ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 1ى شوباتا 2018ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1240 |
| 1 يۆرۆيێ ئه‌ورۆپى | 1537 |
| 1 ليرێ توركى | 325 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نيوز:
چەندین دەزگەھێن راگەھاندنا فارسی ل ئورۆپا و ئەمریکا دیار دکەن کو ب فەرمانا سەرۆکێ شۆرەشا ئیسلامی یا ئیرانێ نھا کار بۆ ئازادکرنا موسەوی و کەروبی دھێتە کرن و ئارمانجا سەرەکی ژ ڤی کاری ژی ئەڤە کو بەرپرسێن ئیرانێ دخوازن ب ڤی رەنگی رۆژەڤا خەلکی ب گوھۆرن و رێ ل خوەنیشادانێن نوو ل ئیرانێ بگرن، چونکو چەند رۆژن ل ھندەک باژێرێن ئیرانێ جارەکا دی خوەنیشادانان دەستپێ کرینە و ترسەکا مەزن ل دەف بەرپرسێن ئیرانێ دروست بوویە کو رەنگە خوەنیشادان ل ھەموو ئیرانێ بەلاڤ ببن و دخوازن ب رێیا ئازادکرنا ھەر دو کەسایەتیێن سیاسی وەسا بۆ خەلکی دیار بکەن کو چو ئاریشە نەماینە و ڤان ھەر دو کەسان بۆ پاراستنا سیستەمێ ئیرانێ بکار بینن.
چاڤدێرێن سیاسی ژی دیار دکەن کو موسەوی و کەروبی بەری نھا ژی چەندین جاران دیار کرینە کو ئەو ل دژی سیستەمێ نھا یێ ئیرانێ نینن و وان دڤێت ھندەک گوھۆرین ل سیستەمی بھێتە کرن، ژ بەر ھندێ ژی رێبەرێ ئیرانێ دخوازیت ب ڤی رەنگی دەنگێ نەرازیبوونا خەلکی کێم بکەت، لێ درووشمێن بەری نھا یێن خەلکی ڤێ راستیێ ژی نیشا ددەن کو رەنگە ئەڤ پیلانە سەر نەگریت، چونکو خەلک داخوازا نەمانا سیستەمێ ئیسلامی ل ئیرانێ دکەن.
ئەڤرۆ نيوز:
رۆژناما لافیگارۆ یا فرەنسی د راپۆرتەکێ دا دیار دکەت کو بزاڤا ئەمریکا بۆ دروست کرنا ھێزەکا سی ھزار کەسان ژ کوردان بۆ پاراستنا سنۆرێ باکورێ سووریێ ئانکۆ رۆژئاڤایێ کوردستانێ کار بۆ ئاڤاکرنا ھەرێمەکا کوردی بوو، ژ بەر ھندێ ژی تورکیا ھێرشی عەفرینێ کر دا نەھێلیت بەرنامێ ئەمریکا سەر بگریت، لێ ئەمریکا دەست ژ بەرنامێ خوە بۆ پشتەڤانی کرنا ژ کوردان بەرنەدایە و ل ئالیێ دی فرەنسا ژی نھا ب رەنگەکێ جدی کار بۆ پشتەڤانی کرنا کوردێن سووریێ دکەت.
د بەردەوامیێ راپۆرتێ دا ئاماژە ب ھندێ ژی ھاتیە کرن کو فرەنسا بەری نھا رۆلەکێ باش بۆ راگەھاندنا ھەرێما باشورێ کوردستانێ ھەبوویە و نھا ژی ئەمریکا و فرەنسا دخوازن پێکڤە ھەرێمەکا دانپێدانکری ژ ئالیێ جیھانێ ڤە بۆ کوردێن سووریێ دروست بکەن، چونکو فرەنسا باش دزانیت ھەتا د ئاستێ جیھانی دا دانپێدانەکا فەرمی ب ھەرێما باکورێ سووریێ ئانکۆ رۆژئاڤایێ کوردستانێ نەھێتە کرن دێ مەترسیا تورکیا ل سەر کوردێن سووریێ یا بەردەوام بیت، ژ بەر ھندێ ژی نھا ئەمریکا و فرەنسا پێکڤە دەست ب خەباتەکا مەزن بۆ پاراستنا کوردێن سووریێ کرینە.
