ئه‌ڤرۆ نيوز:
سه‌رۆك كۆمارێ ئیرانێ حه‌سه‌ن روحانى، د كۆنفرانسه‌كێ رۆژنامه‌ڤانى دا، ره‌خنه ل ئوپه‌راسیونا عه‌فرینێ گرتن و دوێ باوه‌رێ دابوو كو دێ یا بێ ئه‌نجام بیت و گۆت” ئه‌م ڤى كارێ توركیا ب راست نزانین و مه پێ خوشه هه‌ر زوو دووماهى ب ڤێ پرسێ بهێت”.
روحانى دیاركر” ئیرانێ په‌یوه‌ندیه‌كا باش ل گه‌ل رووسیا و توركیا هه‌یه، به‌لێ هه‌لویستێ مه ئه‌وه كو چوونا سوپایێ وه‌لاته‌كێ بۆ ناڤ ئاخا وه‌لاته‌كێ دى پێدڤیه ب مۆله‌ت و رازیبوونا خه‌لكى وى وه‌لاتى بیت، ئه‌گه‌ر خه‌لك رازى نه‌بیت و حوكمه‌ت رێ نه‌دابیتێ، ئه‌م وى كارى ب راست نزانین”.
ئەڤرۆ،ھەژار مەعروف:
پشتی تیما فوتسالا زێرەڤانی د یاریا خوە یا ئێکێ ژ قوناغا چار گوشا زێرین توشی خوسارەتیێ بووی ل گەل یانا ئافرەتێن ھەولێر ب دو گولان بەرامبەر گولەکێ کو دبیت ئەڤ خوسارەتی یە کارتێکرنێ ل کاروانێ یانا زێرەڤانی بکەت بۆ برنا ناسناڤێ خولێ ژبەرکو ئافرەتێن ھەولێر تاکە یانە پێشبینی دھێتەکرن ھەتا دووماھیا خولێ دێ ھەڤرکیا زێرەڤانیێ کەت سەرپەرشتیا تیما زێرەڤانی وەسا دبینت خوسارەتی و سەرکەفتن ھەر دێ ھەبیت د یاریا تەپا پێ دا و شکەستن نە دووماھیا ھەر تیمەکێ یە و تیما ب ھێز ئەوە دەمێ شکەستنێ توماربکەت و پاش بشێت خوە ل سەر پێتخوبگریت و ئەوێ ھەتا نوکە باوەریەکا مەزن ب تیما خوە ھەیە دێ ناسناڤێ خولێ ل وەرزێ ئەڤ سالە ڤەگەرینە دھۆکێ ڤە.
زێدەتر چریسک یونس بۆ رۆژناما ئەڤرۆ گوت: خوسارەتیا مە ژی ئەگەرێن خوە ھەبوون ئەوژی نە ئامادەبوونا راھێنەرا تیمێ ھەردیسان یاریزانێن مە مفا ژ دەلیڤەیێن خوە نەدیتن بەروڤاژی ئەوان مفا ژ ئەوان دەلیڤەیێن بوو ئەوان چێبووین دیتن ھەردیسان ئەم کوما ئەم کەفتی نە تێدا نە ل ئاستێ پێدڤی بوو مە چو یاریێن ب ھێز ئەنجام نەدان بەروڤاژی یانا ئافرەتێن ھەولێر ھەتا رادەیەکی کوما وێ باشتر بوو دو جاران بەرامبەر ئەڤرۆدێت یاری کریە کو ئەو ھەردو یاری بۆ تیما ئافرەتێن ھەولێرێ باشترین بەرھەڤی بوو .
