ئه‌ڤرۆ نيوز:
وێنه‌كێ كه‌ڤنێ حه‌يده‌ر عه‌بادى سه‌رۆك وه‌زيرێن عيراقێ ل تورێن جڤاكى به‌لاڤ بوويه كو ل گه‌ل شێوازێ وى يێ نوكه گه‌له‌ك يێ جودايه و ل تورێن جڤاكى گه‌له‌ك ره‌نگ ڤه‌دايه.
وێنه‌كێ عه‌بادى بكارئينه‌رێن تورێن جڤاكى مژوول كرينه
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سه‌ره‌كى Twitter
ڤيديو: مورينيو چاوا ره‌فتار ل گه‌ل رۆژنامه‌ڤانه‌كى كر كو دخواست سێلفيه‌كێ ل گه‌ل بگريت
رێژا بارانێ ل ده‌مژمێر 9 سپێدێ تا 9 شه‌ڤ
ئه‌ڤرۆ نيوز:
ل دووڤ راپۆرتا كه‌شناسيا هه‌رێما كوردستانێ ژ ده‌مژمێر 9 سپێدێ تاوه‌كو 9 شه‌ڤ، ئه‌ڤ رێژا بارانێ ل سنورێ پارێزگه‌هێن هه‌رێمێ بارى يه.
هه‌ولێر 2.5 ملم
سلێمانى 4 ملم
دهۆك 0.5 ملم
پیرمام 1 ملم
زاخۆ 3.7 ملم
ئاكرى 0.2 ملم
ئامێدی 2.4 ملم
بامه‌رنی 3.2 ملم
بارزان 2.2 ملم
بازیان 2.8 ملم
دوكان 2.4 ملم
هه‌لشۆ 2.6 ملم
هه‌له‌بجه 0.2 ملم
كانى ماسی 4.6 ملم
مانكیش 0.2 ملم
سۆران 0.6 ملم
مه‌یدان 0.6 ملم
قه‌لادزه 2.8 ملم
شاریا 0.2 ملم
میرگه‌سور 4.2 ملم
ماوەت 2.4 ملم
پێنجوێن 10.4 مام
سیدەکان 1.2 ملم
باتوفە 3.6 ملم
دینارتە 6.8 ملم
پارێ ژبودجا عيراقێ بۆ هه‌رێمێ تێرا مووچێ فه‌رمانبه‌ران ناكه‌ت
ئه‌ڤرۆنيوز:
ئه‌ندامه‌كا لژنا دارايى ل جڤاتا نوونه‌رێن عيراقێ راگه‌هاند، پشكا هه‌رێما كوردستانێ دپرۆژه قانوونا بودجا گشتى يا عيراقێ ل دووڤ رێژا ئاكنجيان هاتيه دياركرن كو كۆژمێ پاره‌ى دبيته حه‌فت ترليۆن دينار، دده‌مه‌كى دا هه‌رێما كوردستانێ تنێ بۆ مووچه‌ى پێدڤى ب زێده‌تر ژ 10 ترليۆن ديناران يا هه‌ى.
نه‌جيبه نه‌جيب ئه‌نداما جڤاتا نوونه‌رێن عيراقێ ژ فراكسيۆنا پارتى وئه‌نداما لژنا دارايى ل جڤاتێ گۆت” دپرۆژه قانوونا بودجا گشتى يا عيراقێ، پشكا هه‌رێما كوردستانێ ل دووڤ رێژا ئاكنجيان هاتيه دانان ول وه‌زاره‌تا پلاندانانا عيراقێ رێژا ئاكنجيێن هه‌رێمێ 8،13% يه.
نه‌جيبايێ زێده‌تر بۆ وشه گۆت” پشكا هه‌رێما كوردستانێ بۆ حه‌فت ترليۆن ديناران يا هاتيه كێمكرن، به‌لێ هه‌رێما كوردستانێ تنێ بۆ مووچه‌ى پێدڤى ب زێده‌تر ژ 10 ترليۆن دينارايه، ژبلى خه‌رجى وكريا كۆمپانيێن په‌ترۆلى وخه‌رجيێن وه‌به‌رهێنانێ”.
