ئه‌ڤرۆنيوز، عه‌زيز ره‌سول:
فيسته‌ڤالا گياى يا پێنجێ ئه‌ڤرۆ پێنجشه‌مبى 5/4/2018 ل هه‌له‌بجه هاته گێران.
ب وێنه – فيسته‌ڤالا گيايى يا پێنجێ هاته گێران
نووترين نووچه
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
- گرنگە پڕۆژەیێ (هەژمارا من) بەردەوام بیت
- سەرۆكێ حوكمەتا هەرێمێ بۆ گوپیتكا جیهانییا سەقای هاتە ڤەخواندن
- پترییا كێشەیان دێ هێنە چارەسەركرن
سه‌ره‌كى Twitter
عه‌فرینێ شكەستن ب لووتكه‌یا سێ قۆلى ئینا
ئەڤرۆ نیوز ، زنار تۆڤی :
رۆژناما عه‌ره‌ب یا له‌نده‌نى دبێژیت، عه‌فرینێ شكەستن ب لووتكه‌یڵ سێ قۆلی یا دناڤبەرا توركیا و ئێرانێ و رووسیا ئینا،یا کو ل دوو رۆژێن بوری ل ئەنقەرە برێڤە چووی.
رۆژناما عه‌ره‌ب یا له‌نده‌نى د راپۆرتەكێدا دەرخستیە کو عه‌فرین خالا ناكۆكیێ دناڤبەرا لووتكه‌یا سێ قۆلی یا رووسیا و ئێران و توركیا بوویه، ئەڤەژی بەیانناما وانە.
ل دوو رۆژێن بوریدا لووتكه‌ى ئه‌نقه‌ره دناڤبەرا سه‌رۆكێن هه‌رسێ وەلاتێن ئیران و توركیا و رووسیا هاتیە ئه‌نجامدان، ل دەمێ بەلاڤبوونا به‌یانناما دوماهیێ یا وێ لووتكه‌یێ، ته‌له‌ڤزیۆنا فه‌رمى یا ئیرانێ بەلاڤ كریه، کو حه‌سه‌ن رووحانى سه‌رۆكێ ئیرانێ داخواز دکەت کو باژێرێ عه‌فرینێ راده‌ستى رژێما به‌شار ئه‌سه‌دی بکەت.
رۆژناما عه‌ره‌ب گوتیە ژی، ئیرانێ دڤێت پارێزگاریێ ل ده‌ستهه‌لاتا به‌شار ئه‌سه‌دی بكەت،لێ توركیا دڤێت دەلیڤا شەرێ سار یێ دناڤبەرا رووسیا و ئه‌مه‌ریكا ب دەست بێخیت بۆ هندێ کو ده‌ستهه‌لاتا خوە ل سووریێ زێدە بكەت، ئه‌ڤێ ژی دو ئاراستێن ل دژی ئێک د پەیوەندیێن وێدا هەنە،ئەرێ رووسیا ب سه‌رۆكاتیا ڤلادیمێر پوتینی دێ شێت هەڤسه‌نگیا ڤێ به‌رژه‌وه‌ندیێ راگریت.
هه‌ر چه‌نده د به‌یانناما دوماهیێ دا بەحس ل چاره‌سه‌ركرنا كێشا سووریا هاتیە كرن ژ روویێ سیاسیڤه، هه‌ر سێ وەلاتان دووپاتی ل ڤێ خالێ كریه، به‌لێ لدووڤ رۆژناما عه‌ره‌ب ئه‌وا د وێ كۆمبوونێ دا رووی دای بەرۆڤاژی ڤێ خالێ یه، ب واتایا هندێ ئه‌وا ل سووریا ل مه‌یدانا شەری روو ددەت دێ رێگر بیت ل چاره‌سه‌ركرنا كێشێن سووریێ ب رێیا سیاسیڤه،ب تایبه‌تى ئه‌وا ل عه‌فرینێ و غۆته‌یا رۆژهه‌لات روو ددەت.