د پشکەکا دی یا راپۆرتێ دا ئاماژە ب پیلانێن مەترسیدار یێن ئەردۆگانی ل دۆر پاشەرۆژا ھەرێما کوردی ل سووریێ ھاتیە کرن و ھاتیە دیار کرن کو فرەنسا ژ پیلانێن کرێت یێن ئەردۆگانی ئاگەھدارە و رێ نادەت ئەردۆگان و گرۆپێن جیھادی یێن ل سووریێ دەڤەرێن کوردان داگیر بکەن، ژ بەر ھندێ ژی بۆ رێگری کرن ژ پیلانێن کرێت یێن ئەردۆگانی فرەنسا دخوازیت د ئاستێ نێڤدەولەتی دا دانپێدانەکا فەرمی ب کیانێ کوردی ل سووریێ بھێتە کرن. ئەمریکا ژی ب ھەموو رەنگەکێ پشتەڤانیێ ل بزاڤێن فرەنسا دکەت و رەنگە د دەمێن داھاتی دا ئەنجام و بەرھەمێن ڤان بزاڤێن ھەر دو وەلاتان پتر دیار بن.
ئەو یەک د دەمەکێ دایە کو پشتی ھێرشا تورکیا یا ل سەر عەفرینێ ب پێشنیازا فرەنسا جڤاتا ئاسایشێ کۆمبوو لێ نەشیا چو بریارەکێ ل دۆر عەفرینێ بدەت، چاڤدێرێن سیاسی ژی دبێژن کو فرەنسا بەردەوامە دا پشتەڤانیەکا جیھانی بۆ کوردێن سووریێ پەیدا بکەت و ھەکە دانپێدانەکا فەرمی و جیھانی ب ھەرێما رۆژئاڤایێ کوردستانێ بھێتە دان، دێ ھەموو پیلانێن تورکیا ژناڤ بچن.
ئه‌ڤرۆ نيوز:
نڤیسەر و رۆژنامەڤانەکێ ناڤدار یێ تورکیا راگەھاند کو ئارمانجا تورکیا ژ ھۆلێ راکرنا ھەموو دەستکەڤتێن کوردایە و دخوازیت ل چ ئەردەکی عەفرینێ کورد نەمینیت و ل رۆژئاڤایێ کوردستانێ ژ عەفرینی ھەتا دێرکێ بدەتە دەستێ کۆمێن جیھادی و پشتی کەمبەرا عەرەبی ڤێ جارە ژی کەمبەرا جیھادیان ل ئاخا کوردان دروست بکەت.
کۆرای دوزگۆرەن نڤیسەر و رۆژنامەڤانێ ناڤدار یێ تورکیا د نڤیسا خوە یا ڤێ حەفتیێ دا ل سەر شەرێ عەفرینێ راوەستیا و راگەھاند کو گەلەک پرسیارێن جددی د مێژکێن مە دا دروست بووینە و بەرسڤا ڤان پرسیاران بۆ پاشەرۆژا تورکیا گەلەکێ گرنگن.
