ئەڤرۆ نیوز ، زنار تۆڤی :
جیمى كارته‌ر سه‌رۆكێ پێشتر یێ ئه‌مریكا كو ئێكه ژ وان كه‌سانە یێن کو کەرب ژ تره‌مپی ڤەدبن،لێ د چاڤپێکەفتنەکێدا ل گەل تەلەفزیۆنا سی بی ئێس دا گەشبینیا خوە هەمبەری كارێن تره‌مپی نیشاندایە و ئاماده‌یا خوە دەربریە ژبۆ هاریكاریكرنا وی و حەز ناکەت ژ کارێ وی بهێتە دوورکرن.
وه‌ك مێژوونڤیسێن سه‌رۆكاتیا ئه‌مه‌ریكا بەحس دكهن،کو كه‌سایه‌تیا جیمى كارته‌ری ته‌مام بەرۆڤاژی یا تره‌مپیه، كارته‌ر ب سادەترین سه‌رۆك دهێتە دانان د مێژوویا ئه‌مریكا دا،لێ تره‌مپ مرۆڤەکێ خۆهه‌لكێشە و خوە مەزن دکەت،لی تێگه‌هشتنا كارته‌ری دەرباره‌ى تره‌مپی یا ئه‌رێنى نینه.
هەر چەندە جیمى كارته‌ر د دوماهی چاڤپێکەفتنا ته‌له‌ڤزیۆنى دا بەحسێ تره‌مپی دکەت و دبێژیت، ئەز ل گه‌ل هندێ نینم کو لێپرسین ل گه‌ل تره‌مپی بهێتە کرن و دڤێت ماوێ سه‌رۆكاتیا خۆ ته‌مام بكەت، من باوەری هەیە کو ئەو دێ كارێن چاك ئه‌نجام ده‌ت،هەکە ئەز بشێم دێ هاریكاریا وی كه‌م.
جیمى كارته‌ر سه‌رۆكێ هژماره 39 یێ ئه‌مریكایه و ل سالا 1924 ژ دایك بوویه،دناڤبەرا سالێن 1977 هەتا 1981 سه‌رۆكێ ئه‌مریكا بوو.
ئه‌ڤرۆنيوز:
رێڤه‌به‌رێ ئاسايشا هه‌ولێرێ راگه‌هاند، ب چو شێوه‌كى مه چو كه‌س ئه‌شكه‌نجه نه‌دايه وكارێ مه ئه‌و خه‌لك ب ئارامى بژيت وئه‌من وئاسايش ل باژێرێ هه‌بيت، له‌وما ئه‌و تۆمه‌تا بۆ مه هاتيه دروستكرن، چو بنه‌مايه‌ك نينه ونه‌حه‌ز دخوازن كا چ ل باژێرێن دى كر، هه‌ولێرێ ژى وه‌لێ بكه‌ن، هه‌كه نه ئه‌م وه‌كو ئاسايش مژوولى ئه‌ركێ خووينه بۆ وێ چه‌ندێ خه‌لك ب ئارامى بژيت.
تارق نورى، رێڤه‌به‌رێ ئاسايشا هه‌ولێرێ بۆ مالپه‌رێ فه‌رميێ پارتى گۆت ” ئه‌ركێ مه ئه‌وه هه‌ر تشته‌ك هه‌ڤدژى قانوونێ بيت، رێگريێ لێ بكه‌ين، له‌وما ئه‌وێن ب ناڤي مامۆستايان خوه‌نيشادانان دكهن، ئه‌و مامۆستا نينن وچه‌ند حزبه‌كن وه‌كو نه‌وه‌ى نوو وهنده‌كێن دى، كو بۆ مه‌ره‌مێن حزبى وپرۆپاگندا هه‌لبژارتنان وى كارى دكهن وهێشتا ده‌مێ پرۆپاگندێ يێ ماى، به‌لێ وان يا ده‌ستپێكرى ودخوازن مفاى ژ مامۆستايان وه‌رگرن وئاژاوێ ب ناڤێ مامۆستايان دروست بكه‌ن، ئه‌م ژى دێ رێگريێ لێ كه‌ين”.
