ده‌نگوباسه‌كێ نه‌خوه‌ش بۆ پشته‌ڤانێن ريال مه‌دريد

19/02/2018 14:55

358

ئه‌ڤرۆنيوز:

ل ده‌مێ گێمێ ئێكێ ژياريا دناڤبه‌را هه‌ردو يانێن ريال مه‌دريد وريال بيتيس كو شڤێدى هاتيه‌ ئه‌نجامدان وتێدا ريال مه‌دريد ب ئه‌نجامێ 5-3 سه‌ركه‌فتى، ياريكه‌رێ هێلا به‌رگريا وێ مارسيلۆ يێ به‌رازيلى ل تووشى پێكانێ بوو وهاته‌ گوهارتن.

رۆژنامێن ماركا وديبۆرتيڤۆ يێن ئيسپانى به‌لاڤكرن كو مارسيلۆ نه‌شێت ياريا هاتنێ ژ قۆناغا 16 يا خۆلا قاره‌مێن ئورۆپا ل به‌رامبه‌ر باريس سان جيرمان بكه‌ت ژبه‌ر پێكانا پێ خوه‌ كو برياره‌ ئه‌و يارى ل 6/3/2016 ل باريس بهێته‌ ئه‌نجامدان پشتى ريال د ياريا چوونێ دا ب ئه‌نجامێ 3-1 سه‌ركه‌فتى.

وان رۆژنامان به‌لاڤكر كو ده‌مێ دووركه‌فتنا مارسيلۆى ژ ياريێ كێمتر نينه‌ ژ 15 رۆژان.

ماوێ ڤەكرنا فرۆكخانێن هه‌رێمێ هاتە ئاشكرا کرن

19/02/2018 14:51

2089

ئەڤرۆ نیوز ، زنار تۆڤی :

حه‌یده‌ر عه‌بادى سه‌رۆك وه‌زیرێن عێراقێ دیارکریە،کو د‌ چه‌ند رۆژێن داهاتیدا فرۆ‌کخانێن هه‌رێمێ دێ هێنە ڤەکرن و په‌رله‌مانتارەکێ گوتیە، ڤەكرنا فرۆكخانان دێ ل 28 ڤێ هەیڤێ بیت.
حه‌یده‌ر عه‌بادى سه‌رۆك وه‌زیرێن عێراقێ د چاڤپێکەفتنەکێ دا ل گەل کەنالێ dw یێ ئەلمانی گوتیە،د چه‌ند رۆژێن داهاتیدا دێ فرۆكه‌خانێن هه‌رێمێ ڤەکەین.
ئه‌ڤرۆ دوشه‌مبی ئه‌سكه‌نده‌ر وه‌تووت ئه‌ندامێ لیژنا ته‌ناهى و به‌رەڤانیێ ل پەرلەمانێ عێراقێ،د لێدوانەکا رۆژنامه‌ڤانى دا ئاشكرا كریه‌،کو ڤەكرنا فرۆ‌کخانێن هه‌ولێر و سلێمانى دێ ل ‌ 28 ڤێ هەیڤێ بیت.
ئه‌سكه‌نده‌ر وه‌تووت ئەو ژی گوتیە، فرۆكخانێن هه‌ولێر و سلێمانیێ دێ هێنە ڤەکرن‌، هه‌ر چه‌نده‌ داخوازیێن به‌غدا ل دەرگەهێن‌ سنووری و فرۆكخانان نەهاتینە جێبه‌جێ ‌كرن،هەروەسا ل رۆژا ئێکشەمبی بۆ هه‌مان مه‌به‌ست شاندەکێ هه‌رێما كوردستانێ بۆ ڤەكرنا فرۆكخانان سه‌رەدانا به‌غدا كریە.
پشتی ریفراندۆما سه‌ربه‌خۆیا كوردستانێ،حوکمه‌تا عێراقێ کۆمەکا رێکاران ل دژى هه‌رێما كوردستانێ گرتیه‌به‌ر كو ئێک ژ وان داخستنا فرۆكخانێن هه‌رێما كوردستانێ بوو، ل هەمبەری فرۆكێن ژ ده‌رڤە‌،لێ ل ڤان نێزیکان دێ هێنە ڤەکرن.

