ئه‌ڤرۆنيۆز:
ئه‌ڤرۆ ئێڤارى كه‌سه‌ك ل دێره‌لۆكێ هاته كوشتن .. چاڤه‌رێ پێزانينێن وێ روودانێ بن
كه‌سه‌ك ل دێره‌لۆكێ هاته كوشتن
نووترين نووچه
- نێچیرڤان بارزانی دوپاتیێ ل بهێزكرنا پێكڤەژیانا ئاشتییانە د ناڤبەرا هەموو پێكهاتەیاندا دكەت
- د. شێرزاد زەكەریا: توركیا و پەكەكێ بۆ ئاشتیێ پێدڤی ب هاریكاریا سەرۆك بارزانی هەیە
- باسكێ سەدری: پشكدارییێ د وێ حوكمەتەكێ دا ناكەین یا کو چارچۆڤەیێ هەماهەنگیێ تێدا بیت
- سەرۆك بارزانی و سەرۆكێ باسكێ (غەد) یێ سووری رەوشا سیاسی و ئەمنی یا دەڤەرێ گەنگەشەكر
- نێچیرڤان بارزانی و بالیۆزێ بریتانیایێ پەیوەندیێن دوقۆلی گەنگەشەكرن
- مەسرور بارزانی: گرنگە حوكمەتەكا ب هێز و ئێكگرتی و خزمەتگوزار بهێتە پێكئینان
- سەرۆكێ حوكمەتا هەرێمێ دوپاتیێ ل دابینكرنا مافێن كوردێن سووریێ دكەت
- د. ڤیان سەبری: هەكە بەغدا پێگیری رێككەفتنا ل گەل هەرێمێ ببیت، ئێدی گرفتا مووچەی دروست نابیت
- هەولێر و بەغدا ل دۆر هنارتنا پەترۆلا هەرێما كوردستانێ رێككەفتن
- بافل تالەبانی ل بەغدا بزاڤێن مەسرور بارزانی سەبارەت پڕۆژەیێ (هەژمارا من) بلند هەلسەنگاندن
سه‌ره‌كى Twitter
دو رێگرى ل به‌رامبه‌ر ئه‌نجامدانا هه‌لبژارتنان يێن هه‌ين
ئه‌ڤرۆنيۆز:
كۆمسيۆنا بلند يا هه‌لبژارتنان ل عيراقێ ئاشكراكر كو دو رێگرى ل به‌رده‌م ئه‌نجامدانا هه‌لبژارتنێن عيراقێ يێن هه‌ين كو برياره ل 15 گۆلانا 2018 بهێنه ئه‌نجامدان.
كه‌ريم ئه‌لتميمى ئه‌ندامێ جڤاتا كۆميساران بۆ ئاژانسا ده‌نگوباسێن راگه‌هاندنا عيراقى گۆت، هه‌تا نوكه بودجا كۆمسيۆنێ نه‌هاتيه مه‌زاختن وقانوونا هه‌لبژارتنان ژى نه‌هاتيه په‌سه‌ندكرن.
كه‌ريمى گۆت ژى، پێدڤيه بودجا كۆمسيۆنێ ل 15/12/2017 بهێته مه‌زاختن بۆ به‌رده‌واميدانێ ب به‌رهه‌ڤيان بۆ ئه‌نجامدانا هه‌لبژارتنێن داهاتى.
دياركر ژى، تانوكه قانوونا هه‌لبژارتنان ژى نه‌هاتيه په‌سه‌ندكرن ژلايێ جڤاتا نوونه‌رێن عيراقى ڤه.
ئاشكراكر ژى، كۆمسيۆنا هه‌لبژارتنان نه‌چاربوو به‌رى چه‌ند رۆژان نڤيساره‌كا فه‌رمى ل گه‌ل خشتێن پێدڤى بۆ به‌رهه‌ڤيێن كۆمسيۆنێ ئاراسته‌ى هه‌رسێ سه‌رۆكاتيان( سه‌رۆكاتيا جڤاتا وه‌زيران، سه‌رۆكاتيا كۆمارى وسه‌رۆكاتيا جڤاتا نوونه‌ران) وليستێن سياسى بكه‌ت ودوێ نڤيسارێ دا مه داخوازكر ب زووترين ده‌م بودجا كۆمسيۆنێ بهێته مه‌زاختن ژبۆ به‌رده‌واميدانا كۆمسيۆنێ دكارێن خوه‌دا.