پرسیار ئەڤەنە: ئارمانجا ئۆپەراسیۆنا ل دژی عەفرینێ چیە؟ دێ ئەڤ ئۆپەراسیۆن چەند بەردەوام بیت؟ ئۆپەراسیۆن ل دژی کیە؟ دێ ئەڤ ئۆپەراسیۆن ھەتا کیڤە بچیت؟ روسیا و سووریە ل ھەمبەر چ تشتەکێ رێ بۆ ئۆپەراسیۆنا عەفرینێ خوەش کرینە؟ ئەرێ ھەموو کورد وەک مەترسی دھێنە دیتن؟ پەیوەندیێن ل گەل کۆمێن جیھادی ل سەر چ بنەمایێ نە؟ ئالۆزیا ل ئدلیبێ تورکیا بەر ب کیڤە دبەت؟. پرسیارێن ب ڤی رەنگی گەلەک ھەنە، لێ دڤێت ئەم ل بەرسڤا ڤان پرسیاران بگەرین، یا یەکێ ئەز ئاشکرا بێژم ئۆپەراسیۆنا تورکیا نە ب تنێ ل دژی یەپەگێ یان پەکەکێ یە ئارمانجا ئۆپەراسیۆنێ داگیرکرنا ھەموو دەڤەرێن رۆژئاڤایێ کوردستانێ و ژ ھۆلێ راکرنا ھەموو دەستکەڤتێن کوردایە، ئانکۆ ئۆپەراسیۆن ل دژی ھەموو کوردانە.
کۆرای دوزگۆرەن راگەھاند ژی ھەتا نھا ژ ئەنجاما ھێرشێن تورکیا و چەکدارێن سوپایێ ئازاد ڤە ب دەھان وەلاتیێن سڤیل ھاتینە کوشتن و د ١٢ رۆژێن بۆری دا سەرکەڤتنەکا وەسا گرنگ ژی بدەستڤە نەھاتیە و گەلەک سەرباز و چەکدارێن جیھادی جانێ خوە ژ دەست داینە، دیسان دڤێت باش بھێتە زانین کو گۆمانا وێ یەکێ دھێتە کرن کو ھەکە تورکیا کانتۆنا عەفرینێ بکەتە ژێر کۆنترۆلا خوە دێ دیمۆگرافیا عەفرینێ ب گوھۆریت و د جھێ کوردان دا جیھادیان و مالباتێن وان بجە بکەت، دیسان سەرۆک کۆمار ب خوە دبێژیت ئەو دێ پەنابەرێن سووریێ یێن کو ل تورکیا نھا ئاکنجینە ل عەفرینێ بجە بکەن و عەفرینێ بدەنە خوەدانێن وێ، ئانکۆ دھێتە وێ واتەیێ کو ئەفرین نە یا کوردایە، ل ڤێرێ ئارمانجا ئەردۆگانی ئاشکرا دبیت کو ئەڤ شەر ل دژی ھەموو کوردانە و ژ ترسا دخوازیت ھەموو دەستکەڤتێن کوردان ل ھەر جھەکی ژناڤ ببەت و دەستکاریێن مەزن ل دیمۆکرافیا کوردستانێ بکەت.
ناڤبری دیار ژی دکەت کو مەرەما تورکیا ئانکۆ ئەردۆگانی نە ب تنێ کوردێن سووریێ نە بەلکو کوردێن عیراقێ ژی پارچەکیە ژ پیلانا ئەردۆگانی کو ھەول بدەت ژناڤ ببەت و کوردان ژ وەلاتێ وان دەربێخیت. د ناڤا بەرپرسێن تورکیا دا ھەر بەرپرسەک ئاخڤتنەکێ دکەت و د ھەر ئاخڤتنا بەرپرسەکی دا پشکەک ژ پیلانا کرێت یا دەستھەلاتا تورکیا ئاشکرا دبیت، لێ دیارە تورکیا سۆز دایە جیھادیێن ل گەل خوە و جیھادیێن ئدلیبێ و حەلەبێ کو گرێدانەکێ د ناڤبەرا وان دا دروست بکەت، لێ د پێنگاڤا یەکێ یا تورکیا دا کو دخواست ھژمارەکا زێدە جیھادیان ل گەل نێزیکی سەد تانک و چەکێن گران بگەھینیتە سنورێ ئدلیبێ و حەلەبێ و خوە بگەھینتە ھەوارا ئەحرار شام و وان ب پارێزیت، لێ دەمێ کو ل سەر رێکا ئدلیبێ بوون فرۆکێن روسیا ل ترۆمبیلێن تورکیا دان و سووریێ ژی ب گولە ھاوان و تۆپان تورکیا دا راگرتن، گەلەک رۆژنامەڤان و زانایێن سیاسی وەسا دبینن کو روسیا تورکیا دکێشیتە د ناڤ ئالۆزیێن سووریێ دا و یاریێن مەزن ب پاشەرۆژا تورکیا دکەت و تورکیا ب رحەتی نەشێت خوە ژ ئالۆزیا سووریێ قۆرتال کەت، گەلەک ئالی ژی وەسا دبینن کو شەرێ تورکیا و رژێما سووریێ ژی نێزیک بوویە و روسیا ل گەل سووریێ یە و ئێدی ئەمریکا ژی نە ل گەل تورکیایە.
