ئه‌ڤرۆ نيوز:
شانده‌كێ هه‌رێما كوردستانێ گه‌هشته به‌غدا بۆ دانوستاندنێ ل گه‌ل وه‌زاره‌تا ناڤخۆ يا عيراقێ.
ژێده‌ره‌كى ئه‌ڤرۆ نيوز ئاشكه‌را كر كو شانده‌كێ هه‌رێما كوردستانێ يێ به‌ر ب به‌غدا ب رێكه‌فتين و نوكه ل به‌غدا نه.
ئەڤرۆ نیوز، نەوزاد ھلۆری:
ھونەرێ سەر جاددا ئێکە ژ وان ھونەران کو ل پرانیا وەلاتان دھێتە بکارئینان بو کێمکرنا لەزاتیا شوفێران و ئەو ژی ب رێیا سەردابرنا چاڤێن وان ب ھندەک کارێن ھونەری یێن سەرنجراکێش.
وەلاتێ ئاسلەندا ژی ئێکە ژ وان وەلاتان کو مفا ژ ڤێ یەکێ وەرگرتیە و ل چەند جھـ و رێیێن گشتی و دەربازبوونا پیادە ھاتیە بکارئینان بو کێمکرنا لەزاتیێ.
دەما کو شوفێر دبینن وەسا ھزر دکەن کو تشتەک لسەر جاددێ ھەیە و نەچاردبن کو لەزاتیا ترۆمبێلا خو کێم بکەن، ب ڤی رەنگی روودان دھێنە کێمکرن.
ھەر چەند ئەڤ یەک ل وەلاتێن ھندستان و باشوورێ ئەفریقیا و چینێ پێشتر ھاتیە ئەنجامدان بەلێ ئەڤ یەک بۆ وەلاتەکێ وەکو ئاسلەندا تشتەک نوویە، دھێتە زانین ئایسلەندا ئێکە ژ وەلاتێن کو ھژمارەکا زۆر یا ترومبێلان بکاردئینن.
ئه‌ڤرۆ نيوز:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا چارشه‌مبى رێكه‌فتى 27ى كانوونا ئێكێ 2017 دهێته پێشبينيكرن ئه‌سمان ساهى و ئه‌وره‌كێ كێم دا بيت.
پشكا پێشبينيان ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ د نڤيساره‌كێ دا راگه‌هانديه كو ژ ئه گه‌رێ هاتنا فشارێن نزمێن ده‌ريا سپى ناڤه‌راست و هاتنا فشارێن بلندێن وه‌لاتێ ده‌ريا ناڤه‌راست ئه‌سمان دێ ساهى و ئه‌وره‌كێ كێم دا بيت.
پشكا پێشبينيان خۆيا ژى كريه كو نزمترين پلا گه‌رما پێشبينيكرى دێ 6 پله بيت و بلندترين پله ژى دێ 17 پله بيت.
هه‌ر ب گۆره‌ى ڤێ راپۆرتا رێڤه‌به‌ريا ناڤبرى له‌زاتيا باى دێ گه‌له‌ك زێده‌كه‌ت و ل هنده‌ك جاران دێ گه‌هيته 5 بۆ 10 كم بيت د ده‌مژمێره‌كێ دا و ماوێ ديتنێ ژى دێ 10كم بيت.
ئه‌ڤرۆ نيوز:
ژێده‌ره‌كێ ئاگه‌هدار راگه‌هاند كو دادگه‌هێ بڕيارا ده‌سته‌سه‌ركرنێ بۆ 48 كادر و فه‌رماندێن بلندێن وه‌زاره‌تا به‌ره‌ڤانيا عيراقێ ده‌ركريه و تۆمه‌تا گه‌نده‌ليێ خستيه پال.
كه‌نالێ ئه‌لحره يێ ئه‌مريكى بێ ئاماژه ب ناڤێ ژێده‌رى بكه‌ت ئاشكه‌را ژى كريه كو دادگه‌هێ بڕياره‌ك ل دژى ب ده‌هان كارمه‌ندێن وه‌زاره‌تا ناڤحۆ يا عيراقێ ده‌ركريه و هه‌مان تۆمه‌تا گه‌نده‌ليێ خستيه پال.
د ڤى چارچۆڤه‌ى دا سه‌ليم جبۆرى، سه‌رۆكێ جڤاتا نوونه‌رێن عيراقێ، رۆژا دوشه‌مبى گۆت: “هيڤيدارم دژوارترين سزا ل سه‌ر ڤان گه‌نده‌لان بهێته سه‌پاندن، هه‌تا ببنه په‌ند بۆ كه‌سێن دى”.