جڤاتا وه‌زيرێن عيراقێ رۆژا 15 گۆلانا 2018 دياركربوو بۆ ئه‌نجامدانا هه‌لبژارتنێن جڤاتا نوونه‌ران، دده‌مه‌كى دا جڤاتا نوونه‌ران يا به‌رده‌ومه ل سه‌ر دانوستاندنێ ل دۆر قانوونا هه‌لبژارتنان.
سه‌رۆك بارزانى په‌يامه‌كا هه‌ڤخه‌ميێ ئاراسته‌ى گه‌ل و حوكمه‌تا مسرى كر
ئه‌ڤرۆنيۆز:
سه‌رۆك بارزانى په‌يامه‌كا ئاراسته‌ى گه‌ل وحوكمه‌تا مسرى كر وتێدا هه‌ڤخه‌ميا خوه دياركر ژبه‌ر كاره‌ساتا رۆژا ئه‌ينيێ كو ل مزگه‌فته‌كا پارێزگه‌ها باكوورێ سينا يا مسرى، ب رێيا
سه‌رۆك بارزانى دوێ په‌يامێ دا، كو هێمن هه‌ورامى به‌رپرسێ كاروبارين سياسى وپه‌يوه‌نديێن گشتى يێن نڤيسينگه‌ها سه‌رۆك بارزانى، گه‌هانديه كونسولخانا مسرى ل هه‌ولێرێ، سه‌ره‌راى هه‌ڤخه‌مى وشه‌رمزاركرنا وێ كريارا تيرۆرستى كو بوويه ئه‌گه‌رێ شه‌هيدكرنا 305 كه‌سان وبرينداركرنا 197 كه‌سێن دى، به‌رهه‌ڤى بۆ هه‌ر جۆره هاريكاريه‌كێ نيشان دا.
دپشكه‌كا دى يا په‌ياما سه‌رۆك بارزانى دا، روناهى خسته سه‌ر ره‌وشا ده‌ڤه‌ر تووش بوويێ وژئه‌گه‌رێ وێ ڤالاتيه‌كا وه‌سا دروست بوويه كو تيرۆرست وه‌كو ده‌ڤه‌ره‌كا گونجاى بۆ مه‌ره‌مێن خوه يێ تيرۆرستى بكاربينن، دياركريه كو هزرێن تيرۆرستان سنوران نابينن، له‌وما دهه‌ر كونجه‌كا ڤێ جيهانێ دا كو تيرۆرسته‌ك هه‌بيت، دبيته مه‌ترسى بۆ مرۆڤايه‌تێ دجيهانێ دا.
سه‌رۆك بارزانى گۆت ژى، هه‌ر ئه‌ڤێ چه‌ندێ ژى وه‌كريه كو گه‌لێ كوردستانێ وپێشمه‌رگێن قه‌هره‌مان ل سنورێن كوردستانێ هزرا ئاژاوه‌گيريا تيرۆرستان بشكێنن وب جيهانا ئازاد گۆت، ئه‌م پارێزه‌رين ئازاديێ وژيانێ نه.
عومه‌ر فه‌همى، كونسولێ مسرێ ل هه‌ولێرێ، سوپاسيا ڤى هه‌لويستێ سه‌رۆك بارزانى كر وئه‌ڤ هه‌ڤخه‌ميا بارزانى بۆ گه‌لێ مسرێ جهێ گرنگيدانێ يه و ب ناڤێ گه‌لێ مسرێ و حوكمه‌تا مسرى سوپاسيا خوه ئاراسته‌ى سه‌رۆك بارزانى كر.
هێزێن عيراقێ فرۆكخانا جنيف كونترۆلكر
ئه‌ڤرۆنيۆز:
شانا راگه‌هاندنا له‌شكرى يا عيراقى، راگه‌هاند كو هيزێن عيراقى كونترۆل ل سه‌ر فرۆكخانا جنيف ل باشوورێ قه‌زا حه‌زه‌ر كر.
دبه‌ياننامه‌كێ دا، شانا راگه‌هاندنا له‌شكرى دياركر كو هێزێن ليوا 26 يا له‌شكرێ عيراقێ فرۆكخانا جنيف ل باشوورێ قه‌زا حه‌زه‌ر يا ب سه‌ر پارێزگه‌ها نه‌ينه‌وا ڤه، ل كووراتيا ده‌ڤه‌را جه‌زيره كونترۆلكر وده‌ست ب پاقژكرنا بۆمبێن داعشێ چاندين كريه.