عه‌بادى:ئه‌م ژ مه‌زاختنا مووچێ فه‌رمانبه‌رێن هه‌رێما كوردستانێ يێن نێزيك بووين

19/02/2018 14:40

493

ئه‌ڤرۆنيوز:

سه‌رۆك وه‌زيرێن عيراقێ، حه‌يده‌ر عه‌بادى، راگه‌هاند، ل ڤان نێزيكان فرۆكخانێن هه‌رێما كوردستانێ بۆ گه‌شتێن نێڤده‌وله‌تى دێ هێنه‌ ڤه‌كرن وژ مه‌زاختنا مووچێ فه‌رمانبه‌رێن هه‌رێما كوردستانێ ئه‌م يێن نێزيك بووين.

حه‌يده‌ر عه‌بادى، سه‌رۆك وه‌زيرێن عيراقێ دديداره‌كێ دا ل گه‌ل كه‌نالێ (DW) يێ ئه‌لمانى ب زمانێ عه‌ره‌بى گۆت” ل ڤان نێزيكان فرۆكخانێن هه‌رێمێ بۆ گه‌شتێن نێڤده‌وله‌تى دێ هێنه‌ ڤه‌كرن ودانوستاندن يێن هه‌ين ومه‌ ڤيايه‌ ده‌ستهه‌لاتا فيدرالى بزڤريته‌ فرۆكخانان، ل دۆر مووچێ فه‌رمانبه‌ران ژى، ئه‌م يێن ژ مه‌زاختنا وان نێزيك بووين وتنێ مه‌ دڤێت پشت راست بين كو ئه‌و پاره‌ بۆ حزبان ناچيت”.

عه‌بادى دوێ ديدارێ دا، ڤه‌كێشانا هێزێن ئه‌مريكى ژ عيراقێ ل سالا 2011 ب شاشيه‌كا ديرۆكى هژمارت وگۆت” مه‌ نه‌ڤێت هه‌مان شاشيا سالا 2011 دوباره‌ بكه‌ين، ده‌مێ هێزێن ئه‌مريكى ژ عيراقێ چووين، پشتى چه‌ند هه‌يڤه‌كا گرۆپێن تيرۆرستى ل هنده‌ك ده‌ڤه‌ران سه‌رهلدان وپاشى داعش هات وچه‌ندين باژێرێن عيراقى ب تمامى كونترۆلكرين”.

بەهزاد زێباری: ب چاکسازیێ دێ کێشا مووچەی و پاشەکەفتێ چارە بیت

19/02/2018 14:06

362

ئەڤرۆ نیۆز، سەباح زوهێر:

ئەندازیار بەهزاد زێباری سەرۆکێ فراکسیونا ئێکگرتویا ئیسلامی ل پەرلەمانێ کوردستانێ ددەتەدیارکرن کو گرنگە قانونا چاکسازیێ ل لیستا موچەخوران ب زوترین دەم ل پەرلەمانی دەربکەڤیت و حکومەت ب رژدی جێبەجێ بکەت، بریاربوو ئەڤرۆ راپورتا هەڤبەش یا هەر شەش لیژنا تەمام بیت، کو هەتا نها بەردەوامیا هەی بۆ دروستکرنا راپورتا کودەنگیێ ل ناڤ ئەندامێن لیژنێ دا یا هەی، ئەم هیڤی خوازین پەرلەمان روژا چارشەمبا داهاتی ڤێ قانونێ دەربکەت و کودەنگیەکێ دروست بیت ل ناڤبەرا سەروکاتیا پەرلەمانی و فراکسیونان بۆ دەرکەفتنا ڤێ قانونێ، ب جێبەجێکرنا ڤێ یاسایێ 150ملیار دینار هەیڤانە دێ بۆ حکومەتێ زڤرن.

زێدەتر گۆت ژی کو دامەزراندێن سندوقا داهاتێ نەفتێ و گازێ بۆ شەفافیەتێ ل کەرتێ نەفتێ دا، ب ڤێ چەندێ 180ملیار دینار بۆ حکومەتێ دێ زڤرن، هەروەسا گوهرینا ژێدەرێ سوتەمەنیێ و وێستگەهێن کارەبێ ل گازوێلێ بۆ گازا سروشتی، ئەگەر حکومەتێ بڤێت ل دەمێ کێمتر ل شەش هەیڤا دێ هێتەکرن و هەیڤانە زێدەتر 160ملیار دینار بۆ حکومەتێ دێ زڤرن.

