ئه‌ڤرۆنيوز:
ئسه‌رۆك كۆمارا عيراقێ، فوئاد مه‌عسووم، ئه‌ڤرۆ چارشه‌مبى 4/4/2018 سكالا ل دادگه‌ها بلند يا فيدرالى ل سه‌ر سه‌رۆكێ په‌رله‌مانێ عيراقێ تۆماركر.
ئامانج ره‌حيم، سكرتێرێ جڤاتا وه‌زيرێن هه‌رێما كوردستانێ، دبه‌رپه‌رێ خوه دا ل سه‌ر تورا جڤاكى يا فه‌يسبووكى به‌لاڤكر” ئه‌ڤرۆ سه‌رۆك كۆمارى سكالا هژمار 57/فيدرالى/ 2018 سه‌ر سه‌رۆكێ په‌رله‌مانێ عيراقێ تۆماركر ل دۆر نه دستوورى بوونا 14 بابه‌تان دقانوونا بودجا گشتى يا فيدرالى بۆ كۆمارا عيراقێ بۆ سالا دارايى 2018ێ كو ل رۆژا 2/4/2018 ل رۆژناما (وه‌قايعا عيراقى) يا هژمارا 4485 هاتيه به‌لاڤكرن.
ئامانج ره‌حيم، دبێژيت” 14 خالێن سكالايا سه‌رۆك كۆمارى ژ پێنج برگان پێك دهێت كو هه‌موو د تايبه‌تن ب شايستێن دارايى يێن هه‌رێما كوردستانێ دناڤ قانوونا بودجا 2018 ێ دا”.
دياركر ژى” مادێ 67 ژ دستوورى ئه‌ركه‌كێ دستوورى خستيه ستوويێ سه‌رۆك كۆمارى كو پێدڤيه گره‌نتيا پێگيريكرنا هه‌موو ده‌ستهه‌لاتان بيت ب دستوورى ژوان ژى جڤاتا وه‌زيران”.
ماددەی ٦٧ ی دەستوور ئەرکێکی دەستووری خستۆتە ئەستۆی سەرۆک کۆمار کە دەبێت زامنی ئیلتزامی گشت دەسەڵاتەکان بێ بە دەستوور لە ناویشیاندا ئەنجومەنی نوێنەران.
ئەڤرۆ نیوز ، زنار تۆڤی :
پتریا وان کەسێن ترۆمبێل ھەین، کێشە ژ ھەلبژاردنا جۆرێ بەنزینێ ھەنە و نزانن چو بەنزین یا باشە، بۆ ڤێ کێشێ ژی رێکارەکێ ب مفا ھەیە.
مالپەرێ (برایت ساید) رێکارەک بۆ وان شۆفێران بەلاڤکریە،یێن کو نەزانن کا کوالێتیا بەنزینێ یا چاوانە؟، بۆ هندێ کو بزانی کوالێتیا وێ بەنزینا دکەیە ترۆمبێلا خوە یا چاوانە، ل دەستپێکێ پارچەکا کلینسێ بینە و چەند چپکێن وێ بەنزینێ لێ بکە،یا کو تۆ دکەیە ترۆمبێلا خوە، پاشی بۆ ماوێ چەند خولەکان راوەستە، هەکە چو دوهن و بەنزین و تشتێن دیتر نەمانە ل سەر وێ کلینسێ و وەکی خوە سپی ما، کوالێتیا وێ بەنرینی یا باشە.
هەکە پشتی چەند دەمژمێران جهێ وان چەند چپکێن بەنزینێ مانە ل سەر وێ کلینسێ،کوالیتیا وێ بەنزینێ یا باش نینە و یا پیسە، ھەروەسا هەکە پیچەک دوهن ما ل سەر وێ کلینسێ،ئەڤە وێ دگەهینیت کو نەفت یا ل گەل وێ بەنزینێ دا تێکەل کری.
ئەڤرۆ نیوز، نەوزاد ھلۆری:
به‌رى ده‌مه‌كى ژ ئەنجامێ شەرەکێ دناڤبەرا چەند وەلاتیان ل گوندەکێ سەر ب ناحیا ئەلقوش ڤه سێ کەس ھاتنە کوشتن و كه‌سه‌ك ب دژوارى برینداربوو.