دياركر ژى كو هێزێن عيراقى ده‌ست ب قۆناغا دويێ ژ ئوپه‌راسيۆنا پاقژكرنا بيابانا دناڤبه‌را هه‌ردو پارێزگه‌هێن ئه‌نبار ونه‌ينه‌وا دا ژ داعشێ كريه.
ته‌عريب ل ده‌ڤه‌رێن ناكۆكى ل سه‌ر دهێته ئه‌نجامدان
ئه‌ڤرۆنيۆز:
په‌يڤدارێ عه‌شيره‌تێن عه‌ره‌بى ل پارێزگه‌ها نه‌ينه‌وا رادگه‌هينيت كو ده‌ڤه‌رێن ناكۆكى ل سه‌ر دناڤبه‌را هه‌رێمێ وبه‌غدا روو ب روويێ بزاڤه‌كا گوهۆرينا ديموگرافى وته‌عريبێ دبن ب ده‌ستێ هێزێن عيراقى وحه‌شدا شه‌عبى وداخواز ژ عه‌بادى كر سنوره‌كى بۆ ڤان كاران بدانيت.
شێخ مزاحم ئه‌حمه‌د ئه‌لحويت په‌يڤدارێ عه‌شيره‌تێن عه‌ره‌بى ل پارێزگه‌ها نه‌ينه‌وا دبه‌ياننامه‌كێ دا عه‌شيره‌تێن عه‌ره‌بى ئاگه‌هداركرن كو پرۆسه‌كا نوو يا ته‌عريبێ وگوهۆرينا ديموگرافى يا ل ده‌ڤه‌رێن كۆكى ل سه‌ر دهێته ئه‌نجامدان كو هيزێن ئه‌منى يێن عيراقى وحه‌شدا شه‌عبى رابووينه ب ڤه‌گۆهاستنا ب سه‌دان مالباتێن عه‌ره‌ب يێن لايه‌نگرێن داعشێ كو كۆرێن وان په‌يوه‌ندى ب رێزێن داعشێ كربوو وپێشتر وان ل ده‌ڤه‌رێن رۆژئاڤايێ مووسل وباشوور ورۆژهه‌لاتێ مووسل وه‌كو داينگه‌ها داعشێ كاردكر.
ئه‌لحويت زێده‌تر گۆت، وه‌كو عه‌شيره‌تێن عه‌ره‌بى ل نه‌ينه‌وا، داخوازێ ژ حه‌يده‌ر عه‌بادى سه‌رۆك وه‌زيرێن عيراقێ دكه‌ين سنوره‌كى بۆ پرۆسا ته‌عريبێ ل وان ده‌ڤه‌ران بدانيت كو دێ فيتنا تائيفێ ژێ په‌يدا بيت ل وى ده‌مێ پرۆسه يا ده‌ستپێكرى ب رێيا ڤه‌گۆهاستنا كارمه‌ندێن پۆليسێن زۆمار وده‌ڤه‌رێن دى وگوهۆرينا وان ب چه‌ند كارمه‌ندێن گومانلێكرى وتۆمه‌تبار ب تيرۆرێ.
ل دووڤ شێخ مزاحم ئه‌لحويت، ئه‌و كاره دچارچۆڤێ هه‌وه‌كا هه‌لبژارتنان دا دهێته ئه‌نجامدان كو هژماره‌كا په‌رله‌مانتارێن ده‌ڤه‌رێ كو خوه وه‌كو نوونه‌رێن عه‌ره‌بێن سونه دده‌نه نياسن ومه‌ره‌ما سه‌ره‌كى يا وان ژناڤبرنا گيانێ پێكڤه‌ژيانێ يه ل وان ده‌ڤه‌ران.
زێده‌تر دياركر، ئه‌م ب تمامێ ده‌ستێوه‌ردانێ وگوهۆرينا ديموگرافى وته‌عريبێ ل وان ده‌ڤه‌ران وهاندانێ بۆ توندوتيژيێ تێدا ره‌ت دكه‌ين وب گه‌ف دزانين ل سه‌ر گيانێ وه‌لاتيان ژهه‌موو نه‌ته‌وه وئايين ومه‌زهه‌به‌كى، له‌وما ژ عه‌بادى دپرسين چاوان ئه‌و داعشانه ژ سزايێ رزگاربوون ونوكه ب ئازادى دهێن ودچن كو پێشتر ده‌ستێ وان ب خوينا عيراقيان سوور ببوو؟ ونوكه ژى دبن سيبه‌را هێزێن ئه‌منى وحه‌شدا شه‌عبى هاتنوچوونێ ل دوان ده‌ڤه‌ران دكه‌ن، له‌وما هوشداريێ دده‌ين هه‌كه ئه‌و كاره نه‌هێته چاره‌سه‌ركرن، ئه‌و دێ روو ب روويێ ئاواره‌بوونه‌كا دى بن.