ھەردیسان ناڤبری گوت: راستە مە تیمەکا گەلەک باش ل وەرزێ ئەڤ سالە دروستکریە لێ ھەکە ئەم بھێن بەرێ خوە ب دەینە وەکو یاریزان تیما ئافرەتێن ھەولێرێ چو ژ تیما مە کێمتر نینە وەکو یاریزان کو ئەوان ھژمارەکا مەزن یا یاریزان ل سەرانسەری ھەرێمێ ئیناینە دناڤ پێکھاتیێ دا و ب گشتی ئەوان بوو ڤێ یاریێ خوە باش بەرھەڤکربوو لێ من دڤێت تەکید ل وێ چەندێ بکەم دێ ڤەگەرینە ڤە ل یاریێن بھێت ب ھێزتر و باشتر.
ئه‌ڤرۆنيوز:
رێڤه‌به‌ريا ده‌رگه‌هێ پاشماخ يێ سنورى يێ نێڤده‌وله‌تى راگه‌هاند، ده‌ست ب سه‌ر ترومبێله‌كا بارهه‌لگر يا ئيرانى هاته گرتن كو بارێ وێ برنج بوو وپاشى ده‌ركه‌فت گوينيێن برنجى خيز كربوو تيدا.
رێڤه‌به‌ريا ده‌رگه‌هێ پاشماخ يێ سنورى دبه‌ياننمه‌كێ دا به‌لاڤكر” يه‌كه‌يا پشكنينا خۆراكى ل ده‌رگه‌هێ پاشماخ يێ سنورى ده‌ست ب سه‌ر ترۆمبێله‌كا بارهه‌لگر يا ئيرانى دا هاته گرتن كو بارێ وێ برنج بوو كو ژئيرانێ ب شێوێ ترانزيت هاتبو هنارتن بۆ هه‌رێما كوردستانێ وپشتى ئه‌نجامدانا پشكنينان ده‌ركه‌فت كو پشكه‌كا مه‌زن يا بارێ وێ ل شوينا برنجى ب خيزى هاتبوو داگرتن”.
دياركر ژى” قه‌بارێ وى بارى 21 ته‌ن بوون كو تنێ ئێك ته‌نى برنجى بوو و20 ته‌نێن دى خيز بوو”.
ئه‌ڤرۆ نیوز:
گرۆپێن خۆدان هێزا چه‌كداری یێن شیعه ژ ئه‌مریكا خواست هێزێن خوه ژ ئیراقێ ڤه‌كێشن یان ژی دێ بهێز وان ده‌رێخن.
كه‌ریم نووری، په‌یڤدارێ رێكخستنا به‌در كو وه‌زاره‌تا ناڤخۆ د ده‌ستی دایه گۆت: ئه‌م د رژدین كو هه‌می هێزێن ئه‌مریكا ژ ئیراقێ ده‌ركه‌ڤن، گه‌ر بمینن دێ نه‌خوه‌جهی و ئالۆزی ژێ په‌یدا بن.
ژ ئالیێ خوه ڤه كه‌تائیب حزبوللا یا ئیراقی كو ئیران پشته‌ڤانییێ لێدكه‌ت راگه‌هاند، ئه‌م دێ ئه‌مریكا بهێزا چه‌كی ژ ئیراقێ ده‌رئێخین ژبه‌ركو ئه‌مریكی چ زمانێن دی تێناگه‌هن.
ئه‌مریكا پتری پێنج هزار سه‌ربازان ل ئیراقێ هه‌نه و ل به‌ره نها پشتی شكه‌ستنا داعشێ وێ هه‌ژمارێ كێم بكه‌ت لێ ب رێككه‌فتن د گه‌ل به‌غدا هنده‌كان بۆ مه‌شق و شیره‌تكاریێ بهێلیت.
ئه‌ڤرۆ نیوز، نه‌وزاد هلۆرى:
به‌رپرسێ به‌رسڤدانا راپۆرتێن نیڤده‌وله‌تى ل حوكمه‌تا هه‌رێما كوردستانێ، به‌رسڤا رێكخراوا هیومان رایتس ووچ دده‌ت سه‌باره‌ت هه‌بوونا گرتیێن داعشێ ل كه‌ركوكێ ب تایبه‌تى پشتى روودانێن 16ێ ئوكتۆبه‌را سالا بوورى كو داینه پال هه‌رێما كوردستانێ.