تارق نورى راگه‌هاند ژى” مه دوهى چه‌ندين كه‌س ديتن ب ناڤێ مامۆستا ل كه‌نالێن راگه‌هاندنێ دئاخڤتن كو چو ژ وان مامۆستا نه‌بوون وپه‌رله‌مانتار كو هه‌يڤانه 30 مليۆن ديناران وه‌ردگريت ل وێرێ بوو، دده‌مه‌كى دا ئه‌و هاتيه هنارتن بۆ په‌رله‌مانى وه‌كو نوونه‌ر نوكه بهێت ل ڤێرێ ژى خوه بكه‌ته نوونه‌رێ خه‌لكى وخوه‌نيشادانێ بكه‌ت، له‌وما ئه‌و خوه‌نيشادانێ بۆ رێيه‌كا دى دبه‌ن وزيانێ دگه‌هيننه داخوازيێن خه‌لكى”.
دياركر ژى” چه‌ندين په‌رله‌مانتار ل وێرێ بوون وهه‌موو بۆ مه‌ره‌مێن حزبى وبه‌رژه‌وه‌نديێن خوه هاتبوون، چه‌نكى كارێ په‌رله‌مانتارى ده‌ركرنا قانوونێ يه ل په‌رله‌مانى، نه‌كو بهێته سه‌ر جادێ، چونكى خه‌لك ب خوه يێ هاتيه سه‌ر جادێ”.
رێڤه‌به‌رێ ئاسايشا هه‌ولێرێ گۆت ژى”د خوه‌نيشادانا دوهى دا، چو كه‌سه‌ك نه‌هاتيه ده‌سته‌سه‌ركرن وهنده‌ك بزاڤ هاتنه كرن بۆ وێ چه‌ندێ ئاژاوه دروست ببيت، به‌لێ مه هه‌ر زوو رێگرى لێكر ومه رێ نه‌دا ئاژاوه دروست ببيت”.
ئه‌ڤرۆ نیوز، نه‌وزاد هلۆرى:
وه‌زاره‌تا دارایى و ئابوورى یا حوكمه‌تا هه‌رێما كوردستانێ رازيبوون ل سه‌ر خه‌رجكرنا كۆژمه‌كێ پاره‌ى بۆ وه‌زاره‌تا ساخله‌میێ دياركر كو ژ وى كوژمێ پاره‌ى 850 ملیۆن دینار بۆ دهۆكێ نه.
ب گۆره‌ى نڤیساره‌كا فه‌رمى یا وه‌زاره‌تا دارایى و ئابوورى كو ئه‌ڤرۆ دوشه‌مبى 26/3/2018 ده‌ركه‌فتيه وئیمزا رێباز محه‌مه‌د حه‌ملان وه‌زیرێ دارایى و ئابوورى ل سه‌ره و دانه‌یه‌ك ده‌ست ئه‌ڤرۆ نیوز كه‌فتیه ، وه‌زاره‌تا دارایى رازيبوون ل سه‌ر خه‌رجكرنا كوژمێ چوار ملیار و 100 ملیۆن دیناران كريه وه‌كو هاندان و خه‌فه‌ریات ( ئیشكگر) بۆ دیوانا وه‌زاره‌تا ساخله‌میێ یا حوكمه‌تا هه‌رێما كوردستانێ وبۆ نه‌خوه‌شخانه و سه‌نته‌ر و مه‌لبه‌ندێن 24 ده‌مژمێریێن سه‌ر ب وه‌زاره‌تا ساخله‌میێ ڤه بۆ هه‌یڤا پێنج یا سالا 2017 .
هه‌ر ب گۆره‌ى وێ نڤيسارێ ژ وى كوژمێ پاره‌ى به‌هرا دهوكێ 850 ملیۆن دینارن ويێن دى ژى ل سه‌ر گه‌نجینه‌یێن هه‌رێم و هه‌ولێر و سلێمانى و گه‌رمیان و كویه و چه‌مچه‌مال دێ هێنه دابه‌شكرن.
ئه‌ڤرۆنيوز:
ئه‌ندامه‌كێ جڤاتا پاريزگه‌ها هه‌ولێرێ ره‌خنه ل پشكداريا هنده‌ك ئه‌ندامێن جڤاتا پارێزگه‌ها هه‌ولێرێ دخوه‌نيشادانێن نه‌رازيبوونێ يێن مامۆستايان دگريت ورادگه‌هينيت، نه‌رازيبوونا خه‌لكى به‌رامبه‌ر په‌رله‌مانتاران وئه‌ندامێن جڤاتێ ژى يه.
خانزاد يوسف، ئه‌نداما جڤاتا پارێزگه‌ها هه‌ولێرێ ژ فراكسيۆنا پارتى ديموكراتى كوردستان گۆت” د ده‌ستهه‌لاتا ده‌سته‌يا سه‌رۆكاتيا جڤاتا پارێزگه‌هێ دايه كو بريارێ ل دۆر وان ئه‌ندامێن جڤاتا پارێزگه‌هێ بده‌ت، كو پشكدارى د خوه‌نيشادانا نه‌رازيبوونا دوهى دا كرى، ئايا پشكداريا وان يا ئاسايى يه يان نه؟”.