توركيا : ئه‌مريكا پشتا خوه دا په‌يه‌دێ
ئه‌ڤرۆنيۆز:
وه‌زيرێ ده‌رڤه‌يێ توركيا مه‌ولود جاويش ئوگلۆ، راگه‌هاند، سه‌رۆكێ ئه‌مريكى دونالد ترامپ بۆ سه‌رۆكێ توركى ئه‌ردۆگانى راوه‌ستاندنا پشته‌ڤانيا ئه‌مريكى يا چه‌كدارى بۆ حزبا ئێكه‌تيا ديموكراتى (په‌يه‌ده) دووپاتكر.
ل دووڤ مالپه‌رێ ترك پرێس يێ توركى ب زمانێ عه‌ره‌بى، جاويش ئوگلۆ گۆت، دپه‌يوه‌نديه‌كا ته‌له‌فۆنى دا دناڤبه‌را ترامپى وئه‌ردۆگانى، هه‌ردو سه‌رۆكان دووماهى پێشهاتێن ده‌ڤه‌را رۆژهه‌لاتا ناڤين به‌حسكرن ب تايبه‌تى كێشا سووريێ وره‌وشه‌ا مه‌يدانى وپێشڤه‌چوونێن سياسى يێن گرێداى وێ كێشێ.
جاويش ئوگلۆى دياركر كو ترامپى ب راشكاوانه گۆته ئه‌ردۆگانى، پێدڤى بوو ل سه‌ر ئه‌مريكا به‌رى ده‌مه‌كێ درێژ، پێشكێشكرنا چه‌كى بۆ ئه‌ندامێن حزبا ئێكه‌تيا ديموكراتى(په‌يه‌ده) راوه‌ستاندبا.
سه‌رۆكێ توركى ره‌جه‌ب ته‌يب ئه‌ردۆگان ژى ل سه‌ر به‌رپه‌رێ خوه يێ تويته‌رى، ل دۆر په‌يوه‌نديا ته‌له‌فۆنى ل گه‌ل ترامپى، گۆت( په‌يوه‌نديه‌كا ته‌له‌فۆنى يا به‌رهه‌مدار بوو).
كوچكا سپى يا ئه‌مريكى دراگه‌هاندنه‌كێ دا گۆت، سه‌رۆكێ ئه‌مريكى، سه‌رۆك كۆمارا توركيا ئاگه‌هداركر ل سه‌ر وێ گوهۆرينا دێ دپشته‌ڤانيا له‌شكرى دا بۆ هه‌ڤپشكێن ئه‌مريكا ل سووريێ هێته كرن، ئه‌وژى ده‌مێ شه‌رِێ ره‌قه ب دووماهى دهێت.
ئه‌ڤرۆ ياريه‌كا ب هێز دخۆلا ئينگليزى دا دێ هێته ئه‌نجامدان
ئه‌ڤرۆنيۆز:
د چارچۆڤێ ياريێن ئه‌ڤرۆ يێن گه‌را 13 ژ خۆلا ئينگليزى يا ته‌پا پێى، دێ ياريه‌كا ب هێز هێته ئه‌نجامدان دناڤبه‌را هه‌ردو يانين لێڤه‌رپۆل وشيلسى ل ده‌مژمێر 8:30 ل سه‌ر يارێگه‌ها ئه‌نفێلد يا لێڤه‌رپۆل.
يانا شيلسى قاره‌مانا وه‌رزێ بۆرى يا خۆلا ئينگليزى پشتى ئه‌نجامدانا 12 ياريان ل رێزا سيێ دهێت ب 25 خالان پشتى هه‌ردو يانێن مانشسته‌ر سيتى كو ل رێزا ئێكێ دهێت ب 34 خالان ومانشسته‌ر يونايتد كو ل رێزا دويێ دهێت ب 26 خالان.
شيلسى د وان 12 ياريان دا هه‌شت سه‌ركه‌فتن تۆماركرينه ووه‌كهه‌ڤيه‌ك وسێ ياريان ژى هاتيه دوراندن.