د داوی دا ئەز ڤێ یەکێ بێژم ئۆپەراسیۆنا ل دژی عەفرینێ دێ زیانەکا مەزن گەھینیتە تورکیا و نە جیھان و نە ژی کورد رێکێ نادەن وەسا ب ئاسانی دەستکەڤتێن کوردان ژ ھۆلێ رابیت و تورکیا ب دەستێ جیھادیان سەرکەڤتنێ تۆمار بکەت، پاشەرۆژ بۆ تورکیا گەلەکێ تاری خوەیا دکەت.
ئه‌ڤرۆ نيوز:
پشتی روودانێن خیانەتا 16 ئۆکتۆبەرێ یا سالا بۆری بەرۆڤاژی ژئالیێ سیاسەتا بەرتانی ل ژێر ب ژێر دژی مافێن ڕەوایێن مللەتێ کوردان بوو، ھەتا ڕادەکی پشتی وان ھەموو داگیرکرنا کەرکووک و جینوسایدێن خەلکێ دوزخورماتوو ژ ئالیێ حەشدا شەعبی ڤە، ددوماھی سەرەدانا سەرۆک وەزیرا (تێریزا مەی ) یا بەریتانی دا بۆ بەغدا داخواز ژ ھەرێما کوردستانێ کر رێزێ ل قانوێن فێدرالی ل عیراقێ بگریت، ئەڤە ددەمەکی ب ھزران کورد دھاتنە جیوساید کرن ل دەڤەرێن دەرڤەی دەستھەلاتا ئیدارا کوردستانێ، ئەڤە سەرەرای وێ چەندێ کو ھندەک کوردان دەست د نەخشەدانان و ھەماتھنگیا 16 ئۆکتۆبەرێ دا ھەبوو، کو ل ژێر گڤاشتنا بەریتانیا بوون و ناسنامێن بەریتانیا د بەریکێن واندا بوون و ب دیالێکتا بەریتانیان داخویانی ددان و ب ئاشکرایی و ب نھێنی ل گەل کۆمپانیا برتش پترۆلیۆم (BP).
رۆژناما “گاردیان” یا بریتانی ھەروەسا دبێژیت، دبیت نەخشێ رۆژھەلاتا ناڤەراست و رەوش ب تەمامی بھێتە گوھوڕین، وەک ئاماژەک بەحسێ ھێرشکرنا تورکیا ل سەر عەفرینێ دکەت، کو یا بوویە بھێزکرنا ھەستێ ھەموو کوردان ل جیھانێ، د راپۆرتا ناڤبری دا دبێژیت ھێزا مەزنا تورکیا نوکە یا ل ژێر گڤاشتنا دسپلێنەکا لەشکری و ھەوالگەری و کارێگیری دایە، چونکی لەشکرێ تورکیا پشتی کودەتایا تیرمەھا 2016 ھەتا نوکە نەھاتیە سەر خوە و نەشیایە رێکخستنا خوە بکەت، ل ھەمبەری شەرێ دژی ئێکینەیێن پاراستنا گەل (یەپەگە) باسکی لەشکری یێ پارتا کرێکارێن کوردستانێ ل رۆژئاڤا یا کوردستانێ.