خانزادێ زێده‌تر بۆ باسنيوز گۆت” نابيت په‌رله‌مانتار وئه‌ندامێ جڤاتێ پشكداريێ دنه‌رازيبوونان وخوه‌نيشادانان دا بكه‌ت، چه‌نكى خه‌لك داخوازا مافێ خوه يێ ره‌وا دكه‌ت، له‌وما يێ هاتيه سه‌ر جادێ، ب پشكداريا وان ئه‌ندامان ى بابه‌ت دچيته بوارێ سياسى وحزبى دا، نموونا دوهى (سه‌ليم شوشكه‌يى) ئه‌ندامێ جڤاتا نوونه‌رێن عيراقێ ژ كۆمه‌لا ئيسلامى، هه‌كه وى دخوه‌نيشادانێ خوه نه‌راكێشابا، خوه‌پيشادان دا يا ئاسايى بيت”.
دياركر ژى”ئه‌ندامێ فراكسيۆنا پارتى پرسيارا وێ چه‌ندێ دكه‌ت، ئايا هه‌كه خه‌لك نه‌رازبوونێ ژ حوكمه‌تێ ده‌رببريت، تو ژى كو په‌رله‌مانتار وئه‌ندامێ جڤاتێى وپشكه‌كى ژ حوكمه‌تێ، ئايا ئه‌ڤه چێ دبيت؟”.
ئه‌ڤرۆنيوز:
رۆژنامه‌كا لوبنانى به‌لاڤكر، ل باژێرێ ئه‌لوكه‌مال ل سووريێ ئه‌گه‌رێ وێ چه‌ندێ يێ هه‌ى شه‌ر وپێكدادات دناڤبه‌را هێزێن توركيا وعيراقێ دروست ببيت.
رۆژناما (الديار) يا لوبنانى ئه‌ڤرۆ دوشه‌مبى 26/3/2018 به‌لاڤكر” ئه‌گه‌ر يێ هه‌ى شه‌ر وپێكدادان دناڤبه‌را هێزێن عيراقێ وتوركيا دروست ببيت هه‌كه هات وتوركيا نيازا خوه بۆ نێزيكبوونێ ژ ئه‌لبوكه‌مال بجهبينيت”.
رۆژناما ناڤبرى ئاماژى كر كو ژێده‌رێن عيراقى ئاشكراكريه له‌شكرێ عيراقێ هوشدارى دايه تورميا كو ژ ئه‌لبوكه‌مال نێزيك نه‌بيت، دده‌مه‌كى دا هه‌كه توركيا ڤى كارى بكه‌ت، له‌شكرێ عيراقى ب تنێ نابيت، به‌لكو هێزێن يه‌په‌گێ وپشكه‌ك ژ هێزێن له‌شكرێ به‌شار ئه‌سه‌دى ژى دگه‌لدانه”.
پێشتر په‌يڤدارێ له‌شكرێ توركيا راگه‌هاندبوو كو پلانا له‌شكرى يا وه‌لاتێ وى ئه‌وه هه‌تاكو باژێرێ ئه‌لبوكه‌ه‌مال نه‌راوه‌ستيت، هه‌روه‌سا گۆتبوو كو هێزێن توركيا دێ شه‌رێ هه‌ر هێزه‌كێ كه‌ت كو به‌رهنگاريا وى ببيت.
باژێرێ ئه‌لبوكه‌مال، باژێره‌كى سوورى يه وب سه‌ر پارێزگه‌ها ديره‌لزورێ ڤه‌يه ودكه‌ڤيته سه‌ر سنۆرێ عيراقێ ل رۆژئاڤايێ رووبارێ فوراتێ، ده‌مه‌كێ دريژ دده‌ستێ داعشێ دابوو.
ئه‌ڤرۆنيوز:
ئاسايشا هه‌ولێرێ راگه‌هاند كو دێ دووڤچوونێ بۆ وى حاله‌تى كه‌ن كو كه‌سه‌ك هێرشێ دكه‌ته سه‌ر خوه‌نيشانده‌ره‌كى ودقوتيت، دياركر ژى دێ روو ب روويێ قانوونێ كه‌ين وپێدڤيه سزايێ خوه وه‌رگريت.