گۆت ژى” سه‌رۆك وه‌زيرێن عيراقێ، حه‌يده‌ر عه‌بادى، يێ به‌رهه‌ڤ نينه گورانكاريێ دپرۆژه قانوونا بودجه‌ى دا بكه‌ت وداخوازيێن كوردان بجهبينيت، ب جۆره‌كى دڤێت ب ڤى شێوه‌يێ هه‌ى پرۆژه قانوونا بودجه‌ى بهێته په‌سه‌ندكرن كو ئه‌ڤه ژى ب چو شێوه‌كى دبه‌رژه‌وه‌ندا هه‌رێما كوردستانێ دا نينه”.
دياركر ژى” ئه‌م ب چو شێوه‌كى ده‌نگب پرۆژه قانوونا بودجه‌ى نا ده‌ين تاكو داخوازيێن كوردان نه‌هێنه جێگيركرن”.
كورد هه‌تا نوكه بايكۆتا روونشتنێن جڤاتا نوونه‌رێن عيراقێ دكه‌ن ل دۆر بودجه‌ى وگرنگترين داخوازيێن كوردان ژى ئه‌وه كو پشكا هه‌رێما كوردستانێ ژ بودجه‌ى ژ 17% كێمتر نه‌بيت كو دستوورى دياركريه وناڤێ پارێزگه‌هێن هه‌رێمێ ژى بۆ حوكمه‌تا هه‌رێمێ بهێته گوهارتن.
عيراقێ حوكمێ سێداره‌دانێ دژى 15 ژنێن توركى ده‌ركر
ئه‌ڤرۆنيوز:
دادگه‌هه‌كا عيراقى، ئه‌ڤرۆ ئێكشه‌مبى 25/2/2018، حوكمێ سێداره‌دانێ دژى 15 ژنێن توركى ده‌ركر ب تۆمه‌تا ئه‌ندامبوونا رێكخستيا داعش يا تيرۆرستى.
ژێده‌ره‌كى دادوه‌رى يێ عيراقى بۆ ئاژانسا رۆژنامه‌ڤانيا فره‌نسى ئه‌ڤ چه‌نده پشت راستكر وگۆت” حوكمێ زيندانكرنا هه‌تا هه‌تايى ژى ل سه‌ر ژنه‌كا دى يا توركى هاته ده‌ركرن”.
به‌رى نوكه ژى دادگه‌ها جينائى يا عيراقى ل به‌غدا به‌رى نوكه ژى حوكمێ سێداره‌دانێ دژى ژنه‌كا توركى ده‌ركربوو زێده‌بارى حوكمێ زيندانكرنا هه‌تا هه‌تايى بۆ 10 ژنێن دى يێن توركى ب تۆمه‌تا ئه‌ندامبوونا داعشێ.
ب ڤیدیو – ڤى جهى سه‌رنجا وه‌لاتى و گه‌شتیاران راكێشایه
ئه‌ڤرۆ نیوز، نه‌وزاد هلۆرى:
وه‌لاتیه‌كێ ناحیا شێلادزێ يا ب سه‌ر ب قه‌زا ئامێدیێ ڤه ، جهه‌كێ تایبه‌ت بۆ خوه چێكریه ، ژبه‌ركو خانیه‌كێ كه‌لتوورى يه و باخچه و دیزاینێن جوان يێن هه‌ين ، خانى ژ جهه‌كێ تایبه‌ت بوویه جهه‌كێ گشتى و شه‌ڤ و رۆژ وه‌لاتى و گه‌شتیار سه‌ردانا وى دكه‌ن.
