ئه‌ڤرۆنيوز:
سه‌رۆك وه‌زيرێن عيراقێ حه‌يده‌ر عه‌بادى برياردا هه‌ردو فرۆكخانێن هه‌رێما كوردستانێ بۆ وه‌لاتيێن دچنه عومرێ بهێنه ڤه‌كرن.
ل دووڤ نڤيساره‌كا فه‌رمى يا نڤيسينگه‌ها سه‌رۆك وه‌زيرێن عيراقێ كو ل 1/2/2018 بۆ ده‌ستهه‌لاتا فرۆكه‌ڤانيا مه‌ده‌نى ل عيراقێ هاتيه ئاراسته‌كرن، تێدا هاتيه كو سه‌رۆك وه‌زيران يا رازيبووى ل سه‌ر هاتن وچوونا فرۆكێن وه‌لاتيێن دچنه عومرێ تێدا ل هه‌ردو فرۆكخانێن هه‌وليري وسلێمانيێ يێن نێڤده‌وله‌تى ومه ب هژمارا گه‌شتان ئاگه‌هداركه‌ن.
ئەڤرۆ، باسم قاسم شنگالی
جه‌ژنا خدرلياس ئێك ژجه‌ژنێن كوردێن ئێزديه،ئه‌ڤ ساله دكه‌ڤيته رۆژا پێنج شه‌مبيێ 15/2/2018.
شه‌مۆ قاسم، به‌رپرسێ لژنا ره‌وشه‌نبيرى يا ده‌سته‌يا بلندا بنگه‌هێ لالش يێ ره‌وشه‌نبيرى وكومه‌لايه‌تى دداخۆيانيه‌كێ دا گۆت” ئەڤ جەژنه ئێك ژ جه‌ژنين مه ئێزديايه د كەڤيتە د پێنج شەمبوويا ئێكێ ژ مەھا شوباتا رۆژھلاتێ، ئانكو بۆ ئه‌ڤ ساله دكه‌ڤيته رۆژا پێنج شه‌مبيێ 15/2/2018 ل دووڤ سالناما رۆژئاڤا وسێ رۆژا بەرى ھنگى رۆژينە و پێنج شەمبيێ دبيتە جه ژنا خدر لياس ورۆژا ئينيێ جه ژنا خدر نه بى يه وئەڤ رۆژى خێرن ونەفەرزن وپەيوەندى يا ب وەرزێ چاندنێ ڤە ھەى ودبێژن (خدر لياس و ساڵ خلاس) ول دووڤ بير وباوه‌رێن ئێزيديان، ئه‌ڤ جه‌ژنه دبيته رۆژا ئه ڤيندارا وزێده‌بوونێ”.
ل دۆر رێوره‌سمێن جه‌ژنێ، شه‌مۆى گۆت” ل ڤێ جه‌ژنێ سەربڕ نائێنە سەرژێكرن و نابيت بچنه رێ و رێبوارێن دوور،ل رۆژێن رۆژيا و رۆژا جەژنێ نێچير يا قەدەغەيە،هه‌فت تامين دانه ويلا د قەلينن وه‌كى گه‌نم وده‌ندك وگارس ونوك هتد…كو دبێژنێ قەلاتك ، ئەڤە ژى نيشانا ب دووماهى ھاتنا وەرزێ چاندنێ يە، قەلاتكا دھێرن و دبێژنێ ( پێخوون)،رۆژا جەژنێ جۆتيار ھندەك پێخوونێ دبه‌ته ناڤ زەڤيێن خوه يێن چاندنێ بۆ خێر و بەره‌كەتێ،ل رۆژا جه‌ژنئ ساڤارا قه‌لاندى دكه‌لينن ودبێژنێ چه‌رخووس.
ئه‌ڤرۆنيوز:
رۆژنامه‌كا ئه‌مريكى، ئه‌ڤرۆ سێشه‌مبى 13/2/2018، به‌لاڤكر كو واشنتۆن ب چو شێوه‌كى پاره‌ى بۆ ئاڤه‌دانكرنا عيراقێ نا به‌خشيت، به‌لكو چاڤه‌رێ دكه‌ت وه‌لاتێن كه‌نداڤى هاريكاريا عيراقێ بكه‌ن.
