پارتییه‌كا ئه‌لمانی ل په‌رله‌مانێ وی وه‌لاتی ب ڤی ره‌نگی پشته‌ڤانی بۆ عه‌فرینێ نیشان دا

02/02/2018 19:54

186

ئه‌ڤرۆ نیوز:
پارتییا چه‌پ یا ئه‌لمانی (DIE LINKE) ل په‌رله‌مانێ وی وه‌لاتی مژارا هێرشا توركیا ل سه‌ر عه‌فرینێ به‌حس كر و ده‌رسووكێن كه‌س و سۆر و زور وه‌ك پشته‌ڤانی بۆ كوردان دانانه‌ ل سه‌ر ملێن خوه‌.
كاتجا كیپینگ، په‌رله‌مانتارا ئه‌لمانی د گۆتارا خوه‌ دا ل په‌رله‌مانێ وی وه‌لاتی گۆت: سوپایێ ئه‌ردۆغانی ب ئارمانجكرنا سڤیلان و كه‌مپێن ئاواره‌یان ل عه‌فرینێ تاوانێن شه‌ری دكه‌ت، پێدڤییه‌ ئه‌لمانیا هنارتنا چه‌كی ب هه‌می ره‌نگان بۆ توركیا راوه‌ستینیت و هێزێن خوه‌ یێن د چارچووڤێ ناتۆ دا ل كۆنیا ڤه‌كێشیت و هه‌لوه‌سته‌ك رۆن ل هه‌مبه‌ر دژمنكارییا توركیا ل سه‌ر كوردێن عه‌فرینێ هه‌بیت.

ب وێنه‌.. كچ و ژنێن ئیرانێ ده‌رسووك ئێخستن لێ هاتنه‌ گرتن

02/02/2018 18:04

794

ئیرانێ 29 خوه‌نیشانده‌رێن چارشه‌مبا سپی گرتن
پۆلیسێن ئیرانێ بیست و نه‌هـ خوه‌نیشانده‌ر ب سووچا پشكداریكرنێ د خوه‌نیشاندانێن چارشه‌مبا سپی یا دژی حیجابا نه‌چاری دا ل ته‌هرانێ ده‌سته‌سه‌ركرن.
چالاكڤانێن ژن ل سه‌رانسه‌ری ئیرانێ ل بن ناڤێ چارشه‌مبا سپی ده‌ست ب راكرنا ده‌رسووكێن خوه‌ ل جهێن گشتی كر و بداره‌كی ڤه‌ هه‌لاویستن و بلندكرن، بۆ دیاركرنا نه‌رازیبوونا خوه‌ هه‌مبه‌ری قانوونا حیجابا نه‌چاری كو پشتی شۆره‌شا ئیسلامی ل وی وه‌لاتی هاتییه‌ سه‌پاندن.

بۆ كچان:ل ده‌مێ وه‌رزشكرنێ ڤى كارێ شاش نه‌كه‌ن

02/02/2018 16:57

606

ئه‌ڤرۆنيوز:

هنده‌ك كچ پشتى ب دووماهى هاتنا كار و ده‌وامێن وان، به‌ر ب هۆلێن له‌شجوانيێ ووه‌رزشێ دچن بێ كو ميكياژێ خوه‌ راكه‌ن، يان ژى ب جوانى ميكياژێ خوه‌ ناراكه‌ن ووه‌رزشێ دكه‌ن.

ل دووڤ راپۆرتێن ساخله‌مى، وه‌رزشكرن ب ميكاژڤه‌ كاره‌كێ شاشه‌، ژبه‌ر كو ل ده‌مێ وه‌رزشكرنێ دا، خوهه‌كا زۆر دهێته‌ ده‌رڤه‌، له‌وما هه‌كه‌ ميكياژ ب دێمى ڤه‌بيت، كونێن پيستێ سه‌رۆچاڤا دگريت ورێ ناده‌ته‌ خوهێ ژبن پيستى بهێته‌ ده‌ر وپاشى ئه‌و چه‌نده‌ دبيت ئه‌گه‌رێ دروستبوونا سه‌ركێن ره‌ش ول بن پيستى دا ره‌ق دبن، هه‌كه‌ ئه‌و خوهه‌ ژى بهێته‌ ده‌رڤه‌، جۆره‌ به‌كتريايه‌ك ل گه‌ل ميكياژى دروست دكه‌ت كو دبيته‌ ئه‌گه‌رێ دروستبوونا پرسكان.