رۆژناما بریتانی ھەروەسا ئاماژە دا شەرێ بەرڤانێکرنا دژی چەکدارێن تیرۆری یێن داعشێ دا و راگەھاند، روو ب رووبوونا لەشکرێ تورکیا و ھێزێن رۆژئاڤا کوردستانێ و بەرەڤانیکرنا پێشمەرگەی ژ داگیرکرنا کوردستانێ ژ ئالیێ لەشکرێ عیراقێ و حەشدا شەعبی ب پشتەڤانیا ئیرانێ، دێ بیتە ئەگەرێ شۆرەشەکا بەرفرھا کوردان، دژی وێ ھژموونەگەریا ل دەڤەرێ، درەئەنجامێ وێ دێ بیتە دارشتنا نەخشەکێ نوویێ رەۆژھەلاتا ناڤەراست و گوھورین پەیداببن، ھەر وەکی دراپۆرتێ دا ھاتی ھێرشکرنا ل سەر عەفرینێ دێ بیتە ئەگەرێ ئازراندنا ھەستێ نەتەوەیی یێ کوردان ل ھەموو پارچێن کوردستانێ جڤاکێ نێڤدەولی کا چەوا پرۆسا ریفراندۆمێ بۆ کوردان چاڤێن خوە نڤاندن و داگیرکرنا کەرکووکێ پشتگوھخستن، بۆ ھێرشا لەسەر عەفرینێ نەشێن چاڤێن خوە بگرن، دڤێت ئەو چەندە ژی بھێتە دیتن کو کوردستانا باشوور ژی بەرامبەری وان ھەموو پێشێلکاریان بێ دەنگ نابیت و ناراوەستیت.
ئەڤرۆ نيوز:
وەزارەتا بازرگانیا عیراقی دیار کر، فەرمانگەھا پلاندانان و دووڤچوونێ ل وەزارەتا بازرگانی دوھی بریارەک خستە د وارێ بجھئینانێ دا، د وێ بریارێ دا دەست ب زێدەکرنا زمانێ کوردی ل سەر پلیتا ئەرزاقی ھاتە کرن.
د راگەھاندنەکا وەزارەتا بازرگانیا عیراقێ دا ھاتیە، ل دەستپێکێ نڤیسینا زمانێ کوردی دێ ل سەر پلیتێن ئەرزاقی ل پاریزگەھا سلێمانیێ ھێتە دەستپێکرن و پاشی ل ھەردو پارێزگەھێن ھەولێر و دھۆکێ ئەو بریارە دێ ھێت بجھئینان.
ھەژی گۆتنێ یە کو بەری نوکە پلیتێن ئەرزاقی یێن سالا 2018 ھاتبوونە چاپکرن، لێ ژ بەر نەنڤیسینا زمانێ کوردی ل سەر وان پلیتان وەزارەتا بازرگانیا ھەرێمێ رەتکربوو وەربگرن.
ئەڤرۆ نيوز:
سەرۆکێ فراکسیۆنا پارتی دیمۆکراتی کوردستان ل پەرلەمانێ عیراقێ راگەھاند، ئەڤرۆ ل دەمژمێر ئێکی نیڤرۆ حەیدەر عەبادی سەرۆکوەزیرێن عیراقێ دێ ل گەل سەرۆک فراکسیۆنێن کوردستانی و لیژنا دارایی یا پەرلەمانی ل دۆر پرۆژە قانوونا بودجێ کۆم بیت.