داگيركرنا چه‌ندين ده‌ڤه‌ران ل عيراقێ ژلايێ داعشێ ڤه ل 2014 وپاشى شه‌رێ ده‌ركرنا وێ رێكخستيا تيرۆرستى ژ ده‌ڤه‌رێن دبن ده‌ستێ وێ ڤه، زيانه‌كا مه‌زن گه‌هانده ژێرخانا ئابوورى ل عيراقێ كو ب گوژمێ پتر ژ 45 مليار دۆلاران دهێته خه‌ملاندن.
رۆژناما (وول ستريت جورنال) يا ئه‌مريكى، د راپۆرته‌كا خوه دا ب ره‌خنه‌ڤه ئاماژه ب وێ چه‌ندێ دا كو ل عيراقێ، حه‌فت پارێزگه‌هێن باكوور ورۆژئاڤايێ وێ كه‌فتنه دبن هه‌وا كاڤركرنا داعشێ، به‌لێ حوكمه‌تا به‌غدا ژده‌ستپێكا ژناڤبرنا داعشێ وهه‌تا نوكه چو پێنگاڤه‌ك بۆ راستڤه‌كرنا ره‌وشا وان ده‌ڤه‌ران نه‌هاڤێتيه وهه‌تاكو دپرسا ڤه‌گه‌راندنا ئاواران ژى بۆ ده‌ڤه‌رێن وان يێن ره‌سه‌ن، شكه‌ستن يا ئيناى.
رۆژناما ناڤبرى به‌لاڤكر ژى كو دچارچۆڤێ كۆنگرێ ئاڤه‌دانكرنا عيراقێ دا ئه‌وێ ل كوێتێ دهێته ئه‌نجامدان، چاڤه‌رێ دهێته كرن راپۆرتا هه‌لسه‌نگاندنا زيانێن داعشێ بهێته به‌رچاڤكرن كو ژلايێ به‌نكا نێڤده‌وله‌تى وحه‌كمه‌تا عيراقێ ڤه هاتيه به‌رهه‌ڤكرن، بۆ وێ چه‌ندێ لايه‌نێن به‌خشينه‌ر ووه‌به‌رهێنه‌رژ نێزيك ڤه ئاگه‌هدارى ره‌وشێ ببن.
راپۆرتا هه‌لسه‌نگاندنێ ئاماژه دايه بۆ ئاڤه‌دانكرنا ده‌ڤه‌رێن وێرانكرى ل حه‌فت پارێزگه‌هێن عيراق، پێدڤى ب كۆژمێ 88مليار دۆلاران هه‌يه، به‌لێ هه‌ر ژ نوكه ئه‌مريكا يا راگه‌هاندى كو هاريكاريا عيراقێ ناكه‌ت، به‌لكو پشت به‌ستنێ ب به‌خشينێن وه‌لاتێن كه‌نداڤى دكه‌ت.
رۆژناما ئه‌مريكى پێشبنيێ دكه‌ت كو وه‌لاتێن كۆمبه‌خش ژى وى كۆژمێ مه‌زن يێ پاره‌ى نه‌ده‌ن، به‌لكو ئه‌و وه‌لات ئه‌ركێن خوه ب رێيا كۆمپانيێن كه‌رتێ تايبه‌ت ئه‌نجام بده‌ن، بۆ وێ چه‌ندێ كۆمپانيێن وان وه‌به‌رهێنانێ ل عيراقێ بكه‌ن، به‌لێ ژبه‌ر نه‌بوونا ئێمناهيێ ل ده‌ڤه‌رێن جودا ل عيراقێ، دبيت وه‌به‌رهێنان ژى ب رێژه‌كا وه‌سا نه‌هێته كرن.
ئه‌ڤرۆ نيوز:
مه‌كته‌با سياسى يا پارتى ديموكراتى كوردستان سه‌ره‌خۆشيێ ل بنه‌مالا خودێ ژێ رازى نه‌جمه‌دين يوسڤى دكه‌ت ئه‌ڤه ژى ده‌قێ وێ يه:
پرسەوسەرەخۆشی مەکتەبی سیاسی پارتی دیموکراتی کوردستان
بۆ کۆچی دوایی کەسایەتی تێکۆشەر و نیشتمان پەروەر (نەجمەدین یوسفی)
بەڕێزان خانەوادەی کەسایەتی نیشتمان پەروەر و ھەڤاڵی تێکۆشەر(نەجمەدین یوسفی)
بە داخ و پەژارەیەکی زۆرەوە ھەواڵی کۆچی دوایی کەسایەتی تێکۆشەر و ناودار و کادیر و سەرکردەی دڵسۆزی رێبازی پارتی و بارزانی (نەجمەدین یوسفی) مان پێگەیشت، بەو بۆنە خەمناکەوە پرسەو سەرەخۆشی خۆمان ئاراستەی بەڕێزتان و تێکرای کەس و کاری خوالێخۆشبوو و ھەڤاڵانی پارتیمان دەکەین، خۆمان بە ھاوبەشی خەمتان دەزانین و ئومێدەوارین خوای گەورە سەبروئارامی ودڵنەوایی بە ئێوەو ھەموو لایەک ببەخشێ.