ئاماژە دا وێ چەندێ کو چاکسازی ل داهاتێ گومرکێن ناڤخۆی دا بهێتەکرن، ب ڤێ چەندێ زێدەتر ل 200ملیار دینار بۆ خزینا گشتی یا حکومەتێ دێ زڤرن، ب کوما گشتی یا هەیڤانە ل ڤان هەر چوار سێکتەراندا زێدەتر 640ملیار دینار دێ زڤریت، ل گەل داهاتێ نوکەیێ یێ حکومەتێ کو 485ملیار دینارە، کو هەمو دبیتە 1،125ئێک ترلیۆن و سەدو بیست و پێنج ملیار دینار، ب ڤێ چەندێ هەیڤانە موچێ تەمام دێ هێتەدان، دگەل دانا رێژەکا موچێن پاشەکەفت و قەرێن بیانی و کومپانیان ژی دێ هێنەدان.

ئه‌ڤ ساله‌ ل سێ پارێزگه‌هێن هه‌رێمێ پترى سالا بۆرى باران باريه‌

19/02/2018 11:15

1249

ئه‌ڤرۆ نيوز:

رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ هه‌ڤبه‌ركيا باران بارينا ئه‌ڤ ساله‌ ل گه‌ل سالا بۆرى هه‌تا نوكه‌ راگه‌هاند و ئاشكه‌را كر كو ل چه‌ند ويستگه‌هێن هه‌رێما كوردستانێ پتر باران باريه‌.

ب گۆره‌يى نڤيساره‌كا رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ كو دانه‌ك ب ده‌ست ئه‌ڤرۆ نيوز كه‌فتيه‌، راگه‌هانديه‌ كو ل هه‌ر ئێك ژ هه‌ولێر و سلێمانى و هه‌له‌بچه‌ ژ سالا بۆرى پتر باران باريه‌ و ل دهۆك و كه‌ركووك ژى كێمتر.

ب گۆره‌يى ڤێ راپۆرتێ پشكا شێرى يا باران بارينا ئه‌ڤ ساله‌ به‌ر ب پارێزگه‌ها سلێمانيێ كه‌فيه‌ كو ب ره‌نگه‌كى وه‌كو هه‌ڤبه‌ركى ل گه‌ل سالا بۆرى هه‌تا ئه‌ڤرۆ رۆژا دوشه‌مبى رێكه‌فتى 19ى شوباتا 2018ێ 169.1 ملم ژ سالا بۆرى پتر باران باريه‌ و ل پارێزگه‌ها هه‌له‌بچه‌ ژى 41ملم ژ سالا بۆرى پتر باريه‌ و ل هه‌ولێر ژى 23.2ملم ژ سالا بۆرى پتر باران باريه‌.

ل دووڤ ڤێ راپۆرتێ ل پارێزگه‌هێن دهۆك و كه‌ركووك كێمتر باران باريه‌ ب ره‌نگه‌كى ل پارێزگه‌ها دهۆكێ هێش 18.5ملم يێن ماين بگه‌هيته‌ رێژا سالا بۆرى و ل پارێزگه‌ها كه‌ركووك ژى 12.8ملم يێن ماين.

ره‌وشا سه‌قايێ سوبه‌هى

19/02/2018 11:06

556

ئه‌ڤرۆ نيوز:

رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا چارشه‌مبى رێكه‌فتى 20ى شوباتا 2018ێ دهێته‌ پێشبينيكرن ئه‌سمان دێ ساهى بيت و ل هنده‌ك ده‌ڤه‌ران ئه‌وره‌كێ كێم و ل ده‌ڤه‌رێن چيايى ژى دێ ئه‌وره‌كێ ناڤه‌ندى بيت.