توركیا ل 18 ئادارێ عه‌فرین داگیر كریه،لدووڤ هه‌موو قانوونێن نێڤده‌ولەتی داگیركاری ئه‌نجام دایه، ئیرانێ پێداگیرى ل سه‌ر ڤەكێشانا توركیا دکەت نه‌كو ب تنێ ژبەر هندێ پێشێلکاریا قانوونی كریه، به‌لكو ئیرانێ دڤێت زۆربه‌یا دەڤەرێن سووریا بۆ رژێما ئه‌سه‌دی ڤەگەرینیت.
لدووڤ چاڤدێرێن سیاسى، لووتكه‌یا سێ قۆلی یا ئه‌نقه‌ره ب تنێ بۆ فشاركرنێ بوو ل سه‌ر ئه‌مریكا،لەوما وەلاتێن رۆژئاڤا كارڤەدانەکا ئه‌رێنی بۆ ڤێ لووتكه‌یێ نه‌بوو، نیلسن ئانه‌ن وه‌زیرێ ده‌وله‌تێ یێ ئه‌ڵمانیا بۆ كاروبارێن ده‌رڤە، ئەڤ لووتكه‌یە ب لووتكه‌یا شەری وه‌سف كریە.
حوكمه‌تا هه‌رێمێ رۆژه‌كا بێهنڤه‌دانێ راگه‌هاند
ئه‌ڤرۆنيوز:
په‌يڤدارێ حوكمه‌تا هه‌رێما كوردستانێ ئه‌ڤرۆ پێنجشه‌مبى 5/4/2018 راگه‌هاند، رۆژا دوشه‌مبيا بهێت بێهنڤه‌دانا فه‌رمى يه.
سه‌فين دزه‌يى، په‌يڤدارێ فه‌رميێ حوكمه‌تا هه‌رێما كوردستانێ گۆت” رۆژا دوشه‌مبى 9/4/2018 وب هه‌لكه‌فتا بيرهاتنا ئازادكرنا عيراقێ، بێهنڤه‌دانا فه‌رمى يه ل هه‌موو داموده‌زگه‌هێن حوكمه‌تا هه‌رێما كوردستانێ”.
ئاشكرا كر ژى” رۆژا ئێكشه‌مبى 8/4/2018 ده‌وام يا ئاسايى يه ونابيته بێهنڤه‌دان”.
به‌غدا برياره‌ك ل دۆر زڤراندنا پارێ ژفه‌رمانبه‌ران هاتيه برين ده‌ركر
ئه‌ڤرۆنيوز:
حوكمه‌تا عيراقێ برياردا ئه‌و كوژمێ پاره‌يێ ژ فه‌رمانبه‌رێن عيراقى ژ 1/1/2018 هه‌تا هه‌يڤا ئادارا 2018 هاتيه برين، بۆ بهێته زڤراندن.
وه‌زاره‌تا دارايى يا عيراقى ب نڤيسارا خوه يا هژمار 9557 كو ل رۆژا سێشه‌مبى 3/4/2018 هاتيه ده‌ركرن بريارا هه‌لوه‌شاندنا برينا رێژا 3،8% ژ مووچێ هه‌موو فه‌رمانبه‌رێن عيراقێ وخانه‌نشينان ده‌ركر.
وه‌زاره‌تا دارايى يا عيراقى بريار دا ژى ئه‌و رێژێن ژ 1/1/2018 هه‌تا 31/3/2018 ژ مووچێ فه‌رمانبه‌ر وخانه‌نشينێن عيراقێ هاتيه برين، بۆ وان بهێنه زڤراندن.
پشتى دروستبوونا شه‌رێ داعشێ، حوكمه‌تا عيراقێ بۆ ده‌مێ دو سالان هه‌يڤانه رێژا 3،8% ژ مووچێ هه‌موو فه‌رمانبه‌رێن عيراقێ دبرى ب بيانوويا قه‌يرانا دارايى وپێدانا وێ رێژێ ب هێزێن حه‌شدا شه‌عبى وئاواران، به‌لێ د بودجا گشتى يا عيراقێ دا بۆ سالا 2018 ئه‌و برگه‌يه يا هاتيه لادان.