دیندار زێبارى به‌رپرسێ به‌رسڤدانا راپۆرتێن نیڤده‌وله‌تى ل حوكمه‌تا هه‌رێما كوردستانێ د به‌رسڤا رێكخراوا هیومان رایتس ووچ دا، د كۆنگره‌یه‌كێ رۆژنامه‌ڤانى دا ئه‌ڤرۆ سێشه‌مبى 6/2/2018 ل هه‌ولێرێ دیاركر كو رێكخراوا ناڤبرى ل دۆرگرتیێن داعش ب تایبه‌تى پشتى روودانێن 16ێ ئوكتۆبه‌را بوورى، چه‌ند تۆمه‌ت خستینه پال هه‌رێما كوردستانێ و دایه دیاركرن كو پشتى حه‌شدا شه‌عبى هاتیه كه‌ركوكێ، ده‌زگه‌هێن ئه‌من و ئاسایشێ هژماره‌كا مه‌زن یا گرتیان هه‌بوویه و نها ئه‌و گرتى ددیار نینن و گۆت” ده‌زگه‌هێن ئه‌منی يێن كه‌ركوكێ ب تایبه‌تى ئاسایشێ چو زیندانێن فه‌رمى نه‌بووینه كو ب تۆمه‌تا داعشێ هاتبنه گرتن و ده‌زگه‌هێ دژه تیرۆر و ئاسایشا گشتى ل هه‌ولێرێ به‌رپرسیاره‌تیا سه‌ره‌كى یا وه‌رگرتن و ڤه‌گوهاتسنا وان چه‌كدارێن داعش كو دناڤا زیندانێن دوبز دا بوون بۆ هه‌ولێرێ و نها ل ژێر چاڤدێریا ئاسایشێ و ده‌زگه‌هێن قانوونى دانه”.
زێده‌تر گۆت” پشتى روودانێن 16ێ ئوكتوبه‌رێ، كه‌ركوك ژ روویێ ئه‌من و ئاسایش و كارگێرى ڤه ب تمامى تێكچوویه و حه‌شدا شه‌عبى يا به‌رده‌وامه ل سه‌ر بنپێكرنان به‌رامبه‌ر وه‌لاتیێن كورد و داموده‌زگه‌هێن كه‌ركوكێ”.
ئه‌ڤرۆ نیوز:
وه‌زیرا ده‌رڤه یا سویدێ سه‌ره‌دانا خوه یا پلانكری بۆ توركیا پاشخست، وه‌ك نیشاندانا هه‌لوه‌ستێ خوه دژی هێرشا توركیا ل سه‌ر عه‌فرینێ ل رۆژئاڤایێ كوردستانێ.
ژڤان بوو مارگۆت والسترۆم، پشتی دو حه‌فتیێن دی سه‌ره‌دانا توركیا بكه‌ت و د گه‌ل وه‌زیرێ ده‌رڤه یێ توركیا و سه‌رۆكێ وی وه‌لاتی كۆم ببیت، لێ حكومه‌تا سوید پاشخستنا وێ سه‌ره‌دانێ راگه‌هاند بێ ده‌ستنیشانكرنا ژڤانه‌كێ نوو.
رادیۆیا ئێكۆت ئێرفار یا سویدی، ئه‌گه‌رێ پاشخستنا وێ سه‌ره‌دانێ بۆ دلگرانییا سوید هه‌مبه‌ری هێرشا توركیا ل سه‌ر عه‌فرینێ ڤه‌گه‌راند و وه‌ك نه‌رازیبوونه‌كا دپلۆماسی ل قه‌له‌م دا.
