئینانا گەشتیارێن زێدەتر بۆ دەڤەرێن بەفرین یێن ھەرێما کوردستانێ، ئەڤ یەک ژی دێ ژلایێ رێڤەبەریا گەشتوگۆزارا سۆران و بنگەھێ گەشتوگۆزارا چومان و ب سپونەسەریا کورەک بیت، دیسان لرۆژا ١٧بۆ ٢٠ ھەیڤا شوبات ٢٠١٩ مەزنترین پێشانگەھا گەشتوگۆزارێ دێ ل ھەولێرێ ھێتەڤەکرن، لرۆژا ٢١/٢/٢٠١٩ رێڤەبەریا گەشتوگۆزارا سلێمانیێ دێ کوربەندەکی بۆ ھژمارەکا کومپانیێن عیراقی ڤەکەت، ئەڤە ھەموو ب مەرەما زێدەتر راکێشانا گەشتیاران دێ ھێنە ئەنجامدان.
نيشاندان