نه‌وزاد بنیامین رێكانى، خودانێ خانى دياركر كو خانى ب شێوه و ستایله‌كێ كه‌لتورى و دیزاینێن جوان هاتیه چێكرن و وه‌لاتى و گه‌شتیار ل پتريا ده‌ڤه‌رێن پارێزگه‌ها دهوكێ سه‌ره‌دانێ بۆ دكه‌ن و گوت” هه‌ر چه‌نده من ئه‌ڤ خانيه و جهه ب مه‌ره‌ما ڤه‌حه‌ویانا خوه و ئارامبوونا خوه درۆستكریه ده‌ما كو كارێن خوه‌یێن چاندنێ دكه‌م ، به‌لێ ل گه‌ل ڤێ یه‌كێ ژى يێ بوویه جهه‌كێ گشتى و رۆژانه ده‌هان كه‌س ل ده‌ڤه‌رێن جوداجودا سه‌ره‌دانا وى دكه‌ن و ل گه‌ل ڤه‌خوارنا چایه‌كا گه‌رم هه‌وایه‌كێ خوه‌ش د هه‌لمژن و بێهنا خوه دده‌ن”.
زێده‌تر گۆت” ئه‌ڤ جهێ من چێكرى پێكدهێت ژ خانیه‌كێ كه‌لتورى كو تێدا هژماره‌كا كه‌ره‌ستين كه‌ڤن تێدا هاتینه هه‌لاویستن وه‌كو له‌مپه و شاخێن كوڤیان و سوپا داران و چه‌ندين كه‌لوپه‌لێن دى، ل گه‌ل ڤێ یه‌كێ ژى چه‌ندين دیكور و دیزاینێن جوان و سه‌رنجراكێش ژى هاتینه درۆستكرن كو پێكهاته‌یا وان ژى دار و به‌رێن خومالیێن ده‌ڤه‌رێ نه “.
ناڤبرى د درێژاهیا ئاخڤتنێن خودا دیاركر ژى كو ئه‌و ل سه‌ر كيستێ خوه چايێ و چه‌ند پێدڤیێن دى یێن خوارن و ڤه‌خوارنێ دده‌ته وان وه‌لاتى و گه‌شتیارێن كو سه‌ره‌دانا وى دكه‌ن و گوت ژى ” ژبلى خانیێ كه‌لتوورى و دیزاینێن جوان، چه‌ندين جۆرێن چاندنێ ژى من ل ده‌ردورێن خانى درۆستكرینه ژ وانا چاندنا مێوێن ترى و باقلك و پیڤاز و چه‌ند جۆرێن كه‌سكاتى و ترى كو دنیڤا وان دا كانیه‌كا ئاڤێ يا هه‌ى و جۆیا ئاڤێ دناڤ دا دچیته “.
ل دۆر ئاریشه‌یێن ڤى جهى، گۆت” ئاریشا سه‌ره‌كى تنێ نه‌بوونا ئاڤێ یه ل وه‌رزێ هاڤینێ و كاره‌با گشتى ژى نینه ، به‌لێ ئه‌ڤ چه‌نده نه‌بوویه ئه‌گه‌ر كو وه‌لاتى سه‌ردانێ بۆنه‌كه‌ن، ژ به‌ركو من ماتوره‌كا كاره‌بێ یا تایبه‌ت كریه و دانایه و بیره‌كا ئاڤێ ژى كولایه و ئه‌ز ب شه‌ڤ و رۆژ ل ڤى خانى پێشوازیا خه‌لكى و گه‌شتیاران دكه‌م”.
جڤاتا پاريزگه‌ها هه‌ولێرێ نامه‌كێ بۆ عه‌بادى دهنێريت
ئه‌ڤرۆنيوز:
جڤاتا پارێزگه‌ها هه‌ولێرێ، ئه‌ڤرۆ ئێكشه‌مبى 25/2/2018، نامه‌ك بۆ سه‌رۆك وه‌زيرێن عيراقێ حه‌يده‌ر عه‌بادى هنارت وتێدا داخوازكريه گه‌شتێن نێڤده‌وله‌تى بۆ فرۆكخانا هه‌ولێرێ بهێنه ده‌ستپێكرن ورێيێن گرتى ژى بهينه ڤه‌كرن.