نەجمەدین یوسفی لەساڵی 1957 لە شاری بەغدا پەیوەندی بە پارتیمانەوە دەکات و دواتر لە سەرەتاکانی ھەڵگریسانی شۆڕی مەزنی ئەیلول دەچێتە ناو ریزەکانی شۆڕش وەکو پێشمەرگە و کادیرێکی بوێر لە بەر لێھاتوویی دەکرێتە ئەندامی ناوچە و دواتر لەساڵی 1963 بەرپرسیاریەتی لیژنەی ناوچەی ئامێدی پێدەسپێردرێت و پاشانیش دەبێتە کارگێری لقی یەکی پارتیمان.
ھەڤاڵی خوالێخۆشبوو لە ساڵی 1979 وەکو ئەندامی کۆمیتەی ناوەندی پارتیمان دەستنیشان دەکرێت و بەرپرسیاریرتی لقی یەک وەردەگرێت. جیالەوە لە ساڵانی ھەشتاکان چەندین ئەرک و بەرپرسیاریەتی لە دەڤەرەکانی خرێنە و لۆلان و شنۆ و دۆڵی بالیسان و سنوری لقی دووی پارتیمان بەو پەڕی لێھاتووی و دڵسۆزییەوە رادەپەڕێنێت.
خوالێخۆشبوو کەسایەتیەکی خاوەن ھەڵوێست و وەفادار بوو بەرامبەر رێبازی بارزانی نەمرو کاروانی شۆڕش و خەباتی رزگاریخوازی گەلی کورد لەو پێناوەشدا لە خزمەت و تێکۆشان بەردەوامبوو، لە چەند ساڵی رابردووشدا خزمەتێکی بەرچاوی پێشکەش بە چەندین خانەوادەی سەربەرزی شەھیدان و پێشمەرگە بریندار و پەککەوتەکانی شەڕی رووبەڕوبوونەوەی تیرۆرستانی داعش کردووە. بەداخەوە لەدەستدانی زیانێکی گەورەبوو.
جارێکی دیکە سەرەخۆشی لە خۆمان و ئێوە و تەواوی بنەماڵەی ھەڤاڵی کۆچکردومان دەکەین و داواکارین لە خوای گەورە بەبەھەشتی بەرین شاد بکات..
اناللە وانا الیە راجعون
مەکتەبی سیاسی
پارتی دیموکراتی کوردستان
ئەڤرۆ نیوز، نەوزاد ھلۆری:
ب گورەی ئەوان گورانکاریێن کو حوکمەتا عیراقێ ل پروژە بودجا سالا 2018 دا کرین ، دێ خویک ب رێژا 10% ژ خودانێن سەرتراشخانە و سالونێن ژنان ھێتە وەرگرتن ، ئەڤە زێدەباری کو دێ خویک کەڤیتە سەر وان کەلوپەلێن کو ل ئوتێل و مولا ژی دھێنە فروتن.
ھەر ب گورەی ئەوان بەلگەنامەیان کو مالپەرا غەد پرێس بەلاڤکرینە حوکمەتا عیراقێ پشت بەستن ب بریارەکا رژێما بەعس کریە کو ئەو ژی بریارا (مجلس قیادة الثورة) یا ھژمار 36 یا سالا 1997 بو وان خزمەتگوزاریێن کو ب پلە ئێک و پلەیا نایاب ل ئوتێلان دھێنە فروتن و ئەڤ یەک ژی ل سەر ھەموو جھێن دن ھاتیە گشتاندن.