هه‌ر ديسا ئاماده‌يا جڤاتا وه‌زيرێن عيراقێ ژى بۆ هاريكاريكرن ل گه‌ل دادگه‌هێ ده‌ربڕى، هه‌تا بشێن “گه‌نده‌لان” ده‌سته‌ر بكه‌ن.
ئەڤرۆ نيوز:
ل گۆر راپۆرتەکا مالپەرێ ئەلعەرەبیە فارسی دوھی سەرۆکێ فرەنسا ب رێیا تەلەفۆنێ ل گەل شاھێ سعوودیێ ئاخڤی و دیار کر کو دەم یێ ھاتی سنورەکێ بۆ زێدەگاڤیێن ئیرانێ ل دەڤەرێ دانێین و دڤێت رێ نەدەین ئیران پتر رۆژھەلاتا ناڤین ئالۆز بکەت و شاھێ سعوودیێ ژی کەیفخوەشیا خوە ل ھەمبەر ھەلویستێ سەرۆکێ فرەنسا دیار کریە و داخواز کریە فرەنسا دەست ب پێنگاڤێن پراکتیکی دژی ئیرانێ بکەت.
پشتی ماکرۆن بوویە سەرۆکێ فرەنسا پەیوەندیێن فرەنسا و ئیرانێ رۆژ ب رۆژێ خرابتر دبن و ھەفتیا بۆری وەزیرێ دەرڤە یێ ئیرانێ دیار کربوو کو فرەنسا ژ بۆ بەرژەوەندیێن خوە یێن ئابووری ل گۆر دلێ سعوودیێ داخۆیانیان ددەت و ئەو یەک د بەرژەوەندیا پەیوەندیێن دیرۆکی یێن فرەنسا و ئیرانێ دا نینە.
ئەڤرۆ نيوز:
رۆبرت نیلیر جەنەرالێ ئەمریکی ل وەلاتێ نەرویج راگەھاند کو دەڤەرا رۆژھەلاتا ناڤین بەر ب شەرەکێ مەزن ڤە دچیت و ژ بەر ھندێ ژی دڤێت ئەمریکا خوە بۆ شەرێ بەرھەڤ بکەت، من نەڤێت ڤێ یەکێ ئاشکرا بکەم لێ روودانێن نھا نیشانێن شەرەکی مەزنن و دڤێت ئەمریکا ب تەمامی خوە بۆ شەری بەرھەڤ بکەت.
نیلیر ئەو یەک ژی دیار کر کو ھەکە ئەمریکا بخوازیت دەستھەلاتا خوە یا ل جیھانێ و رۆژھەلاتا ناڤین ژ دەستان نەدەت دڤێت ب ھەموو رەنگەکی خوە بۆ شەری بەرھەڤ بکەت و گۆت: (چەندین ھێز نھا بزاڤێ دکەن سەنگا جاران یا ئەمریکا ل جیھانێ و دەڤەرێ نەمینیت و ژ بەر ھندێ ژی دڤێت یا دھێتە خواستن ئەم بکەین).
ئه‌ڤرۆ نيوز:
نوونەرێ سەرۆکێ روسیا ل سووریێ راگەھاند کو وان ل گەل تورکیا و ئیرانێ بەرھەڤیێن بۆ کۆنگرێ گەلێن سووریێ تەمام کرینە و دێ ژ ھەموو پێکھاتێن سووریێ کەس و ئالی پشکداریێ بکەن و کورد ژی د ناڤ دانە لێ پەیەدە وەک پارتی پشکداریێ د کۆنگرێ دا ناکەت و پەیەدە ژی دبێژیت بێی پشکداریا وان کۆنگرە ناگەھیتە چو ئەنجامەکێ.
ئەلێکساندر لاڤرینتیڤ نوونەرێ تایبەت یێ سەرۆکێ روسیا ل سووریێ د داخویانیەکی دا ل سەر رەوشا داوی یا سووریێ و بەرھەڤیێن کۆنگرێ گەلێن سووریێ راوەستیا و راگەھاند کو چ نەمایە ب داوی بوونا شەرێ ل دژی تیرۆرێ ل سووریێ راگەھینن و گۆت: (ب دلخوەشی ڤە ئەز دشێم بێژم ھەتا دەمەکی نێزیک ئەم دێ سەرکەڤتنا داوی یا ل دژی تیرۆرێ و شەرێ ناڤخوەیی ل سووریێ راگەھینین، ڤێجا دڤێت بۆ سووریا نوو و بجە کرنا ئاشتیا سەرتاسەری پێنگاڤ بھێنە ھاڤێتن و بۆ ڤێ یەکێ ژی پێنگاڤا یەکێ سازکرنا کۆنگرێ گەلانە و دێ نوونەرێن ھەموو پێکھات و مەزھەب و ئۆلێن جودا د کۆنگرێ دا ئامادە بن و بریارا داویێ ل سەر سازکرنا کۆنگرێ گەلان ھاتیە داین).