سه‌رۆكێ جڤاتا پارێزگه‌ها هه‌ولێرێ، عه‌لى ره‌شيد دناما خوه دا بۆ عه‌بادى، دبێژيت” ژبه‌ر وێ ره‌وشا وه‌لاتيێن كه‌ركووكێ ومه‌خموورێ تووشبووينێ ژبه‌ر گرتنا رييا سه‌ره‌كى يا وان هه‌ردو باژێران ب سه‌نته‌رێ پاريزگه‌هێ هه‌ولێرێ ڤه گرێدده‌ت، مه سۆز دايه وه‌لاتيێن خوه كو ڤێ داخوازيێ ژ ته بكه‌ين دروونشتنا ئاسايى يا جڤاتا پاريزگه‌هێ يا هژمار 59 كو ل رۆژا سێشه‌مبى 20/2/2018 هاتيه گرێدان وتێدا رازيبوون ل سه‌ر ڤێ پێشنيازى هاتيه كرن”.
دياركر ژى” ئه‌م داخوازيا جڤاتا خوه بۆ ته بلند دكه‌ين ودخوازين فه‌رمانا ڤه‌كرنا فرۆكخانا هه‌ولێر يا نيڤده‌وله‌تى بده‌ى وه‌كو حاله‌ته‌كا مرۆڤايه‌تى ل به‌رامبه‌ر گه‌لێ خوه كو پێدڤى ب ده‌ستپێشخه‌ريا ته‌يه بۆ نه‌هێلانا وێ نه‌خوه‌شيا تووش دبنێ ژبه‌ر گرتنا وێ فرۆكخانێ”.
سه‌رۆكێ جڤاتا پارێزگه‌ها هه‌ولێرێ دوێ نامێ دا بۆ عه‌بادى دبێژيت” هيڤيدارين ڤێ سته‌مێ ل سه‌ر گه‌لێ خوه راكه‌ى وئه‌و هه‌ردو رێ وفرۆكخانا هه‌ولێرێ ژى بهێنه ڤه‌كرن ژبۆ به‌رژه‌وه‌ندا گشتى يا وه‌لاتيان”.
بەرپرسەکێ ئێکەتیێ:حوکمەتا عێراقێ ب خوە دەنگۆیێ هێرشا داعشێ بۆ سەر کەرکووکێ بەلاڤ دکەت
ئەڤرۆ نیوز ، زنار :
ئەندامەکێ فراکسیۆنا ئێکەتیێ ل جڤاتا پارێزگەها كەركووكێ ئاشکرا کریە،کوو ئەو دەنگۆیێن دەربارەی هێرشا داعشێ بۆ سەر کەرکووک هەین،ژلایێ حوکمەتا عێراقێ ڤە دهێنە بەلاڤەکرن.
ئەڤرۆ ئێكشەمبی 25/2/2018، ئەحمەد عەسكەری، ئەندامێ جڤاتا پارێزگەها كەركووكێ ژ فراکسیۆنا ئێکەتیێ دیارکریە:کو حوکمەتا عێراقێ ب خوە بەلاڤکریە،کو مەترسیا هێرشا داعشێ بۆ سنوورێ كەركووكێ هەیە،هەروەسا ب تنێ حوکمەتێ نڤێسین ئاراستەی بنگەهێن پۆلیسان كرینە بۆ هندێ کو د ئاگەهدار بن ژ هەر حالەتەکێ نەخوازتی.
هەروەسا روونکریە، ئەوێن بانگەشەیا هاتنا تیرۆرستێن داعش بۆ سنووری كەركووك دكەن، ”خەلك نینن، بەلکو حوکمەت ب خوەیە“.
وه‌زاره‌تا دارايى پارێ هاندانێ دێ بۆ ڤان فه‌رمانبه‌ران ژى خه‌رج كه‌ت
ئه‌ڤرۆنيوز:
پشتى هه‌ردو وه‌زاره‌تێن په‌روه‌ردێ وساخله‌ميێ، وه‌زاره‌تا دارايى ل دووڤ رازيبوونا جڤاتا وه‌زيرين هه‌رێما كوردستانێ، رێنمايى بۆ پێدانا پارێ هاندانێ ب پشكه‌كا فه‌رمانبه‌رێن وه‌زاره‌تا داد ده‌ركر.
