ئه‌ڤرۆ نيوز:
وه‌زاره‌تا دارايى پشتى دياركرى پارێ ژ به‌غدا هاتى ب تنێ بۆ وه‌زاره‌تێن ساخله‌مي و په‌روه‌ردێ نينه، د رونكرنا خوه يا ئه‌ڤ شه‌ڤه‌دا دياركريه كو 19 و 20 ڤێ هه‌يڤێ دێ مووچێن وه‌زاره‌تێن په‌روه‌ردێ و ساخله‌ميێ و باژێرڤانى و گه‌شت و گوزار، ناڤخو، شه‌هيدان و زيندانيێن سياسى، دارايى و ره‌گه‌زنامێ به‌لاڤ كه‌ت و پشتى نه‌وروزێ دێ مووچێ وه‌زاره‌تێن دى به‌لاڤ كه‌ن.
ئه‌ڤرۆ نيوز:
وه‌زاره‌تا دارايى سه‌باره‌ت پارێ به‌غدا بۆ مووچان هنارتى دياركريه كو حوكمه‌تا عيراقێ 317 مليار دينار بۆ هه‌رێمێ هنارتينه و پاره بۆ هه‌موو وه‌زاره‌تانه ب وه‌زاره‌تا پێشمه‌رگه‌ى و هێزێن ئه‌منى ڤه ژى.
وه‌زاره‌تا دارايى دياركريه كو ئه‌ڤ 317 ملياره بۆ هه‌موو وه‌زاره‌تانه، نه ب تنێ بۆ ساخله‌ميێ و په‌روه‌ردێ و دياركريه ، حوكمه‌تا هه‌رێمێ ب به‌لاڤكرنا مووچێ هه‌موو وه‌زاره‌تان بێى پاشكه‌فت پێدڤى ب 900 مليار دينارايه، بۆ دابه‌شكرنا مووچه‌ى ژى ب پاشكه‌فت پێدڤى ب 590 مليار دينارايه، ئانكو ئه‌گه‌ر هه‌رێم 237 مليار دينارێن دى ژى بێخته سه‌ر يێ به‌غدا، ژ نوى دێ شێت مووچێ هه‌موو وه‌زاره‌تان ب پاشكه‌فت ڤه ده‌ت.
ئه‌ڤرۆ نيوز، نيوار محه‌مه‌د سه‌ليم:
پشكا په‌يوه‌ندى و راگه‌هاندنێ ل رێڤه‌به‌ريا باژێرڤانيا پارێزگه‌ها دهۆكێ راگه‌هاند كو سوبه‌هى رۆژا دوشه‌مبى دێ مه‌يدانكا ئه‌ينيا ل پێش رۆژا ئه‌ينى ڤه هه‌بيت.
ئيسماعيل مسته‌فا، پشكا په‌يوه‌ندى و راگه‌هاندنێ ل رێڤه‌به‌ريا باژێرڤانيا پارێزگه‌ها دهۆكێ راگه‌هاند كو سوبه‌هى رۆژا دوشه‌مبى 19ى ئادارا 2018ێ دێ مه‌يدانكا ئه‌ينيا ل پێش رۆژا ئه‌ينى ڤه هه‌بيت.
پشكا په‌يوه‌ندى و راگه‌هاندنێ ل رێڤه‌به‌ريا باژێرڤانيا پارێزگه‌ها دهۆكێ خۆيا كر كو ل سه‌ر داخوازا ئه‌و كه‌سانێن كه‌رستێن خوه ل بازارێ رۆژا ئه‌ينى د فرۆشن، “خودانێ ئه‌ردى سه‌ره‌دانا سه‌رۆكێ باژێرڤانيێ كريه و داخواز ژێ كريه كو ل رۆژا دوشه‌مبى ل جهێ رۆژا ئه‌ينى مه‌يدانك بهێته ڤه‌كرن ژ به‌ر كو د كه‌ڤيته د رۆژانێن نه‌ورۆزێ دا، رێڤه‌به‌رێ باژێرڤانيێ ژى ره‌زامه‌ندى ل سه‌ر وه‌رگرتيه”.
ل هه‌موو شه‌ڤێن پێنجشه‌مبى و رۆژێن ئه‌ينى بازارێ رۆژا ئه‌ينى كو ب مه‌يدانك يا به‌رنياسه دهێته ڤه‌كرن و وه‌لاتى كرين و فرۆتنێ تشتێن خوه يێن كه‌ڤن و نوو ل وێرێ دكه‌ن و وه‌كو ئه‌و دده‌نه دياركرن بهايێ وێ ژى ژ يێ بازارى يێ جودايه.
