ئەڤرۆ نیوز ، زنار تۆڤی :
ئەڤرۆ دوشەمبی حەیدەر عەبادی سەرۆك وەزیرێن عێراقێ د گۆتارەكیدا كو ل باژێرێ تكریت پێشكێش كریە و راگەهاندیە ئەوێن بزاڤ دکر دوبەرەكیێ بێخنە دناڤبەرا سوپای و حەشدا شیعی و پێشمەرگە، شكەستن ئینایه.
عەبادی گۆتارا خوە ل بەرامبەر وەلاتیێن تکریت و هژمارەکا زۆر ژ چەكدارێن حەشدا شیعیدا خواند و دووپات ل سەر شكەستنا ئەوان كریە یێن کو بزاڤ کرین کو ناكۆكیێ بێخنە دناڤبەرا هێزێن سوپایێ عێراقێ و حەشدێ و پێشمەرگێ كوردستانێ.
سەرۆك وەزیرێن عێراقێ دووپاتی ل سەر هەلدانا لاپەرەکێ نوو كریە و گوتیە ژی،ئەڤە ژی پشتی سەركەفتنان و مانە مە ب ئێكگرتیە، بێگومان ژی دێ دڤێ دا ژی سەركەڤین.
عەبادی داخواز ژ وەلاتیێن تكریت كریە،کو گوهی خوە نەدەنە وان یێن کو رەشبینیێ و بێ هیڤیێ بەلاڤە دکەن،هەروەسا پشتی سەرکەفتنێ دێ دەست ب ئاڤەدانکرنێ کەین.
نيشاندان