پشكا پێشبينيان ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ د نڤيساره‌كێ دا راگه‌هانديه‌ كو ژ ئه‌ گه‌رێ هاتنا فشارێن بلندێن وه‌لاتێ توركيا دهێته‌ پێشبينيكرن ئه‌سمان ساهى بيت و ل هنده‌ك ده‌ڤه‌ران ئه‌وره‌كێ كێم و ل ده‌ڤه‌رێن چيايى ژى دێ ئه‌وره‌كێ ناڤه‌ندى بيت.

پشكا پێشبينيان خۆيا ژى كريه‌ كو نزمترين پلا گه‌رما پێشبينيكرى دێ 7 پله‌ بيت و بلندترين پله‌ ژى دێ 17 پله‌ بيت.

هه‌ر ب گۆره‌ى ڤێ راپۆرتا رێڤه‌به‌ريا ناڤبرى له‌زاتيا باى ژى دێ د ناڤبه‌را 5 بۆ 10كم بيت د ده‌مژمێره‌كێ دا و ماوێ ديتنێ ژى دێ د ناڤبه‌را 9 بۆ 10كم دا بيت.

هزار بریندارێن چه‌كێ كیمیاوی پێدڤی ب چاره‌سه‌ریێ هه‌یه‌

19/02/2018 10:49

ئه‌ڤرۆ نيوز:

قوربانیانیێن كاره‌ساتا كیمیابارانا هه‌له‌بجه‌ چه‌ند داوخوازیه‌ك ل حوكمه‌تا هه‌رێما كوردستانێ و سه‌رۆكێ كۆمه‌لا قوربانیێن كاره‌ساتا هه‌له‌بجه‌ژی دبێژیت، هه‌گه‌ر داخوازیێن مه‌ نه‌هێنه‌ بجه ئینان دێ بایكۆتا بیره‌وه‌ریا زیندیكرنا كاره‌ساتا هه‌له‌بجه‌ بكه‌ین ل رۆژا 16ی ئادارێ.

لوقمان عه‌بدولقادر، سه‌رۆكێ كۆمه‌لا قوربانیانیێن كیمیابارانا هه‌له‌بجه‌ بۆ رۆژ ناما ئه‌ڤرۆ گۆت” كۆمه‌لێ و كه‌س و كارێن قوربانیان یاداشته‌ك بلندكریه‌ بۆ سه‌رۆكایه‌تیا جڤاتا وه‌زیران و وه‌زاره‌تا كاروبارێن شه‌هیدان هه‌تا رۆژا 16ی ئادارێ به‌رسیڤامه‌ نه‌هێته‌دان دێ بایكۆتا بیره‌وه‌ریا كاره‌ساتا هه‌له‌بجه‌ بكه‌ین و رێكێژی ناده‌ین حوكمه‌ت ئه‌ڤێ بیره‌وه‌ریێ زیندی بكه‌ت، كو ئه‌وژی چوار خالێن سه‌ره‌كی نه‌، ژوانا چاره‌سه‌ركرنا برینداران و ڤه‌كرنا نه‌خۆشخانه‌ هه‌له‌بجه‌ تایبه‌ت ب چاره‌سه‌ركرنا به‌ركه‌فتیێن كیمیایی كو هه‌تانوكه‌ نۆشدار و پێدڤی بۆ نه‌خۆشخانێ نه‌هاتینه‌ دابینكرن، هه‌روه‌سا مه‌ داخوازكریه‌ پارچێن ئه‌ردی بسه‌ر كه‌س و كارێن قوربانیان بهێنه‌ به‌لافكرن.

لوقمان عه‌بدولقادر گۆتژی” تنێ ل هه‌له‌بجه‌ 500 بریندارێن چه‌كێ كیمیایی ماینه‌ و هنده‌ك ژوانا پێدڤی ب ده‌رڤه‌ی وه‌لاتی هه‌یه‌ بۆ چاره‌سه‌ركرنێ و پشكه‌كژی یا پێدڤی چاندنا ره‌شكا چاڤی هه‌یه‌، به‌لێ لسه‌رتاسه‌ری هه‌رێما كوردستانێ نێزیكی ئێك هزار بریندارێن چه‌كێ كیمیایی هه‌یه‌ و فه‌ره‌ حوكمه‌ت له‌زێ بكه‌ت ل چاره‌سه‌ركرنا وان، چونكه‌ رۆژ بۆ رۆژێ ره‌وشا وان یا ساخله‌می به‌ره‌ف خراپبوونێ دچیت.