ھێمن سلێمان بەرپرسێ راگەھاندنا رێڤەبەریا پولیسێن پارێزگەھا دھۆکێ بۆ ئەڤرۆ نیوز گۆت” ئەڤرۆ سپێدێ پولیسێن پارێزگەھا دھۆکێ ل سەر ھەبوونا شەرەکێ ل گوندێ (عەین خلوە) ل سنورێ ناحیا ئەلقوش ھاتنە ئاگەھدارکرن و پولیس ھەر زوو گەھشتنە جھێ روودانێ و ب گۆرەی زانیاریێن پولیسان سێ کەس ھاتینە کوشتن و کەسەك ژی ب دژواری بریندارە”.
زێدەتر گۆت” ب گۆرەی پێزانينێن دەستپێکێ کێشا وان ل سەر زەڤی و مولکان بوویە و نھا رەوشا دەڤەرێ ژلایێ پولیسان ڤه يا ھاتیە کونترولکرن و دەست ب ڤەکۆلینێ ل سەر ئەگەرێن روودانێ هاتيه كرن”.
ئه‌ڤرۆنيوز:
وه‌زاره‌تا دارايى وئابوورى ئه‌ڤرۆ چارشه‌مبى 4/4/2018 رۆهنكرنه‌ك ل دۆر به‌لاڤه‌كرنا مووچێن دو وه‌زاره‌تان ل دووڤ سيسته‌مێ نوو يێ پاشكه‌فتا مووچان به‌لاڤكر.
درۆهنكرنا خوه‌دا، وه‌زاره‌تا دارايى دبێژيت” وه‌كو مه سوز داى كو ل دووماهيا ڤێ حه‌فتيێ مووچێن وه‌زارتێن په‌روه‌ردێ وساخله‌ميێ به‌لاڤ بكه‌ين، ل گه‌ل وێ چه‌ندێ تاكو ئه‌ڤرۆ چارشه‌مبى پشكه‌كا مه‌زن ژ رێڤه‌به‌ريان ليستا مووچێن خوه نه‌ڤرێكريه گه‌نجينان ل هنده‌ك باژێر وباژێركان”.
دياركر ژى” ل گه‌ل ڤێ چه‌ندێ، وه‌زاره‌تا دارايى وئابوورى ل رۆژا پێنجشه‌مبى 5/4/2018 دێ ده‌ست ب به‌لاڤكرنا مووچێ وه‌زاره‌تێن په‌روه‌ردێ وساخله‌ميێ كه‌ين ب سيسته‌مێ نوو يێ مووچه‌ى بۆ وان رێڤه‌به‌ريێن ليستێن خوه به‌رهه‌ڤكرين”.
ئەڤرۆ نیوز، نەوزاد ھلۆری:
فلمێ ( baby day out) کو ب قارەمانیا زارۆکەکێ یە بناڤێ (ئادەم ئورتون) ئێکە ژ بناڤ و دەنگترین فلمێن سینەمایی و کومێدی کو ل ھەموو جیھانێ بینەرێن خوە ھەبووینە ، بەلێ د راستی دا (ئادەم ئورتون) تنێ قارەمان نەبوویە، بەلکو برایێ وی ژی (جایکوب ئورتۆن) قارەمانێ فلمی یە پشتی کو ئادەم نەخوه‌ش دبیت، ل جھێ وی دگریت.
فلمێ ناڤبری ل سالا ١٩٩٤ ھاتیە چێکرن و خەلك وه‌سا ھزر دکەت کو ب تنێ (ئادەم ئورتۆن) قارەمانێ فلمی یە ،بەلێ د راستی دا برایێ وی کو ئەو ژی جێمکێ وی یە دبیتە قارەمان ل جھێ برایێ خوە پشتی بۆ ده‌مێ هه‌شت هه‌يڤان نه‌خوه‌ش دبيت.
پشتی دەربازبوونا ٢٤ سالان ئەو ھەردو زارۆك مەزن بووینە، بەلێ ھەتا نھا پشکداری د چو فلمێن دى دا نەکریە.
فلمێ ناڤبری ل سەر زارۆکەکى ھاتیە چێکرن کو ل دەرڤەیێ خانی دگەریێت و تووشی گەلەك ھنگافتن و روودانان دبیت، بەلێ ب شێوەیەکێ حێبەتی ژێ رزگار دبیت ، فلمێ ناڤبرى کومێدی یە و ژ سناریۆیا جون ھیوز وریتشارد فین و دەرھێنانا باتریك جونسون و وده‌مێ وى ٩٩ خولەکە.
ئه‌ڤرۆنيوز
نوشداره‌كێ تايبه‌تمه‌ندێ نشته‌رگه‌ريێن گشتى ئاشكرا كر كو پشتی تەمامبوونا جگاره کێشانێ، بەرمایێن دووکێلێ دمینن ب لێڤ و ئەزمانی ڤە، دەمێ مرۆڤ ھەناسا ئاسایی ھەلدکێشیت ئەڤ بەرمایێن جگارە کێشانێ دێ چنە دناڤ بۆڕیێن ھەوای و د دووڤ دا دێ گەھنە سیھێن وی کەسی.