ئه‌ڤرۆنيوز:
ئه‌ندامێ جڤاتا نوونه‌رێن عيراقێ ژفراكسيۆنا ئێكه‌تى نيشتمانى كوردستان، به‌ختيار شاويس، ئه‌ڤرۆ سێشه‌مبى 6/2/2018 ره‌خنه‌كا توند ئاراسته‌ى حه‌يده‌ر عه‌بادى كرژبه‌ر نه‌پێگيريا وى ب مه‌زاختنا مووچێن فه‌رمانبه‌رێن هه‌رێما كوردستانێ وگۆت، عه‌بادى ژ هه‌موو كه‌سايه‌تيێن سياسى دديرۆكا سياسى يا عيراقێ دا دره‌و وفێلبازتره.
به‌ختيار شاويس دكۆنگره‌كێ رۆژنامه‌ڤانى دا ل سلێمانيێ گۆت” ئه‌ز ڤێ ئاخڤتنێ اراسته‌ى عه‌بادى دكه‌م ودبێژمێ چو كه‌سێ نه‌راستگۆ دبجهئينانا سۆزێن خوه‌دا دديرۆكا سياسى يا عيراقێ دا، وه‌كو ته نينه”.
شاويسى گۆت ژى” ئه‌م به‌حسێ به‌لاڤكرنا مووچان ل هه‌رێما كوردستانێ ب تنێ ناكه‌ين، به‌لكو پێدڤيه ل سه‌ر وى هه‌موو كێشێن هه‌لاويستى ل گه‌ل هه‌رێما كوردستانێ چاره‌كه‌ت”.
دياركر” عه‌بادى دكۆنگرێن خوه يێن رۆژنامه‌ڤانيدا ل هه‌موو رۆژێن سێشه‌مبى سۆزێ دده‌ت كو مووچێن هه‌ردو وه‌زاره‌تێن په‌روه‌ردێ وساخله‌ميێ وهه‌موو وه‌زاره‌تێن دى ب مه‌زێخيت و ل رۆژا پاشتر لژنه‌كا دى دهنێريت وهه‌تا راده‌كێ مه‌زن يێ راستگۆ نينه دسۆزێن خوه دا”.
ڤێ په‌رله‌مانتارێ ئێكه‌تيێ داخواز ژ حوكمه‌تا هه‌رێما كوردستانێ كر هه‌كو خوه وه‌كو نوونه‌ران خه‌لكێ كوردستانێ دبينيت، پێدڤيه ل سه‌ر وێ ڤێ كێشێ چاره‌كه‌ت.
ئەڤرۆنیوز ، نەوزاد هلوری:
رێڤەبەرێ خالا سنوری یا سەرزێری ل دەڤەرا بەرواری بالا دیارکر ب گۆورەی رێکەفتنەکا نوو کو دناڤبەرا هەرێما کوردستان و تورکیا هاتیەکرن دەواما خالا سەرزێری يا سنورى هاتە زێدەکرن و بڤێ یەکێ هاتنوچونا رێڤینکان دێ زێدەتر بیت.
عیرفان سلێمان رێڤەبەرێ خالا سنوری يا سەرزێری بۆ ئەڤرۆ نیوز گۆت” ب گۆرەی رێکەفتنەکا نوو کو دناڤبەرا هەرێما کوردستان و تورکیا هاتیەکرن ، دەمژمێرێن دەوامێ ل خالا سنوری یا سەر زێری هاتنە زێدەکرن و بڤێ یەکێ ژی هاتنوچونا رێڤینکان دێ زێدەتر بیت ، و وەلاتی و گەشتیار دشێن دەمژمێر 8:30 سپێدێ هەتا 5:00ێ ئێڤاری هاتنوچونێ بکەن”.
زێدەتر گۆت” بزاڤ يێن هه‌ين کو ل ده‌مه‌كێ نێزیک، زێدەباری هاتنوچونا وەڵاتیان وەکو گەشتیار د هەمان دەم دا هاتنوچونا بازرگانى ژى لێ بهێته كرن”.
نيشاندان