ئەڤرۆ نیوز:
گولچیێ یانا ریال مەدرید کیلور ناڤاس ئەوێ ل شەڤا بوری شیای ئاستەکێ بلند ل یاریا کلاسیکو دا بەرامبەر بەرشەلۆنا پێشکێش بکەت ئەوا ب دووماھیی ھاتی ب گولەکێ بوو ھەر یانەکێ د داخویانیەکێ دا رۆژناما مارکا ئیسپانی دیارکر ئەوان بەری یاریێ د زانی دەستپێکێ ئەو دێ گولێ ل سەر بەرشەلۆنا توماربکەن ژبەرکو یاریزانێن ئەوان بوو وێ یاریێ ب ھێز و گیانەکێ مەزن چوبوونە دناڤا کەشو ھەوایێ یاریێ دا و د شیان دا بوون ئەو زێدەتر ژ گولەکێ توماربکەن .
زێدەتر ناڤاس دیارکر ھەردو یانا شیان ئاستەکێ باش توماربکەن کو کنترولا یاری یا دابەشکری بوو ل سەر دو دەمان ل نیڤا ئێکێ ھەتا رادەیەکێ مەزن ئەوان کونترولا یاری کربوو ل نیڤا دوێ بەروڤاژی بەرشەلۆنا باشتر خوە دیارکر ئەو دبینت ھەردو یانا ئاستەکێ باش پێشکێشکر.
سەبارەت ئەوان ھێرشێن مسوگەر ئەوێن ریال ژێ قورتالکری ناڤبری دیارکر سوپاس ب خودێ ئەو دڤێ یاریێ دا یێ سەرکەفتی بوو ھەردیسان ل یاریێن مەزن دا ئەو سوباس بوو خودێ ھێزەکا دی و ب گیانەکێ مەزن یاریێ کەت .
ل دووماھیی سەبارەت یاریا ٢٧-٢-٢٠١٩ کو دبیتە یاریا دوێ بەرامبەر بەرشەلۆنا بوو دەست نیشانکرنا پلێتا دووماھیا قارەمانیێ کاسا ئیسپانیا ناڤبری دیارکر ل سەر ئەوان پێدڤی یە بەرھەڤیەکا باشتر بوو وێ یاریێ بکەن ژبەرکو ئەو دبینت دێ دەلیڤەیا ئەوان ھێشتا ب زەحمەتر بیت .

ئەڤرۆ نیوز:
ژ چارچوڤێ یاریێن قوناغا پێش دووماھیا کاسا شاھێ ئیسپانیا ھەردو یانێن بەرشەلۆنا و ریال مەدرید ل یاریا کلاسیکویا ئیسپانیا ب گولەکێ وەکھەڤبوون دوێ یاریێ دا ئەوا ل شەڤا بوری ل یاریگەھا کامپ نوو ھاتیەکرن و بریارە یاریا دوێ ل یاریا سانتیاگو برنابیو ل دووماھیا ڤێ ھەیڤێ بھێتەکرن.
راھێنەرێ یانا ریال مەدرید یێ ئەرژەنتینی سولاری پشتی یاریا ئەڤا بوری ل کونگرێ رۆژنامەڤانی دیارکر د شیانێن ئەوان دا ھەبوو ب سەرکەفتن ل یاریگەھا کامپ نوو ڤەگەرن ژبەرکو ل نیڤا ئێکێ دا ئەوان ئاستەکێ بلند پێشکێشکر و یاریزانێن ئەوان چەندین دەلیڤەیێن مسوگەر یێن گولێ ژ دەستدان لێ ھەر چەوا بیت ئەو ب وەکھەڤیێ ژی ژ ئاستێ یاریزانێن خوە رازی یە ژبەرکو ئاستەکێ بلند پێشکێشکر تایبەت ل نیڤا ئێکێ و ل چارێکا دووماھیێ ژ نیڤا دوێ.
زێدەتر ناڤبری دیارکر ھێشتا ئەوان دەلیڤە مایە دەربازبنە یاریا دووماھیێ تایبەت یاریا بھێت دێ ل ناڤ ئەرد و جەماوەرێ خوە یاری کەن و ئەوی باوەری ب شیانێن یاریزانێن خوە ھەیە دێ ل یاریگەھا سانتیاگو گوتنەکا دی ھەبیت .
ل دووماھیێ سەبارەت ئاستێ ھەردو یاریزانان ڤینیسوس و مارسَلوی ناڤبری دیارکر مارسَلو سەرکێشێ دوێ یێ تیما ئەوانە و نوکە د رەوشەکا گەلەک باش دایە تایبەت ل یاریا کلاسیکویا ١٠٠% ئەو یێ سەرکەفتی بوو سەبارەت ڤینیسوس ئەو نوکە د ژیێ ١٨ سالی دایە و ئەو دبینت پاشەرۆژەکا گەلەک مەزن ل بەریا ڤی یاریزانی یە لێ ل یاریا شەڤا بوری د شیانێن ئەوی دا ھەبوون ئاستەکێ باشتر پێشکێش بکەت

ئەڤرۆ نیوز:
پشتی بەرەڤانێ بەرنیاس یێ ھەلبژارتیێ مەغرەب و یانا یوڤانتوس یێ بەری نوکە مەھدی بن عەتیە ھەڤبەستێن یانێن مەزن ل ئورۆپا رەتکرین و بەر ب خۆلا قەتەر ڤە چووین گەلەک گازندە ژلایێ راگەھاندنا جیھانی و تایبەت عەرەبی بوو ھاتن .
یاریزانێ ناڤبری د داخویانیەکێ بوو ئێک ژ مالپەرێن قەتەری دیارکر ئەگەرێ ھاتنا وی بوو خۆلا قەتەر ئەو بوو ئەو دخوازیت زاروکێن وی ڤێری کەشو ھەوایێ ئیسلامی بەن و دیارکر ژی ئەویل وەرزێ بوری ھزر ل کرنا یاریی ل ئێک ژ وەلاتێن عەرەبی کربوو کو سێ ھەلبژارتن ل بەر ئەوی بوون ئەوژی خۆلا سعودی یان ئیمارات یان قەتەر لێ ل دووماھیێ ئەوی ھەڤبەستا دحیل یا قەتەری ئیمزاکر .
ھەژی گوتنێ یە مەھدی بن عەتیە ئێک ژ بەرەڤانێن بەرنیاس ل سەر ئاستێ خولێن ئورۆپی و ل چەندین یانێن مەزن ل سەر ئاستێ ئورۆپا یاری کریە ئەوژی یانێن روما و یوڤانتوس یێن ئیتالی و بایرن میونیخ یا ئەلمانی