عەدنان ئاکرەیی، نوشدارێ تایبەتمەندێ نشتەرگەریێن گشتی بۆ نوش نيوز گۆت” ئێك ژ وان ئاخڤتنێن زۆر مرۆڤی گوھلێ دبیت ژ لایێ جگارکێشان ڤە ئەوە کو ئەو دووکێلا جگارێ نەھەلکێشن یان ژی ناھێلن ئەڤ دوكێله بگەھیتە سیپەلا (سیھا) كو کارتێکرنێ ل سەر سیستەمێ ھەناسەدانێ ناکەت و مەترسیا نەخۆشیێن سینگی و پەنجەشێرێ دوور دئێخیت”.
گۆت ژى “یا راست ئەوە کو ھەکە خوه دووکێل نەھێتە ھەلکێشان ژی، کارتێکرنا خوه ھەر ل سەر سیھان دکەت، چونکى پشتی تەمامبوونا جگاره کێشانێ، بەرمایێن دووکێلێ دمینن ب لێڤ و ئەزمانی ڤە، دەمێ مرۆڤ ھەناسا ئاسایی ھەلدکێشیت، ئەڤ بەرمایێن جگارە کێشانێ دێ چنە دناڤ بۆڕیێن ھەوای دا و د دووڤ دا دێ گەھنە سیھێن وی کەسی، ژ ئالیەکێ دى ڤە ئەڤ بەرمایە دھێنە مێژتن ل دەڤ و ئەزمانا بۆ ناڤ خوینێ و مەترسیا خوه بنەجهـ دکەن و دگەھنە ئەندامێن له‌شی، لەوڕا جگارەکێشان نەک کارتێکرنێ ب تنێ ل سەر جگارە کێشی دکەت، بەلکو ل کەسێن دەوروبه‌رێن وی ژی دکەت”.
دياركر ژى كر كو نھا زاراڤەك پەیدابوویە ب ناڤێ جگارکێشێ نێگەتیف، یان یێ نەچار کو ئەو کەسن ل دەورو ەرێ جگارکێشی دژین و دووکێلا وان مەترسیەکا زێدە دکەتە سەر ژیانا وان مرۆڤێن بێ گونەهـ، ژ بەر ھندێ دووکێلا جگارێ کارتێکرنێ دکەتە سەر سیھان، ئەڤجا هه‌كه بھێتە ھەلکێشان یان نە، دێ کارتێکرنێ ل وان کەسان ھێتەکرن کو نێزیكى جگارکێشی نە.
ئه‌ڤرۆنيوز:
قانوونا بودجا گشتى يا عيراقێ بۆ سالا 2018 بێ رازيبوونا سه‌رۆك كۆمارى چو دبوارێ بجهئينانێ دا.
وه‌زاره‌تا داد يا عيراقى دبه‌ياننامه‌كێ دا، راگه‌هاند، رۆژا سێشه‌مبى 3/4/2018 قانوونا بودجا عيراقێ درۆژناما (وه‌قايعا عيراقى) دا هاته به‌لاڤكرن.
وه‌زاره‌تا داد دياركر ژى، قانوونا بودجا گشتى يا عيراقێ بۆ سالا 2018 دهژمارا 4485 يا رۆژا 3/4/2018 يا رۆژناما (وه‌قايعا عيراقى) دا هاته به‌لاڤكرن.
بپێشتر مه‌هدى عه‌لاق ئه‌ميندارێ گشتيێ جڤاتا وه‌زيرێن عيراقێ داخواز ژ وه‌زيرێ داد كربوو كو قانوونا بودجا گشتى يا عيراقێ بۆ سالا 2018 درۆژناما (وه‌قايعا عيراقێ) دا به‌لاڤ بكه‌ت.
مه‌هدى عه‌لاق ب پشت به‌ستن ب برگه‌كا دستوورێ عيراقێ راگه‌هاندبوو” ده‌مێ قانوونى يێ به‌رده‌ست بۆ فه‌ئاد مه‌عسووم سه‌رۆك كۆمارا عيراقێ بۆ ئيمزاكرنا قانوونا بودجا گشتى يا عيراقێ بۆ سالا 2018 ب دووماهى هات ول دووڤ دستوورى ئه‌و قانوون ب ئيمزاكرى دهێته هژمارتن”.
نيشاندان