ئەڤرۆ نیۆز، رێوار محەمەد رەشید:
عادل عەبدولرەحمان، ئەکتەرەکێ کوردە کو نوکە ل پارێزگەها دهۆکێ دژیت ئاشکرا کر کو پشتی وی ل هەیاما بۆری وەکو ئەکتەرەکێ سەرەکی پشکداری د فلەمەکی دا کری شیا بۆ جارا چارێ خەلاتێ باشترین ئەکتەر د فلمە فیستەڤالەکا نێڤدەولەتی دا ب دەست خوەڤە بینیت.
عادل عەبدولرحمان دیار کر کو ئەو ئەکتەرێ سەرەکی بۆ د فلمێ (بارێ گران) دا یێ ژ دەرهێنانا (یەلماز ئوزدێل) و ل رۆژێن بۆری خەلاتێ باشترین ئەکتەر ل دویەمین فلمە فیستیڤالا نێڤدەولەتی یا فلمان “بوخارست_رومانیا” ب دەست خوەڤە ئینا و گۆت: “بەری نوکە ژی وەکو باشترین ئەکتەر د هەمان فلم دا من سێ خەلاتێن نێڤدەولەتی ل فلمە فیستەڤالێن (مەکسیک، بەرشەلونە، ئیتالیا) وەرگرتینە”.
ئه‌ڤرۆ نیوز:
په‌یڤدارێ وه‌زاره‌تا ساخله‌میا هه‌رێما كوردستانێ دیاركر ب هاتنا ده‌روێشان بێ پشكنین مه‌ترسیه‌كا زۆر مه‌زنه و ده‌می دو سێ هه‌فتیێن بهێت دێ كارتێكرنێن هاتنا وان ده‌ركه‌ڤن.
د.محه‌مه‌د خوشناو په‌یڤدارێ وه‌زاره‌تا ساخله‌میا حكومه‌تا هه‌رێما كوردستانێ راگه‌هاند ل هه‌موو پارێزگه‌هان خرڤه‌بوونێن ئاینی و شینی هاتینه قه‌ده‌غه‌كرن، به‌لێ ئه‌ڤ خرڤه‌بوون و ده‌مێ ڤه‌شارتنێ ده‌ردكه‌ڤیت زۆر مه‌زنه و هندی مه‌زناهیا وێ مه‌ترسیێ دروست دكه‌ت، هه‌كه ئه‌ڤ تازیه بهێته ئه‌نجام دان ب راستی ل دو سێ هه‌فتیان پێشبینیا كاره‌ساته‌كا مه‌زن دهێته‌كرن و دڤێت ل بیرا مه بیت كۆ به‌ركه‌تنا راسته‌خو ل ده‌مێ ئێك بۆ دو هه‌فتیان ده‌رناكه‌فیت به‌لكو پێدڤی ب ده‌می هه‌یه، تایبه‌ت ب تازیان، به‌لكو پێدڤی ب ده‌می هه‌یه تایبه‌ت ئه‌ڤێ تازیێ،داخوازێ ژ وه‌لاتیان دكه‌ین خو دیر بكه‌ن ژ تازی و قه‌ره‌بالفیان و داخازێ ژ لایه‌نێن په‌یوه‌ندیدار دكه‌ین رێكێ نه‌ده‌ن تازی بهێته دان ب هه‌ر شیوه‌یه‌كی بیت.
ناڤبری ئه‌و چه‌نده ژی دازانین مه‌ترسیا به‌ربه‌لاڤبوونا ڤایرۆسێ كورونایێ ب رێا ئه‌ڤان ده‌روێشان دێ هه‌موو ئه‌وان جهان ڤه‌گریت كو تێدا ده‌رباز دبن بێگۆمان هه جهێ زێده‌تر لی ب مینن دێ پتر مه‌ترسیێ لی په‌یدا كه‌ن.
ئەڤرۆ نیوز، عەلی حاجی :
بەرپرسێ راگەهاندنا رێڤەبەریا پولیسێن دهوکێ د کونگرەیەکێ روژنامەڤانی دا بۆ دەزگایێن راگەهاندنێ دیار کر: پشتی ل رێکەڤتی ٥/٧/٢٠٢٠ ل سەر جادا گشتی یا دادگەها زاخۆ کەسەکێ رابوو ب تاوانا کوشتنێ، ئەڤرۆ وی ب کوژی خوە رادەستی هێزێن ئەمنی کر.