بابه‌كر زێباری:ده‌رگه‌هێ سێمالكا نه‌هاتيه داخستن
ئه‌ڤرۆنيوز:
به‌رپرسێ ميحوه‌رێ رۆژئاڤايێ ديجله راگه‌هاند، مه‌ره‌ما توپبارانكرنا توركى ئاخا سووريێ بوو، نه‌كو يا هه‌رێما كوردستانێ، ره‌تكر ژى ژ ئه‌گه‌رێ توپبارانكرنێ ده‌رگه‌هێ سێمالكا هاتبيته داخستن.
دهنده‌ك ده‌زگه‌هێن راگه‌هاندنێ دا هاتبوو به‌لاڤكرن كو توركيا سنورێ زاخۆ يێ توپبارانكرى وژئه‌گه‌رێ وێ چه‌ندێ ده‌رگه‌هێ سێمالكا يێ سنورى هاتيه داخستن، به‌لێ به‌رپرسێ ميحوه‌رێ رۆژئاڤايێ ديجله ڤێ چه‌ندێ ره‌ت دكه‌ت.
بابه‌كر زێباری، به‌رپرسێ میحوه‌رێ ڕۆژئاڤايێ دیجله، بۆ ماڵپه‌ڕی فه‌رمیێ پارتی دیموكراتی كوردستانی ڕاگه‌هاند: “توركیا هژماره‌كا تۆپێن دوورهاڤێژ ئاراسته‌ی ئاليێ سنورێ سووریێ كر ل سنورێ زاخۆ كو په‌يه‌ده كربوونه ئارمانج وژئه‌گه‌رێ وێ چه‌ندێ هژماره‌كا ئاسايشێن په‌يه‌دێ برينداربووينه”.
بابه‌كر زێباری گوت ژى” ژ ئه‌گه‌رێ هاڤێتنا وان توپان، ئێك ژوان كه‌فتيه سنورێ هه‌رێما كوردستانێ وب كارگه‌هه‌كا ره‌ملێ كه‌فتيه وئاگر به‌ربوويێ وچو تشته‌كى دى نه‌بوويه”.
رۆهنكر ژى” مه‌ره‌ما توركيا ژهاڤێتنا وان توپان كو هژماران وان 10 گوله‌يێن توپێ بوون، ئاخا سووريێ بوو نه‌كو يا هه‌رێما كوردستانێ وئه‌و گوله‌يا توپێ ئه‌وا ب ره‌خێ هه‌رێما كوردستانێ كه‌فتى يا بێ مه‌ره‌م بوو، له‌وما نوكه ره‌وش يا ئارام بووى”.
ل دۆر داخستنا ده‌رگه‌هێ سێمالكا ژ ئه‌گه‌رێ توپبارانكرنا توركى، به‌رپرسێ ميحوه‌رێ رۆژئاڤايێ ديجله ره‌تكر ده‌رگه‌هێ ناڤبرى هاتبيته داخستن وگۆت” ده‌رگه‌هێ سێمالكا يێ ڤه‌ركيه وچو كێشه نينن”.
فروکێن تورکیا چەند دەڤەرێن زاخۆ و ئامێدیێ توپباران دكه‌ن
ئەڤرۆ نیوز:
پشتی نیڤرۆيا ئه‌ڤرۆ چارشه‌مبى 4/4/2018 ، فروکێن تورکی چەند گوندێن سنورێ هەردو قەزایێن زاخۆ و ئامێدیێ توپبارانكرن وهەتا بەرهەڤکرنا ئەڤی نوچەی لڤينا فروکێن تورکی يا بەردوامە.
ژیدەرەکێ ل سنورێ قەزا زاخو بۆ ئەڤرۆ نیوز ئاشکراکر کو ئەڤرۆ پشتی نیڤرۆ فرۆکێن تورکی چەند گوند و جهێن سنورێ زاخو توپبارانکرن ب تایبەتی گوندێ کەشانێ.