چه‌كدارێن سووریێ و توركیا ره‌فتاره‌كا هۆڤانه‌ هه‌مبه‌ری ته‌رمێ شه‌رڤانه‌كا كورد دكه‌ن

02/02/2018 15:55

640

ئه‌ڤرۆ نیوز:
‌د شه‌رێ عه‌فرینێ دا ته‌رمێ شه‌رڤانه‌كا كورد یا یه‌په‌ژێ كه‌فته‌ ده‌ستێن چه‌كدارێن ئۆپۆزسیۆنا سووریێ یێن سه‌ر ب توركیا ڤه‌، ئه‌و چه‌كدار ب هۆڤانه‌ترین ره‌نگ ته‌رمێ وێ شه‌رڤانێ تێك دبه‌ن.
ل گۆری ڤیدیۆیه‌كا به‌لاڤ بووی، چه‌كدارێن سووریێ یێن سه‌ر ب توركیا ڤه‌ ته‌رمێ شه‌رڤانه‌كا كورد ل سنۆرێ عه‌فرینێ رووت دكه‌ن و هنده‌ك پارچه‌یێن له‌شێ وێ دبرن، د پارچه‌كا ڤیدیۆیێ دا دهێته‌ بهیستن چه‌كداره‌ك دبێژیت هه‌وجه‌ ناكه‌ت هین وه‌ بكه‌ن، لێ ئێكێ دی به‌رسڤ دده‌نت و دبێژیت: كا ته‌رمه‌كێ دی ژی بینن.
فه‌رماندا یه‌په‌ژێ ئه‌و نووچه‌ پشتراست كر و ناسناما وێ شه‌رڤانێ دیار كر كو ناڤێ وێ (بارین كۆبانێ) یه‌ و ل سیهێ مه‌ها بووری ل گوندێ قورنه‌ گیانێ خوه‌ ژده‌ست دایه‌.
ژبه‌ركو دیمه‌نێن ڤیدیۆیێ گه‌له‌ك ویژدانهه‌ژینن ئه‌ڤرۆ نیوز بریار دا ڤیدیۆیێ به‌لاڤ نه‌كه‌ت.

ئه‌فسوونێ ستايلێ خوه‌ ب ڤى شێوه‌ى يێ گوهۆرى

02/02/2018 15:26

2175

ئه‌ڤرۆنيوز:

ئه‌فسون ئه‌و كچا قه‌هره‌مانا زنجيرا درامايى (ئه‌و ژيانه‌ يا منه‌) ستايلێ خوه‌ گوهۆرى وحه‌ژێكه‌رێن وێ دبێژن گه‌له‌ك يا هاتيه‌ گوهۆرين ووه‌كو به‌رێ نه‌مايه‌.

ئه‌فسون دنووترين وێنين خوه‌دا جياواز ده‌ركه‌فت، ستايلێ پرچێ خوه‌ يێ گوهۆرى ويێ كورت كرى وب ره‌نگێ سوور يێ بوياغكرى دده‌مه‌كى دا هه‌رده‌م دوێ زنجيره‌ درامايێ دا دگۆت (ئه‌ز يا جوان نينم).

ئه‌فسون كو ناڤێ وێ (جه‌ره‌ن مورايى) ژدايكبوويا 1985 يه‌ ل باژێرێ دياربه‌كرێ، ب ره‌گه‌رز كورده‌.

بيڤه‌له‌رزه‌كێ ل ڤێ ده‌ڤه‌را هه‌رێما كوردستانێ دا

02/02/2018 14:35

549

ئه‌ڤرۆنيوز:

بيڤه‌له‌رزه‌كێ ل ده‌مژمێر 11:15 ل شه‌ڤا بۆرى ل ده‌ڤه‌را گه‌رميان ل هه‌رێما كوردستانێ دا.

سيروان سالح شاره‌زايێ بيڤه‌له‌رزان داخۆيانيه‌كا رۆژنامه‌ڤانيدا گۆت” وێ بيڤه‌له‌رزێ ل ده‌ڤه‌رێن دناڤه‌به‌را ناحيا قۆره‌تو وگوندێ ره‌زوارى ل سنۆرێ ده‌ڤه‌را گه‌رميان دا وهيزا وێ 3،9 بوو ل دووڤ بيڤه‌ره‌ێ رێخته‌ر يێ جيهانى”.