رۆژا ئێكشه‌مبى 25/3/2018 وه‌كو پارێزگه‌هێن دى يێن سلێمانيێ ودهۆكێ وهه‌له‌بجه، مامۆستا وفه‌رمانبه‌ران ل هه‌ولێرێ ژى خوه‌نيشاندان كر وداخوازا هه‌لوه‌شاندنا پاشكه‌فتكرنا مووچان كر، به‌لێ گرژى وئالۆزى دناڤبه‌را خوه‌نيشانده‌ران وهێزێن ئه‌منى دروستبوو.
ڤيديۆيه‌ك دتۆرێن جڤاكى دا به‌لاڤبوويه وتێدا ده‌ردكه‌ڤيت دو كه‌س كو جلكێن مه‌ده‌نى ل به‌رن، ب شه‌قان ل خوه‌نيشانده‌ره‌كێ دانعه‌مر دده‌ن.
تارق نورى، رێڤه‌به‌رێ ئاسايشا هه‌ولێرێ راگه‌هاند” دێ دووڤچوونه‌كا هوور بۆ به‌لاڤبوونا وى وێنه‌ى كه‌ين كو دتۆرێن جڤاكى دا به‌لاڤبوويه وتێدا كه‌سه‌ك هێرشێ دكه‌ته سه‌ر خوه‌نيشانده‌ره‌كێ دانعه‌مر ودقوتيت”.
رێڤه‌به‌رێ ئاسايشا هه‌ولێرێ بۆ رووداو گۆت ژى” ئه‌م ب خوه دێ دووڤچوونه‌كا هوور بۆ وێ پرسێ كه‌ين، ئه‌و كه‌سێ شه‌ق داناين هه‌كه هه‌ر پله وپۆسته‌ك هه‌بيت، دێ روو ب روويێ قانوونێ كه‌ين وپێدڤيه سزايێ خوه وه‌ربگريت، چونكى سڤكاتى ب چو كه‌سه‌كى قه‌بوول ناكه‌ين”.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 26ى ئادارا 2018ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1210 |
| 1 يۆرۆيێ ئه‌ورۆپى | 1495 |
| 1 ليرێ توركى | 306 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیۆز، سالار دۆسکی:
بۆ رۆژا دووێ ل دووڤ ئێک مامۆستایێن پارێزگەھا دھۆکێ ل بەر دەرگەھێ رێڤەبەریا گشتی یا پەروەردێ ل پارێزگەھا دھۆکێ ل بن چەندین دروشمان خرڤەبوونەک ئەنجامدا و تێدا خواستن موچێن مامۆستا بێ ھەلگرتی بھێنە بەلاڤەکرن.
ل دووڤ دا عومەر عەلی تاھا رێڤەبەرێ گشتیێ پەروەردێ ب بەرھەڤبوونا وەھبی یونس تێلی سەرۆکێ لقێ دھۆکێ یێ ئێکەتیا مامۆستایێن کوردستانێ، دناڤا مامۆستایێن خرڤەبوویی دا بەرھەڤبوون، رێڤەبەرێ گشتیێ پەروەردێ پەیڤەک پێشکێشی مامۆستایێن خرڤەبوویی کر، گۆت: ھەتا رۆژا پێنچ شەمبی دێ گوھورین باش دمووچان دا ھەبن و پێنگاڤێن ھاتینە ھاڤێتن ل سەر ئاستێ حوکمەتێ و کومبوونا دھی یا ئەنجوومەنێ وەزیران دێ گوھورینەکێ پەیدا کەت.
رێڤەبەرێ گشتی ئەو ژی ئاشکراکر کو ھەر دو وەزارەتێن پەروەردێ و ساخلەمیێ نوکە کاری دانە بۆ بەرھەفکرنا پرۆژێن خوە بۆ ئەنجوومەنێ وەزیران ل سەر مووچان و دیسا ھەڤالێن پشکا ژمێریاری پەروەردێ ھاتینە ئاگەھدارکرن و بەرھەڤی یا پرۆژێ وەزارەتێ دکەن.
تاھای ئەو ژی گۆت: ھەر ژ دەسپێکا قەیرانێ ھەتا نوکە وەک پەروەردە ب رێکێن خوە چ گەل پارێزگەھێ چ ل گەل وەزارەتێ داکوکی ل سەر مافێ مامۆستان کرینە کو رەوشا مامۆستا یا ئابووری باشتر لێ بھێت چونکە مامۆستا ژ ھەموو کەرتێن دی جوداھی ھەیە.
نيشاندان