نوونەرێ تایبەت یێ سەرۆکێ روسیا ل سووریێ ھەروەسا راگەھاند ژی کو ئەڤ دەمەک درێژە ل گەل ئیران و تورکیا گەنگەشێ ل سەر ئالیێن پشکدار د کۆنگرێ گەلان دا دکەن و گۆت: (بەرھەڤیێن کۆنگرێ ئێدی تەمام بووینە و مە ل گەل تورکیا و ئیرانێ بریارێن گرنگ داینە و د ڤێ چارچۆڤێ دا دێ نوونەرێن ھەموو پێکھاتە و ئۆل و مەزھەبێن جودا د کۆنگرێ گەلان دا ئامادە دبن و 23 نوونەرێ کوردان ژی دێ د کۆنگرێ دا بەرھەڤ بن و داخوازنامە بۆ وان بھێتە شاندن لێ د ڤێ قۆناغێ دا بۆ پارتا ئێکەتیا دیمۆکراتیک داخوازنامە ناھێتە شاندن و ئەم ھێڤی دکەین پەیەدە ژ مەرەما مە بگەھیت).
پشتی داخۆیانیا نوونەرێ تایبەت یێ سەرۆکێ روسیا بۆ سووریێ، ھەڤسەرۆکێ پەیەدێ شاھۆز حەسەن راگەھاند کو مخابن روسیا بۆ بەرژەوەندیێن خوە و ل سەر فشارێن تورکیا ناڤێ پارتا وان ژ لیستا پشکدابوویێن کۆنگرێ گەلان دەرخستیە و گۆت: (بەری نھا ل جنێڤ و ئاستانا ژی ب دەھان کۆمبوون بێی ئامادەبوونا ھێزێن ب ھێز یێن سەر ئەردی ھاتنە سازکرن لێ یەک ژ وان ژی نەشیا چارەیەکێ بۆ قەیرانا سووریێ ببینیت و نەگەھشتنە چو ئەنجامەکی، ئەم جارەکا دی دوبارە دکەین کو ھەر کۆمبوون ئانکۆ کۆنگرەکا کۆ ئەم وەک گەلێ کورد و ھێزا مەزنا سەر ئەردی پشکداریێ نەکەین ئەنجامێن وێ کۆنگرێ ژی ناس ناکەین و چ بریارەک بھێتە دان ژ ئالیێ مە ڤە و ل دەڤەرێن ل ژێر دەستھەلاتا رێڤەبەریا خوەسەر ڤە ناھێتە بجە کرن).
ل دۆر ڤێ مژارێ مەولوود چاڤوش ئۆگلو وەزیرێ دەرڤە یێ تورکیا ژی راگەھاند کو تورکیا ل گەل روسیا و ئیرانێ ناڤەندا چارەکرنا ئالۆزیێن سووریێیە و وەلاتەکی و گۆت: (پشتی رژدیا مە یا ل سەر پەیەدێ و یەپەگێ روسیا و ئیران ژی راستیا ڤان رێکخستنێن تیرۆرست دیتن و جھێ دلخوەشیێیە کو رێکخستنێن تیرۆرست پشکداریێ د کۆنگرێ گەلان یێ سووریێ دا ناکەن).
ھەر د ڤێ دەربارێ دا بریت ماکگورک نوونەرێ تایبەت یێ سەرۆکێ ئەمریکا ل سووریێ بۆ شەرێ ل دژی تیرۆرێ د داخۆیانیەکی دا راگەھاند کو ئەو دێ سالا 2018 ژی ل سووریێ بن و بەردەوام بن ل سەر ھاریکاریا ھێزێن سووریا دیمۆکراتیک و یەپەگێ و گۆت: (نھا ل باژێرێ سۆچی یێ روسیا ئامادەکاری بۆ کۆنگرەکی دھێتە کرن ل ژێر ناڤێ کۆنگرێ گەلان لێ ئەڤ کۆنگرە ب چو رەنگەکی نابیتە بەدیلێ کۆمبوونێن جنێڤێ و ژ ئالیێ خوە ڤە گۆمانێن مە یێن مەزن ل سەر کۆمبوونێن ئاستانا و کۆنگرێ سۆچی ھەنە و بۆ ڤێ یەکێ ژی ئەمریکا د وان کۆمبوون ئانکۆ کۆنگرەیان دا بەرھەڤ نابیت و ئەنجامێن وێ گرنگ نابینیت).