دياركر ژى كو كووراتيا وێ بيڤه‌له‌رزى 9 كيلومه‌تر دبن ئه‌ردى ڤه‌بوو، به‌لێ چو زيان ل دووڤ خوه‌ نه‌هێلان.

ئاماژه‌ دا كو خه‌لكێ قه‌زا كه‌لار ژى هه‌ست ب وێ بيڤه‌له‌رزێ كر.

كورێ سه‌رۆکەکێ دوماهی ب ژیانا خوە ئینا

02/02/2018 13:36

540

ئەڤرۆ نیوز ، تۆڤی:

ل رۆژا پێنجشه‌مبی‌ 1 شواتا 2018 كورێ مەزن یێ فیدل كاسترۆ یێ سه‌رۆكێ بەرێ یێ كوبا ل مالا خوە دا دوماهی ب‌ ژیانا خوە ئینا.
دیاز بالارتى یێ ته‌مه‌ن 68 سالی،کو كورێ مەزن یێ فیدل كاسترۆی بوو،دناڤ كورێن كاسترۆی دا ژ ‌هه‌موویان زێدەتر رەنگێ بابێ خوە ددا،زانایێ وارێ ئه‌تۆمی بوو و ژ‌لایێ ئێکەتیا سۆڤیه‌تى یا جاران ڤە هاتبوو‌ راهێنان.
لدووڤ میدیایێن جیهانی،ماوێ چەند هەیڤان بوو،بالارت کەفتبوو دناڤ فشارێن ده‌روونیدا،لەوما ل رۆژا پێنجشه‌مبی‌ ل مالا خوە دا‌ ل ها‌ڤانا یا پایته‌ختێ كوبا د ژیێ‌ 68 سالیێ دا دوماهی ب ‌ژیانا خوە ئینایە.

سايلۆيا سلێمانيێ هاته‌ په‌قاندن

02/02/2018 12:37

459

ئه‌ڤرۆنيوز:

ئه‌ڤرۆ ل ده‌مژێر 12 نيڤرۆ، سايلۆيل سلێمانيێ كو ل سالا 1978 ژلايێ كۆمپانيه‌كا رووسى هاتيه‌ ئاڤاكرن، هاته‌ په‌قاندن.

په‌قاندنا وێ سايلۆيێ كو رووبه‌رێ وێ 27 دونه‌م بوو، ب مه‌ره‌ما دروستكرنا پرۆژه‌كێ گه‌شتيارى وئاكنجيبوونێ يه‌ ب ناڤێ (داون تاون).

مه‌لا ياسين په‌يڤدارێ ئێكه‌تيا وه‌به‌رهێنه‌رێن كوردستانێ راگه‌هاند بوو”ئه‌و پرۆژه‌ پرۆژه‌كێ وه‌به‌رهێنانێ يه‌ ژلايێ وه‌به‌رهێنه‌ره‌كێ خه‌لكێ سلێمانيێ دهێته‌ بجهئينان كو دێ بيته‌ پرۆژه‌كێ گه‌شتيارى وئاكنجيبوونێ ودێ ب كواليتيه‌كا بلند هيته‌ بجهئينان ومه‌زاختيێن مه‌زن دێ لێ چن”.

ديسا گۆتبوو” ئه‌و په‌قينه‌ كاره‌كێ جياوازه‌ بۆ ديرۆكا سلێمانيێ وكوردستانێ وهه‌تا عيراقێ ژى، چونكى هه‌تا نوكه‌ ل سه‌نته‌رێ باژێران ئه‌م كاره‌ نه‌هاتيه‌ ئه‌نجامدان”.

په‌يڤدارێ ئێكه‌تيا وه‌به‌رهێنه‌رێن كوردستانێ ئاماژه‌ دا بوو كو ل به‌رامبه‌ر وێ چه‌ندێ سايلۆيه‌كا نوو وب كواليتيه‌كا باش ول دووڤ ستانداردێن جيهانى ل ده‌ڤه‌را شاره‌زوور يا هاتيه‌ دروستكرن وئاڤاهيه‌ك ژى بۆ فه‌رمانبه‌رێن وێ يێ هاتيه‌ دروستكرن”.