زێدەتر گۆت”فرۆکان دو جاران توپبارانکریە و ترس ل دەف خەلکی پەیداکریە ب تایبەتی کو هژمارەکا وەلاتیان بۆ کۆمکرنا گيايێ بوهارێ قەستا چیایێن دەڤەرێ کریە”.
هه‌ر ئێڤاريا ئەڤرۆ فرۆکێن تورکیا پشتا چیایێ کورەژار ل سنورێ قەزا ئامێدیێ ژی توپبارانكرو هەتا نها دەنگێ فرۆکان و زڤرینا وان ل هنداڤى چه‌ند گوندێن سنورێ قەزا ئامێدیێ يا به‌رده‌وامه.
ل چەند روژێن بۆری ژى شەر دناڤبەرا لەشکەرێ تورکیا و چەکدارێن پەکەکێ ل سنورێ ناحیا کانی ماسێ روودا و هژمارەکا گولە و تۆپان دناڤ مالێن وەڵاتیێن گوندێ دێریشکێ کەفتن.
ڤێتێرنه‌ريا عيراقێ داخوازا راكرنا دۆرپێچێ ل سه‌ر ئينانا په‌له‌وه‌رێن هه‌رێمێ دكه‌ت
ئه‌ڤرۆنيوز:
رێڤه‌به‌ريا گشتى يا ڤێتێرنه‌ريێ ل عيراقێ داخواز وه‌زاره‌تا چاندنێ يا عيراقى دكه‌ت كو ئه‌و دۆرپێچا حوكمه‌تا عيراقێ ل سه‌ر هنارتنا په‌له‌وه‌ران ژ هه‌رێما كوردستانێ بۆ پارێزگه‌هێن عيراقێ بهێته راكرن.
رێڤه‌به‌ريا گشتى يا ناڤبرى دنڤيسارا خوه يا هژمار 5118 ل رۆژا 2/4/2918 كو ئاراسته‌ى وه‌زاره‌تا چاندنێ كرى دبێژيت” هه‌وه ئاگه‌هدار دكه‌ين كو راپۆرتێن به‌رهنگاريا نه‌خوه‌شيا به‌رسيڤا بالندان ژ هه‌رێما كوردستانێ يێن گه‌هشتين وئێدى پێدڤى ناكه‌ت رێگرى ل سه‌ر هاتنا په‌ره‌لوه‌ران وبه‌رهه‌مێن وان ژ هه‌رێما كوردستانێ بۆ پارێزگه‌هێن ناڤه‌راست وباشوورێ عيراقێ بهێته كرن”.
وه‌زاره‌تا به‌رگريا ئه‌مريكى هوشداريه‌كا توند دده‌ته له‌شكرێ توركى
ئه‌ڤرۆنيوز:
وه‌زاره‌تا به‌رگريا يا ئه‌مريكى هوشداريه‌كا توند دده‌ته توركيا ودبێژيت، ئاگه‌هداريا له‌شكرێ توركيا دكه‌ين كو هێرشێ ل سه‌ر باژێرێ مه‌نبه‌ج يێ سوورى نه‌كه‌ت، چونكى دێ ئه‌مريكا به‌رسڤێ ده‌ت.