زێدەتر موقەدەم هێمن سلێمانی گۆت : ئەو ب کوژێ ل رێکەڤتی ٥/٧/٢٠٢٠ رابووی ب کوشتنا کەسەکێ ٣٥ سالی بناڤێ حەجی ئەحمەد ب گولەیێن دەبانجێ ل سەر جاددەیا سەرەکی یا دادگەها زاخۆ و تومەتبار ژ جهێ روودانێ بەرەڤ جهەکێ نەدیار رەڤی و پشتی پولیسان شیایی هەمی پێزانینان ل دور بکوژی تومار بکەت کو دیار بوو گەنجەکێ ٢٢ سالی بناڤێ ( م س ح ) رابویە ب وێ روودانێ و ئێکسەر فەرمانا گرتنێ ژلایێ دادگەها ڤەکولینێ ل زاخۆ بۆ وی تومەتباری دەرچوو بەلێ پشتی روودانێ وی بکوژی خوە بەرزە کر و رادەستی پولیسان نەکر،پشتی چار روژان ژ ليگەریان و کارکرنێ ژلایێ پولیسێن پارێزگەها دهوک و ئەفسەرێن پولیسێن زاخۆ و ب هەڤکاریا کەس و کارێن بکوژی، ئەڤرۆ پێنجشەمبێ ٩/٧/٢٠٢٠ ل دەمژمێر ٥:٠٠ ئێڤاری خوە رادەستی پولیسێن زاخۆ کر و نوکە دا ل ژێر ڤەکولینێ دایە لدڤ بەندێ ٤٠٦ ژ یاسایێن سزادانێ.
ئه‌ڤرۆ نیوز، هه‌ژار مه‌عروف:
پشتى هاتیه به‌لاڤه‌كرن شه‌ش یاریزانێن یانا زاخۆ یێن وه‌رزێ 2015-2016 سكالا ل سه‌ر یانا زاخۆ توماركریه ل ئێكه‌تیا ئاسیا یا ته‌پا پێ بوو وه‌رگرتنا ماڤێن خوه یێن وى وه‌رزى كو ئه‌و شه‌ش یاریزان ژى هه‌ر ئێك ژ یاریزانان جاسم محه‌مه‌د حاجى و دلوڤان مه‌هدى و سه‌فا جه‌بار و حسێن عه‌بدلواحد ئه‌مجه‌د ره‌حیم و عه‌لى سه‌عد.
پشتى به‌لاڤبوونا بوو ده‌نگوباسى كارگێریا یانا زاخۆ ژى هاتیه ده‌نگ و رێڤه‌به‌رێ تیما ته‌پا پێ یا زاخۆ ته‌ها زاخوى د د داخویانیه‌كێ دا بۆ ئه‌ڤرۆ نیوز دیاركر پێنچ سال ل سه‌ر وێ رێككه‌فتنێ ده‌ربازبووینه و ل دیڤ یاسایا ته‌پا پێ یا فیفا هه‌كه یاریزان ل دو سالێن ئێكێ سكالایێ ل سه‌ر یانێ تومارنه‌كه‌ت ئه‌وى یاریزانى ماڤ نینه داخوازیا ماڤێ خوه بكه‌ت پشتى بورینا سێ سالان و یا ئه‌ڤان شه‌ش یاریزانان ژى پێنچ سال سه‌ر ده‌ربازبووینه.
زێده‌تر ناڤبرى دیاركر ژى چ كارتێكرن ل سه‌ر ره‌وشا یانا زاخۆ ناكه‌ت و یا ب زه‌حمه‌ته ئه‌و یاریزان دادگه‌هێ ب ده‌ستخوڤه بینن ژبه‌ركو ل ئێكه‌تیا فیفا و ئاسیا هه‌كه دو سال سه‌ر ده‌ربازبوون مافێ وى یاریزانى دهێته سوتن.
ئەڤرۆ نیوز:
ژ پێخەمەت پشکداریەکا زێدەتر یا ژنان د پۆستێن برێڤەبرنا وی وەلاتی دا، حوکمەتا ئەفغانستانێ بریار دا، جێگرێن هەموو پارێزگارێن وی وەلاتی ژن بن.
سەدەق سدقی پەیڤدارێ بناڤێ سەرۆكاتیا كۆمارا ئەفغانستانێ راگەهاند: ب بڕیارا جڤاتا وەزیران و ل سەر دەست پێشخەریا وەزارەتا كاروبارێن ژنان، جێگرێن هەموو پارێزگارێن ئەفغانستانێ پێدڤییە ژن بن، مەرەم ژڤێ بریارێ ئەوە ژن پشکداریەكا زێدەتر د برێڤەبرنا وەلاتی دا بکەت.