سه‌رۆكێ لژنا چاندنێ ل جڤاتا پارێزگه‌ها سلێمانيێ، كاسترۆ مه‌عروف، بۆ خه‌ندان گۆتبوو” ئه‌ڤه‌ سته‌مه‌كه‌ ل سلێمانيێ دهێته‌ كرن چونكى ب كوژمێ 100 مليۆن دۆلاران دا هێته‌ نووژه‌نكرن وبيته‌ سايلۆيه‌كا باشتر ژوێ ئه‌وا نوكه‌ هاتيه‌ دروستكرن”.

ئامارێن هەیڤا بوری یێن قوربانێن عێراقێ هاتنە راگەهاندن

02/02/2018 12:09

122

ئەڤرۆ نیوز ،زنار تۆڤی :

هنارتیێ نەتەوێن ئێكگرتی ل عێراقێ (یۆنامی) ئامارا قوربانیێن توندوتیژیێ بۆ هەیڤا كانوونێ دوویێ بەلاڤکرینە و ئاماژە كریە کو دوێ هەیڤێدا 365 كەس بووینە قوربانی.
لدووڤ بەیانناما هنارتیێ نەتەوێن ئێكگرتی هژمارا كوشتنا وەلاتیان د هەیڤا بوریدا گەهشتیە 115 كەسان 250 کەس ژی برینداربووینه ژ ئەنجامێ كریارێن تیرۆریستی و توندوتیژیێ.

هەروەسا لدووڤ وێ بەیاننامێ بەغدایا پایتەخت خراپترین پارێزگەه بوویە و 90 كوشتی و 233 بریندار هەبووینە،پشتی هنگێ پارێزگەها دیالا دهێت كو هەشت كوشتی و 15 بریندار هەنە،پاشی نەینەوا دهێت کو 13 كوشتی و حەفت بریندار لێ كەفتینە.

جارەکادی خۆنیشاندانان ل ئیرانێ دەستپێکر و خۆنیشاندەر گەهشتنە باژێرێ تەهرانێ

02/02/2018 10:21

150

ئەڤرۆ نیوز ، زنار تۆڤی :

حوکمەتا ئیرانێ هەموو رێکارێن توند ل بەرامبەری خۆنیشاندەران گرتبوونە بەر،لێ هەر خۆنیشاندانێن خەلکێ نەرازی دبەردەوامن،ئەڤرۆ ئەینیێ 2.2.20 جارەکادی خۆنیشاندان ل تەهرانێ ده‌ست پێكرن.

ل شەڤا بوری ل هندەك باژێرێن ئیرانێ جارەکادی خۆنیشاندان ده‌ست پێكرن‌ و ل سپێدەهیا ئه‌ڤرۆ گرژى كه‌فته‌ ناڤ باژێرێ تەهرانێ،ل باژێرێ تەهرانێ خۆنیشاندەران دروشمێن بمریت دیكتاتۆر بلند كرینە.

خۆنیشاندانێن ئیرانێ ل ٢٨ هەیڤا كانوونا ئێکێ ل سالا بوری ل مەشهەد دەست پێكرن و دروشمێن ئێكەم رۆژا خۆنیشاندانێ زێدەتر بۆ پرسا ئابووری و گرانیێ و بێكاریێ بوو،پاشی بوونە خۆنیشاندانێن سیاسی،هەروەسا خۆنیشاندان دەهان باژێرێن مەزن یێن ئیرانێ ڤەگرتن ود پتریا وان خۆنیشاندانان دا دروشمێن دژی سیستەمێ سیاسی یێ وەلاتی و خامەنەیی رێبەری كۆمارا ئیسلامی یا ئیرانێ هاتنە بلندکرن.

لێ حوکمەتێ هەرزوو سوپایێ پاسداران ئینا دناڤا باژێراندا بۆ هندێ کو ئەڤ روودانە زێدە بەرفرەهتر نەبن و د وان خۆنیشاندانان دا ٢٣ خۆنیشاندەر هاتینە کوشتن ،دیسا ب هزاران ژی هاتینە گرتن.

نيشاندان 1...110 1,110 2,110 2,1122,1132,114 3,110 4,110...4,558 زێده‌تر

لاپه‌ر 2,113 ژ 4,558