يانا لێڤه‌رپۆل ب كۆمكرنا 22 خالان ل رێزا پێنجێ دهێت كو د12 ياريێن خوه يێن بۆرى دا شه‌ش سه‌ركه‌فتن تۆماركرينه ود چار ياريان دا وه‌كهه‌ڤ بوويه و د دو ياريان دا ژى هاتيه دوراندن.
به‌رهه‌ڤى بۆ ئه‌نجامدانا كۆمبوونا پێنج قۆلى دهێنه كرن
ئه‌ڤرۆنيۆز:
به‌رپرسه‌كێ ئێكگرتوو ئيسلامى كوردستان راگه‌هاند، ل سه‌ر داخوازيا حوكمه‌تا هه‌رێما كوردستانێ به‌ه‌رهه‌ڤى يێن دهێنه كرن بۆ ئه‌نجامدانا كۆمبوونه‌كا پێنج قۆلى يا لايه‌نێن سياسى يێن سه‌ره‌كى ل هه‌رێمێ.
فه‌رهاد مه‌لا سالح ئه‌ندامێ جڤاتا بجهئينانێ يا ئێكگرتووى ئيسلامى كوردستان بۆدوارۆژگۆت، ل سه‌ر داخوازيا حوكمه‌تا هه‌رێمێ وچه‌ند لايه‌نێن سياسى، ده‌ست ب به‌رهه‌ڤيان هاتيه كرن بۆ ئه‌نجامدانا كۆمبوونا پێنج قۆلى وبه‌رچاڤكرنا پێشنيازێن لايه‌نان ل دۆر پرۆژێن لايه‌نێن سياسى.
فه‌رهادى گۆت ژى، ده‌ستپێكرنا كۆمبوونا پێنج قۆلى دناڤبه‌را لايه‌نێن سياسى، دێ پشتى كۆمبوونا حوكمه‌تا هه‌رێمێ ل گه‌ل هه‌ر پێنج لايه‌نێن سياسى يێن سه‌ره‌كى ل هه‌رێمێ بيت كو داخوازيا پشكه‌ك ژ لايه‌نێن سياسى وحوكمه‌تێ يه ژى.
دياركر، به‌حسكرن وبه‌رسڤا پێشنياز وپرۆژێن حزبان ل دۆر پێكئينانا حوكمه‌تا ده‌مكى دێ دوێ كۆمبوونێ دا ئاخڤتن ل سه‌ر هێته كرن.
ئئاماژه دا، ئێكگرتووى ئيسلامى كوردستان پرۆژێ حوكمه‌تا ده‌مكى خستيه به‌رده‌م حوكمه‌تێ ولايه‌نێن سياسى يێن هه‌رێمێ ودكۆمبوونێن پێنج قۆلى دا ژى، دێ هه‌مان پرۆژه‌ى به‌رچاڤ كه‌ت.
شڤێدى به‌رزه‌بوو وئه‌ڤرۆ ب كوشتى هاته دیتن
ئه‌ڤرۆ نيۆز، نه‌وزاد هلۆرى:
شه‌ڤا بۆرى ل نێزیك كارگه‌ها په‌ترۆلێ ل ده‌ڤه‌را كواشێ يا سه‌ر ب قه‌زا سێمێلێ ڤه، وه‌لاتیه‌كێ گوندێ كواشێ به‌رزه دبیت و ئه‌ڤرۆ سپێدێ ته‌رمێ وى ل گه‌ل ترومبێلا وى ل به‌دریكێ هاته دیتن، رێڤه‌به‌ریا پۆلیسێن دهۆكێ ژى دیاركر كو ل گۆره‌ى پێزانينێن ده‌ستپێكى بكۆژى دڤیا ب كوشتنا وى كه‌سى قه‌رێن خوه نه‌ده‌ت.
مه‌لا حسێن كواشى خه‌لكێ گوندێ كواشێ دیاركر كو ل شه‌ڤا بۆرى، وه‌لاتیه‌كێ گوندێ وان به‌رزه‌بوویه و ئه‌ڤرۆ ب كوشتى هاتیه دیتن وبۆ ئه‌ڤرۆ نيۆز گۆت، پشتى كو شه‌ڤا بۆرى ل نێزیك كارگه‌هه‌كا كواشێ وه‌لاتیه‌كێ گوندێ مه به‌رزه دبیت ، ته‌رمێ وى ل به‌دریكێ هاته دیتن .