په‌يڤدارێ وه‌زاره‌تا به‌رگريا ئه‌مريكى گۆت”هه‌كه له‌شكرێ توركى هێرشى مه‌نبه‌ج بكه‌ت، دێ له‌شكرێ ئه‌مريكى به‌رگريێ ژێ كه‌ت وئه‌و به‌رگريه ژى ب وان هه‌شت هزار و500 سه‌ربازان نابيت كو يێن ل وێرێ، به‌لكو ب هێزا 90 تانكان وهێزا ئه‌سمانى يا ئه‌مريكى كو دێ ب فرۆكێن ئه‌سمانى (ئێف 35) يێن گه‌له‌ك پێشكه‌فتى دێ هه‌ر لڤينه‌كا له‌شكرێ توركى توپباران كه‌ين، ژبلى بكارئينانا فرۆكا ستراتيژى ژ جۆرێ بى 52 كو 150 ته‌نێن ته‌قه‌مه‌نيێ بۆ توپبارانكرنێ دهه‌لگريت وهه‌موو 90 كيلۆمه‌ترێن دناڤبه‌را عه‌فرينێ ومه‌نبه‌ج دێ كه‌ته ئاگر وهه‌موو تشته‌كى توركيا ل وێرێ دێ ژناڤ به‌ت.
په‌يڤدارێ وه‌زاره‌تا به‌رگريا ئه‌مريكى گۆت ژى” ئه‌م نزانين وتێناگه‌هين ئه‌ردۆگانى چ دڤێت ده‌مێ فه‌رمان ب له‌شكرێ خوه دكه‌ت بۆ هێرشكرنێ ل سه‌ر ده‌ڤه‌ره‌كێ كو هێزا ئه‌مريكى لێ هه‌يه، ئه‌و ل سه‌ر چ بنه‌مايه‌كى دخوازيت هێرشى جهه‌كى بكه‌ت كو هێزه‌كا وه‌لاته‌كێ ئه‌ندام د په‌يمانا ناتۆى دا تێدايه وبيانوويا لێدانا كوردان وده‌وله‌تا كوردى بۆ بينيت؟”.
دياركر” هه‌ر هێرشه‌كا توركيا، هه‌رچه‌ند يا مه‌زن وبه‌رفرهه بيت، دێ گه‌له‌ك ب توندى ژئاليێ له‌شكرێ ئه‌مريكى ڤه هێته شكاندن، چونكى ئه‌مريكا ياريێ ب له‌شكرێ خوه ناكه‌ت وتوركيا باش دزانيت ئه‌مريكا چ ل عيراقێ كريه وچاوان سه‌دام حوسێن رامالى”.
خوياكر ژى” مه نه‌ڤێت له‌شكرێ توركيا ژناڤ بچيت، به‌لێ هه‌كه ئه‌ردۆگانى بڤێت خوه بكوژيت، وى ده‌مى ئه‌م نه‌شێين رێگريێ لێ بكه‌ين، له‌وما دبێژينێ يێ هشيار به وبزڤره هشێن خوه وهێرشى مه‌نبه‌ج وئه‌و جهێن له‌شكرێ ئه‌مريكى لێ هه‌ى نه‌كه‌ى، چونكى ئه‌نجام دێ گه‌له‌ك دگران بن”.
ل دۆر قانوونا چاكسازيێ دمووچه‌ى وخانه‌نشينيێ وده‌رمالان دا په‌رله‌مان دێ كۆم بيت
ئه‌ڤرۆنيوز:
ئه‌ندامه‌كێ په‌رله‌مانێ كوردستانێ راگه‌هاند، ل هه‌فتيا بهێت كۆمبوونه‌كا نه‌ئاسايى يا په‌رله‌مانى ل دۆر پرۆژێ قانوونا چاكسازيێ دێ هێته ئه‌نجامدان.
نازم هه‌ركى، ئه‌ندامێ په‌رله‌مانێ كوردستانێ ژ فراكسيۆنا پارتى ديموكراتى كوردستان گۆت” رۆژا سێشه‌مبى 3/4/2018 كۆمبوونه‌ك دناڤبه‌را سه‌رۆكێن فراكسيۆنێن په‌رله‌مانى ل گه‌ل سه‌رۆكاتيا په‌رله‌مانێ كوردستانێ هاته ئه‌نجامدان بۆ وێ چه‌ندێ ل دۆر پرۆژێ قانوونا چاكسازيێ كو حوكمه‌تێ بۆ په‌رله‌مانى ڤرێكريه، دانوستاندنێ بكه‌ن وكۆمبوونه‌كا نه‌ئاسايى يا په‌رله‌مانى ژى ئه‌نجام بده‌ين”.