ل دووڤ وي رێنمايێ كو وه‌زاره‌تا دارايى وئابوورى ل هه‌رێمێ ب هژمار 3 سالا 2018 ده‌ركرى، رازيبوون هاتيه دان خه‌رجكرنا پارێ هاندانێ بۆ فه‌رمانبه‌رێن تۆمارا خانوبه‌ران يێن ب سه‌ر وه‌زاره‌تا داد ڤه ب رێژه‌يا 5% ل سه‌ر داهاتێ وان.
دوێ رێنمايێ دا هاتيه، كوژمێ هاندانێ ژ رێڤه‌به‌رێ گشتى ده‌ست پێ دكه‌ت كو 500 هزار ديناره ورێڤه‌به‌ر 275 هزار دينار وجێگرێ رێڤه‌به‌رى وسه‌رۆكێ ده‌ستێ وتێبينه‌ر كوژمێ 225 هزار ديناران وبه‌رپرسێ هوبێ 200 هزار دينار وفه‌رمانبه‌ر 160 هزار دينار وفه‌رمانبه‌رێ گريبه‌ست 120 هزار دينار وخزمه‌تگوزار 100 هزار دينار.
ديار كريه ژى كو ئه‌و پارێ هاندانێ يێ هه‌يڤانه‌يه ونابيت بۆ تشته‌كێ دى بهێته خه‌رجكرن وبريارا ناڤبري ژ 1/1/2018 دێ چيته دبوارێ بجهئينانێ دا وتنێ ژوان فه‌رمانبه‌ران دگريت ئه‌و پێگيرن ب ده‌وامێ.
به‌رپرسه‌كێ كۆمسيۆنێ:به‌ربژاره‌كى ل پارێزگه‌هه‌كێ 50 هزار كارتێن ده‌نگده‌ران يێن كرين
ئه‌ڤرۆنيوز:
به‌رپرسه‌كێ بلند يێ كۆمسيۆنا هه‌لبژارتنان ل عيراقێ، ئاشكراكر كو 50 هزار كارتێن ده‌نگدانێ ل پاريزگه‌هه‌كا عيراقێ يێن هاتينه فرۆشتن وژئاليێ به‌ربژاره‌كى ڤه يێن هاتينه كرين.
رۆژناما (العربي الجديد) ل سه‌ر زارێ به‌رپرسه‌كێ كۆمسيۆنا هه‌لبژارتنان ل عيراقێ به‌لاڤكر” كرينا كارتێن ده‌نگدانێ يێن ئاواران راسته وتنێ ل پارێزگه‌هه‌كێ 50 هزار كارتێن ده‌نگدانێ ژئاليێ ئاواران ڤه يێن هاتينه فرۆتن”.
دياركر” كارتێن هاتينه فرۆتن ژئاليێ به‌ربژاره‌كى ڤه يێن هاتينه كرين كو ئه‌و وێ رامانێ دگه‌هينيت كو پێشوه‌خت ده‌نگێن وان هاتينه كرين”.
وى به‌رپرسێ كۆمسيۆنێ به‌حس ل وێ چه‌ندێ ژى كر كو ئاليێ ده‌ستهه‌لاتدار يێ هه‌ى كو بزاڤێ دكه‌ت ده‌ست ب سه‌ر ده‌ڤه‌رێن رزگاركرى ژداعشێ بگريت ووه‌لاتيان نه‌چار بكه‌ت ب هه‌ر شێوه‌كێ هه‌بيت ده‌نگى بۆ بده‌ن، ب تايبه‌تى ل پارێزگه‌هێن ئه‌نبار وباشوورێ عيراقێ.
به‌رى نوكه عه‌بدولكه‌ريم عه‌بتان، ئه‌ندامێ جڤاتا نوونه‌ران ژ هه‌ڤپه‌يمانيا نيشتمانى يا شيعى هوشدارى دابوو ژ فرۆشتنا كارتێن ده‌نگده‌ران ب ئارمانجا دوباره سه‌ختكرنێ دئه‌نجامێن هه‌لبژارتنان دا وزڤرينا گه‌نده‌لكاران.
برياره هه‌لبژارتنێن عيراقێ ل 12/5/2018 بهێنه ئه‌نجامدان.
نيشاندان
WP Facebook Auto Publish Powered By : XYZScripts.com