ئەڤرۆ نيوز:
شرۆڤەکارەکێ سیاسی ل پارێزگەھا سلێمانیێ دیار کر، دەمەک درێژە چەند گروپ و لایەن ل سلێمانیێ بەرھەڤیێن خوەنیشاندانان دکەن، و دورو نزیک ڤان خوەنیشاندانان پەویەندی ب خزمەتگوزاریان ڤە نیە، بەلکو مەبەستا وان زێدەتر ئالۆزکرنا رەوشێ یە، چونکی کوردستان ژلایێ ئاسایشا نافخوەی ڤە گەلەک یا ئارامە وان کەس و لایەنا دڤێت وێ ئارامیێ تێک بدەن، ژبەر کو خوەنیشاندان ب توندوتیژی ژبۆی کێماسیێن روژانە نیە، بەلکو مەرامەکا سیاسی ل پشت ڤێ خوە نیشاندانێ ھەیە، تایبەت دەستەکێ دەرەکێ ل پشت ڤێ خەلکی ھەیە کو رژیانە سەر جادەیان نوکە ژبەر دەست وەردانا دەستێن دەرەکێ گروپێن نافخوە شیانێن کنترول کرنا رەوشێ نەماینە ژبەرکو بارەگەھێن حکومی و پارتێن سیاسی کرینە ئارمانج .
شێخ ستار شرۆڤەکارەکێ سیاسی ل پارێزگەھا سلێمانیێ بۆ روژناما ئەڤرۆ خویاکر، خوە پیشاندەران ب ناڤێ نەبوونا خزمەتگوزاریان ئاراستە ل مەدەنیەتێ کریە سیاسی و چەند گرو پ لایەنێن نافخوەو دەستێن دەرەکێ خوەنیشاندەران گەھاندن ڤێ رەوشێ کو ژبلی بارەگایێن پارتێن سیاسی و مولکێ گشتی و خەلکێ سڤیل سوتیەو وێرانکریە.
شێخ ستار شروڤەکارێ سیاسی گوتژی: سروشتێ سلێمانیێ ب ڤی رەنگیە ئالوزیەکا مەزن ھەیە ل نافخوەیا سلێمانیێ و ھەرجار ب بھانەیەکێ خەلکێ سلێمانیێ دھێتە ب سەردابرن و دھێنە سەر جادەیان و داخوازا مافێن خوە دکەن ب خوەنیشاندانێن سیاسی و دور ل خوەەنیشاندانێن مەدەنی ھەرجار زیان ب ھەمو لایەکی َدکەڤیت ب تنێ ئەو لا مفادارن کو خەلکی پالددەن خوەی پیشاندانا بکەن.
ناڤبری ئاشکرا کر ، مەبەستا خوە نیشاندەران ب چۆ رەنگا بۆ باشتر کرنا ژیارا وان نیە بەلکو ب مەرامێن سیاسی ئەڤ خوە پیشاندانە دھێنە ئەنجام دان ژبەرکو چۆ خوەنیشاندانەکێ مولەت نیە لەورا ھەمو لایەکێ شک ل ڤان خوە یشاندانا ھەیە کو ب چۆ رەنگا بۆ خوە باشتر کرنا رەوشا ژیان و ژیارا خەلکی نیە بەلکو ب تێکدانا ئاسایشا نافخوەیە .
ئەڤرۆ نيوز:
جێگری سەرۆکێ کۆمسیوونا بلند یا سەربەخوەیا ھەلبژارتنان ل عیراقێ دیارکر کو ژڤانێ دروستکرنا ھەڤپەیمانا دێ ھێتە درێژکرن، دیسا ئاشکراکر ژی کو ژڤانە حەفتیا بھێت قانوونا ھەلبژارتنان و بۆدجە بۆ ھەر دو ھەلبژارتنێن پەرلەمان و جڤاتێن پارێزگەھا پەرلەمانێ عیراقێ گەنگەشە ل سەر بھێتەکرن.