زێده‌تر گۆت، ئه‌و وه‌لاتيێ هاتیه ره‌ڤاندن خێزانداره و ژیێ وى 32 سالن، ترومبێلا وى ژى ل پا‌نزینخانه‌كا فه‌یدیێ هاتیه دیتن وچو كێشێن ده‌روونى نینن و دوژمنكاری ژى ل گه‌ل كه‌سێ نینه ، ئه‌م دخوازین پۆلیس زێده‌تر دووڤچوونێ ل سه‌ر ڤێ روودانێ بكه‌ن، ژبه‌ركو ئه‌وێن ئه‌ڤ كاره ئه‌نجامداى، كه‌سه‌ك بتنێ نینه، به‌لكو تۆره‌كه و بۆ پاره‌ى و دزیان خه‌لكى دگرن و دكۆژن.
ل گۆره‌ى ئاخڤتنێن مه‌لا حسێنى ، كه‌سه‌كێ گومان لێكرى ژلایێ خه‌لكێ گوندێ كواشێ هاتیه ده‌سته‌سه‌ركرن كو زێره‌ڤانێ ئێك ژ وان كارگه‌هێن په‌ترۆلێ بوو وراده‌ستى پۆلیسان كریه.
هێمن سلێمان به‌رپرسێ راگه‌هاندنا پۆلیسێن دهۆكێ بۆ ئه‌ڤرۆ نیۆز گۆت، شه‌ڤا بۆرى وه‌لاتیه‌كێ گوندێ كواشێ دهێته ره‌فاندن و پاشى ئه‌ڤرۆ ب كوشتى ل به‌دریكێ هاته دیتن ، ل گۆره‌ى پێزانينێن ده‌ستپێكى يێن ب ده‌ست مه كه‌فتین، بكوژى دڤیا ب كوشتنا وى وه‌لاتى خوه ژدانا قه‌ران قورتال بكه‌ت.
ل دۆر ناسناڤا كوشتى و بكوژى، هێمنى گۆت، ناڤێ ئه‌و كه‌سێ هاتیه كوشتن نزار عیسا عومه‌ره و ژیێ وى 32 سالن و یێ بكوژى ژى” ل.ع.ر ” و ژیى وى 37 سالن و خه‌لكێ به‌دریكێ یه ، نها هاتیه گرتن و په‌رێن ڤه‌كۆلینێ ژى هاتینه ڤه‌كرن بۆ دووڤچوونێ ل سه‌ر وێ روودانێ.
بانکا ناڤەندی:حوکمەتا عێراقێ پتر ژ 33 ملیار دۆلاران قەردارا نافخۆیی یە
ئەڤرۆ نیۆز، زنار تۆڤی:
پارێزگارێ بانکا ناڤەندییا عێراقێ راگەهاندیە،کو حوکمەتا عێراقێ زێدەتر ژ ٣٣ ملیار دۆلاران قەردارا نافخۆیی یە.
ئەڤرۆ شەمبیێ ٢٥/١١/٢٠١٧، عەلی عەلاق، پارێزگارێ بانکا ناڤەندی یا عێراقێ د بەیاننامەیەکێدا راگەهاندیە،کو ل دووڤ یاسایێ، بانکا ناڤەندی یا عێراقێ نەشێت راستەوخۆ دراڤی بکریت یان ژی ب قەر بدەتە حوکمەتێ.،عەلی عەلاق ھەروەسا راگەهاندیە ،تاکو نوکە حوکمەتا عێراقێ ٤٠ تریلیۆن دیناران ( کو زێدەترن ژ ٣٣ ملیار دۆلاران) قەردارا نافخۆە یا وەلاتیێن عێراقی یە.
پارێزگارێ بانکا ناڤەندییا عێراقێ گوتیە،کو بانکا ناڤەندی نەشێت راستەخۆ قەران بدەتە حوکمەتا عێراقێ ، بەلکو ل دووڤ وەرگرتنا ھەقدەستێ ڤەگوهاستنێ قەران ددەتە بانکێن حکومی و ل دووڤ دا ژێ دکریتەڤە،ل دووڤ زانیاریێن حوکمەتێ، عێراقێ ھێلا سوور یا وەرگرتنا قەران تێپەراندیە و هەروەسا قەرێن نێڤدەولەتی ژی گەهشتینە زێدەتر ژ ١٢٣ ملیار دۆلاران.
نيشاندان
WP Facebook Auto Publish Powered By : XYZScripts.com