ئه‌ڤرۆ نيوز:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو ل 24 ده‌مژمێرێن بۆرى ل ويستگه‌هێن جودايێن هه‌رێما كوردستانێ رێژێن جودا يێن باران بارينێ هاتينه تۆماركرن.
ئاشكه‌را كريه كو ل پارێزگه‌ها دهۆكێ د ماوێ 24 ده‌مژمێرێن بۆرى دا، 17.5 ملم باران باريه كو سه‌رجه‌مێ گشتى يێ ئه‌ڤ ساله گه‌هشتيه 155.6 ملم باران.
ل هه‌ولێر 12 ملم، سه‌رجه‌مێ گشتى 125.8ملم. سلێمانيێ 64.6 ملم، سه‌رجه‌مێ گشتى 274.6ملم. كه‌ركووك 4.2ملم، سه‌رجه‌مێ گشتى 56.4 ملم. هه‌له‌بجه 5 ملم، سه‌رجه‌مێ گشتى 137.2ملم.
ئه‌ڤرۆ نيوز:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا چارشه‌مبى رێكه‌فتى 14ى شوباتا 2018ێ دهێته پێشبينيكرن ئه‌سمان دێ يێ باراناوى بيت و بارانه‌كا هوور دێ باريت، پاشان ب شه‌ڤ دێ بۆ ئه‌وره‌كێ ناڤه‌ندى هێته گوهۆڕين.
پشكا پێشبينيان ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ د نڤيساره‌كێ دا راگه‌هانديه كو ژ ئه گه‌رێ هاتنا هه‌ردو فشارێن ده‌ريا سپى ناڤه‌راست و ده‌ريا سور دهێته پێشبينيكرن ئه‌سمان دێ يێ باراناوى بيت و بارانه‌كا هوور دێ باريت، پاشان ب شه‌ڤ دێ بۆ ئه‌وره‌كێ ناڤه‌ندى هێته گوهۆڕين.
پشكا پێشبينيان خۆيا ژى كريه كو نزمترين پلا گه‌رما پێشبينيكرى دێ 9 پله بيت و بلندترين پله ژى دێ 11 پله بيت.
هه‌ر ب گۆره‌ى ڤێ راپۆرتا رێڤه‌به‌ريا ناڤبرى له‌زاتيا باى ژى دێ د ناڤبه‌را 5 بۆ 15كم بيت د ده‌مژمێره‌كێ دا و ماوێ ديتنێ ژى دێ د ناڤبه‌را 6 بۆ 8كم دا بيت.
ئەڤرۆ نيوز:
رۆژناما ئیندێپێندێنت یا بریتانی د راپۆرتەکێ دا دیار کریە کو ب سەدان چەکدارێن بەرێ یێن داعشێ کو پشتی شکەستنا وان ل عیراقێ و سووریێ رەڤیبوون و ل تورکیا خوە ڤەشارتبوون نھا ل ژێر ناڤێن گرۆپێن جیھادی ب رێیا تورکیا دچنە عەفرینێ و شەرێ کوردان دکەن، ئەمریکا و گەلەک وەلاتێن دی ژی ڤێ راستیێ دزانن لێ دخوازن ئەو تیرۆرست د شەری دا ژناڤ بچن دا نەبنە مەترسی بۆ سەر وەلاتێن رۆژئاڤا.
د بەردەوامیێ راپۆرتێ دا ئەو یەک ژی ھاتیە دیار کرن کو پشتی شکەستنا داعشێ ل مووسل و رەققە ب سەدان چەکدارێن وێ رێکخراوێ رەڤین و خوە ڤەشارتن، گەلەک ژ وان دەربازی تورکیا ببوون و دەزگەھێ ھەوالگیریا تورکیا ژی رێ بۆ ھاتنا وان خوەش کربوو و ئەو کەس ل ژێر چاڤدێریێ دا بوون، نھا ژی ئاشکرا دبیت کا ئارمانجا تورکیا ژ وی کاری چ بوویە، چونکو زانیاریێن دروست ل بەر دەست ھەنە کو ئەو چەکدار ل ژێر ناڤێ گرۆپێن جودا جودا یێن سەر ب لەشکرێ ئازاد یێ سووریێ دچنە عەفرینێ و شەرێ کوردان دکەن. چونکو تورکیا دخوازیت لەشکرێ ئازاد و چەکدارێن بەرێ یێ داعشێ بۆ مەرەمێن خوە ل سووریێ ل دژی کوردان بکار بینیت.