د. عەرەفات کەرەم ئاشکرا ژی کر کو بایکۆتا ھەموو فراکسیۆنێن کوردستانی د روونشتنا دوھی دا کاریگەریەکا مەزن ھەبوو و ب ڤێ چەندێ کورد ب تمامی ل گەل پرۆژە قانوونا بودجێ نینن، لەورا بڕیارە عەبادی ل گەل فراکسیۆنێن کوردستانی کۆم ببیت.
پشتی بایکۆتا روونشتنا پەرلەمانی، فراکسیۆنێن کوردستانی ل پەرلەمانێ عیراقێ د پرێس کۆنفرانسەکی دا راگەھاند، ھاتنا عەبادی بۆ پەرلەمانی جۆرەکە ژ نیشادا سیاسی و ب چو رەنگەکی پشکداری روونشتنا پەرلەمانی نابین ھەکە گوھۆڕین د پرۆژە قانوونا بودجێ دا نەھێنە کرن.
د. موسەننا ئەمین سەرۆکێ فراکسیۆنا ئێکگرتوویا ئیسلامی یا کوردستانێ دەقێ راگەھاندن فراکسیۆنێن کوردستانی ب زمانێ کوردی خواند و راگەھاند، مە بەری نوکە داخواز ژ سەرۆک وەزیرێن عیراقێ کربوو دانوستاندنێن رژد ل دۆر بودجێ بکەین، لێ بەرسڤا وان نەرێنی بوو، لەورا ھاتنا عەبادی بۆ پەرلەمانی بۆ دانوستاندنان ل دۆر پرۆژە قانوونا بودجێ رەنگەکە ژ نیشادا سیاسی. و گۆت:(ھەموو فراکسیۆنێن کوردستانی د ھەڤڕانە ل سەر وێ چەندێ کو پرۆژە قانوونا بودجێ “کارەساتە” و پشکداریێ د چو رەوونشتنان دا ناکەین ھەکە چاکسازیێن تمام تێدا نەھێنە کرن).
ھەروەسا ئارێز عەبدوللا سەرۆکێ فراکسیۆنا ئێکەتی نیشتیمانی کوردستان ل پەرلەمانێ عیراقێ راگەھاند، مە بڕیار یا دای پشکداریێ د چو روونشتنێن پەرلەمانێ عیراقێ دا نەکەین یێن تایبەت ب بودجێ ڤە ھەتا وی دەمێ داخوازیێن مە نەھێنە بجھئینان.
زاخۆ,ھشیار دوبانکی:
دەستەیا کارگێریا یانا زاخۆ گەھشتی یە رێککەفتنێ ل گەل پیشەکارەکێ تونسی بۆ ئیمزاکرنا ھەڤبەستێ ل گەل یانێ بۆ یاریێن بھێت ژ خولا پلا نایاب یا عیراقێ کو بریارە سوباھی دەرگەھێ ڤەگەگوھاستا یاریزانان ڤەبیت ل عیراقێ .
ردوان نازی ئەندامێ دەستەیا کارگێریا یانا زاخۆ بۆ رۆژناما ئەڤرۆ گوت: ئەم ل گەل پیشەکارێ تونسی سەیف ئەلشەماری گەھشتی نە رێککەفتنێ و ل سەر ھەموو خالێن بەندا ھەڤبەستێ رێککەفتی نە بتنێ مایە یاریزانێ ناڤبری پەیوەندی ب یانێ بکەت .
ھەردیسان ناڤبری دیارکر ژی ئەوان ل سەر داخوازیا راھێنەرێ تیمێ ھەڤبەست ل گەل ڤی یاریزانی ئیمزاکریە کو ئەوی وەسا دیارکریە ئەوی پێدڤی ب یاریزانەکێ ھێلا بەرەڤانیێ ھەیە ھەردیسان ئەوان ژی ب باشی دیت ھەڤبەستێ ل گەل سەیف ئەلشەماری ئیمزابکەن ژبەرکو یانێ ژی شارەزایەکا باش سەر ڤی یاریزانی ھەیە کو بەری دو وەرزان یاریزانێ یانا زاخۆ بوو .