ئەفغانستان ئێكە ژ وان وەلاتان، کو ڕێژەكا زۆر یا توندوتیژیێ ل هەمبەر ژنان تێدا دهێتە ئەنجامدان، د ژیەكێ گەلەک بچووكدا كچ دهێنە نەچاركرن شوو بكەن.
ئەڤرۆ نیوز:
وەزارەتا ساخلەمی و ژینگەها عیراقێ راگەهاند: د دەمێ 24 دەمژمێرێن بوریدا 2170 حالەتێن نوو یێن تووشبوونێ ب ڤایرۆسێ كۆرۆنایێ ل عیراقێ هاتینە توماركرن، نوکە هژمارا گشتی یا تووشبوویێن كۆرۆنایێ ل عیراقێ گەهشتە 69 هزار و 612 كەسان.
هەروەسا گۆتیە: د 24 دەمژمێران دان، 103 تووشبوویێن ڤایرۆسێ کۆرۆنایێ ل عیراقێ مرینە، نوکە هژمارا وەغەرکریان ب ڤی ڤایرۆسی گەهشتیە 2882 كەسان.
وەزارەتا ساخلەمیێ ئەو چەندە ژی گۆت: 1623 هەلگرێن ڤایرۆسێ کۆرۆنایێ د دەمێ 24 دەمژمێرێن بوریدا ب تەمامی چارەسەربووینە، و سەرجەمێ هژمارا حالەتێن چارەسەربوونێ گەهشتە 39 هزار و 502 كەسان
ئەڤرۆ نیوز:
دابەشکرنا مووچەی ل رۆژانێن بهێت دێ بەردەوام بیت و لدووڤ خشتێ وەزارەتا دارایی هەتا 14-7-2020 مووچێ سەرجەم وەزارەت و دەستەیان دێ هێتە دابەشکرن.
رۆژێن شەمبی و ئێکشەمبیا بهێت 11 و 12 تەمووزێ، مووچێ ئەڤان وەزارەتان دێ هێتە دابەشکرن:
کاروکاروبارێ کۆمەڵایەتی
ئەوقاف و کاروبارێن ئایینی
سامانێن سرووشتی
پلاندانان
پیشەسازی و بازرگانی
ڤەگوهاستن و گەهاندن
وەزارەتا داد
خواندنا بلند و ڤەکۆلینێن زانستی
جڤاتا دادوەری
خودان پێدڤیێن تایبەت
دیوانا چاودێریا دارایی
دەستەیا ژینگەهێ
دەستەیا وەبەرهێنانێ
دەستەیا دەستپاکیێ
کۆمیسیۆنا هەلبژارتنان
دەزگەهێ مینا
دەستەیا مافێ مرۆڤی
دەڤەرێن دەرڤەی هەرێما کوردستانێ
هەروەسا رۆژێن دووشەمبی 13-7-2020، مووچێ ئەڤان وەزارەتان دێ هێتە دابەشکرن:
شارەوانی و گەشتوگوزار
وەزارەتا کارەبێ
چاندن و ژێدەرێن ئاڤێ
رەوشەنبیری و لاوان
ئاڤەدانکردن و نیشتەجێکرن
سەرۆکایەتیا هەرێما کوردستانێ
پەرلەمانێ کوردستانێ
جڤاتا وەزیران
ئەڤرۆ نیوز:
لیوا مەریوان شێخ کەمال سەرپەرشتیارێ دەروازێ نێڤدەولەتی یێ باشماخ راگەهاند کو پتر ژ ٢٠٠ دەروێشێن شێخ محەمەد کەسنەزانی ب شمشێر و چەقویان هێرشی هێزێن ئەمنی کرینە.
ناڤهاتی راگەهاند کو ئەو دەروێشە ژ رۆژهەلاتێ کوردستانێ هاتینە و دخوازن ب رێیێن نەئاسایی دەربازی هەرێما کوردستانێ ببن و پشکداریێ د تازیا شێخ محەمەد کەسنەزانی بکەن.
ل گۆر زانیاریێن ئەڤرۆ نیوز دەنگێ تەقەیەک مەزن ل سەر سنورێ باشماخ دهێت و هێزێن ئاسایشا ژی بزاڤا هندێ دکەن کو بارودوخی کۆنترۆل بکەن.
نيشاندان