ئه‌ڤرۆ نيوز:
ناکوکیێن د ناڤبەرا ئالیێن کوردستانی دا ھند کوور بووینە کو نەشیان بۆ ھەلبژارتنێن عیراقێ ب ئێک لیستە ل دەڤەرێن داگیرکری پشکداریێ د ھەلبژارتنان دا بکەن.
پارتی دیموکراتی کوردستان دبێژیت، ھەکە ئێک لیستە نەبیت ئەم دێ بایکوتا ھەلبژارتنان ل کەرکووکێ کەین، و ب دیتنا ئێکەتیێ نوکە یا درەنگە و ئێک لیستە ل دەڤەرێن دابڕی ناھێتە دروستکرن، ھەڤدەم لیستا ھەڤپەیمانیا دادپەروەری و دیموکراسیێ دبێژیت، نوکە ئەم دئامادە نینە ژ بلی بزاڤا گۆڕان و کومەلێ ل گەل چو حزبەکا دیتر پشکداری ھەلبژارتنێن عیراقێ بکەین، چاڤدێرەکێ سیاسی ژی دبێژیت، دێ زیانێن مەزن بەر کوردان کەڤن دڤان پارچە پارچە بوونان دا.
عارف قوربانی چاڤدێرێ سیاسی، بۆ رۆژناما ئەڤرۆ گۆت: پێدڤیە کورد ب ئێک لیستە بەر ب ھەلبژارتنێن جڤاتا نوونەرێن عیراقێ ل دەڤەرێن کوردستانی یێن دەرڤەی دەستھەلاتا ھەرێما کوردستانێ بچن، ھەکە ب ڤی رەنگێ بەرفرە یێ نوکە دلیستان دا، ل وان دەڤەران دێ زیانەکا مەزن ب کوردان کەڤیت و چەندێن کورسیان دێ ژدەست دەن.
قوربانی ھەروەسا دبێژیت، نوکە ژی ھێشتا دەم مایە ئالیێن سیاسی نەرماتیێ ھەمبەری ئێک بکەن، ژ بۆ مافێن مللەتێ کورد، وی دەمێ کومیسۆنا بلندا ھەلبژارتنێن عیراقێ دەمێ ھنارتنا ناڤان درێژ کری، وی دەمێ کورد دشێن بچنە ناڤا لیستا ھەڤپەیمانیا کوردان یا گۆڕان و کومەلێ و ھەڤپەیمانیێ ل کەرکووکێ دروستکری، کورد دڤێت ب ئێک لیست پشکدار بن، ل مووسل و سەلاحەددین ئەو لیستا ھاتیە تۆمارکرن بھێتە بەرفرەھکرن،ناڤێن وێ بگوھۆڕن، کوردی نیشتیمانی داکو کوردان پێگەھێ خوەیێ ب ھێز ھەبیت.
ھەر ئەو چاڤدێرێ سیاسی گۆت: ھەکە حزب و ئالیێن کوردستانێ شیان ل دەڤەرێن دەرڤە ئیدارا ھەرێما کوردستانێ پێکڤە بن، وی دەمێ دێ کارتێکرنێ ل سەر ناڤخوەیا ھەرێمێ ژی ھەبیت کو ئاریشێن خوە چارە بکەن، بەلێ ئەو ئەز دبینم حزبێن کوردستانی نەشێن ل وان دەڤەران ب ئێک لیستە پشکداری ھەلبژارتنان ببن، کو ل دووماھیێ ژی ھەر کورد دێ زەرەر مەند بن.
پەیڤدارێ ھەڤپەیمانیا دادپەروەری و دیموکراسی د. رێبوار محەمەد بۆ رۆژناما ئەڤرۆ گۆت: ل دەڤەرێن دابڕی یێن دەڤرەی دەستھەلاتا ھەرێما کوردستانێ مە لیستا نیشتیمانی پێکئینایە و ل گەل چو حزبێن دیتر ھەڤپەیمانیێ بۆ ھەبلژارتنان ناکەین و نە ھەڤپەیمانیا خوە بەرفرەە دکەین.