ئه‌ڤرۆنيوز:
كچه‌كێ ئه‌ڤرۆ ئێكشه‌مبى 18/3/2018 ب چه‌كێ ده‌مانجێ دووماهى خوه كوشت.
رائيد (هێمن سڵێمان) په‌يڤدارێ رێڤه‌به‌ريا پۆليسێن پارێزگه‌ها دهۆكێ دبه‌رپه‌رێ خوه دا ل سه‌ر تۆرا جڤاكى يا فه‌يسبووكى به‌لاڤكر” ئه‌ڤرۆ سپێدێ كچه‌كا 11 سالى ب ناڤێ (ستێرين به‌شار) ل تاخێ ماسيكێ ل سه‌نته‌رێ باژێرێ دهۆكێ ب ده‌مانجێ دووماهى ب ژيانا خوه ئينا”.
هێمنى دياركر”ڤه‌كۆلين ژئاليێ نڤيسينگه‌ها كوشتنى ل پۆليسێن دهۆكێ يا ده‌ستپێكرى بۆ دووڤچوونا ڤێ روودانێ”.
ئه‌ڤرۆنيوز:
سه‌رۆكێ جڤاتا نوونه‌رين عيراقێد سه‌ره‌دانا خوه دا بۆ توركيا دژايه‌تيا مانا په‌كه‌كێ ل سنورێ هه‌رێما كوردستانێ كر وبه‌رهه‌ڤيا هاريكاريا عيراقێ بۆ توركيا به‌رچاڤكر.
عه‌بدولمه‌لك حوسێنى شيره‌تكارێ راگه‌هاندنێ يێ سه‌ليم جبوورى سه‌رۆكێ جڤاتا نوونه‌رين عيراقێ بۆ ئاژانسا سپۆتنيك يا رووسى گۆت” دسه‌ره‌دانا سه‌ليم جبوورى دا بۆ توركيا، دووپاتكر كو عيراق دژى هه‌بوونا هێزێن په‌كه‌كێ يه ل سنوورێ عيراقێ”.
گۆت ژى” دبوارێ ئه‌منى دا، سه‌رۆكێ جڤاتا نوونه‌رين عيراقێ دياركر كو عيراق دژى هه‌ر هه‌بوونه‌كا چه‌كداريه ل سه‌ر ئاخا خوه كو مه‌ترسيێ ل ده‌ڤه‌رێ په‌يداكه‌ت ب تايبه‌ت هێزێن پارتيا كاركه‌رێن كوردستانێ (په‌كه‌كه) وبه‌رهه‌ڤيا عيراقێ به‌رچاڤكر بۆ هاريكاريا توركيا دوى بوارى دا”.
رۆژا پێنجشه‌مبيا بۆرى 15/3/2018، سه‌ليم جبوورى سه‌رۆكێ جڤاتا نوونه‌رێن عيراقێ ب سه‌ره‌دانه‌كا فه‌رمى گه‌هشتبوو ئه‌نقه‌ره، وه‌كو شيره‌تكارێ وى دبێژيت، جبوورى دسه‌ره‌دانا خوه دا به‌حسێ چه‌ندين ئاليێن ئابوورى وئه‌منى ل گه‌ل به‌رپرسێن توركى كربوون.
پێشتر وه‌زيرێ ده‌رڤه‌يێ توركيا راگه‌هاندبوو كو ل دووماهيا هه‌يڤا گۆلانێ دا دێ توركيا ب هه‌ڤپشكى ل گه‌ل عيراقێ ئۆپه‌راسيۆنه‌كا له‌شكرى دژى په‌كه‌كێ ده‌ست پێكه‌ن.
ئه‌ڤرۆنيوز:
له‌شكرێ توركى ب كووراتيا زێده‌تر ژ 10 كيلۆمه‌تران هاتنه دناڤ ئاخا هه‌رێما كوردستانێ دا ل سنورێ ده‌ڤه‌را سيده‌كان ل قه‌زا سۆران وبه‌رده‌وام ب رێيا هه‌ليكۆپته‌ران سه‌ربازێن زێده‌تر ل بلنداهيێن گوندێ به‌رميزه ددانيت وتوپبارانا وێ ده‌ڤه‌رێ دكه‌ت، ئه‌ڤ چه‌نده ژى بوويه ئه‌گه‌رێ گه‌هاندنا زيانێ ب خه‌لكێ وان گوندان.