سەبارەت ھێرشبەرێ وێ یێ کامیرونی ئیمبویی ناڤبری دیارکر ھەتا نوکە ئەو نەشیان ئاریشەیا ئەڤی یاریزانی چارەسەربکەن کو فیزا عیراقێ ب دووماھیی ھاتیە و پێدڤی یە ئەو ماوێ حەفتیەکێ ژ عیراقێ دەرکەڤیت ل دویڤ یاسایا رێڤەبەریا فیزا ل عیراقێ و جارەکا دی ڤەگەریت ژبەرکو فیزەیا ئەوی ب سەرڤە چوویە و ئەڤ یاریزانە دێ بوو ماوێ حەفتیەکێ ژ تیما زاخۆ دورکەڤیت و نەشێت پشکداری د یاریا بھێت یا یانا زاخۆ دا بکەت.
ل دووماھیێ ئەندامێ دەستەیا کارگێریا یانا زاخۆ دیارکر ئەوان دانوستاندن ل گەل چەندین یاریزانێن خودان شیانکرینە لێ ھەتا نوکە ئەو نە گەھشتی نە چو رێککەفتنا ل گەل ئەوان و بریارە ل حەفتیا بھێت چارەنڤێسی ئەوان دیاربیت.
ئەڤرۆ، زنار زوبێر:
ب پشکداریا نەە یانا بریارە سوباهی یاریێن خولا کوردستانێ یا تەپا پێ بۆ یانێن پلا نایاب دەستپێبکەن د گرنگترین یاریێن گەرا ئێکێ دا یانێن دھۆکێ زێرەڤانی و زاخۆ دو یاریێن بھێز ل یاریگەھێن خوە بکەن دەمێ مێڤانداریا یانێن ھندرین و ھەولێر دکەن و ھەمی یاری دێ ل دەمژمێر دونیڤ ئێڤاری ھێنە کرن.
ل یاریگەھا خوە یانا زێرەڤانی ب سەرپەرشتیا راھێنەرێ خوە یێ بەرنیاس سلێمان رەمەزان پشتی چەندین گوھۆرینێن مەزن د تیما خوە دا کرین بۆ ڤی وەرزی مێڤانداریا یانا ھندرین بکەت و بۆ ڤێ یاریێ یانا زێرەڤانی ماوەکێ درێژە بەرھەڤیێن خوە کرین و یاریێن ھەڤالینی ئەنجامداین پێخەمەت سەرکەفتن و دوبارە ئەڤ تیمە ڤەگەریتە ھەڤرکیێن دەستڤە ئینانا ناسناڤی پشتی ل ھەردو وەرزێن بوری ڤێ یانێ گیانێ ھەڤرکیێ ژدەست دای.
بۆ یاریا سوباهی راھێنەرێ زێرەڤانی سلێمان رەمەزان د داخویانیەکێ دا بۆ رۆژناما ئەڤرۆ گۆت: مە ژی وەکو ھەر تیمەکا دی یا پشکدار بەرھەڤیێن باش کرینە و یاریا ئێکێ ھەمی جاران گەلەک یا گرنگە و دێ ھەمی بزاڤا کەین وێ گرێیا سالێن بوری ڤەکەین کو زێدەتر ژ چار پێنج سالانە یانا زێرەڤانی ھەمی گاڤان نەشیا یاریا ئێکێ ژ خولێ سەرکەفتنێ توماربکەت دێ ھەمی شیانێن خوە تەرخان کەین ئەڤ سالە یا چیاواز بیت ژ سالێن بوری.
ھەردیسان ناڤبری ئاماژە ب وێ چەندێ ژێ کر ئەوان بوو ڤێ یاریێ کێماسی ھەیە د پێکھاتیێ تیمێ دا کو دو یاریزانێن سەرەکی ژ ھێلا بەرەڤانیێ نەشێن پشکداریێ بکەن لێ ئەوان پێگھورەکێ باش ھەیە و ئەوان باوەریەکا مەزن ب یاریزانێن پێگوھور یێن تیمێ ھەیە دشێن ئاستەکێ باش بلند پێشکێش کەن.