رێژا باران بارينێ ل ده‌مژمێر 9 سپێدێ هه‌تا 9 شه‌ڤ

18/02/2018 23:48

1288

ئه‌ڤرۆ نيوز:

ل دووڤ راپۆرتا كه‌شنياسيێ رێژا باران بارينێ ل ده‌مژمێر 9 سپێدێ هه‌تا 9 شه‌ڤ ب ڤى ره‌نگى بوويه‌ ل سه‌رانسه‌رى پارێزگه‌هێن هه‌رێمێ.

هه‌ولێر 3.3 ملیم
سلێمانی 23 ملیم
دهۆك 17 ملیم
كه‌ركوك 5.4 ملیم
خانه‌قين 18 ملیم
زاخۆ 13.5 ملیم
پیرمام 5 ملیم
خه‌بات 3.4 ملیم
سۆران 2.4 ملیم
بارزان 6.6 ملیم
حاجی ئۆمه‌ران 8.6 ملیم
سیده‌كان 3.8 ملیم
مێرگه‌سوور 1.4 ملیم
ئاكرێ 9.6 ملیم
ئامێدی 6 ملیم
بامه‌ڕنی 8.6 ملیم
كانی ماسی 3.6 ملیم
مانگێش 5.8 ملیم
دینارته‌ 11.8 ملیم
شاریا 3.8 ملیم
چەمچەماڵ 8.3 ملیم
پێنجوێن 26.4 ملیم
بازیان 18.6 ملیم
ده‌ربه‌ندیخان 34.6 ملیم
دووكان 4.8 ملیم
ماوه‌ت 17 ملیم
قه‌ڵادزێ 10.8 ملیم
هه‌ڵشۆ 19.2 ملیم
كه‌لار 12 ملیم
مه‌یدان 21.6 ملیم
دووز 14 ملیم

ب ڤيديۆ – ژ له‌هيا بارانێ قورتال دبيت

18/02/2018 19:56

860

ئه‌ڤرۆنيوز:

ژئه‌نجامێ له‌هيا بارانێ ل ده‌ڤه‌ره‌كا قه‌زا كوێ يا سه‌ر ب پارێزگه‌ها هه‌ولێرێ ڤه‌ ، كه‌سه‌ك ل دووماهى چركه‌ ژ له‌هيێ قورتال دبيت.

رێڤه‌به‌رێ ناحیا باتیفا وه‌غه‌ركر

18/02/2018 18:52

912

ئه‌ڤرۆ نیوز، نه‌وزاد هلۆرى:

ژئه‌گه‌را جه‌لتا مێشكى ، ئێڤاریا ئه‌ڤرۆ ئێكشه‌مبى 18/2/2018، رێڤه‌به‌رێ ناحیا باتیفا یا سه‌ر ب قه‌زا زاخۆ وه‌غه‌ركر

حه‌مید ره‌مه‌زان، چالاكڤان ل ناحیا باتیفا بۆ ئه‌ڤرۆ نیوز گۆت” ئێڤاریا ئه‌ڤرۆ ژ نیشكه‌كێڤه‌ جه‌لتا مێشكى ب محه‌مه‌د حه‌سه‌ن رێڤه‌به‌رێ ناحیا باتیفا دكه‌ڤیت ، به‌رى كو بهێته‌ گه‌هاندن بۆ نه‌خوه‌شخانێ، گیانێ خوه‌ ژ ده‌ست دا”.

زێده‌تر گۆت” نابرى بۆ ده‌ما چار سالایه‌ وه‌كو رێڤه‌به‌رێ ناحیا باتیفا خزمه‌ته‌كا به‌رچاڤ بۆ ناحیا باتیفا كریه‌ و كه‌سه‌ك ژ هه‌ژى و دلسوز بوویه‌ و به‌رى ببیته‌ رێڤه‌به‌رێ ناحیا باتیفا بۆ ده‌مێ چه‌ند سالان رێڤه‌به‌رێ ناحیا دێره‌لوكێ بوویه‌ “.

نيشاندان 1...80 1,080 2,080 2,0832,0842,085 3,080 4,080...4,558 زێده‌تر

لاپه‌ر 2,084 ژ 4,558