عه‌بدولرزاق ئه‌حمه‌د، موختارێ گوندێ به‌رميزه بۆ رووداو دبێژيت” ده‌مێ حه‌فتيه‌كێ يه توركيا هه‌موو رۆژه‌كێ هژمارا سه‌ربازێن خوه زێده‌تر دكه‌ت وب هه‌ليكۆپته‌ران ددانيت، زێده‌تر ژ 10 كيلۆمه‌تران هاتينه دناڤ سنورێ گوندێ مه دا وژيانا مه يا نه‌خوه‌ش بووى، مه ئاڤ نه‌مايه وژ كارى ژى يێ بووين ونه‌شێين بلڤين ونه‌ئارامى ل ده‌ڤه‌رێ يا زێده‌تر دبيت”.
سه‌رباز حاجى كه‌ريم، وه‌لاتيه‌كێ ده‌ڤه‌رێ يه دبێژيت” ده‌ڤه‌را مه ( كانى ره‌ش) جهه‌كێ سه‌خته وهه‌تا نوكه سێ جاران له‌شكرێ توركى وپه‌كه‌كێ شه‌ر لێ كريه ب تايبه‌ت ب شه‌ڤێ به‌رده‌وام ده‌نگێ ته‌قێ دهێت وهه‌ر جاره‌كێ زێده‌تر ژ نێڤ ده‌مژمێرێ شه‌رێ وان به‌رده‌وام دبيت”.
ل دووڤ رووداو، نوكه سه‌ربازێن ليوا سێ يا په‌ياده ب سه‌ر به‌تاليۆنا 34 يا سنورپارێز وفه‌رمانده‌يا ليوايا كوماندۆ يا توركى زێده‌تر ژ شه‌ش كيلۆمه‌تران ژ باره‌گايێ زێره‌ڤانێن سنورێ عيراقێ بۆرينه وژئه‌سمانى وئه‌ردى بلنداهيا چيايان توپباران دكه‌ن.
ئةظرؤنيوز، نەوزاد هلۆری:
زارۆيەكێ پێنج سالی كو خەلكێ گوندێ هلورا یا سەر ب ناحیا شێلادزێ ڤه ل سنورێ قەزا ئامێدیێ، دشێت ب شێوەیەكێ سەركەفتی بلدوزه‌رێ ب هاژۆت.
زەكەریا فەرسەت، ئەو زارۆيه بۆ ئەڤرۆ گۆت” ئه‌ز بخوە فێری هاژۆتنا بلدوزه‌رێ بویمە و بابێ من ژی هاریكاریا من دكەت ، تشتێ نەخوه‌ش بۆ من ب تنێ گیر و ستوپه كو پیێن من دكورتن و هێزا من زۆر نینە كو بگوهۆرم ، بەلێ ل گەل ڤێ یەكێ ژی ئەز هەر دهاژۆم”.
فەرسەت عەبدولجەبار بابێ ئەوی زارۆكی دیاركر كو كۆرێ وی دیتن و گوهەكێ باش هەیە بۆ فێربوونا پتريا ئامیرێن هاتنوچونێ مینا تراكتور و ترومبێل و ماتورسكل و بلدوزه‌ر و بۆ ئەڤرۆنيز گۆت” كۆرێ من ب شێوەیەكێ سەركەفتی بلدوزه‌رێ دهاژۆت و ئەو بخوە دەڤێ بلدوزه‌رێ پری ئاخ دكەت و خالی ژی دكەت و بۆ پێش و پاش دبەت ، ئەو دەمێ كو ئەز دچومە سەر كاری ل كارگەهەكا حه‌سوى و خیزی گه‌له‌ك جاران ل گەل من دهات و حەز دكر فێر ببیت”.
زێدەتر گۆت” كۆرێ من نوكه هەموو كارێن بلدوزه‌رێ دزانیت ، بتنێ ئەو نه‌شێت قەلابا و ترومبێلان ب بلدوزه‌رێ بار بكەت ژ بەركو بلدوزه‌را من گێر عادیە و پيچه‌ك بۆ وی یا ب زەحمەتە، بەلێ هه‌كه بلدوزه‌ره‌كا پێشكەفتی و كارەبايی بیت، دشێت بلدوزه‌رێ ژی بار بكەت”.
ناڤبری ناخوازیت كو كۆرێ ویبلدوزه‌رێ بهاژۆت، بەلكو دڤێت گرنگیێ ب خواندنا خوە بدەت بەلێ ل گەل ڤێ یەكێ ئەو ل گەل هندێ یە كو زارۆك ژی خوە فێری هاژوتنا ترومبێل و بلدوزه‌ر و تراكتور و ئامیرێن دى بكەن.
نيشاندان