ژلایێ خوە ڤە نوینەرا دویێ یا دھۆکێ یانا زاخۆ دێ ل یاریگەھا دەلال مێڤانداریا یانا ھەولێرێ کەت ھەتا رادەیەکێ مەزن ئەرکێ یانا زاخۆ دێ یێ ب زەحمەت بیت بۆ ڤێ یاریێ ژبەرکو یانا ھەولێر ژ تیمێن بھێزە لێ پشت بەستنا وێ دێ ل سەر یاریگەە و جەماوەرێ وێ بیت بۆ پێخەمەت دەستڤە ئینانا سێ خالێن یاریێ.
ل دۆر ڤێ یاریێ ئەمین یونس راھێنەرێ تیما زاخۆ بۆ رۆژناما ئەڤرۆ گۆت: ماوێ ھەیڤەکێ یە مە دەست ب بەرھەڤیان کرین بۆ ئەنجامدانا یاریێن خولێ لەورا دێ ئەرکێ مە یێ ب زەحمەت بیت ژبەر ماوێ کورت یێ بەرھەڤیان دیسان دێ پشتبەستنێ لسەر یاریکەرێن خوە یێن گەنج کەین و دێ سێ یاریزانێن خوە ژ تیما خولا عیراقێ ئینن بۆ ئەنجامدانا ڤێ یاریێ لێ یا گرنگ ئەوە سێ خالێن دەسپێکا خولێ گەلەک د گرنگ بۆ تیمێ ژبەرکو یاری دێ ل یاریگەە و جەماوەرێ مە دابیت دیسان دێ بیتە باشترین دەستپێک بۆ تیمێ ژلایێ دەرونی ڤە بۆ یاریێن بھێت.
ژ یاریێن دی یێن ڤێ گەرێ ئارارات دێ ل یاریگەھا خە ل گەل پێشمەرگە یا ھەولێر کەت و برایەتی ژی دێ بیتە مێڤان ل یاریگەھا شێروانە و ھەمی یاری دێ ل دەمژمێر دونیڤ پشتی نیڤرو بن.
ئه‌ڤرۆنيوز:
پشتى كۆمبوونا ئه‌ڤرۆ يا شاندێ به‌غدا ل گه‌ل به‌رپرسێن حوكمه‌تا هه‌رێما كوردستانێ، به‌رپرسه‌كێ حوكمه‌تێ دبيژيت، به‌غدا داخوازا ليستا مووچێ هه‌موو وه‌زاره‌تان كريه وداخوازا ليستا مووچێ فه‌رمانبه‌رێن گرێبه‌ست ژى كريه.
ئه‌ڤرۆ چارشه‌مبى 31/1/2018، هوشه‌نگ محه‌مه‌د سه‌رۆكێ فه‌رمانگه‌ها كارگێرى ودارايى ل جڤاتا وه‌زيرێن هه‌رێما كوردستانێ دداخۆيانيه‌كا رۆژنامه‌ڤانيدا راگه‌هاند” مه كۆمبوونه‌ك ل گه‌ل لژنا به‌غدا كريه ووان داخواز ليستا مووچێ هه‌موو وه‌زاره‌تان يا كرى”.
هوشه‌نگى گۆت ژى”به‌رپرسێن به‌غدا داخوازكريه ليستا مووچێ هه‌موو فه‌رمانبه‌رێن هه‌رێمێ ڤرێكه‌ين، ئه‌و فه‌رمانبه‌رێن گرێبه‌ست ژى، ليست يا هاتيه دروستكرن وب ئێمه‌يلى دێ بۆ ڤرێكه‌ين”.
نيشاندان