نازم هه‌ركى دداخۆيانيه‌كا رۆژنامه‌ڤانى دا گۆت ژى” هه‌رچه‌نده نوكه په‌رله‌مان يێ دبێهنڤه‌دانێ دا، به‌لێ ئێكشه‌مبيا بهێت دێ كۆمبوونه‌كا دى دناڤبه‌را سه‌رۆكاتيا په‌رله‌مانى وسه‌رۆكێن فراكسيۆنان هێته ئه‌نجامدان، هه‌روه‌سا دوێ كۆمبوونێ دا دێ بريار هێته دان بۆ دياركرنا ژڤانێ وێ كۆمبوونا په‌رله‌مانى”.
وى په‌رله‌مانتارى رۆهنكر ژى” هه‌ردو لژنێن قانوونى ودارايى يێن په‌رله‌مانێ كوردستانێ يێن هاتينه راسپاردن بۆ وێ چه‌ندێ ل سه‌ر بابه‌تێ پرۆژێ قانوونا چاكسازيێ بگه‌هنه رێككه‌فتنه‌كێ تاكو پاشى په‌رله‌مان دانوستاندنێ ل سه‌ر بكه‌ت وپه‌سه‌ند بكه‌ت وهه‌تاكو ژئاليێ حوكمه‌تا هه‌رێمێ ڤه بچيته دبوارێ بجهئينانێ دا، ل گه‌ل وێ چه‌ندێ حوكمه‌ت دێ پشكداريێ دكۆمبوونا په‌رله‌مانى دا كه‌ت، چونكى هه‌ر بابه‌ته‌كى په‌يوه‌ندى ب ئاليێ دارايى ڤه يێ هه‌ى، حوكمه‌ت ب خوه دێ شاندێ خوه دياركه‌ت”.
پێشتر نێچيرڤان بارزانى، سه‌رۆك وه‌زيرێن هه‌رێما كوردستانێ ورێباز حه‌ملان وه‌زيرێ دارايى وئابوورى ل هه‌رێمێ راگه‌هاندبوو” ب ده‌ركرنا قانوونا چاكسازيێ دمووچه‌ى وخانه‌نشينيێ دا، كوژمه‌كێ مه‌زن يێ پاره‌ى دێ بۆ حوكمه‌تا هه‌رێمێ زڤريت ودشياندايه ب ئێكجارى سيسته‌مێ پاشكه‌فتا مووچه‌ى ب دووماهى بهێت”.
شانده‌كی بەغدا گەهشته هه‌ولێرێ
ئه‌ڤرۆنيوز:
شانده‌كێ بلند يێ عيراقى ب سه‌رۆكاتيا فوئاد مه‌عسووم بۆ پشكداريێ دبه‌هيا دلوڤان ئدريس بارزانى گه‌هشته هه‌ولێرێ.
ئه‌ڤرۆ چارشه‌مبى 4/4/2018 پشتى نيڤرۆ، شانده‌كێ بلند يێ عيراقى كو پێكهاتبوو ژ فوئاد مه‌عسووم سه‌رۆك كۆمارا عيراقێ وهه‌ردو جێگرێن سه‌رۆك كۆمارى ئه‌ياد عه‌لاوى وئوسامه نوجێفى وهژماره‌كا سياسه‌مه‌دار وپه‌رله‌مانتارێن عيراقێ گه‌هشته هه‌ولێرێ.
شاندێ بلند يێ عيراقێ ب مه‌ره‌ما پشكداريێ دبه‌هيا دلوڤان ئدريس بارزانى برايێ نێچيرڤان بارزانى سه‌رۆك وه‌زيرێن هه‌رێما كوردستانێ، گه‌هشته هه‌رێمێ كو ئه‌ڤرۆ رۆژا دويێ يا به‌هيێ يه.
نيشاندان
WP Facebook Auto Publish Powered By : XYZScripts.com