رزگار حاجی حەمە جێگری سەرۆکێ کۆمسیۆنا بلند یا سەربەخوەیا ھەلبژارتنان ل عیراقێ بۆ رۆژناما ئەڤرۆ گۆت: ھەموو پێدڤیێت ھەلبژارتنان ھاتینە دروستکرن و دیسا پلان ژی ھاتیە بەرھەفکرن و دیسا ژڤانێ دروستکرنا ھەڤپەیمانان ھاتیە دیارکرن، دیسان وکە کارێ ل سەر لیستا ناڤان دھێتەکرن ل ھەرسێ پارێزگەھێن ھەرێما کوردستانێ ژی، ناڤبری ئەو ژی ئاشکراکریە کو نڤسیارەک ئاراستەیی جڤاتا وەزیران کرینە ب وێ مەرەمێ کو سەردەری ل ھەلبژارتنان ل گەل ھەلەبچە بھێـتەکرن وەک پارێزگەە و ھێشتا دەم ماوە و دڤێت پلێتن ئازوقەی یێن وێ دەڤەرێ بھێنە جوداکرن.
ناڤبری ئەو ژی ئاشکراکر کو ھەلبژارتنێن داھاتی ل عیراقێ دێ جوداھی ھەبیت ژ ھەلبژارتنێن سالێن بوری چونکە گەلەک تشتێ پێشکەفتی تێدا ھەنە و گەلەک کەرستێن پێشکەفتی ب دەست مە کەفتی نە، ئامیرێ پاراستنێ ھەیە و دێ پلێتا دەنگدەری وێنە کەت و ھەموو پێزانینێن وی تێدا ھەنە و کەسەک نەشێت ل جھێ کەسەکێ دەنگێ خوە بدەت، دیسا سندوق ژ ئەلکترونی یە و ئەو بخوە ماوەکێ گەلەک کێم دا دێ دەنگ ڤاڤارت و کەسەک دەستکاریێ د سندوقێ دا ناکەت بۆ جوداکرنا ناڤێن بەربژێران یان قەوارێن سیاسی و ئەڤە ئامیرەکێ نوویە و پێشکەفتی یە و کەسەک نەشێت دەست کاریێ تێدا بکت، پێشتلا ئەنجام ب چەند رۆژان دەرکەتن ، لێ ئەڤجارە دێ گەلەک زوو ئەنجامێن ھەلبژارتنان یێن دروست دەرکەڤن.
ناڤبری ئەو ژی گۆت: مەژڤان دانابوو 21-12-2017 دەست پێ بکەت ژڤان بیت بۆ دروست بوونا ھەڤپەیمانان، لێ پێشبینی دھێتەکرن چەند رۆژ بھێنە زێدەکرن و بگەھیتە 25-12-2017 ھەتا 15-1-2017 بەردەوام بیت، دیسا 21 ھەیڤێ دڤێت قەوارێن سیاسی لیستێن خوەیێن بەربژاران رادەستی کومسیوونێ بکەن.
ھێشتا گۆت: بۆدجە بۆ ھەلبژارتنان ئەم داخاز دکەین ل دووف پێدڤیێن خوە و پلانا دانین، نە ئەنجوومەنێ وەزیران دێ بوومە تەرخان کەت، نوکە چاڤەرێی پەرلەمانێ عیراقێ دکەین کو دەنگی ل سەر میزانیا ھەلبژارتنان بدەن و دیسا دەنگی ل سەر قانوونا ھەلبژارتنان ژی بدەت، پێشبینی دکەین حەفتیا داھاتی پەرلەمانێ عیراقێ ل سەر ڤی بابەتی کومبیت.
ناڤبری ئەو ژی گۆت: ئەف بەرھەڤی یە بۆ ئەنجامدانا ھەر دو ھەلبژارتنێن پەرلەمانێ عیراقێ و جڤاتێن پارێزگەھا نە، ھەکە ھەرێما کوردستانێ بڤێت ھەلبژارتنێن پەرلەمانێ کوردستانێ ژی ل گەل یێن عیراقێ بھێنە ئەنجام دان وەک کومسیوونا کوردستانێ دشێن داخازەکێ پێشکێشی مە بکەن و ئەم دشێن ھاریکاریێ ل گەل دا بکەین.
ل دووماھی ئەو ژی گۆت: داخاز ژ ھەموو خەلکێ عیراقێ بگشتی و کوردستانێ ب تایبەتی دکەین بچن کارتا خوە یا دەنگدانێ بنگەھێن دەنگدانێ وەربگرن چونکە پشکداربوونا وان ھەلبژارتنان مافێ دیموکراسیی وانایە.
نيشاندان