د. مەحمەد ھەروەسا خوەیاکر، ئەم دئامادە نینە، ل گەل ھێز و حزبێن دیتر ھەڤپەیمانیەکێ دروست بکەین،لەورا نوکە مە برێیا لیستا خوە دڤێت دادپەروەری بھێتە پەیڕوەکرن، بتایبەتی ل دەڤەرێن دابڕی، لەورا نوکە چو دانوستاندن پێدڤی وی بابەتی ناکەت، کو ب ئێک لیستە پشکداری ھەلبژاتنان ببین، ب فرە لیستی دێ پشکداری ھەلبژارتنان بین.
پارتی دیموکراتی کوردستان پشتی بایکوتا ھەبلژارتنان ل کەرکووکێ راگەھاند، ھەکە کوردان ئێک لیست ھەبیت و ل ژێر ھەر ناڤەکێ ھەبیت، ئەم دێ پشکداریێ تێدا کەین، بەلێ فرە لیستە دێ زیانەکا مەزن بکوردان کەڤیت، و کەرکووک ژ یا داگیر کریە و ئەم بوێ رەنگی دئامادەنینە پشکداری ھەلبژارتنان ببین.
دیار حسێن جێگرێ سەرۆکێ جڤاتا سەرکرداتیا پارتی ل گەرکووکێ و گەرمیان راگەھاند، بەرۆڤاژی وان گۆتنان ئەو پارتی بوویە ل دەڤەرێن دابڕیێن کوردان داخوازا ئێک لیستەی کریە، بەلیچ ئالیێن دیتر ل دووڤ داخوازیا پارتی نەھاتن، لەورا مە بڕیار دا پشکداری ھەلبژارتنان نەبین، چونکی کورد ب ڤی رەنگێ فرە لیستی بەر ب ھەلبژارتنان بچیت دێ زیانەکا مەزن ھەبیت.
بەپرسێ پارتی دیمورکاتی کوردستانێ گۆت: ئەم وەک پارتی ئامادەینە پشکداری د ھەلبژارتناندا بکەین، ب مەرجەکی کورد بێک لیستە بھێنە خوار، ئەڤجا ئەو لیستە بھەر ناڤەکێ ھەبیت، چونکی ئەم وەک پارتی مەرەما مە سەرکەفتنا مللەتی یە، لەروا ھەردەم داکوکیێ ل ئێک لیستەی دکەین.
دیار حسێن ھەروەسا گۆت: مە وەک پارتی دڤێت کا چەوا وەکی ریفراندۆمێ ئێک دەنگبووین و شیاین پرۆسا ریفراندۆمێ ب سەرکەفتیانە ئەنجام بدەین ل کەرکووکێ ب ھەمان شێوە پشکداری ھەلبژارتنێن عیراقێ ل دەڤەرێن کوردستانێ یێن دەرڤەی دەستھەلاتا کوردستانێ پێکڤە ب ئێک بکەین، ب ئێک دەنگ بەر ب ھەلبژارتنان بچین، داکو ب سەرکەفتی ئەنجام ھەبن.
ئه‌ڤرۆ نيوز:
ل 12 ده‌مژمێرێن بوورى دا، ل سنورێن پارێزگه‌هێن هه‌رێمێ، ل دووڤ راپۆرتا كه‌شناسيا هه‌رێمێ ئه‌ڤ رێژا بارانێ باريه.
هه‌ولێر 6.1 ملم
پیرمام 20.4 ملم
سلێمانى 20.0 ملم
چه‌مچه‌مال 8.2 ملم
دهۆك 12.5 ملم
زاخۆ 16.1 ملم
كركوك 2.2 ملم
دوز 11.0 ملم
ئاكرى 20.2 ملم
ئامێدی 31.0 ملم
بامه‌رنی 40.4 ملم
بارزان 30.2 ملم
بازیان 15.4 ملم
هه‌لشۆ 32.2 ملم
ده‌ربه‌ندیخان 1.2 ملم
حاجی ئومه‌ران 45.8 ملم
خه‌بات 7.4 ملم
دوكان 19.0 ملم
هه‌له‌بجه 3.6 ملم
كانى ماسی 26.4 ملم
مانگیش 26.8 ملم
سۆران 32.4 ملم
دینارته 41.6 ملم
قه‌لادزه 29.0 ملم
سمێلان 42.6 ملم
پێنجوێن 31.6 ملم
شاریا 9.0 ملم
ماوه‌ت 29.4 ملم
ره‌وه‌ندوز 5.2 ملم
میرگه‌سور 33.0 ملم
نيشاندان